至尊滿屋日本料理 (已結業)

男朋友成日叫住話要食放題, 佢就自己book埋餐廳等我收工帶我去食我地都係第一次食呢間至尊滿屋, 因為食8點9既時段, 加上平日既關係, 所以人流唔會好多~餐廳環境都好大, 唔會話坐得好迫~一坐低就梗係睇叫咩食啦真係勁多張紙勁多選擇~刺身壽司串燒天婦羅熟食全部都有, 真係花多眼亂~飲品就可以係出面既雪櫃架, 仲有甜品食架~刺身都好新鮮, 壽司份量都算多推薦呢個牛柳粒燒蝦都好正天婦羅蝦~焗蠔~最後仲每人可以揀一個雪糕食tim~已經好耐冇食放題, 但估唔到呢間既水準都唔錯, 價錢唔會好貴, 下次可以再黎食

今日試下行開旺角，經過瓊華中心見到水牌有至尊滿屋放題，好似幾抵下，就同朋友上左去試。去到見到餐廳仲未坐滿人，所以唔駛等位。坐底先叫了青瓜沙律和鳳爪。沙律開胃，鳳爪亦都酸酸甜甜，味道唔錯。好快就上左盆刺身，魚生等等都好厚切，亦都非常新鮮，最令人驚喜就係蝦刺身超級巨型，食落十分鮮甜。熟食都有好多選擇，好似燒蝦、牛柳粒、羊架等等，牛柳粒燒得不錯，咬落亦很JUICY。特別推介試下個蟹粥，蟹嘅鮮味入晒去粥度，一個人可以不知不覺食晒成煲。另外還叫了蟹肉飯，蟹肉份量不少，加上有蟹膏撈飯，好正！ 甜品方面年糕亦都非常好味，有我最鍾意嘅日式年糕，最後仲有MOVENPICK同Haagen dazs雪糕，2款季節限定味道俾你選擇。外面仲有飲品甜品攞，夠晒方便！上菜速度夠快，又成日換碟，味道及水準亦值回票價，下次會再來！

明明餐廳是2小時放題，我和男朋友食第一輪1730時段，根本未夠離座時間，我口中還在吃壽司時就被侍應在一分鐘內催了我三次叫我離座！離晒大譜！侍應說不是我在催你，是出面reception 同事催你！豈有此理，其實無論是誰催我，在顧客角度來說都是一樣！如果下一個時段的人需要準時入座，那麼我同樣作為顧客，都好應該有準時離座的權利！！！餐廳食品質素一般！但服務態度實在不能夠接受！！我不是懶死不走的顧客，我只是希望在我應有的用餐時間內食畢我的晚餐！此餐廳我永不會再光顧！實在令人失望！

旺角有好多間放題，本人都食過唔少唔同嘅放題餐廳。今日lunch嚟到呢一間瓊華中心樓上嘅至尊滿屋，地點方便，價錢唔算貴。呢度歷史應該冇其他老牌放題咁長，但食物水準侍應態度等等方面都好好！放題刺身一定唔少得，講真，呢一度刺身嘅款式不算多，但勝在每一塊都好厚肉，食落都好新鮮！其餘典型嘅日本食物當然唔少得啦，有天婦羅、串燒、壽司、手卷等等，有時越簡單嘅食物就越難整得好食，我同友人覺得最好食都係燒冬菇，乾身得來一咬落去又有汁湧出來，有菇味，加上少少鹽，好好味。當然都唔少得好多平時放題會見到嘅食物，例如燒羊架、粟米、蟹子沙律等等，熱食既就全部熱辣辣，羊架大大件，粟米亦好大份！最特別的就是呢度會有蟹粥同埋蟹膏蟹肉煲仔飯，其他放題地方好少有，好特別好滿足！出面有任攞飲品同甜品，最後仲送埋Haagen Dazs 雪榚！ 值得一提，呢度侍應態度超級好，會提點應該食邊樣食物先，例如手卷紫菜會好快林，所以要食先。另外，佢哋成日都會幫我地玩碟，可見佢哋嘅細心！

親戚想食放題，咁啱瓊華個位就腳，就決定4個人一齊去試下。可能因為係平日午市，客人唔算太多，訂左枱即刻就入得。去到先知原本平日仲有set lunch揀，價錢唔貴，打算下次黎試下。有成個飲品雪櫃任拎，而且仲可以寫紙嗌特飲。試左藍糖白桃梳打同紫貝天葵白桃梳打，藍糖較甜，紫貝天葵好開胃，顏色鮮豔小朋友都好鍾意。落左單冇幾耐刺身上枱啦～各款刺身都好新鮮，最鍾意三文魚刺身同大赤蝦刺身，三文魚夠肥美，赤蝦多肉大隻，呢個價錢比到咁高質素嘅刺身，絕對抵食！另外燒羊架都好值得推介，我平時好少食羊肉，因為燒得唔好或者羊肉唔靚就會好騷，但呢度食嘅羊架完全唔怕，好好食～仲有炸物同天婦羅即炸即上枱，香口夠脆。最后食埋甜品同haagen-dazs同movenpick雪糕，非常滿足

同朋友慶祝生日問佢想食咩佢話想食放題，即刻上網睇下有邊間好食，見到呢個至尊放題咁多個舔舔脷，即刻book位試下。建議大家，一定要book位，一出𨋢人山人海，無book位應該要等好耐，真係好彩我有book到位首先，一坐低即刻叫左盆刺身食先，睇個樣都覺得好新鮮食落口真係好鮮，甜蝦大大隻，我最欣賞係佢既油甘魚，放題都食到咁既質素真係好難得再黎叫左個蟹膏蟹肉飯，蟹肉仲多過d飯😂撈勻後食落口啖啖蟹肉，正啊！大家一定要試下呢到既三文魚腩壽司，新鮮得黎帶有油甘味，食落口油而不膩，好好味，我一個女仔都食左5舊我食放題一定要食牛油粟米😂😂😂純粹個人喜好。尾聲當然要食雪糕啦，呢到最特別既係竟然有榴槤雪糕揀，真係好少放題會有榴槤雪糕，正！

同朋友行開旺角，朋友提議去食日本放題，行吓行吓見到呢間放題餐廳，之前都聽過幾間差唔多名嘅，雖然唔知係咪同一個集團，不過冇所謂啦都係決定上去試吓，上到去唔算好多人，地方都算幾大，又乾淨，打開個Menu都有唔少嘅選擇，有魚生、壽司同埋熟食等等，而且飲品都有唔錯選擇，除咗一般汽水之外，仲有啤酒同埋hoegarden揀，魚生都好新鮮，而且好大件，油甘魚同牡丹蝦，比較出色，而熟食方面，炸香芋球同埋羊肉都係唔錯嘅選擇，食到最咪仲有雪糕添！

由於唔想夜晚食得太飽嘅關係, 所以今日嘅放題係喺下晝嗰度食嘅, 之前就已經book咗位啦 嚟到都唔使排隊可以直接入去, 簡單介紹完飲品係自助之後就自己剔啲嘢食。 頭盤當然係食咗刺身先啦, 一上啲帶子真係令人好開心 , 因為佢係原粒嘅就唔係切到好細好薄, 所以都好好咬口, 跟住個蝦又勁大隻, 其實晨早流流食唔到好多嘢, 都12點嫁啦,哈哈! 不過啲嘢真係新鮮,所以都係不停食!!有海膽手捲舊飯又唔大都食得過呀飲品都好多嘢簡仲有hoegarden同埋有清酒添!個炸香芋好好食呀熟食都好食 真係可以嚟消磨你一個中午嘅時間

又黎到想食乜就食乜時間，行過瓊華好多啊姨係到派紙，見到放題想食就上去試下。我諗無乜邊個一坐低唔係即刻畫刺身架啦😂盆刺身一上枱已經嘩左一聲，食落口竟然好新鮮，放題有咁既質素好少有！d壽司🍣個樣完全見得下人，雖然係放題但係完全無hea整，唔會話飯大大舊，好少餸咁，仲要好味，軍艦既紫菜送到上枱仲要脆架，認真唔錯！三文魚腩好新鮮，超出左放題水準，大家黎呢到一定要試下！食放題一定要叫既芝麻雞翼啊！正！呢到竟然有豉椒炒蜆，真心唔錯，炒到有大排檔風味咁。呢到既雪糕唔係x雀唔係x奶x司，係moven pick同haggen dazs啊！好高級😂仲有唔常見既榴槤雪糕。🍦呢個放題食得好滿足，性價比高，正！

又係放題時間！今次御滿屋值得推介。我入到呢間餐廳有一個有趣嘅畫面，就係好多小朋友喎！呢度座位比較寛敞，同埋可能佢都多熟食同甜品啦！雖然個場都幾大，佢地上菜速度都好快，亦都無漏單，抵讚！D刺身都好新鮮，最鐘意係海膽軍艦，係咁encore! 鐘意黑白松露就要試黑松露油甘魚同白松露吞拿魚壽司。飲品種類非常多，好多款都想試，除左普通汽水、有mini版鴻福堂、cc 蘋果汁、cc 提子汁，lotte 果汁都有好多款，有芒果、蘆薈奇異果、士多啤梨蘆薈、菠蘿同檸檬。酒類有hite, stout黑啤 , Hoegaarden 水果味啤酒、梅酒同清酒乜都有。出面有自助bar,有湯、有灼蝦、炸餃子仲有一杯杯迷你甜品，仲有小朋友至愛嘅爆谷添，好多款都想食但已經好飽，食唔到喇，淨係試左朱古力味甜品杯，唔太甜，都唔錯。最後一人一個雪糕，有movenpick 同 Haagen dazs可以選擇，仲有一個季節限定 ，就係榴連雪糕。真係值得推介！

同朋友係乜都想食既情況下，就決定預約呢間至尊滿屋放題，我地約左8點鐘，去到非常多人呢不過等左唔洗5分鐘已經可以入座位！門口經理安排得很好👍🏻飲品選用自助形式，可以到飲品櫃自行選擇，我就簡左柚子味既汽水！出面仲有水果同甜品選擇呢三文魚壽司唔好以為放題食材都比較普通，我覺得呢個三文魚十分不錯，魚片切得厚薄適中！味道十分新鮮呢！灼燒三文魚壽司輕輕燒過既三文魚更香，皮微脆，加埋沙律醬仲正！饅魚壽司醬汁調味很好👍🏻壽司飯都很不錯，唔會一夾就散，放題質素黎講十分不錯串燒甘薯，甜甜既甘薯燒過之後味道更香濃，入口好甜，忍唔住叫多份鹽燒雞翼，令我驚喜既雞翼，外皮非常金黃香脆！鹽既調味恰當好處，十分惹味！好中意食雞翼既我見到另一款雞翼，都叫埋黎試下，芝麻好香口，唔會好油，食落外皮都好脆口甜品有哈根達斯雪糕，有成9種雪糕既選擇，正我地叫左咁多種類既食物，上菜都非常快，亦都無漏單既情況，侍應服務態度良好，值得一讚下次同朋友去旺角會再黎食

同朋友係旺角行完街,我想食壽司朋友想食熱野,於是提議食放題,8:00來到,唔洗點等位,太好~~ 野食款式有好多,刺身好新鮮,海膽手卷都非常新鮮👍🏻,一啲腥味都無,朋友中意食熱食,所以點左蟹粥同鳥冬食,鳥冬是稻庭鳥冬👍🏻,蟹粥原隻蟹腳一齊煮,好香<必食推介>炸天婦羅熱辣辣岩岩炸好,食吾到炸粉既感覺,好喜歡食,牛舌用蒜香炒，好香蒜香味,一啲都吾會‘銀’order左好多野食完全無漏單,非常好,而且上菜速度好快。食飽後仲有9款雪糕簡,放題來說 算係很高質素，下次再來旺角行街會再食

通常去旺角食日式放題都是大喜X的出名食店，今天屋企人話想食呢間，又真係唔錯，所以介紹给大家。首先係人人都愛吃的刺身。兩個字新鮮。蘆薈沙律，一個字甘。鹽燒海老，一個字，咸。鹽燒羊架，一個字，軟。鹽燒雞翼，一個字，乾。芝蔴雞翼，一個字，脆。鹽燒鱿魚，一個字，香。串燒紫薯，一個字，彈。白桃梳打，雪糕，一個字，甜。茘枝梳打，一個字，香。清酒，一個字，醇。總括來說，這是一間值得一試的日式放題，價錢係星期一至三最平，七點半前埋單成人每位188。

見滿屋有得放題又有熟食,一次過滿足哂我同朋友既願望,於是就訂左枱夜晚食呢間上到去人頭湧湧,好多人等位,心諗咁多人食應該質素唔錯因為訂左枱既關係等左五分鐘左右就入得點知埋到位見到枱好細,細到只可以放到一碟壽司同一碟刺身就已經滿,所以我同朋友都唔敢一次過叫太多野食放題一定要食刺身,所以一開始就叫左三文魚、象拔蚌、帶子、蝦,但當刺身黎到既時候,就隱約嗅到味道好似麻麻地,食落就知唔新鮮之後就放棄刺身攻熟食,我地叫左牛油粟米、什菜、天婦羅南瓜、番薯仔、串燒黑豚肉、串燒牛舌等但我冇諗過呢D熟食都會唔好食,牛油粟米好硬,有雪藏既感覺,什菜冇咩味,天婦羅南瓜、番薯仔好似整左好耐咁,又凍又唔脆，可以用腍黎形容,串燒黑豚肉同牛舌上面得D調味粉入面冇味,又燒到乾哂每樣食物都唔好食,放題應該都要有一定質素先留到客人

+職員好有耐性，搵唔到張網上QRcode都會企你隔離等，甚至幫你揾+魚生普遍切得比其他放題厚身，口感唔錯+熟食方面羊架比其他放題較嫩，唔會overcook+唔會減份量（唔知係唔係因為我六個人）-芥末只會每人比一包，唔會有一大兜（雖然應該可以再問佢攞）-廁所無梘液-特飲唔建議嗌熒光藍色藥水味果杯