肥姐小食店

營業中

休息中

次次行過肥姐都見到好多人排隊，本身唔鍾意食滷味所以見到幾多人排都無動於衷。不過諗諗下覺得人點都要踏出第一步，所以我就決定買來食。其實佢 d 選擇唔多，不過叫最基本的皇牌已經好足夠，而且個個都叫呢個。之後姐姐會高速問你要甚麼醬汁，豉油甜醬唔該。一份皇牌裡面有魷魚雞腎生腸，由於準備功夫做到足，所以三樣嘢都好入味。不過我最驚喜係雞腎，因為我本身唔太喜歡吃，但肥姐的雞腎好爽口彈牙好好趙，醬汁夠味但唔會太濃。魷魚就保持一貫口感，不過真係沾多 d 汁係好食好多，下次可能只點雞腎，哈哈。

行街行到攰攰哋同餓餓哋，見有時間應該仲可以搶閘前食到肥姐 ...... 嘅墨魚。減肥？咩黎㗎？去到阿姐話賣曬啦，剩翻紅腸同墨魚，好彩仲有我至愛嘅墨魚啫。夷咦 ..... 墨魚仲係咁爽又唔會太韌，有咬口，無跌watt不特止，好似仲好味咗，可能係我太耐無食啦，不過真係無得輸。紅腸就麻麻哋啦，如果有得揀嘅話，我就唔會揀食佢啦。

黎到旺角呢條小食街，真係花多眼亂，而且食物成日都會變，想喺度站得住腳都唔係咁容易～呢間肥姐咁多年都大排長龍，就可以證明佢係有一定實力～本人唔係特別鍾意食滷味，但係面對肥姐嘅誘惑，都會忍唔住排隊叫一個細王牌首先佢哋嘅滷味好夠凍，同埋可能因為人多嘅關係，食物去得快自然就新鮮啲～細王牌包括有細生腸，火雞腎加墨魚，墨魚同細生腸都好爽口，雞腎就夠咬口，全部都好入味但成件事嘅精華就係甜醬同芥辣，令滷水升華咗， 真係好邪惡我試過唔加醬咁食，不過真係爭好遠

每次經開旺角都見肥姐小食大排長隆，無論冬天或夏天見到咁都人排隊了，除了本地客之外，都有好多大陸客人慕名而來，見到f阿姐動作好快，條隊可以排到三四十人，一見到咁多人就唔想排了。難得今日夜晚經過肥姐小食店冇咩人排隊，好多種類唔知買邊款好。買左大皇牌$31有一串墨魚，一串生腸和一串火雞腎。一串墨魚有齊墨魚鬚和墨魚片，咬落口十分爽口和夠冰凍，而且完全冇雪藏味😋火雞腎都好出色，切得好均勻而且是厚切，咬落勁爽口😜生腸咬落好煙韌，完全冇腥味配埋秘製醬油一流。

肥姐真係食甘多次都吾會厭架次次去親都係排哂長龍，痴線架不過等侯時間都吾洗話好耐 好快就有得食我都係例牌會叫生腸，雞腎，八爪魚 $26有三串，係好平佢嘅生腸真係好正架好爽口，佢個感覺真係好乾淨淨甘，吾同平時個d雞腎都係滷得好出色仲要係厚切八爪魚更加吾洗講十分爽口彈牙佢地呢幾樣加埋個肥姐秘制汁就真係無得頂佢最值得加分嘅地方係衛生方面門面好乾淨，啲食物都好衛生，係非一般嘅街頭美食，真係不錯，次次行親經過都會買幾串食

肥姐肥姐我又黎喇!! 今日行過旺角街頭, 見到排除既人唔算多, 就自自然有股自動波衝左去龍尾次次都係食套餐另外仲有墨魚, 火雞胗, 有時真係覺得唔係好夠喉😝😝😝生腸一如以往的, 爽脆無比! 加上甜醬同芥辣醬真係完美配搭!!墨魚都係喇~~佢地既處理手法真係做得好好, 每串野食都可以做到有脆身, 爽口既口感~ 呢d香港既街頭美食真係可以入選做特色美食之一呢! 點會有得輸!!!唔識食呢d美食既人真係浪費左佢既肚子呢~~~~一個字『正』!

#hongkongfood 😋 #eatonthestreet 😎refreshment #aftercamping ⛺️ #bigbite & #contentedShortest waiting time, we queued 10 mins after the shop opens for 3 mins 😋thick and chunky #octopus $12😋meaty #ducktongue $12😋crunchy #turkeykidney $7😋fatty #porkneck $7Mouthful of #comfortfood 😋 9/10 too much soy sauce and would be perfect if they cut down a bit ........#vanrivlaonue#vaneatery#vaneathongkong#vaneatChinese#vaneatmongkok

好日都唔會踏足旺角既我，今晚黎到梗係要去肥姐度食滷味！一如以往，排住一條長龍......😧好在好快就到啦！**************************芥末醬、茄汁、豉油，缺一不可，尤其愛芥末醬個種攻鼻既辣味！😋••••••••••••••••••••••••••大皇牌有：$31一串墨魚：墨魚好爽口彈牙，又唔韌唔癡牙，好🉐️！😍😍一串大生腸：其實想食細生腸多d，可惜無曬，大生腸唔夠爽😣火雞腎：最失望，咬落好韌，唔夠灣仔秀記既好味！''試過嗰度既火雞腎，第二度食唔返''（朋友之前講過🙈🙈）！>>>>>>>>>>>>>>>>>>>>

每次去旺角掃街，都會諗起肥姐小食。佢間鋪真係好多人排隊，不過肥姐出品的小食，近年差左，例如大腸小腸無以前咁彈牙，家陣可以同佢比美，應該得佐敦住記！想食肥姐小預，又吾知叫咩好，可以叫佢地金牌，$26有3串

【肥姐小食店】兒時陪爸爸到旺角掃街必定會來的小店之一。見證著肥姐從街邊擺攤，到有了自己的店，來光顧的人也愈來愈多，每次都要排好一陣子才吃到，雖然依然是站在路邊吃，但這正是香港獨有的特色。為了更快讓人嘗到美味的滷味，店裡現在愈來愈有管理，一次過把最多人吃、最有名的集合成「皇牌套餐」，有墨魚、小／大生腸和火雞腎，一次滿足我三個願望。不吃內臟的朋友可以選擇紅腸、墨魚或豬頸肉。當然其他滷味味道亦相當不錯，咸度適中，滷味爽口彈牙，只是建議調味的甜醬和芥末不要太重手就好。推介指數：⭐️⭐️⭐️⭐️（5顆星為滿分）

「肥姐小食店」相信無乜邊個香港人會吾識，賣的就是好味正宗的香港地道小食 - 滷味，每次經開這邊我都忍不住食番一兩串鋪頭出面永遠都是長長的人龍，除了本地客，當中更不乏慕名而來的遊客，姐姐們已有一定的默契，在狹小的店內互相分工，加上純熟利落的動作，好快就落完單食到美味滷味🍢細皇牌套餐$26 包括火雞腎，細生腸及墨魚🐙記得如果要走甜醬或芥末要預先講聲💬我吾要黃芥末，略厭其有點攻鼻，反而吾落更突顯其滷味的好味之處😋一串墨魚有齊墨魚鬚同墨魚片，十分爽脆有咬口，而且全部滷味放在冰箱冰鎮著，保持冰涼的口感，食材新鮮無雪味❄火雞腎及細生腸同樣滷得很出色，每塊火雞腎都是厚切，而且厚度切得均勻，咬落超爽口嚼勁 ; 細生腸洗得乾淨，腸皮滑身煙韌，無內臟那種臭胛味，混埋肥姐秘製的甜醬同鼓油真係一流，好邪惡又美味的街頭小食😈

每次去旺角都會心思思想買番串，最中意食呢D麻甩野，哈哈，有邊個會唔中意掃街？燒賣魚蛋雖係著名既港式小食，但我覺得滷味小食都唔差架(心心眼)！墨魚($12)火雞腎($7)滷味凍冰冰，滷得入味，兩款都爽口有𡁻口，墨魚肉厚身，火雞腎軟熟，溝埋佢既秘製醬汁同芥辣，冇得輸呀。雖然每次都好多人排隊，會比長長既人龍嚇怕，但好快就到自己，成日輪到自己都未諗好叫咩，呀姐們已經好唔耐煩咁等，選擇困難症呀嘛，不過其實我每次都係叫呢兩樣>∀<（諗黎諗去咪又係還原基本步）

細皇牌 ($26)【細生腸，火雞腎，大墨魚】超正，爽口，呢個combination is just Perfect!肥姐個鹵水汁係omg amazing! 落單時實會叫多汁唔該😁

肥姐係賣鹵味嘅小食店。次次行過呢度都有好多人排隊。人食我又食。試下有幾好味先。肥姐推介：皇牌🌟左）細生腸中）火雞腎右）墨魚鹵味夠凍夠新鮮。丁丁雪味都無。天氣咁熱☀️。食咗唔怕肚仔痛。

行旺角一個街角永遠見到人潮擁擁擠在一間細店門前，每次想吃串細生腸都要體下又無咁好運氣可以碰見無咩人流排隊！不過我就無咁樣的經歷可以唔使點樣排隊的時候，可能我每次都係禮拜六日假期才會出來掃街經過這裡的原因。每次遊客都多，今次看著表體時間來排隊。排了13分鐘才吃到依然係愛的鴨舌，跟皇牌三寶就係細生腸，墨魚，火雞腎！滷水幾時都保持著冰涼的感覺，更加入口爽鴨舌好軟皮脆滷汁香甜加甜少芥辣醬好正，細生腸幾時後都依然滑脆嚼彈，墨魚咬到好脆脆響，火雞腎夠熟唔硬又有咬口！加上甜芥醬一流每次過肥姐必點組合