自助山

營業中

休息中

在朋友介紹下，預定左食晚餐自助餐。比多$55就有一個迷你生日蛋糕，可以加朱古力牌。食物方面：款式都幾多，特別甜品十分推介，款款都好正！不過凍海鮮就普通，感覺唔太新鮮。員工服務態度好好，生日蛋糕送上枱，主動幫手影相同執枱，收碟速度快。希望keep住高呢種高質素服務！唯一缺點，就係當好多人order bbq食物時，全埸充滿住燒烤既煙，好焗，建議可以加強/改善抽風系統。個風景真係一流，望住個晚景食真係好舒服！

之前見網上好多食評都讚好呢間餐廳，在疫情下又碰到同老婆一齊放假，於是就book枱食lunch,餐廳居高臨下，望到維港境色，我相信夜晚嚟個view仲正講番食物先，我最愛嘅食物大部份都係冇，例如生蠔，吞拿魚刺身，帶子刺身，鹅肝都冇，失望，凍海鲜最回本只有長腳蟹，但size算係細碼，不算鮮甜去到熟食區回本嘢得燒牛肉，冇羊架，冇燒豬脾，失望，刺身區只有五款，質數正常，正體如果唔係環境搭夠，純粹用自助午餐角度嚟睇，真係失望，埋單328加一，價錢一D都唔貴，可能係我對呢間餐廳有太大期望

自助山嘅旋轉餐廳首要就係欣賞個境同埋餐廳旋轉嘅特色一坐低嘅時候就感覺到舒舒服服享受一個午餐淨係睇個景都抵而且佢嘅食物多元化款式亦都好多 所以都算係一個意外嘅驚喜佢嘅魚生得四款選擇唔算太多不過就好新鮮凍海鮮方面唯一失色就係午餐冇生蠔食如果唔鍾意食冷盤熱食亦都好多選擇我最鍾意就係佢個燒味檔同埋天婦羅甜品亦都好多選擇有雪糕 有糖果夾餅 同蛋糕 仲有我最討厭食既馬卡龍添行到另一邊熱食枱仲有一籠籠蒸點心不過由於人數眾多每次只可以排隊攞兩籠整體而言享受咗一個舒適嘅午餐環境食物嘅多元化亦都算係有意外嘅驚喜

未黎過自助山，諗住試下啦，在6/30去食Lunch Buffet, 係職員幫你夾落隻碟，係衛生既，但真係好似"配給"，係熱食果度，職員每樣夾一塊，想話要多塊，已經閂埋蓋，好啦，再去天婦羅果度，一碟有6款，我話咁我要咩野咩野啦，職員已經唔耐煩話不如你話咩野唔要啦！！其實依兩Part 都無其他客人同時等緊，但唔知做咩好似好趕咁，又或者職員諗平時我都唔駛Serve 你地，而家又要做，所以咁啦！ 但老實講，依個時勢係咪，要注重Service 呢，同埋客人黎食自助餐係想任意拎野食，當然係合理份量啦，但唔係每款一件，就閂蓋lor！ 講返野食，係多種類，但最基本海鮮唔好食，熱食一般，甜品都多！ 回想以前澳門自助山，好好多！

Put it rather dramatically, this restauant was something like a light house, which I would search for to navigate in the nieghborhood. Stoop up on high among other high-rises in Wan Chai, The Grand Buffet was covered with mystery. The place is known for the extraordinary scenary on top, viewable in 360 degrees with full windows and itself - the restaurant - rotating while you sit and dine.We visit here for the lunch buffet. Unlike its unapproachable look, it is very conveniently located in the H

終於食到呢間自助山，野食款式幾多，好多選擇，但唯一就係冇生蠔食，,餐廳會慢慢咁轉，可以望出去嘅夜景相當之靚，但玻璃嘢在夜啲就開始起霧睇出邊個景就開始夢湖，但嘢食方便呢基本上每一樣嘢食都唔錯，一去到我先食海鮮凍盤先，長腳蟹腳十分肥美，仲有開邊龍蝦，另外佢哋嘅鵝肝多士都十分之好食,即叫即燒㗎，鵝肝仲好肥美添，佢仲有羊架同埋泰國大頭蝦，十分唔錯，另外甜品個方面呢佢哋啲榴槤甜品十分之好食，榴槤好出味，佢哋仲有炒雪糕添啊，啲朋友就話個海鹽焦糖蛋糕好好食，另外去到每人係有一杯餐飲。另外，我覺得呢間餐廳嘅印度嘢食就麻麻哋，我試咗佢哋嘅印度脆薄餅啦同埋呢個嘅印度烤羊肉串，印度薄餅個味道相當之鹹，烤羊肉串個味道十分之蘇。至於其他嘢食都滿意嘅，所以都有一個開心嘅晚上。

以前呢間餐廳一開嘅時候，經常聽到朋友講好難book，而且係要提早一兩個月去book先至有位，所以過咗幾年之後都仍然未試過呢一間餐廳自助餐。4月頭有日突然想食自助餐，就諗起呢間餐廳，喺疫情期間相信應該冇人夠膽幫襯，book 位應該隨時有位，當時我同朋友講話係呢個疫情高峰期要去食自助餐嘅時候，大家都覺得好瘋顛。準時去到合和66樓嘅旋轉餐廳去品嚐呢個自助山，而餐廳安排自助餐非常之好，每個食物區都會有員工站企喺嗰度，為顧客服務或者攞食物，二每次出去拎食物的時候都需要戴口罩戴上口罩，咁樣就會以減低嗰個傳染嘅風險，因此成晚都十分之安心地享受我嘅美味食物，再加上360度欣賞香港夜景，十分之美麗。當然自助山佢之所以咁出名，真係名符其實，講起佢嘅食物啦，食物水準相當之高比起很多出名酒店自助餐更勝一籌，而且佢堅持即使疫情期間亦沒有做任何嘅推廣優惠，佢嘅堅持有係有佢嘅價值所在。所以冷盤凍海鮮種類多，最愛凍龍蝦十分鮮甜，肉質彈牙，凍蟹腳也非常鮮，仲有麵包蟹扇貝和其他貝殼類，全晚食了好多隻龍蝦和蟹腳，另外魚生刺身壽司也少不了，食了好幾隻肥美鮮甜的牡丹蝦和吞拿魚帶子刺身。另外每人有一份鮑魚花膠海參燉盅，材料十足，

Went there in mid-June 2019. The food variety and quality are not worth the price. This is probably the most expensive bufffet in the city and offers no discount at all even in this economic environment, but the food quality is only comparable to a 4 star hotel. The buffet chefs are also very casual, they sound like 茶餐廳 when they take your food order, you just don’t expect this kind of service at this price. That said, regardless, the revolving restaurant with a billion dollar view is worth ever

坐住一架lift直達六十樓，係架lift度睇到好多靚風景，疫情關係，入門口俾咗一個口罩佬我哋裝口罩呢度啲景真係好靚，嗰日個天又好清一路食，一路睇睇無敵靚景即煎鵝肝配脆胞多士日式嗰part食物都好精緻真係好靚呢度居然有炒雪糕，我揀了奶茶味、雲呢拿味最後就梗係攻甜品啦，佢哋嘅榴連系列好味，有幾款甜品都加入榴槤⋯⋯正呢度計埋加一，閒日$790，熱食物唔多，質素過得去，但睇景一流⋯⋯可以一試

今晚我地三兄弟三個家庭連小朋友在自助山替老爸慶祝父親節，雖然價錢貴，但老爸年紀大，以為食好d，沒關係。 結果要分開兩張檯坐, 氣氛差左, 但可能限聚理由，理解，唔緊要。 食物比預期普通(例如沒有蠔) ，種類少，但都算好食， 可能客少市道差問題，理解，唔緊要。最唔習慣係食物台前好多食物都唔俾自己夾，要話由員工放到你碟上，就連湯同沙律都係(但試問沙律蔬菜番茄仔粟米等我想食既份量點樣每樣用口講俾你知?) 可能防疫理由卦，理解，唔緊要。 老媽後來唔舒服話暈，其實係因為個旋轉地台間中會窒一窒，似暈船浪作嘔，可能機械日久失修，理解，都唔緊要。奇怪係八點左右已經走埋黎叫我地點飲品, 大家先食左果一陣，結果d飲品早早放晒檯面，未飲d冰都溶晒。 九點半埋單俾埋貼士，臨走影準備大合照，各人走到兩檯之間時，突如其來有一男聲大喝(係大聲，係喝罵)一句 : "喂~!~刮~花~個~地~下~架~!"大家(包括其他顧客)嚇左一嚇擰轉頭睇乜事，我地鴉雀無聲，原來係一個帶眼鏡的餐廳中年部長近距離(五六呎)在喝罵老父! 原來老人家正話想把旁邊的二人組合小檯移開(可能佢想移開或已移開頂多兩三吋)方便大合照。我係裝修佬，當然一

記得去過澳門的自助山，冰鮮海鮮堆到成座山般高，十分驚喜。今次和朋友來到合和中心的旋轉自助餐廳，一路吃整個圓形餐廳會慢慢旋轉，欣賞風景一流。在餐廳內也能找到很多不同款式的冷盤、熱盤食物和甜品等，雖然選擇雖多，但美中不足的是以這個價格的食物賣相和質素和以前澳門的比較，頗有落差，令我和朋友均有少少失望。

自助山 (灣仔)灣仔皇后大道東183號合和中心62樓今日為大家介紹自助⛰️山，我想有好多朋友都有機會去過，這個地方風景優美，如果你們有去過自助餐吃自助餐也歡迎留言分享一下1）首先我會介紹冷盤區，一邊有日本刺身，一邊有沙律及冷盤日本帶子刺身，爽口味道甜美牡丹蝦刺身 ，不算太差，但不是很大隻冷盤龍蝦蟹子沙律🥗，味道清新2）海鮮區，有長腳蟹腳，麵包蟹，凍蝦，法國黑色青口，龍蝦仔，以上海鮮沒有什麼特別和平常你們去其他自助餐食的海鮮一樣味道，最可惜今次是沒有生蠔🦪，如果一餐自助餐沒有生蠔我覺得這一餐不能説是一餐完美的自助餐3）燒鵝肝，燒🦐，芝士消🦪，味道也不錯也燒得不會太乾身4）燒味部，我們嘗試了燒乳豬及燒鵝，燒豬脆口，燒鵝肉質嫩滑，可以一試5）熱盤區印度脆脆餅，有水準，可以做到印度🇮🇳風味美國肉眼牛扒，不是太香口，有🐂牛肉味尚可接受6）甜品如果你們都喜愛榴槤，不妨可以試榴槤糯米糍，皮簿榴槤肉香口但本人覺得這一餐的價錢如果是這些食物質素就不太值得，但如果你們因為這個風景而想去一試也可以

還記得當年自助山剛進駐香港，得預早數月預約才有位，幸好現在熱潮減退，今次去食平日午餐，提早1日在自助山網站book位便可，每位$328+10%(假日是$378+10%)一進場便看到窗外360度的景色，相當有氣派，餐廳緩緩轉動，客人邊吃邊欣賞如此居高臨下的美景，當然是雙重享受刺身包括三文魚、赤貝、八爪魚等，三文魚肥美，赤貝非常鮮甜，可媲美日本餐廳的質素，我refill了3次，大大隻蟹腳亦鮮甜肉嫩，可惜忘了拍照其他食物包括點心(燒賣最出色)、中菜及西菜等種類繁多，而午餐是沒有生蠔的，在此不詳述，因為我想說的是，自助山的甜品很高質，我幾乎每款也嘗了一次斑蘭椰汁芒果奶凍：這個超級好吃，我吃了3個，斑蘭椰汁味一向都好夾，這裡的做法不會死甜而且清香，令人忍不住再三回味雪糕：我試了奶茶味和士多啤梨，奶茶味好出，像將奶茶直接濃縮成雪糕一樣榛子朱古力蛋糕：所有朱古力甜品都帶一點點苦味，香濃軟滑，與我在法國餐廳吃的chocolate mousse有得揮其餘馬卡龍，一顆顆的朱古力，焦糖咖啡蛋糕，格仔餅等，全部都不會令你失望總括來說，自助山以平日午餐的價錢提供高品質又種類繁多的食物，我認為貴得物有所值

提前慶祝媽媽節，🥰🥰😍一眾家庭成員決左試呢間自助山！疫情之前肯定一位難求🦾，現在只要一星期提前訂位就可以🥴🥴旋轉餐廳，應該有三十年咪黎過！今次重遊舊地，百感交集！講返食物，朋友推薦燒牛肉，所以決定第一樣就食燒牛肉！🤤🤤賣相可以，但大半塊都係筋，肉味欠奉！醬汁亦是一般！🥱🥱這個佛跳牆，🙇‍♂️💁裏面的花膠應該是全晚最好的一款菜式！因為口感彈牙，🤙👄淋滑程度，亦係本人至愛，其他海参，鮑魚都係一般貨仔！👏成晚最多人排隊，👯‍♂️就是這個燒烤位置，分別有鵝肝，燒蝦，同聲稱🇯🇵日本和牛鵝肝燒得咪夠火候，🔥口感偏油，但吾會有異味！💁‍♂️(小弟猜測應該是鴨肝)燒蝦就不知所謂，隻隻都係霉既，🤦‍♂️直情一啲濕潤都無，乾爭爭！燒和牛，我第一次食甘既日本和牛，鞋過鞋底！同一般茶記牛柳無分別🤷‍♂️🤷‍♂️🤷‍♂️甜品亦都吾係酒店貨色，失望😢埋單八百幾蚊一位，呢個價錢，應該喺香港有好多選擇，你收得甘既價錢，交甘既幾百蚊貨色！😔😤唯一值得讚既，侍應既服務係好好，換碟亦超快，到外面拎食物時，亦有員工幫手夾食物！👍🏻🤝

以亞洲最長自助餐櫃檯聞名的自助山在澳門享負盛名，後來更進軍香港在灣仔合和中心開幕，曾經有一段時間更經常滿座需要提早數個月訂位，慶幸後來熱潮漸退終於可以有機會一試，雖然沒有預先訂座但當日臨時竟仍有座位。值得一提的是餐廳景色優美，在360度旋轉下維港夜景一覽無遺；食物集中圍繞於中間位置。整體而言食物選擇的確比一般自助餐多一點點，但以每位約八百多元的價格而言，食物水準仍尚有進步空間。當日大約八時到達，凍海鮮已所剩無幾，亦沒有生蠔供應，取而代之的是乾瘦如柴的焗蠔。一大重點是刺身方面有拖羅供應，而帆立貝更是原粒呈上，外表富有光澤不過兩者均鮮味欠奉。燒牛肉肉質軟腍，肉味較淡但油脂豐腴。鵝肝多士底層麵包略嫌乾韌，而且淋上鹹甜濃重的醬汁實在是畫蛇添足，雖然口感油潤但徹底蓋過鵝肝應有的油香。點心以迷你蒸籠盛載維持溫度，避免因食客不斷開合籠蓋而令點心變冷影響質素，但小籠包餡料比較乾實且欠缺肉汁。佛跳牆中有原隻鮑魚，真材實料。甜品方面有朱古力噴泉、雪糕及各款迷你西點，賣相精緻但味道千篇一律。榴槤甜品中以榴槤芝士撻及焦糖燉蛋最為出色，前者鬆脆後者軟滑，榴槤香馥郁醇厚，但榴槤糯米糍則屬急凍現成貨色，外皮硬實毫無