肆年八月米線專門店

營業中

休息中

濃香沙嗲湯&麥芽滷雞翼米線🤤湯底🤍其實佢哋有好多選擇，芫茜好岀名但我就真係唔太感興趣，左揀右揀都係嗌咗沙嗲🤤一嚟到就聞到濃濃嘅香味～飲完第一啖就好想飲晒佢！！配料🤍大部分配料都係啲要落心機整嘅！揀完麥芽滷雞翼係有啲啲失望嘅，份量正常三大隻，但唔知係咪因為湯底較濃，唔係好食得岀佢哋雞翼有咩特別，不過肉質真係滷得好冧！🥰

未行到鋪頭 離遠成條街已經見到有間嘢門口排曬長龍 不出所料 就係尼間米線店 等左半個鐘有多 終於入到去坐低之後發現其實佢鋪面唔係好夠人手 得2個樓面做到踢曬腳 又要上菜又要沖嘢飲 檯又執唔切 單又上唔切 所以就算落左單之後都經歷左漫長嘅等候過程🍜自選米線：秘制豬頸肉🐷+麥芽滷大腸酸辣湯米線（小辣）本身想試下佢嘅麻香手撕雞 不過可能太好賣 已經賣曬 佢湯底如圖所見 偏油膩 而湯底嘅酸Sa妹相信係由香醋帶黎 一入口係甜酸嘅感覺 唔係Sa妹期望中嘅酸辣🥲米線口感不錯 豬頸肉質感厚實 不過不太入味 大腸就偏煙韌 份量幾多🍜自選米線：招牌滷鴨片🦆+秘制豬頸肉酸辣湯米線（小辣）滷鴨片都大舊足料 不過少少乾身🥤招牌手拉奶茶奶茶反而係最令我驚喜 順滑香濃 唔會太甜或太澀 恰到好處 🍋自家製檸檬薏米水檸檬薏米水都飲得出係無添加出品 因為無任何甜味 係少少檸檬嘅清香同好淡嘅薏米味總體黎講 略失望 一黎係湯底不符合預期 配料都無咩驚喜 二黎係鋪面情況比較混亂 希望店家可以安排多D人手 情況可能會好D~

之前嚟呢間米線舖大排長龍食唔到😢佢宜家搬咗大鋪，近顯徑站方便咗，梗係要去潮聖啦😆新鋪闊落啲坐得幾舒服，有啲台灣簡約風，食米線都可以好文青😎麥芽啤酒滷什滙小鍋米線配金銀蛋芫茜湯($62)一場嚟度梗係要試下佢個招牌芫茜湯啦～成碗米線超多芫茜，皮蛋同咸蛋粒都唔少，個湯幾足料，味道就偏甜，幾清新，飲落喉嚨好舒服，食晒成碗都唔會好口渴👍🏻米線偏淋身，我鍾意💕滷什滙有滷鴨片、滷豬腸、滷雞腎同滷蛋🥚全部都入晒味，又係偏甜，豬腸同雞腎幾有咬口🤤但鴨片就嚡咗少少，滷蛋就正常發揮秘製豬頸肉配金銀蛋芫茜湯($52)聽講豬頸肉都出名，當然要試埋啦！👦🏻唔想食辣，所以自選米線都係叫咗芫茜湯～豬頸肉燒到有啲焦邊，夠晒香，又醃得好入味，佢個醬汁撈埋落芫茜湯一齊飲，成個味道又再豐富多一層，推介😋脆炸一口小饅頭($28/4個)饅頭層脆皮比平時食嘅厚身，但係超香脆😍入面好鬆軟，名副其實嘅外脆內軟，內外強烈嘅對比配埋煉奶，甜甜地，正！好想食多幾個😂環境﹕8/10抵食﹕6.5/10味道﹕7.5/10

叫外賣連張單都冇，number又冇等到第幾個唔知，要等幾耐又唔知落完單喺門口食左7個字風都冇個職員出來終於忍唔住問下仲要等幾耐結果即刻喺廚房拎左我碗麵出來即係一早整好左又唔拎出來係想點呢係唔係下下要客人追問先識攞外賣出來呢未見過做外賣做到咁冇系統既餐廳講番碗鴨片芫荽湯麵鴨片同湯都係淡而無味53蚊咁既速度咁既食物質素不如去附近食譚仔三哥好過啦！

🐔麻香手撕雞金銀蛋芫荽湯米線 $48“麻香” 但手撕雞唔麻唔辣但就好油好彩米線質地滑溜 湯底有唔少芫荽碎可惜味道好淡 只係食到手撕雞嘅油味☹️🦆招牌滷鴨片撈米線 $52米線同上滷汁鹹中帶甜都幾開胃同樣係配料扣分鴨片鞋身唔滑亦比較難嚼。

終於等到佢搬新鋪!坐位比舊鋪多左2倍 可以坐多啲人又鬆動左. 鋪外最特別係有吧台位 可以望街影 都幾舒服又靚・照舊都係嗌辣茄湯底 配麥芽雞翼. 份量依然冇減 一樣大大碗👍🏻 米線軟滑 偏淋身, 米線配料都好豐富 芽菜 韭菜 生菜 個湯底仲有幾舊大蕃茄同洋蔥 係足料既! 蕃茄味好夠 湯底屬於偏甜茄湯 中我💁🏻‍♀️所以每次都嗌尼個湯~好多店都冇做炸饅頭 竟然米線店有賣 就嗌左份黎食 外脆內軟 沾埋鍊奶 完全係細個既至愛! 鋪頭好似仲未請夠人 繁忙時間可能人手未到好充足 大家比啲耐性我覺得都係好值得! 推薦💛

一直知呢間店朋友都話好味以前店個位比較偏僻而家搬左方便好多呀點左~豬扒金菇蕃茄湯米線會幫你分湯呢個係貼心既醒唔起會有芫茜我忘記走結果都幾有芫茜味鍾意既朋友應該好爽豬扒味道還好唔會好干又唔會好UN米線質感正常呀反而湯底無想像中咁出色其實唔係差佢都少少杰身既只係唔係自己想ENCORE既味道呀

入到大圍, 終於都可以吃到這家米線店, 其實它在顯徑行過去會比大圍方便. 之前搬遷過, 也時常不定期定休, 也令朋友想品嚐結果都模門釘. 這裏最著名的不是酸辣湯底的米線, 反而是金銀蛋芫荽湯底. 足料而且湯頭夠清甜, 我本身對芫荽沒有什麼抗拒, 喝起來相當舒服, 不嗆喉, 吃完不會口渴或者有火燒後欄之感, 比起其他米線舖來得特別. 米線煮得偏稔, 但未有糊化的情況, 還算可以.配料是滷鴨肉, 鴨腎和豬大腸, 以麥芽啤酒混合在滷水中, 滷味味道咸香中先帶甜, 再帶甘味. 令滷味本身的味道更多元化, 而不會死鹹. 鴨肉和鴨腎肉質爽彈而不死實, 大腸嫩滑而清潔, 再加上本身湯底的清甜, 是我吃過最舒服的米線之一. 小食的麻辣豬牙同樣爽脆, 特別欣賞其麻辣汁麻香帶甜, 辣度適中, 活潑而不潑辣, 佐酒一流.新店面積更大, 可容納的食客更多, 只是侍應工作有陣時手足無措, 特別是在繁忙時間是真的有點亂, 當然小店不會像連鎖集團般Well Trained, 但如果可以更有效率, 我相信店舖的Capacity依然還有上升的可能呢!

肆年八月一直都係有名既黃店米線未搬舖之前次次去都大排長龍無機會試下知道佢搬左舖樓面大左決定同友人專登搭車去顯徑一試果然平日中午時份唔使等位就可以直入今次叫左1) 蒜蜜豬扒酸辣湯米線 (小辣)2) 手撕雞麻辣撈米線 (小辣)先講豬扒米線豬扒有五大塊豬扒醃製既味道做得非常出色好濃既蒜香味食落甜甜地而肉質都唔錯配菜方面有d菜、肉碎值得一讚既係米線咬落十分煙韌唔似坊間好多米線都煮到淋晒咩口感都無而小辣既湯底亦非常惹味食落會有少少麻既感覺 但係又唔會辣到標汗就連我本身唔太食辣都handle到至於手撕雞米線我偷食左友人碗米線兩啖感覺上雖然兩碗都係小辣但係撈米線既辣度相對係勁d應該係冇湯既關係 令到辣油入晒落d手撕雞同米線度而手撕雞既份量超多 雞肉既肉質都好滑最後埋單兩碗米線都只係96蚊性價比超高

岩岩食完呢間野，只可用垃圾呢兩個字形容佢，未食過一間米線係咁嬲嫁😡，佢幅幅圖都有豆卜，下面d字都寫明有豆卜，點知碗野黎到乜都冇，問個職員點解冇左豆卜，佢話舊鋪先有，新鋪冇，咁我心諗你埋明握人啦，如果冇點解落單時唔講或者唔刪除有豆卜呢個送，埋明全心搵笨，唔會再去😡😡😡😡

手撕雞酸辣湯米線 $48 手撕雞🐣份量好多 部份雞肉呈塊狀 比想像中大舊 質地雖然稱唔上嫩滑，但都唔會乾柴👌🏻值得一讚既係雞肉無肥肉👏🏻啖啖肉🤩手撕雞本身無咩味， 主要係吸返湯底既味道😹米線🍜比想像中大碗米線好似食極都仲有咁 質地爽滑👅口感淋中帶點兒咬口 有少少嚼勁 幾特別✅酸辣湯湯底都幾油🍾有一層辣油浮係面 味道方面， 嗌左中辣🌶食落唔辣之餘 仲要係甜味🍯偏多 酸菜味道酸中帶甜 仲有少少炸醬 炸醬幾惹味瘦肉居多，唔錯😇整體而言， 可能期望過大 食完有少少失望😿湯底味道普通 辣味🌶同酸味🍋都唔夠突出 惟配料同米線份量多性價比都算高💸正常食量既女仔記得叫少米線呀 如果經過可以一試既 但特登為左佢入黎就唔洗啦🤣

今晚喺夜晚6,7點嘅時間嚟，點知見到舖頭又係黑晒，提早閂門，又係得門口貼住張紙話當日會提早接單，話16:00會提早截單。今晚已經係第四次嚟而又食唔到有冇考慮過唔係個個客人都住附近，每次收工過到嚟都要失望而回，每次都係得門口一張紙當公開通知。已經去之前一日同當日check住ig會唔會有通知提早截單，每次都冇。由舊舖夜晚嚟冇開，到新鋪都係咁，完全冇改善。之前都dm過舖頭，提出有關問題，希望舖頭可以改善，但舖頭完全不作理會。我覺得舖頭完全冇尊重過客人，以後都唔會再嚟！

今日返工好攰呀，死都要坐巴士嚟呢度，食個米線慰勞吓自己。『麥芽滷大腸、蜂巢凍豆腐•香辣番茄湯』$55因為大腸同番茄湯都甜甜地，哩碗麵變咗「甜辣」🤣可惜哩個湯底嘅辣度固定咗，如果唔係我想辣多少少；麥芽大腸彈牙，甘甜，有少少肥膏；蜂巢凍豆腐吸晒啲湯，見到都開心；米線質地比較淋⋯⋯『椒鹽燒賣（8粒）』$16口感可以，無好熱氣或者炸到乾晒嘅感覺；但「椒鹽味」可以再重啲。回味指數：🌕🌕🌕🌕🌑。📍 肆年八月米線專門店 (大圍)大圍下徑口村148號地下［打哩個地址喺Google map度岀唔到，原來佢係喺顯徑街，嘉徑邨嘉愛閣對面］。【小編的話】➡️ 星期六，七點半左右到，唔使等位，可以直接坐；新鋪寬闊好多，唔使手踭撞手踭，坐得幾舒服；食完八點左右，就有人排隊；➡️小編比較鍾意辣味重嘅湯底，我覺得「香辣番茄湯」適合唔太食得辣嘅人