肯德基家鄉雞 (KFC) (已結業)

魚柳早晨套餐前排點了個魚柳早晨套餐, 魚柳一般! 但另一方面就嘗試將鬆餅轉牛角包,轉得好咯! Kfc的牛角包真是不錯呢! 一點都不油膩而且帶點牛油味道,非常軟熟, 有時候加點茄汁味道又是幾好呢! 選配茄汁可是我個人口味而已,作參考無效,試試亦無妨呢!那杯咖啡我本認為比大家樂和大快活還要好呢! 但有時會頗甜.於是可以加多點冰塊!

KFC 最近的廣告來勢洶洶, 差不多每晚都見到黑椒脆雞在電視上出現, 其實之前這新產品剛推出時我已經吃過一次, 感覺是頗惹味, 黑椒調味夠重手. 可能是新產品, 去貨夠快, 肉汁及溫度都可以保持, 味道方面是不錯的. 但可惜炸粉比普通的脆雞還要硬厚及脆, 吃下去真有點擔心怕會刮破口腔. 跟餐的蘑菇飯, 卻每況愈下, 越來越難食, 飯煮得太軟及糊, 蘑菇汁也越來越厚(但味道卻差不多), 飯及汁兩者的質感開始變得接近, 實在令我有點抗拒.另外餐飲加錢換的柚子蜜, 比想像中要淡,而且不知何解上面浮著一兩小點的油, 最大機會相信是杯未洗乾淨吧...唉.下次再去KFC(有機會的話), 乾脆豁出去,吃夠兩三件雞, 喝一杯汽水好了, 無謂再扮健康吃飯喝柚子蜜甚麼的, 健康不成, 反自討苦吃.(我去的是中港城店, 但OR資料庫找不到,唯有寫於較接近的金馬倫道分店)

為食日子: 7月19日~ 晚上約6時為食人數: 2隻為食價目: 58蚊+ 10蚊compass visa即享錢為食餐\單:套餐\(蜜蜜燒雞翼x2+薯塊+汽水) $29套餐\((家卿雞x2+薯塊+汽水) $29巴辣香雞翼x6 $10 (compass visa即享錢)今日去到果時見到唔係好多人, 仲想話搵位...點知的確唔係好多食緊野,但係好多人坐係度唔係食野...有人走, 就有位, 點知成台野都冇人執, 等多一陣, 見有其他位, 轉左位, 位上都係有野, 成間野3個人做執野, 到我地買完野食食左一半先有人執, 佢地仲要唔係真係忙, 只係視而不見...因為有compass visa即享錢5蚊可以換3隻巴辣香雞翼, 2個人我地計過唔買餐\,買雞同汽水都唔平, 所以要左2個餐\仲要左2份巴辣香雞翼, 一定食唔哂, 問職員拎定外賣盒, 而家用左非即棄膠餐\具真係幾唔錯! 因為覺得食家卿雞要雞翼唔係太抵, 要左雞上比, 不過隻上比真係....幾細件, 我地估佢\隻雞一定唔方大隻左, 蜜蜜燒雞翼size就好正常, 味道好好, 但到左食完野走果時, 意外發生左, 就係倒瀉左杯汽水, 仲濺到隔離, 朋

數天以來都試了不同的早餐,始終最喜歡會是No set 6,有腸仔,極度愛上;’鬆餅:跟前比較味道和份量都差了點,但都尚算可以呢!和滑滑旦仔-:反而旦仔是近年以來改良得最好的,因為真的滑溜溜呢!那杯咖啡要general就可以,因為他們推介的那幾種更本離行離欄.不是真正的咖啡,只是加多了一圈cream而已..

小時候媽咪好多時都會同我食kfc,因為佢都好鍾意食,每次都只要上脾下脾,但媽咪唔食得辣,所以小時候只食過唔辣的,長大後自己去食,決心試下辣的,原來好食好多,自始愛上他的辣上脾,因為最滑最好食,可惜好熱氣,唔敢多食,食完都要飲涼茶,唔係實喉嚨痛佢近期出左黑椒雞,當然試下,唔...我覺得之前出的香草雞好食d,唔識點形容,總之覺得唔多好食,其實kfc肯創新係好事,但都係覺得最機本的辣雞最好食提一提你如果外賣的記住睇下佢俾咩你先拿走,因我試過幾次要上脾,點知佢俾左胸我,堂食的話就可即刻叫佢換,但返家後打開先知,點換呀,所以我都學精左,睇下佢俾咩先拿走,真是唔知d店員係唔覺意定特登,因為上脾都好搶手的,有可能佢地博你外賣唔睇就偷龍轉鳳呀!!

上次黎食過燒雞磨菇飯餐覺得出奇地好食，今次試下個野菌汁意粉雞扒，三十六蚊，加四蚊可以加杯汽水，但我見佢有湯同沙律所以無加了。個汁好香濃，意粉又繪得幾好，而且塊雞扒仲算係皮脆肉滑，今時今日呢d快餐店都有咁既水準其實已經唔錯，雖然叫呢d晚餐要等，但都只不過係五分鐘左右，幾快。呢d快餐店都比咁高分可能有人覺得我唔識食或痴線，但係我心目中根本無一個所謂識唔識食既標準，只係個人鍾意食定唔鍾意食，無理由聽講人話點點點為之識食就盲鍾鍾就去食，都唔知自己係咪鍾意，對於食呢樣野，幾時都係自行自素最實際。

在樹記的最後一課, 見到同學們拿著相機周圍影, 才提醒我其實時日無多。朋友們大把死線要趕, 我就爛玩至上, 出尖沙咀吃個飯才回家休息。午餐時間, 這KFC竟然還有位, 讓我們兩人霸著四人檯都不用汗顏!每次來到KFC, 指定的一件雞加薯塊就夠, 套餐的兩件份量, 太多, 太膩。雞上脾著實是不二之選, 吮其軟骨何其美味。比起辣味, 個人較喜歡KFC的原味。香濃的胡椒味確實不錯, 不過叫原味就要睇彩數, 熱的當然好吃, 唔新鮮就難吃得可以! 辣的就無DEPRECIATE得咁勁, 不過就算熱辣辣, 辣粉放幾多都好, 都難掩其雪味。生命的過客數不盡, 要離開的始終會離開。在這間學校待了四年, 始終對導師們同學們有一點不捨, 還有我的hea爆生活態度和青春。

睇廣告知道肯德基有成隻既香草燒春雞，有小小興趣，見到原來成隻買要成六十八蚊，我覺得真係唔係咁抵，但再睇下原來有個三十四蚊既晚餐，有半隻燒春雞+ 湯+ 栗米+ 磨菇飯，咁樣又唔同，而且加六蚊仲有飯品同甜品添，但係我覺得有湯已經夠所以無加了。個番茄肉湯我覺得比我上次早餐飲果個正，磨菇飯同栗米可能我本身唔係但好所以覺得一般，但係隻燒春雞真係比我想像中正好多，皮好香脆，肉質唔鞋，點埋佢果隻醬食真係好正。另外晚餐仲有雞扒同埋南瓜雞飯，雖然叫呢d 餐要等五至十分鐘，但我覺得都值。

下午茶時間跟媽媽來了這兒, 叫了六隻蜜蜜燒雞翼一起分享, 好像很久没有這樣跟媽媽一起tea了, 十分溫馨, 媽媽是KFC的蕃薯, 當然讚不絕口啦!!!這客雞翼亦真的不錯, $39六隻十分抵食, 剛燒好的雞翼熱辣香滑, 肉汁得以保留到, 皮的色澤得均勻, 見到已經很想吃了, 皮仍是帶點脆, 雞肉十分香滑,咬落去仍會流出雞油, 嘩…..很正!!雞翼有著陣陣的BBQ香味, 但食後又不會感到有熱氣的感覺, 十分好吃, 令人想一吃再吃, 想不到KFC這個出品會令人喜出望外~~

星期六到這裡食晩餐(尖東分店),點了一個兩隻蜜蜜燒雞翼套餐再加多件葡撻,overall都一般水準,尤其是件葡撻,但唔係新鮮出爐呢!而兩隻雞翼都太燶咯! 但唔油膩這就是值得讚賞的地方呢!每次都有一種感覺,金馬倫道分店一定好食過呢間尖東分店咯!係好多次都有呢種感覺呢!

今日同媽咪去街因為有ｃｏｕｐｏｎ所以就同媽咪去試下以為好食啦（賣ａｄ個個好似好正）點知一打開個盒個卷細到呢ｄ野係好少ｄ雞都係得個幾粒真係算罷啦都係炸雞個ｄ好過

嘩!一個香蒜雞既餐原來好鬼大又好多雞,又有雞翼又有雞件,仲有沙律,好在係同朋友分享,唔係一定食唔晒!本來我無興趣食香蒜味既家鄉雞,但朋友要試咪奉陪下,食落又唔錯喎!感覺係比一般家鄉雞香,有好香蒜味,但係唔太濃,只係好似少調味咁,所以幾ok,令人覺得無咁寡之餘又有少少惹味,都算唔錯呀!

上個星期到左呢度食午餐,散叫了雜菜沙律,一件炸雞,鬆餅,葡撻,同埋橙汁汽水, 好多野呀!樣樣keep到水準噃!食到我好飽呀!講真呢間係好食過尖東嗰間ga! 水準差好遠架!唔信你地可以試下架!但係今次嗰雜菜沙律就好多汁,好juicy,好正呀!但係可能你地覺得我將件鬆餅溝埋d汁會咁ga食法會好怪,但係真係好正咯!哈哈!

今日去肯德基食午餐,先知道原來有一隻叫迷你香腸鬆餅既野,一份有兩個,見佢幾可愛,咪試下囉!又幾好味喎!香香脆脆,餅中混合好多香腸粒,每啖都食到焗到脆既香腸粒,感覺係好惹味,而且無蜜糖鬆餅咁甜,可以當係轉下口味,一份又有兩個,可以同人share,唔錯!

好耐無食kfc早餐,今朝因為好早起身所以好早到尖咀,於是就去左呢到食早餐,我叫左個三號餐,有腸仔,鬆餅同埋滑蛋,加一杯橙汁汽水,但係隻蛋係一d都唔滑,好鞋,我最鐘意就係個鬆餅,超正!腸仔都唔錯bor!