肯德基家鄉雞 (KFC) (已結業)

(19/3)想食炸雞，故選了它。叫了個$98桶餐，內有：九件炸雞、兩件粟米、兩個薯蓉、一個蘑菇飯、一個雞飯、兩支汽水，加了一杯熱奶茶。炸辣雞，還是那種味道，要隔一段長時間吃一次也是好味的，它的炸雞皮，猶其是炸雞胸或上脾的皮，真的有些少炸爆感覺，而我深信它們的蜜蜜燒雞翼比這更好味。那個薯蓉，實在不喜歡它的啡醬汁，不如剩薯蓉加些少沙拉醬都好一點。那個蘑菇飯，哈迪斯的還要好，雞飯，不是我喜歡的。雖則我們食炸雞是不吃雞皮，但兩個人吃一個桶餐，是否有點兒大食積？

雞記出左新套餐, 係2件雞加中汽水一杯, 再自由配搭小食, 今次叫個餐配格格脆薯塊$27. 雞就好新鮮好脆, 但無咩辣味, 但都好滑唔會炸過時, 正!! 格格薯塊好大塊又完整, 好少見喎, 又正!!! 唯獨係葡撻唔係好得, 因為佢成個撻都無咩焦糖係面, 同蛋撻分別不大, 所以..........美中不足!

果個烤包可以話係KFC 有史以來最冇誠意o既產品!!皮-----微暖且乾，食落有D似隔夜，好唔新鮮!!菜------又係好唔新鮮!! 而且份量極少!!汁----少得可憐，可以叫乾哽!!芝士-----有芝士碎，份量接受雞肉-----細細條有幾條!! 又係微暖!! 總評: 唔知係味一早整定!!! 好唔新鮮! 味道配搭超難食!! 把鬼!! >_<小弟跟女友大呼搵笨!!! 去哈迪斯食好過! !!!(最衰哈迪斯冇乜分店@_@)

I came to KFC shop in MK center, they made the honey muffin was overtime, it was burnt and had a bit of bitter.I thought that they can keep the average bout on it.Pay more effort!!! I will support you !!!

其實KFC一個月都會食一兩次，都食左好幾年。佢地招牌家鄉雞就只退不進，次次食親（不下3-6區都係）都係過晒氣。雞皮下D油溶番晒浸到件雞冧晒，有時食落都有「番蒸」的感覺，和幾年前的味道相差很遠，認真失敗。不過有樣不起眼的蜜糖鬆餅，就是小弟的早餐必選，原因是餅身夠鬆化，面上的糖漿夠香脆，大家一定要試下！

星期六上課前，快快來吃的。要了二件蜜糖雞翼，一客薯蓉和一客細格格薯。薯蓉極度滑溜，醬汁又夠熱，美味得很，蜜糖雞翼就甜了少少，而且隻雞翼太瘦，冇乜肉食，格格薯都是這樣子，但略鎌太大塊了~~

20041209 8pm約o左個朋友拎o的o野, 順手坐低傾兩句.我先到有o的餓, 叫少少o野食住等.叫左個蜜糖鬆餅同埋細diet pepsi.蜜糖鬆餅味道有o的似葡撻(!), 不過幾好味, 又唔太甜.

試過近期新出既日版桶餐,唔係好得咁喎,而且仲有之前既$88,加至現時的$92,就更加唔抵,我都係覺得佢本身既桶餐好食好多囉~~日版桶餐:有九件雞,同平時食開既一樣,所以也不用多寫吧~~照燒汁薄餅:是全個餐中既敗筆之作,餅底唔脆,個餅只係暖既,個照燒汁過甜,個餐,我同另外兩個朋友分既,每人食左一啖,就無食過喇,日式餃子:呢個雖然唔係話好好食,但也可說是不過不失啦,當然不能與專門販賣日式食品的出品作比較啦!沙律:這個,個人認為不嬲都係kfc既弱項,幾絛生菜絲加d 沙律醬,就叫做沙律既貨色....總之,呢個套餐屬不倫不類之作,不試也不覺可惜~~

I've been living in the US for over 20 years, got a chance to try the so-called "Buffalo Wings" in HK's KFC recently. But it tasted so different from what we have in North America. I can tell you those we have is a thousand times cheaper and better.

水牛城雞翼在東北美係非常普及的食物，十幾年前去接壤紐約州同多倫多的水牛城行outlet，見差不多間間吧都話自己係水牛雞翼專家。MC Wing講得好正確，水牛雞翼製法好鬼簡單，將斬件雪藏雞翼煎或焗或炸熟，再放落用牛油、辣汁或醋的醬汁內煮，食時加藍芝士醬及西芹，在香港的一些美式餐廳都食得到。果個汁係好鬼多的，因為呢隻finger food佢地好強調要連手指都舔埋，不過就因為無落炸粉，所以食落不致一pat pat。食水牛雞翼感覺一向是食汁多過食肉，仲要係越辣越好食，食過一次係同Jalapeno一齊煮的，辣到飛起，所以最佳拍檔就非涷啤莫屬。通常個幾美金一磅，平到痺。

睇o黎都有幾多網友唔喜歡呢隻新出品～^^其實嚮北美食開o既水牛城雞翼都係面頭濕到一「pat」咁o嫁！做法通常係先焗或煎熟D雞翼，然後再用D辣醬，牛油同醋煮一煮，食o既時候配celery sticks同blue cheese dressing；嚮香港一般美式餐廳食到o既水牛城雞翼都係呢種。不過小妹也見過香港有D舖頭話係水牛城雞翼，但其實只係炸雞翼配hot sauce～不過口味呢家o野，當然會各有不同o既，但自己就幾鍾意呢種辣+酸+咸o既配搭，若果加埋blue cheese dressing仲爽呀。

好難食，好在只係叫左２隻，個面太濕，咬落去只係感覺到一pat野。可能我太多唔同既地方食過人地既Buffalo Wings所以有比較啦。建議下期不如整蒜蓉牛油雞翼仲好。

唔?如果你唔跟餐咁買水牛雞翼就係$9/兩隻,不過如果你跟餐買就可以$16/四隻(平$2)..我都係第一次試,所以我係睇kfc 入面張水牛雞翼海報先知咋~我同女友都覺得似老麥既燒烤醬,不過佢係比較濕既版本囉~至於南乳味我又真係唔多覺喎...莫非佢調味水準唔穩定?

我想問呢,點解可以就咁買9蚊2隻水牛雞翼?乜唔係跟餐先至可以咁9蚊/16蚊買咩?就咁買要買桶架喎...如果可以就咁買等我同家姐講先,因為我話唔好食但家姐又想就咁試另外,我覺得個味唔似m記0既麥樂雞燒烤汁囉,都差几遠,佢似南乳多喎....我就唔太鐘意呢~究竟我地係咪講緊同一樣0野....

今日未到晚飯時間,但係又餓餓地,同女友決定去kfc 飲杯野,食隻雞翼葡撻..見新出既水牛雞翼,決定試試,$9有一隻翼一個鎚,都ok 啦~普通價錢~味道都幾好喎,d汁大概就好似麥記麥樂雞既燒烤醬啦~我個人就幾鐘意食喇~下次就去kfc 度食個痛快~