影片
營業時間
今日營業
11:00 - 22:30
星期一至日
11:00 - 22:30
以上資料只供參考, 請與餐廳確認詳情
【灣仔區】【自家麵】我自己一個喺銅鑼灣渣甸街揀嘢食，見到呢間我就記得之前同美女朋友食過佢哋啲外賣，覺得幾正，於是今次堂食都照食返佢啦。叫咗自家製餃子 $58 嘅「京蔥鮮豬肉」十隻，幾香京蔥味，冇揀錯，係唔錯。嘢飲加 $9 飲「熱檸蜜」，就正正常常冇乜特別。之後叫多個自家手工餡餅，要 $39 嘅原味「純牛肉手工餡餅」，仲有得切埋，幾好，味道都幾香牛肉味，幾有特色。埋單 $106，係咁上下。反正出開 post 就講埋之前嗰次，美女朋友食 $70.2 嘅原味「手撕雞涼麵」，要幼麵、微辣，飲「可樂」，佢幾中意食。我個係 $92.7 嘅原味「薄切羊肉手功麵」，要寬麵、清湯，飲「鹹檸七」，個麵底反而係最好嘅。另外我哋 share 食 $63 嘅「韮菜鮮豬肉水餃」同 $63.9 嘅「粟米鮮豬肉水餃」各十隻，連埋 $42.3 嘅「口水雞翼」，都唔錯，經 網上外賣平台叫就 $332.1 埋單囉。。。（地址：銅鑼灣渣甸街57號地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am灣仔區 #銅鑼灣 #天后 #自家麵 #薄切羊肉手功麵 #鹹檸七 #手撕雞涼麵 #可樂 #韮菜鮮豬肉水餃 #口水雞翼 #粟米鮮豬肉水餃 #京蔥鮮豬肉餃 #熱檸蜜 #純牛肉手工餡餅 #1am1752 #1ambackup
繼續閱讀
喺銅鑼灣放lunch，撞入間小店試佢碗「牛肉中辣麵」，結果有驚喜！首先，個**麵質真係要讚**！煮得啱啱好，夠晒**彈牙**，咬落去有口感，唔會淋pat pat，食得出係用心煮嘅。主角**鮮牛肉**份量合理，最重要係**夠新鮮**！肉質軟嫩唔韌，冇雪藏味，咬落仲有少少肉汁，唔似啲擺到乾哂嘅貨色。至於個「中辣」湯底，真係**辣得過癮**！辣度夠勁之餘，仲**帶住一股麻香**，越食越惹味，食完成個嘴都仲有少少麻，好正宗嘅川味感覺。最難得係**食完唔覺口渴**，應該落味精唔多，或者真係冇落，食得安心啲。以銅鑼灣地段，**七十蚊左右**有咁嘅質素，真心覺得**好抵食**！麵彈、肉鮮、湯底麻辣夠香又唔濫用味精，絕對係水準之上。如果想喺銅鑼灣食碗有誠意嘅辣牛肉麵，呢碗值得一試！(怕辣嘅朋友可能要叫小辣先)
繼續閱讀
當晚啱啱做完Facial，落住頗大雨，感覺就特別餓。落街就見到「自家麵」謝斐道新店開張，二話不說就入去幫襯之前喺渣甸街已經開始留意佢唔試過唔知水準到邊個level 估唔到嗌個麵都自配選擇還有我鍾意嘅胡椒湯底，寬麵亦都係我嘅心水，併配左一碗啱我口味嘅「滑雞手工麵 」先呷一口胡椒湯底，相當濃郁，胡椒味辛而不辣，不會飲到出曬汗，寬麵有厚度，入口煙靱有致，不會太過硬身，富小麥香氣，份量十足。去骨鷄肉份量慷慨大方，雞肉有彈性，冇雪味。配上不少生菜和芽菜，生菜翠綠；芽菜爽口，令成碗麵錦上路添花。
繼續閱讀
喺銅鑼灣剪完頭髮，一個人想簡單食，咁啱就見到呢間麵店，於是去試試，感覺都唔錯～滑雞手功面（寬面 清湯）😋有得俾你揀想要食邊款麵，麵身幾有咬口，軟硬適中，叫咗清湯唔會有味精味，飲落都幾清甜。雞肉唔鞋，份量都比想像中多，雖然價錢唔係特別平，但以銅鑼灣來講算係好抵食，大家去開附近想平食嘅話都推介👍👍
繼續閱讀
銅鑼灣分店已經食過幾次了👍🏻👍🏻👍🏻店內環境吾算好大，台之前會比較窄小小，都多人排隊，店員好似吾太足夠，如果有多1-2個就比較好。😍好喜歡鮮牛肉湯麵，好開心有幾款粗幼麵揀👏🏻而已有湯底選擇！試過幾款麵都非常彈牙，吾會太淋又吾會太硬！ 😻份量都算多～ 至於手撕雞涼拌麵都勁好味，份量都系好多，吾洗驚吾夠食😆 麵身都做到好彈牙，雞都好滑，不過個底會多水咗少少，可以系d麵過完冷河嘅水。 會繼續幫襯 因為真系好好味 下次再試其他款式🫶🏻
繼續閱讀