肯德基家鄉雞 (KFC) (已結業)

水牛城雞翼在東北美係非常普及的食物，十幾年前去接壤紐約州同多倫多的水牛城行outlet，見差不多間間吧都話自己係水牛雞翼專家。MC Wing講得好正確，水牛雞翼製法好鬼簡單，將斬件雪藏雞翼煎或焗或炸熟，再放落用牛油、辣汁或醋的醬汁內煮，食時加藍芝士醬及西芹，在香港的一些美式餐廳都食得到。果個汁係好鬼多的，因為呢隻finger food佢地好強調要連手指都舔埋，不過就因為無落炸粉，所以食落不致一pat pat。食水牛雞翼感覺一向是食汁多過食肉，仲要係越辣越好食，食過一次係同Jalapeno一齊煮的，辣到飛起，所以最佳拍檔就非涷啤莫屬。通常個幾美金一磅，平到痺。