肥姐小食店

營業中

休息中

大家如果經過旺角好景，必定會見到轉角位的人龍，如果係地膽，必定知道大家是為了肥姐鹵味。肥姐鹵味種類繁多，本人最喜愛，以及必食items，一定是紅腸，腎，以及墨魚。墨魚彈牙，腎爽口，紅腸入味，二十三元三串，重點除了是食材新鮮，那個獨門醬汁才是精髓所在。麻油香濃，鹵水咸味適中，帶點香料氣味，甜醬，芥辣缺一不可。老實說，三串真的有點不夠喉，但為了膽固醇和脂肪，才把機會留給下次。

黎親旺角呢邊，就算要排隊都要黎肥姐度整翻幾串鹵味先走。間鋪好細，細到只系夠幾個店員企系度做野。無位坐既，個個都企系街食，但甘先食得過隱。雖然要排隊但系好快就到喇，好快手有得食，服務又好。食得出D野幾乾淨，食左唔會肚屙。呢度好多野食，如果唔知食咩，就點個皇牌套餐喇，呢個套餐有曬最出名既3寶：墨魚、大生腸同雞胗。都系凍既，如果胃腸差既朋友最好夏天先黎食喇。大墨魚大大塊，用料新鮮仲夠曬爽口，配埋甜醬同黃芥末口感一流。醬汁好獨特，好好味，黃芥末有D供鼻，不過好刺激，就好似挑戰你既味蕾甘，好正。不過唔鐘意食黃芥末既朋友仔就無試喇。大生腸口感好好，爽口得來唔會好難咀嚼。有小小蘇味，不過好好食。雞胗雖然好厚但系好入味，入味得來唔會好鹹，又爽口，而且唔會有筋好易咬開。加埋D醬真系無得彈。

近排無啦啦就嘴痕痕，俾一個姊妹帶我去食翻啲小食喇。見到有墨魚，即刻就買咗啲來食，墨魚做的好好味，凍得非常的爽口吖，仲要俾人以一種好新鮮嘅感覺，認真好食，味道稍微重咗啲。墨魚嘅汁有小小甜甜地，但系食落好香。生腸好多一份，我同姊妹兩個人都驚食唔曬，但系腸都好彈牙，特別系佢表面層皮食落真係好有彈性，入邊又算有翻小小油喇，但是一啖落去真的好好食。味道好正宗，價錢還要這麼便宜，真係令人開心。當然雞腎都算好味，好脆，口感不錯。魷魚都算佢地嘅招牌吧，烤的火候不錯，而且很多，吃的時候感覺很入味，但系又不會過重味道。排隊嘅人都幾多下，但系速度都算好快嘅，，侍應有都服務周到。 

今晚睇完電影，出嚟后同朋友都覺得有D餓，咁就慢慢穩下附近有咩好野食，突然間見到肥姐小食店，好耐未食過啦，見到又開始掛住果陣辣味了，又見到無咩人排隊，即刻過去買啦。最中意系呢度嘅墨魚，一定點嘅，墨魚系凍嘅，但淋上佢地特制嘅wasabi酱+酱油，咬落口好彈牙，唔同出面一般嘅辣，通常食完一串都要再點多串，大腸都唔錯，佢地洗得好干凈，又吸收左D湯汁嘅鮮味，加上佢地嘅酱料，同樣好好味。朋友就點左呢度嘅皇牌套餐，距中意火雞腎同大腸，火雞腎同大腸組合唔錯，火雞腎又爽口，大腸軟滑，搭配一齊食，感覺好正啊。呢度其他小食都唔錯，不過個人都系中意墨魚同大腸，夠爽口同埋大腸好好味。

嚟親旺角呢邊，好多時都會嚟肥姐度食翻串鹵味，其實真系想次次嚟都買嚟食既，有時候趕時間就得個望字！附近嚟講，始終都系肥姐呢度最火爆。位置係花園街街尾，又系遊客行街即最尾，所以多數行街行到腳板底痛都會嚟肥姐度整返幾串順便係街邊休息下先，除左遊客，香港本地人都唔少。如果店面夠大又有凳仔坐下的話，可能會更火爆。大多數人都會叫生腸、墨魚同埋雞胗。我今次有D餓，就點左大既套餐。有多種醬料可自由選擇，想要幾多唧幾多。我簡左甜醬同芥辣醬，用油紙包住，作為香港人，無凳仔喔，甘企街食咯，呢個系香港既特色嚟既嘛。每一種都好好味，特別行街攰到餓時！每一種都系甘彈牙，搭住D醬料，真系好好好好好味啊！！好食還好食，食完記得掉落附近垃圾桶啦。

行經旺角總忍不住要去掃街, 鹵水更加係我既至愛之一.大墨魚當然必叫啦, 醬汁除左豉油, 仲有甜醬和芥末係必加的, 口感爽口而且有鮮味.生腸都係我既飛佛, 好滑溜既外皮, 裡面就好爽, 不會很難嚼.仲有豬膶, 入面好嫩滑而且係厚切, 食落係會增加口感.水準依舊, 每次都要食幾串先走.

Amanda當天和朋友終於下決心去試食肥姐小吃，相信旺角花園街一帶肥姐的名稱人人皆知。這次我和朋友一共買了4串，一個黃牌套餐28元3串，有雞腎，大墨魚和生腸，然後還買了一串紅腸6元，因為去太晚了，只剩下這兩個選擇，不然我還想嘗嘗豬舌，豬心等等食物：生腸和大墨魚十分爽口，不會很難咀嚼，而紅腸和雞腎比其他店的厚身，因此放進口裡十分有口感，鹵水味點到即止，剛放進口時，你會先吃到鹵水味，咀嚼時，放出食物的原味，味道很有層次！價錢：價錢又合理，黃牌套餐28元三串，一串就是11元。而紅腸，豬心，豬舌等等就只是6元而已，比一串咖喱魚蛋還便宜。我當天用了34元買4串，和朋友一起吃每人平均17塊。排隊：每天肥姐的店都有很多人在排隊，就像一個小型的海關輪候模式，所以我一直都沒耐心去排隊，不過當然我和朋友實在無聊，就去排隊了，結果其實隊伍移動得很快，因為她們拿起客人需要的滷味串快速放進了一杯鹵水汁浸一下就拿起放在紙上包著然後熟練地放一下芥末，她會問你要不要芥末醬或是甜醬，人手充足，所以只等了4分動，我還以為要等10分鐘。我一定會再去嘗試肥姐小吃：）下次要早點去！我這次是10:30pm左右

開左咁耐 又咁多分店不過我都係第一次試肥姐唔太特別鐘意內臟就冇叫皇牌套餐啦只要了大墨魚墨魚淋上豉油後唧上甜醬和芥末 醬份量剛剛好多大墨魚紅邊應該是色素 不過食落冇咩怪味質感的確係掃街店中墨魚難得的爽口好嚼而不多筋加上甜辣的醬汁真次幾爽 缺一不可 一串有五六舊尚算抵食

這家小小小吃店 面積僅供幾位員工站着但賣的東西卻不簡單 多年以來從早到晚人龍不絕門前集結二三十人是等閒事 但也無須氣餒人龍再長排隊時間也不過是十來二十分鐘 因為食物早就預製好了食客也不允許有絲毫猶豫 到了就得立刻報上食物名字否則可能慘遭白眼食客下單後 阿姐兩三下手抓動作再把醬一下轉眼已打包好食物若是需要外帶 數量不多時阿姐會先用紙包好再放入膠袋若是多了則會以發泡膠盒裝載要是現買現吃 阿姐把紙疊成半錐狀放入食物很方便在街上開吃 又不會吃得狼狽要了一份大皇牌套餐包括大墨魚+大生腸+火雞腎不要以為套餐比各自單買加起來便宜 其實價錢是一樣的不過定價也是公道 $6一串 每串四或五件只有大墨魚及大生腸賣$11 但份量當然更大了在百物騰貴之下 這種價錢對比得到的食物質素屬於中下水平了比如這串大墨魚鮮滑爽口 不得了的是有些部份更是爽到脆彷彿在吃爽口版雞軟骨 不愧是被皇牌套餐納入的一員對於肥姐的出品其實不容易形容每種食物味道大同小異 很大部份是依靠醬汁口感則是從頭到尾貫徹一個形容詞──爽口！分別只在於每種食物的爽口層次有異比如這串大生腸的爽口跟墨魚的分別在於墨魚是爽中帶脆 生腸則是爽中帶軟平常雞腎吃不少

肥姐小食這間小吃店門面雖小，但真的五臟俱全。以滷水食物聞名，生腸，雞腎和大墨魚都是我至愛！每次經過也被這片橙紅色的食物外表吸引著。生腸吃落超爽脆，雞腎就好入味但不會太鹹，大墨魚厚度適中，用料新鮮。當然不可不加的就是芥末醬和甜醬，甜醬豐富了味道，芥末醬就更容易帶出鮮味，加上芥末供鼻，感覺超讚。

好耐無試街頭小食,都唔係間間好食，早期都覺得肥姐既小食串貴，依家d小食店小食串質素每況越下,又貴又唔新鮮，製作馬虎,無左以前d風味!$23，三串，我只食生腸，其他朋友搞掂，生腸爽脆，唔同其他小食店咁，淋淋地，全無口感，肥姐甜醬、介辣都俾得足，兩者配搭出色，甜度適中，辣度無搶走生腸鮮味，肥姐多年來都咁好味。

Afternoon C/L + 隻身在MK + 同K小姐約定嘅會面時間尚有半個鍾 = 一個在旺角悠走嘅好理由今日員工相當有效率, 1步/5sec的人龍消化速度恰好提供足夠時間去決定好要邊種小食人在Comp Leave, 稍為放縱地在晚餐前來個一人前肥姐盛宴 (大墨魚+小生腸+火雞腎皇牌套餐) 亦不為過吧?相信各位對彈牙嘅大墨魚、同芥辣絕配嘅小生腸同入口尚有餘溫嘅火雞腎相當熟悉尤其鍾意大墨魚 - 鬚頭嘅爽脆口感, 同(個別)過鹹潮州滷水墨魚截然不同  痛快哉食飽飽之時, 亦正好到進行是日Main Quest嘅時間 - 接受K小姐嘅紅色炸彈!!!滿滿的中古世紀風情封蠟章, 同一對準新人相當合襯船到橋頭自然直啦~ K小姐加油 + 預祝兩位百年好合(・∀・)

原來落尖沙咀食肥仔, 點知東主有喜3天, 之後經開旺角咪搵肥媽.皇牌套餐 ($23) :唔使諗唔使煩, 快靚正. 佢準備好哂, 一叫問要唔要辣, 好快就送到我手.我要左少辣, 所以芥醬少d. 套餐有墨魚, 生腸, 火雞腎.  墨魚好咬又彈, 生腸爽脆, 火雞腎有肉惑得黎爽爽地.不過火雞腎仲暖, 如果再凍d 應該更爽.芥醬岩岩好, 夾雜著刺激一下.

好多人可能會問，為個肥姐會有如此大的吸引力？不論哪個時間都好，都依然好多人排隊。食過無數次的我，應該是為著這幾點一食再食又再食。一，新鮮。二，無內臟的腥臭味。三，雪得夠凍。四，甜醬芥未醬都不客氣放好多。這次又到旺角，又想到了「肥姐」，又想食了！所以我同肥膏又來到了「肥姐」門前排隊。條隊大約有十多人，因為姐姐們都好快手，等了五分鐘左右就排到我們了！豬潤比起以前，這次這串豬潤明顯地薄了，感覺減了料，但沒有偷功！還是很新鮮好味，淡淡豬潤的甘香。配上醬料（甜醬及黃芥未醬），甜得來又有點辣到「供」鼻的感覺！大生腸保持一貫水準，超級凍，爽口彈牙！無腥臭味！最緊要係啖啖肉！「肥姐」的食物中，我最愛的就是這生腸。不斷循環loop！細生腸細生腸也是無腥臭味，但相比起大生腸，它是較軟身，爽口但不會有彈牙的口感。大墨魚也是必點的！墨魚新鮮夠凍，肉質彈牙，又有𡁻口！愈食愈好味。食過這麼多次，我還是最喜歡大生腸！其他地方，是做不到這店的水準！

放工必食肥姐三寳先可以番屋企真係好好味，食極都唔厭 全部都有D凍，不過就凍先覺得正 大生腸-我至愛好爽口彈牙，加埋黃芥末醬溝番茄醬，又辣又酸甜，好好味