自家燒吧 (已結業)

網上看多人介紹，所以來試一試，的確新奇創意十足，環境ok，但當實際食時，感到非常需時，難分熟生，希望出指引指出食品烹調時間，最後價錢與期望體驗有小小出入。難當晩飯，小食ok

呢一間燒烤餐廳之前已經聽爸爸講過，佢非常之有興趣，因為唔需要自己燒。👍🏼燒烤爐會為串燒自轉🍢，唔使自己動手之餘亦都可以將食物均勻地燒熟🤤，非常方便。呢間燒烤店真係值得一去👍🏼，⭐️賣點之一嘅燒烤爐除左可以將串燒自轉外，仲有抽煙味嘅功能，坦白講要冇燒肉味係冇可能，但相比起其他燒肉店，味道真係相對少左好多味，衣服上吸到嘅味道都少左。😆⭐️多款嘅調味料為左鎖住肉同串燒嘅水份，佢會提供蜜糖俾人塗上，燒到中段就可以塗唔同嘅醬汁調味，佢仲有檸檬🍋茄汁同泰式辣汁🌶。⭐️另外有提供孜然粉，正常味、辣味同花生味。粉可以放去碟上面，服務員提我地唔好係燒緊嘅時候灑粉，因為氣流可能會令人吸到粉。⭐️食物種類多自助區除左唔同肉類嘅串燒，佢仲有唔同嘅熟食，沙拉，前菜，水果🥭等等桌上仲有點菜紙同一d額外加錢嘅海鮮🦞串燒。我叫左個幾款都幾好食，例如菠蘿炒飯同日式炸餃子🥟。⭐️我最欣賞嘅係佢有提供水吧嘅檸檬茶！😍我其實係好鐘意飲水吧整嘅野飲，因為可以自己決定甜度，冰量等，再加上紙包飲品比較甜。⭐️整體黎講呢間真係高質，價錢都合理，如果有計劃黎就建議預先訂位，我見佢場地雖大，都keep住好多人入座，相當受歡迎。

自家燒吧係一間燒烤餐廳，佢特別之處就係佢個燒烤爐，唔駛我地自己拎住燒，又唔駛我地自己反，個爐經過齒輪嘅配合幫我地360度完美燒出烤雞翼。除咗燒烤方法特別，佢地嘅嘢食都好豐富，首先講燒烤食物，牛、雞、豬及羊肉串都有齊晒仲有細茄、栗米、翠玉瓜、紫心蕃薯及棉花糖等肉串方面都OK，可以接受。不過我相信可能係自己燒得太熟有所影響，但特別介紹係翠玉瓜，燒烤後係滿滿清甜嘅水份，成枱人每人都要食三串，大讚!其次燒烤醬料都好緊要除左配蜜糖及海鹽，餐廳仲有孜然粉比大家選擇，仲有三款口味咁多，分別係原味、辣味及花生。 除咗燒烤，餐廳都會提供熟食及冷盤，大凍櫃有日式沙律前菜及水果，熱盤有焗蠔、餃子、炒蜆、雞翼及薯條等...飲品除咗罐裝嘢飲外，仲可以叫手沖特飲或凍檸茶最後一個小凍櫃有埋雪糕雪條食，燒烤未熟時有得食住先都唔錯。餐廳方面整潔，員工服務好貼心，每枱人都會介紹燒烤爐用法、醬料介紹、生/熟食物夾。2.5小時的燒烤體驗有一個好滿足嘅晚上。

生日黎左試懶人BBQ準時5點放人入去，位置好寬敞，2個人比4人枱～坐低就出左去拎啲熟食先，試左蠔、蜆、有少少炸野～但個人鐘意佢凍櫃入面嘅野食多啲～有至鐘意嘅日式八爪魚🐙同螺肉重重有啲小食，好得意～煙三文魚夾住蛋、蕃茄、青瓜，但個底係麥芽餅乾另一款係饅魚面，底夾朱古力威化感覺幾得意，我唔抗拒，覺得唔錯喎～哈哈之後每枱都有送左嘅煎鵝肝職員幫我地開左爐後就講解，燒得最耐會係雞翼，大約10分鐘～醬汁我都係最鐘意燒汁，惹味啲肉類：牛肉，覺得係正常唔差，但肉味唔夠雞肉，嫩滑，加埋啲醬汁好好味羊肉，最有驚喜，老公食左好幾串係燒嘅過程當中可以傾下計，聞到佢越燒越香就準備食啦特意點都要燒下綿花糖

同事介紹好味所以過左黎試，位置好方便，就係駱駝漆大廈，喺觀塘站B出口行過黎都係7分鐘左右。我當日晏晝wtsapp幫我去超乎我預料咁忙座位兩個人因為去常樂起碼可以坐到一共六個人嘅枱食物櫃選擇唔算太多，雞牛羊豬，墨魚丸、牛丸、秋葵、翠玉瓜、波羅、秋刀魚等,待應好有耐性教點樣燒，好簡地將串燒花花托位放上鍊度就可以，由於串燒有體積唔可能每行都擺到串燒，只能隔一行放一條串燒，溫度適中，食物好快熟，仲有燒醬、酸辣醬同茄汁可以搽上去串燒，我地主力用燒汁搽上去都好夠味，呢間店嘅串燒基本上冇點調味過，因為醬汁同調味粉都係客人自己落，變相食完唔會好似普通串燒店咁口渴，而且除左雪櫃嘅罐裝飲品任拎之外，可以無限點檸茶檸水類餐茶兩個人每人$218+10%，屬於過下癮嘅串燒店。

經朋友推介官塘駱駝漆大廈內有間『自家燒吧』，連朋友一行9人親身到試。1)先講一下場地因在工廈裡地方非常寬敞環境舒適，非常適合三五知己朋友聚餐。2)食物方面燒物推介：燒生蠔及帶子非常新鮮野味😋，美國牛肩肉串好有牛味。飲品方面：signature collection顏色繽紛🍹，款款各有特式😎好味😋3)調味料：多種調味料，當中普通的孜然粉都較外面吃過的份外香同好味，仲有（特辣孜然粉）啱晒我辣妹口味🤗🌠店員笑容滿臉😁熱情招呼，令客人感覺賓至如歸。💞

之前睇雜誌發現左呢間自助燒吧，不過覺得晚市放題都貴，所以下晝黎試下，價錢之外亦都比雜誌講到唔會食到件衫成陣味吸引左，（平時燒烤/打邊爐一定件衫同埋啲頭髮都會成陣油煙味）不過一去到已經係門口聞到好大陣味，到最後食完啲衫都係有味既，唯一話岩既係冇油煙。 因為未試過呢種燒烤，都唔係好識操作，職員都唔係即時教點用，所以係自己摸索，食物都幾好食，但除左知係豬牛雞羊就唔知係咩黎，如果有埋名會好啲。除左烤既食物，仲有啲熟食，試下個蠔同埋通菜，蠔麻麻地，通菜大份但啲菜比較老。如果再幫襯都只會下晝黎，一定唔會夜晚黎食，夜晚食唔抵。我諗最鐘意係坐位闊落，唔似其他餐廳會好逼，但唔肯定晚市係咪一樣。

朋友話星期五放工一齊食個飯， 佢哋揀咗觀塘 工業大廈嘅呢一間自家燒吧～我哋提早咗一個星期去訂位， book咗七點鐘三個人， 每位238蚊加一， 佢地嘅職員話如果四個人會送海鮮船， 但好可惜我哋只係有三個人所以就食唔到去嘅海鮮船喇我哋6點50分去到， 個場都只係得好少人，佢呢度嘅枱張張都好大張，三個人坐好鬆動我見到人哋六個人都係坐我哋三個人坐嗰種枱呢度嘅嘢食大部分都係自助，自己去攞嘅，種類其實就吾算多，都係好大路個d老實講，野食就真係麻麻地，但238蚊呢個價任食又吾可以有太多要求喇最好既係呢度凍檸茶個d 都係 任飲唔使一味要飲 汽水。。。 佢嘅焗蠔都係我幾推介嘅

星期六，約左3位朋友係觀塘apm睇15:00場戲，趁開場前，係駱駝漆附近簡左自家燒吧食中午飯。首先上到去，無咩人，得一兩張枱有坐到人。心想不妙，點解那麼少人呢？會不會是伏呢？希望不會是。反正都黎到，就比機會佢地啦我地4人叫左3個lunch set，仲另外叫了10串串燒原來串燒會自己轉，好搞笑。賣相吸引而且味道不錯好surprise 重點，轉轉轉串燒，好得意😎燒個時擦上蜜糖，等佢慢慢轉，慢慢入味。整體，服務可接受，食物味道好正

嘢食質素唔錯，除咗串燒仲有水果 甜品 雪糕炒烏冬等等，薯條就差左少少 凍檸茶偏淡，其他都好好味，燒得快；Book台＆確認電話由唔同人接，兩位員工講嘢都好真誠同有禮貌 當日服務態度都好好:100分!

We recently discovered that this place had opened in Kwun Tong and decided to give it a try and so glad we did! Whilst it may not be in the most convenient location; hidden away in the Camel paint industrial building around the corner from the busy streets, it really wasn't so hard to find and was definitely worth the trip over.So basically it's a buffet whereby you help yourself to the skewers that you want from the  open fridge and cook them one the self-rotating BBQ on your table. There are a

好多時都會冇啦啦想去燒野食！但又多野要準備好麻煩！今次我黎呢到食自助燒烤，食串燒！真係方便又唔錯！任食自助拎串燒，有紙可以寫野食！相信好多人冇飯落肚係唔得既！佢呢到除左串燒，仲有飯又有麵，但得就食唔到咁多！所以我冇叫到，但見隔離枱有叫，比較大碟！大胃王岩晒！賣相都唔錯！佢可以滿足到您自己燒，同朋友慢慢坐，慢慢食！又好多種類！不用口味既人士都岩！雞翼好好味！夠熱微辣！黑松露薯條也不錯！係唔夠熱！個夾for係條串燒度夾啲食物出黎 一人一個 ！好方便！另有生肉夾！菊花茶（右）偏淡，但食咗熱氣野，飲下清清地既菊花茶都ok！如果有四人以上，就會送海鮮盤！

聖誕🎄前夕同好友相聚係自然不過既事 我地兩個人又諗唔到食咩好 見到上網有人介紹哩間自家燒吧🌱一於訂座試試😬上openrice睇返餐廳資料同食評 發現以前餐廳係單點為主 宜家就以放題任食形式 自己食乜自己拎😍拎到既串燒都可以放上去燒烤爐上等佢慢慢地360度自轉 每個客人一開始可能會有點徬惶 但放心店員會細心講解 到最後大家都會變成「懶人燒烤」既高手🤓😎 店員會說明燒烤機如何操作 當中既技巧 燒烤時所用到既醬汁 枱上運用到既工具🍴枱上仲有孜然粉比你灑上去調味 有三款 原味 花生孜然 同辣味孜然 鐘意重口味既朋友唔可以錯過🤤出面有大雪櫃放咗唔少款式既肉類 蔬菜 丸類 夾夾埋埋都有二十幾款 標籤得幾清楚 好容易簡到自己想食咩😘 同埋幾企理同乾淨 一旦某款食物比人拎唒 店員都幾快手補充返🤤 肉類款式有牛羊雞 各樣都有幾款🤘🏻生熟可以自己調教 味道同質素整體都唔差 我最鐘意食牛肉 唔韌帶牛味 仲同本身所醃好既味幾夾✌🏻 食野邊會淨食而唔飲野 餐廳大部分飲品都可以由飲品櫃拎 而部分飲品可以自己係點 係即叫即製既 我最鐘意就係凍檸🍋茶 夠凍 檸檬唔苦之餘 茶底幾清香 唔澀👍🏻食左咁多肉類 要燒下菠蘿🍍

朋友介紹觀塘開左間新的串燒店，新張期內放題仲有88折優惠(去到12月23咋)！我同男朋友上星期趁仲有優惠就黎試下。星期一至四晚任食放題原價每人都係只須$218咋，好抵！呢到的特色係自助燒烤，裡頭有每一張長枱都有一個燒烤爐，一坐低就有員工講解使用方法。原來燒烤爐兩邊都設有運輸帶，只要我地按住指示把所有串燒都放係帶上嘅扣，咁就可以好舒服咁等運輸帶幫我地轉動串燒黎燒，認真方便窩心！😍至於食物方面，以串燒為主，大家都可以隨意到自助吧去任意選取自己愛食嘅串燒，出面款式好多，有牛肉、豬肉、雞肉、雞翼、燒賣、番茄、菠蘿等等，大部分串燒發燒友想要嘅都應有盡有，所有串燒都好新鮮。自助吧除左有串燒，仲都有一d小食例如焗蠔，蜆、螺等等，都非常滋味如果覺得放題自助吧都不足夠，另外仲可以加錢叫其他特色串燒，我地就加叫左兩串蝦黎燒，味道相當好！我同男朋友都好享受今次燒烤晚餐超抵食又好玩！

轉轉轉自己燒串燒! 🍡🍢平時食串燒都係點紙仔然後等等等等等等等到天昏地暗都未黎仲要每次上都得兩串咁.觀塘新開的串燒店幾有新意噃，自己出去拎串燒自己燒埋仲有少量甜品生果俾你自己出去拎不過今次冇試到有唔少牛串雖然食落去味道差唔多咁個日本紫蕃薯仔幾好食雖然係冇串燒店咁多款式不過自己燒係好過癮同埋自己望到幾時食得係幾開心既佢仲有呢啲夾一人一個，方便你將熟既串燒夾番碟度食同埋味道都ok既另外都仲有少少熟食可以order總括黎講，$188 （9點後）任食串燒+任飲係ok既！燒菠蘿真係好好味！🍍