自助山

營業中

休息中

The food was slightly more expensive than its quality but staff were great. For first time diner, he or she may struggle a bit with the lift since you have to change lift twice to arrive to the restaurant. The restaurant is cute but not as classy as I think.The time I went to the restaurant with my daughter, it was serving set lunch with salad and dessert bars. The expense was around $1300 for two including tax.In general, it is a good place but not as high class as expected.

難得今次BOOK 到自助山, 一於試下佢地既LUNCH BUFFET。由於疫情關係, 而家大部份既食物都改為由餐廳既員工夾比食客, 雖然少左自己夾既樂趣, 但可以減少到客人直接接觸食物既風險, 此舉感覺衛生, 客人又食得放心, 值得支持。    雖然無生蠔, 但食物種類都幾多選擇。首先當然係食左冷盤做開胃菜先, 蟹腳同凍蝦都好鮮甜。魚生類都好新鮮。雞肉墨西哥卷包住既係雞胸肉, 搭配新鮮既蔬菜, 感覺清爽健康, 值得推介。佢地既中式點心類, 每人每次只限取2籠。蝦餃一籠有2粒, 雖然皮有點厚, 但蝦肉新鮮, 仲係廚師即場製作, 要心等候。燒賣一籠只有1粒, 但大大粒, 口感紮實, 唔錯。瑤柱蘿蔔糕細細件, 蒸得剛剛好, 入口軟綿。老火湯好足料, 要試。而熱盤類, 最吸引我係海鮮粥, 粥底軟綿, 仲食到少少蟹膏, 好鮮味。燒牛肉好有牛味, 熟度剛好。海鮮意粉都好唔錯。甜品方面, 窩夫熱辣辣, 味道好香, 配上蜜糖一齊食最正。海鹽蛋糕夠特別, 甜得黎帶點咸味, 蛋糕質感好輕盈, 唔會太重負擔。

3XX，平日，要網上訂。服務態度：正常環境方面：靜，9成食物都由職員幫你夾，當然衛生，但唔好坐梳化，因為可能會頭暈。食物質素：長腳蟹好味，不會太咸，解凍理想。魚生太小種類，得赤貝好味。熟食助係慘不忍睹，我未試食buffet 係完全無對這區無興趣，行完一次已經唔想再行。甜品真係完全唔同，馬卡龍得3種（晚市有7種）。性價比：偏低總結：lunch 真係唔應該嚟，因為俾3XX實在太多更好buffet選擇。如果你唔會頭暈，就係食個境囉。雖然我未嚟之前都知應該無生蠔，鵝肝等，但無想過連熟食區都。。。走晒樣。我覺得自己去咗飲茶（因為唯有食點心）好味指數😋

✨呢間位於灣仔合和中心嘅［自助山],大家記得它嗎？佢哋嘅360度旋轉餐廳一直都係賣點,可以一邊食一邊旋轉睇住靚景確係唔錯！天氣好既話打卡影相確係更加一流‼️.💬講番啲食物質素,我係食下午時段,所以款式無夜晚咁多🥰⋯⋯我講番少少我比較鍾意既🙈。.1️⃣佢地海鮮有蟹腳、蜆、凍蝦同青口,有啲遺憾冇生蠔,但算新鮮！.2️⃣熟食方面,我好鍾意食佢地既點心,味道做得唔錯,覺得好食過好多酒樓😆！.3️⃣甜品方面,我覺得大部份都做得唔錯,唔會好甜好漏,我特別鍾意食佢哋嘅伯爵茶雪糕,茶味確係好出！.💡覺得整體黎講普普通通算平均,我個人比較鍾意佢地既甜品同中式點心類別,雖然整體上唔算得上有驚喜,但係食物質素唔算差,下午時段休休閑閑咁食住睇靚景好舒服😆！...📍自助山 (灣仔)灣仔皇后大道東183號合和中心62樓..

疫情下食buffet，事事講求安心，唔駛自己夾野食，有服務員貼心代勞。呢度主要食環境，旋轉餐廳欣賞出面維港景。食物都OK可以，今次花好多肚嘅空間食沙律前菜，細細碗食左好多款。燒賣同蝦餃大大粒好足料老黃瓜赤小豆老火湯信用卡無特價收正價

又係一年一度的母親節 LOL正日前，我地又食一餐, 然後正日又再食另一餐同送禮物, 琳為人做的慶賀模式多數是這樣呢次黎自助山食自助餐先我發現帶爸媽食BUFFET係最好，因為佢地會因為見到好多野揀同食到飽而好開心但我係對自助餐冇咩好感的，一來我的QUOTA唔多了，唔想食太多, 二來自助山一貫做唔到貴精不貴多的原則，最怕係懶多野揀但冇樣好食, 不過不過, 呢間自助山又真係唔錯, 我有想再去的感覺個日有窗邊位, 咁的其實只要望到香港夜景，個餐飯好唔好食對我來講已經唔重要但食自助餐我會更奇怪，我會出去影哂有咩食先嫁LOL 唔會夾野食住自助餐的沙律BAR好令人安慰,夾幾多都得的感覺好好除左對影哂先食好執著外，我對夾食物上碟的擺位都有一份堅持!睇完前菜, 睇冷海鮮老實說, 凍的海鮮一般都好難食, 除左長腳蟹而呢到的長腳蟹，不值一提, 其他的類型, 都係食過算.... 食完有D嫌浪費左QUOTA主食方面, 熱盤因為多數有人即叫即煮, 礙於我都係有點SHY 哈哈就唔影住人地了，而且飯同麵個堆原來我冇食, LOL 所以冇影但呢到的熱食非常好，同非自助餐類的餐廳水準差不多~ 每人每次限攞的鵝肝同和牛塊和牛

一行6人，睇左好多comments 原本對自助山卻步，評價好一般，但今晚試過後相當驚喜。問有冇邊樣整得唔好食，諗唔到，樣樣都ok,,凍海鮮好味、焗蠔唔食，牡丹蝦同鵝肝老公極力推介，我當然最推介甜品，三款榴槤野食樣樣比想像出色，特別榴槤布甸，好正。心太軟都唔錯。價錢略為貴，但絕對值得再去

2020年11月6號星期五。由於朋友生日，就請左日假同佢出去食buffet!不過佢都幾巴霸。啲星期六日一早就full 左。仲要佢咩優惠都唔做。同朋友決定黎試下佢個午餐！如果大家知道胡忠大廈係邊既話。其實佢係好易搵到。就係胡忠大廈隔離。上到商場有得選擇直上餐廳定坐觀光車立。咁當然要坐觀光車立啦！就要上左17樓。再轉車立。呢個係轉車立門口。車立個景係靚既！都幾好。坐到窗邊位！佢仲早左比我地入。仲有時間影下相！而家搵海鮮都要佢地夾。冇得自己夾。有啲傷心。幾靚既桂花糕！如果當甜品buffet 反而仲值得讚！主食有啲印度野。唔吸引。我冇試。同埋因為我今日冇生蠔。有啲傷心

快看看前幾年來過吃午市自助餐的相片，當時又有生蠔又有長腳蟹蝦刺身，食品種類多得很。現在在疫情下，還可以見到6X樓轉升降機那一層，仍然有不少人士在等升降機，這麼多人在疫情下還支持你自助山，豈料原來你的食品選擇少了很多。不停有其他酒店或是店舖推出特色自助餐，你不單止停滯不前，而且減了食品選擇，風景其實都是一樣，只不過是在在6-70樓，飽覽四邊的景色，但香港的景色，其實大家早已相當熟悉，要麼來一兩次，就不會再回頭， 這類型的店舖，不要也罷。而且，這間店舖有故作高級，強加那些措施，即是叫你衣着怎麼怎麼，不要穿短褲、拖鞋、背心等等，其實你都只是商業大廈裏面的一間普通自助餐餐廳，有什麼巴閉？刺身，起初的款式還算多，有三文魚，夠肥夠香，質地夠滑，沒有碎骨，另外還有赤貝，算是放題來說比較特色的款式。這次去到，感覺海鮮食品選擇少了，那些海鮮只有蜆、青口、細隻的蟹腳、蝦、翡翠螺。沙律菜，配上前菜的鹹魚仔。喇沙，是放在蒸點心部旁邊，剛剛因為這天點心亦都非常少，於是點了一個有蝦有少少豆卜的喇沙，湯底味道偏辣，但味道都算夠香。搞到連我都要拿了海南雞飯來試試，寫着常滿的東西，載着的海南雞飯，飯底還算油香，雞翼都挺

上星期同老公慶祝生日， 佢好想去食自助山， 咁佢生日就佢話事。 疫情下少左人去自助山， 可能價錢都唔平， 2個人我地要1500幾。 而且上網訂位我註明係慶祝生日為左想坐window seat。 餐廳回我可以加100蚊送個蛋糕雖然我都唔預有蛋糕，但睇到個message感覺比較小氣d。服務係唔錯， 不停有人收碟， 而且因為疫情， 基本上所有食物都係由店員拎再放係我地碟上面。刺生： 普通， 冇咩特別好食， 但3文魚特別瘦。凍海鮮：有麵包蟹， 蝦，龍蝦等。龍蝦冇膏， 海鮮唔算多選擇。冬蔭公蝦湯：有個好大既蝦箱， 反而個湯有驚喜。熟食：西班牙海鮮飯， d飯太濕， 普通。牛扒都唔錯。焗龍蝦都ok。甜品：有炒雪糕但單一berry味。其他甜品亦冇話好出奇。最得意係有棉花糖， 小朋友最鍾意。食完真係有d 暈， 對我黎講就試完就可以啦。

自助山位於灣仔合和中心62樓，係一間特色旋轉自助餐廳，前往餐廳時候可以由17樓搭觀景電梯上去，𨋢內係落地玻璃可以好好觀賞一下灣仔嘅城景。訂枱時要求窗口位 ，收到回覆話因窗口位咗full咗，但會盡力安排，最後去到都被安排坐窗口位，都算幸運。但因為玻璃係斜面，所以夜晚會有小小反光，可能下午個景會再靚啲。10月份價錢係$698 + 10%，而每人包一杯飲品。食物款式唔算好多，質素一般，但環境氣氛真係好好。🔝海鮮有麵包蟹，長腳蟹，龍蝦，大蝦，大蜆，田螺，青口。🔝刺身有帶子，牡丹蝦，吞拿魚，油金魚，三文魚，都算新鮮。🔝海參花膠扣鮑魚🔝西班牙海鮮飯，牛等等。🔝麵類🔝甜品款式多。🔝香煎鵝肝多士🔝左邊係帶子大阪燒，都幾好食。🔝右邊兩碟係清蒸石斑。🔝榴槤焦糖燉蛋超好食，味道同榴槤肉一樣，可能太好食，所以好多人拎，我只係食到兩件喳，唔夠喉😂而其他甜品都比較一般，有啲仲要唔好食。🔝酒款選擇多，有清酒，白酒，紅酒。每一支酒上面都有個位顯示價錢，而每款酒都有唔同價錢，另外亦可選擇容量。只要同Staff講，佢地就會比張卡你，你就可以自行去斟酒。

今日帶媽媽嚟聞名已久嘅自助山，由於食量細，所以揀咗下午茶自助餐！可能疫情關係吧！早2日喺網上Book都可以了！之後再有人打嚟Confirm多次的。下午茶 $188 (另加一) ，以服務、食物質素嚟講係超值！下午茶可以揀一個Main Course，有中、西式選擇，中式有海南雞飯、點心併盤、炒飯、炒腸粉等，西式有意粉、Burger ..... 另外，甜品屬自助形式的，唔算好多選擇但我覺得都Ok，包一杯野飲。今日係幾開心嘅回憶！會再光顧的

見到下午茶咁抵，當入場券去睇景都已經好正，再加埋啲嘢食真係OK～ 我本身唔係好大期望，純粹冇去過旋轉餐廳，覺得點都要試吓呢個腸粉，唔好睇佢好平庸，佢好煙韌，個味啱啱好，係好好食嘅腸粉😍當然呢個價錢食腸粉係貴咗丁丁🤣呢個冬陰功麵又係好好食，好足料，個味都調得好好～係食得出個廚師有料到另外啲甜品就真係一般啦，所以相都冇影，但我覺得以呢個價錢來講真係算唔錯，可以換到咁樣嘅景喎！同埋下晝人少少，好靜，都好舒服，啲服務員態度又係非常唔錯🥰

之前食過尼渡嘅Sunday Brunch個景好靚！而且食物質素都比得上五星級酒店👍🏻尼次係第一次食尼間嘅Dinner Buffet!可以欣賞埋佢嘅夜景！一早訂咗窗口位諗住疫情下（4人限聚令）嘅閒日應該唔太多人！點知原來好多人仲有唔少小朋友！真係意料之外！食物無生蠔🦪；之前Brunch有龍蝦🦞～無味！好奇怪，點解可以淡而無味😲麵包蟹🦀～算好味！不過啲膏唔多場腳蟹～味算鮮！偏細隻鮑魚花膠鵝掌～算係最👌🏻食中湯～好似係椰子響螺湯，越飲越口渴蛋糕🍰～賣相過得去！柚子芝士蛋糕！偏甜，柚子味唔突出！焦糖榴槤燉蛋！算ok!雪糕～唔知是否自家制！不過賣相一般！試咗佢嘅炒雪糕🍧唔好食環境～偏嘈！夜景無日景咁靚！服務～一般！會主動加水及收碟！咁嘅價錢點解唔送件小蛋糕比啲慶祝生日嘅顧客相信下次慶祝生日會去酒店食多過尼渡！又無折！又無蛋糕送！食物又唔係真係好新鮮！啲枱又細！仲要幾嘈吓！而且時間仲要只得3小時（6:30PM -9:30PM)五星級酒店價錢但無五星級嘅回報

有時候煩惱吃什麼又想放肆一下，大快朵頤！自助餐是不錯的選擇！灣仔這間自助餐廳—自助山，是香港唯一一間旋轉式餐廳，品嚐美食又可以360度觀賞到維港一帶的海景和山景。除了景觀不俗，自助山的菜式選擇也多樣化，涵蓋了港式、日式、西式和印度菜。從前菜沙拉、帕瑪火腿、燒賣、燒臘、刺身、日本和牛、鵝肝、龍蝦、燒羊架、螺頭湯到精緻的甜點和雪糕。每款菜式只要吃一次，就吃撐著了。總共用餐時間有3.5小時，所以可以慢慢品嚐美食和一邊聊聊天。—————————————————😋美味程度：4/5🌟性價比：4/5🏡環境：4/5📍地址：自助山 (灣仔)灣仔皇后大道東183號合和中心62樓🕐營業時間：星期一至六12:00-14:30；18:30/22:00星期日11:30-14:30；15:00-17:00；18:30-22:00—————————————————