影片
講到柴灣區嘅快靚正茶餐廳，「勝香園」絕對係唔少街坊嘅低調心頭好。佢就藏喺漁灣街市熟食中心入面，位置唔明顯，但以快手出餐、價錢抵又好味一炮而紅。先講佢最基本嘅《餐肉炒蛋面》，炒蛋滑到幾乎流動，蛋汁與餐肉夾埋整塊吃，鹹香得來皮蛋唔乾，雖然麵底係福字麵偏幼，但勝在夠「抵食」。配返杯凍奶茶，奶香濃，甜度適中，作為早餐或者茶午都好合拍。講到重頭戲就係佢哋嘅：即點即炸至金黃香脆，皮細薄唔膩，咬落滿滿肉汁，嫩到爆口！絕對係點解大家排到入得去都要食一隻嘅原因。仲有不可不提嘅 ：麵包外層烘脆但內裏保持柔軟，牛油加煉奶加上微甜奶醬，甜而不膩，每一口都有幸福感。整體感覺係「勝香園」就係典型香港人茶餐廳魂：環境樸實乾淨、出餐快、價錢合理又食得飽。店員好快手又默契，即使人多都冇補單問題。加埋份量十足，早餐午餐甚至晚餐都夠用。人均消費大約 HK$40–60 就搞掂一份炒蛋面、一隻雞翼加一杯飲品，性價比極高。總括嚟講，勝香園係一間簡單直接、用心做味道、親民又有港味嘅小店，無論你係返工前定起完早，都好值得一試。
繼續閱讀
身為半個柴灣人，今日黎到漁灣街市入面嘅熟食中心可以話係臥虎藏龍，唔係地膽未必會知道嘅地方😎黎得哩度食飯就係以「快、抵、正」為主😋叫左碗最貼地嘅《餐肉炒蛋面》配《港式凍奶茶》，呢個組合可以話係茶餐廳最愛🥴炒蛋炒得好滑溜，入邊仲包住蛋汁👍🏻餐肉雖然係圓形一大塊，但係切得比較薄，而且冇煎過，欠缺口感😕麵底係福字麵，個人來講覺得麻麻，太幼身🤣呢碗麵只可以用「抵」黎形容🙈凍奶茶就不過不失，茶味香醇，奶身幼滑👍🏻不過好戲在後頭，主角《秘製雞翼》先係今餐重點！😍即叫即炸嘅生炸雞翼，真正嘅金黃色無燶邊🤩炸得好靚🥰因為生炸所以皮特別薄，食落都唔會好油膩！咬落仲係好多肉汁，好嫩滑同飽滿嘅雞肉😋😋😋秘製嘅醃料亦唔會過鹹，真係好好味😋另一個茶餐廳嘅配搭《奶醬厚多士》，好貼心已經切開左四片👍🏻神奇在麵包皮一啲都唔硬，仲係好鬆軟👍🏻
繼續閱讀
一日之計在於辰: 依句說話果然冇錯，今日難得早左起身就去左漁灣村食早餐先再返工，估唔到8點到漁灣街市竟然會坐滿哂人，嗌左個早餐A有牛油方包，煎雙蛋，火腿通粉。個人唔中意食方包，所以叫左烘底，都係加$1，但要留意可能假期多人既關係，六日係不設烘底，個多士好脆，而且有好多牛油，完全冇慳手，太陽旦煎得好靚，唔會太燶，提提大家，通粉可以叫佢地加色(腩汁)，會好味好多。之所以話係快靚正，皆因我用左唔洗20分鐘就食飽飽走人
繼續閱讀
一清早出門去柴灣，目的是出海釣魚。一大班朋友在漁灣街市熟食中心勝香園食早餐，食飽先上船。我是第一次join 佢哋，由柴灣站行去，沿途睇住個Google map, 先至搵到。叫咗個餐肉，沙嗲牛肉麵跟熱啡，成為32蚊。好奇怪，呢度會問要唔要沙嗲汁? 如果唔要，我使咩叫 “沙嗲”牛肉喎。呢度個餐肉嘅特色係“太陽”餐肉，用一大塊圓咕嚕的餐肉餐。至於牛肉真係唔得，而沙嗲汁更不濟，毫無沙嗲味。所以問人要唔要沙嗲汁真係多此一問。
繼續閱讀
今日約咗朋友去釣魚，出船前係魚灣街市二樓嘅勝香園食早餐，先到先等，最早係我先到，所以先叫個早餐食先，包括有香腸煎旦，火腿麵，飲品叫咗一支可樂，腸仔旦都OK，麵就用咗福字麵，尚算好味，好快朋友都一齊到哂，等埋佢地食早餐跟住出發去釣魚。
繼續閱讀