影片
營業時間
今日營業
12:00 - 16:00
17:00 - 22:00
星期一至日
12:00 - 16:00
17:00 - 22:00
公眾假期
12:00 - 16:00
17:00 - 22:00
公眾假期前夕
12:00 - 16:00
17:00 - 22:00
以上資料只供參考, 請與餐廳確認詳情
相關文章
凍凍地想食暖湯麵，諗起呢間未食過之前試咗Seoul noodles，成日分唔清兩間😂星期六有$68 lunch set包一款餃子、湯麵、汽水飲品不過原來得一款湯麵唔使加錢，所以最後決定散叫一嚟就有免費泡菜😍可以refill微辣，甜味較重，當菜撈麵食幾好▶️ 雞髀刀削麵 Chicken Noodle Soup ($78)大大碗暖粒粒♨️湯底味道濃郁，落咗唔少麻油，有啲似公仔麵湯底另外仲有好多配料：紫菜、蛋絲、薯仔、香蔥、蘑菇等令湯麵冇咁單調，口感都豐富好多刀削麵好正🥹煙煙韌韌，似烏冬又似拉麵🍜超上癮雞髀大件多肉，雞味相對淡，不過肉質唔算好乾🍗食完仲想食多碗haha (但其實佢份量好足)-比預期出色🤤刀削麵質真心好好味好耐冇食過啲咁煙韌有嚼口嘅麵即使好多野都係自助，侍應服務態度唔錯環境一般，因為自己一個食，同時又多食客，要同人搭枱個人覺得同seoul noodles雖然相似，但各有各做得好嘅地方👍🏻麵質、湯底就呢間好啲Seoul noodles雞髀多肉啲滿足啲價錢方面兩間差唔多，今次賣單$78唔收加一即使開咗咁耐，依然保持人氣，要等位排長龍，好彩當日早咗啲去💕
繼續閱讀
真係忍唔住要同大家分享呢間韓國刀削麵！早排同男朋友特登去試，排咗30分鐘先入到去，真係等到少少唔耐煩嘅。不過一食到個麵就即刻冇晒怨氣！個湯底真係好得，飲第一啖就知同平時食開嘅即沖湯底完全唔同，鮮甜得嚟好濃郁，飲完成個人都暖笠笠。每條麵都粗幼適中，咬落去煙韌得嚟帶少少彈牙，仲有陣陣蛋香。超好食！我嗌咗個花蛤刀削麵，男朋友嗌咗個鯷魚刀削麵。兩碗都有蛋絲同紫菜係麵上面，花蛤份量唔少，鯷魚嗰碗就冇肉，得啲紫菜蛋絲同少少翠肉瓜，食肉獸嘅朋友就要留意啦！份量真係大得誇張，差啲就食唔晒。價錢都合理，人均80蚊左右。環境雖然細細間，但裝修幾有韓國feel，牆上menu都係韓文，幾有氣氛。
繼續閱讀
估唔到興咗一年有多，位於尖沙咀山林道嘅韓式刀削麵舖頭水準都仍然保持咁正🤩雖然間舖頭有啲細，但係同朋友一齊坐都唔會好迫逼夾，店員都好親切‼️🔆豆汁冷麵$78 喺香港接近夏天嘅春天食到一碗咁爽嘅冷麵真係透心涼❗️🔆海鮮韭菜煎餅$68煎餅食落嚟一啲都唔會太油膩，平時唔鍾意食韭菜嘅朋友都覺得煎餅脆卜卜，海鮮嘅鮮味都冇比韭菜蓋過😝餐廳就坐會附送即醃嘅泡菜😋夾住麵食又係一個新嘅配搭🥳如果間唔中想同朋友過吓韓國癮，呢間刀削麵都會係唔錯嘅選擇😎
繼續閱讀
星期六早上12點多，剛好有座位（需要搭枱）不用等，叫了2個午市套餐，分別叫了豬肉餃子和泡菜餃子，牛骨湯刀削麵和雞髀刀削麵：（1）牛骨湯刀削麵+大豬肉餃子（$88）牛骨湯底味道濃厚，牛肉片較淡，相對比較清，可以加點泡菜調味會好吃些。（2）雞髀刀削麵+ 大泡菜餃子（$88）餐牌備注了含有牛骨湯，又有雞湯味，味道相對比較濃，好味！雞髀肉不會太柴、味道可以，個人比較喜歡這個湯底，喝了不少！泡菜餃子比豬肉好吃，推薦！至於主角～自家製韓國刀削麵，我覺得麵條太粗，口感亦太煙靭，不是太喜歡，個人比較喜歡扁身麵條，掛湯多點入味點比較好吃。午市$88還有支裝水或罐裝汽水算是性價比高的，吃完出來門外已經有接近20人排隊，就不知道是電視效應還是回頭客了。
繼續閱讀
我宣布從來未食過咁難食嘅韓國嘢.1. 辣刀削拌麵個麵又硬又鹹又無料得兩片牛腱然後個面根本就唔係人咬100分內有120分難咬斷鹹而無味，根本唔係幻想中辣拌麵嘅味道🤢🤢🤢🤢🤢🤢🤢🤢俾友人試咗幾啖 佢都得啖笑.2. 豆汁麵友人衝住豆汁麵嚟食湯底無特別，呢碗仲慘得青青絲作料完全冇特別嘅香滑豆香味十分清淡而零特別.3. 泡菜牛肉煎餅根本唔係平時韓國餐廳嗰一種嘅質感同埋質素佢嘅餅皮十分厚食落去有一層好厚嘅麵糊雖則叫牛肉煎餅，但係牛味係無.可以讚嘅一樣就係泡菜可以無限refill 但係比較起一般嘅韓國餐廳嚟講，佢嘅泡菜十分一般平時食韓國餐廳都好期待食到自己醃製嘅泡菜但係佢嘅泡菜真係食一兩舊就唔想食.然而呢個質素仲要排隊，仲要收+1服務費😴👻🥱😵😵😵👎🏻👎🏻👎🏻👎🏻.真係唔理解，點解可以咁多好評？.見到隔籬枱嗰啲都食剩好多麵
繼續閱讀
您可能會有興趣的...