肆年八月米線專門店

營業中

休息中

本身諗住去顯徑食車仔麵🍜搭屯馬線🚇喺顯徑站落車，行過去都幾遠吓，行到咁上下，見到呢間「肆年八月米線」，就諗起之前喺ig見啲介紹食嘢嘅page介紹過呢間米線好食架喎⋯⋯見佢店內環境幾舒服，當時下午4點幾🕟間舖又冇乜人，行去食車仔麵仲遠啲，反正價錢都係差唔多咁貴💰又好肚餓，費事再行喇，諗住入去靜靜哋食吓嘢囉都好oY⋯叫咗一碗🍅豬扒米線、一份炸春卷加一杯凍檸賓🥤豬扒係夠大件呀！敝在又厚又靭呢仲附送豬扒上嘅肥膏添，可能佢哋覺得有啲客人鍾意食啦！因為米線會索到啲湯，所以食得出個湯底係好咸👎🏻茄膏落得太多喇，好似倒咗半罐落去咁。春卷夠熱夠脆，可能用氣炸鍋嚟炸啦？容易啲控制時間同火力，啲豬扒都”un”成咁，真係難以置信人手炸春卷會炸得好食最後啲豬扒我只係食咗一小塊，其餘果幾小塊真係太”un”食唔到，杯凍檸賓亦都冇嚟到，我都費事催佢喇，明明得兩枱客加埋得五六個人，咁都可以漏單，杯嘢飲冇嚟我都唔要喇，快啲食完快啲走好過，想飲嘢去附近7-11買囉，$88埋單，唔係平，比啲咁嘅服務，幫襯多一蚊都嫌多

！！被停堂食14日黃店！！「肆年八月米線專門店」💗大圍上徑口村148號地下💗呢間小店以前嗰個位置都算幾偏僻🙈而家終於搬咗出嚟當眼好多嘅位🥳由佢未搬出嚟到而家已經食左十幾二十次luuuuu～-湯底：🥬芫荽皮蛋湯🥬最受歡迎嘅一定係芫荽皮蛋湯，真係有皮蛋同好多芫荽！不過同平時食開嘅米線相比，仲係覺得有啲淡🙈不過如果想今餐清淡啲嘅話，呢個係一個唔錯嘅選擇！！🌶沙嗲湯🌶不過沙嗲湯底就真係唔係太建議🙊….個湯底有一層油浮喺面，唔係好辣，不過好甜…..🫠🍅蕃茄湯🍅蕃茄湯底就….都係偏甜🤣如果加錢加埋蛋花就好杰撻撻，誇張啲來講有啲似糖漿😂你試下就會知我講乜～不過又幾好食🫠-配菜：最推介一定係蒜蜜豬扒！性價比最高！每次嚟都係叫呢個🤪蒜味超級濃！豬頸肉就建議唔好連埋芫荽皮蛋湯一齊叫，如果唔係會有啲煲湯肉咁，冇乜味🙈鵝片之前食過，但係覺得有啲太韌，所以冇再食～手撕雞就正正常常🙌🏻-米線：佢撈米線同湯米線，不過暫時未食過佢啲撈米線～米線質地偏淋，不過都幾煙靭💗-回頭率：🍜🍜🍜🍜/5幸福感：🍜🍜🍜/5飽肚感：🍜🍜🍜🍜🍜/5👉🏻簡而精咁形容：識食一定係食「芫荽皮蛋湯底+蒜蜜豬扒米線」-

肆年八月米線專門店 (大圍)買外賣返屋企食🤩🤩抵食美味👍👍高水準米線🍜蒜蜜豬扒蕃茄湯米線$48蒜蜜豬扒啖啖肉🥰🥰味道唔錯👍👍🍎蕃茄味濃😋😋招牌滷鴨片撈米線$52🍜依家天氣咁熱，食撈米線好啱😆😆入面有好多餸，滷鴨片仲好入味😊😊推介😋😋檸檬薏米水$12幾大杯😍😍甜度岩岩好😆😆不錯👍👍整體評分：4/5環境：4/5味道：5/5抵食：5/5地址：大圍上徑口村148號地下

之前去過一次由大圍行左好耐，去到冇開門，第二次去知道佢喺顯徑站附近就易去好多🍅【蒜蜜豬扒蕃茄湯米線】 $48 （+$4轉蛋花蕃茄湯、+$7麥芽滷雞翼） (8.2/10)份量好多，見到好多人都有升級做蛋花蕃茄湯同埋叫佢個雞翼試，咁我就冇用小食$30幾去加，揀左做餸，$7都有兩隻嘅，坦白講，可能啲餸冇另上嘅關係，我唔覺得有麥芽糖味，覺得普普通通啦，豬扒有3塊，冇咩骨唔覺有蒜蜜味，個蕃茄湯好濃，我飲左好多，飲落唔會似茄膏，平時食米線都好少會飲湯，但呢間我幾鍾意佢個湯，如果唔係好食得辣嘅你，呢間應該好啱你🍜【手撕雞酸辣湯米線】大辣 $48 (8.6/10)手撕雞比左勁多，米線偏淋，酸辣湯個酸多過辣，就算我地食大辣，都覺得同10小辣差唔多，夠酸，食落開胃，好埋好飽肚嘅，但真係好唔夠辣🧋樽裝招牌手拉奶茶 (配餐+$12)冰度同埋甜度都冇得揀，飲落似樽裝奶茶，正正常常啦#sorriso_顯徑 #sorriso_新界-📍【肆年八月米線】大圍上徑口村148號地下(嘉徑苑對面)🕑Mon to Sun 11:00~22:00（21:15截單）-

我喺附近街坊，舊鋪食過一次嗰陣仲未出名，食湯米線我估係冇乜特別好食所以冇再幫襯，加上之前嗰次覺得餐具有少少油膩，感覺麻麻後來得知佢出咗名，一直都想搵機會再試多次，但係都多人排隊所以一直都冇食到今日咁岩閒日，唔使等位，所以就係新鋪第一次堂食。食咗個撈米線，依家天氣熱，食撈一流食物方面係冇問題，滷水都好好食好入味，唯獨係太多油，食完碗底仲有剩成吋高既紅油服務方面就真係非常麻麻，店員成日扮睇你唔到，到你叫佢又嗌你等陣，想落單都唔係咁容易，體驗感好差嘢飲方面加咗$8要紅棗杞子，係幾好唔甜，但係都好淡紅棗杞子味成張單加埋就咁就$70，不過不失就算食物有幾好食，咁嘅服務，我寧願去茶餐廳，去澳牛俾人鬧

由小店開始已經一直幫襯💪🏻💛最近轉左新舖位，都係附近所以我哋又來幫襯啦😆😆😆😆😆😆😆😆😆😆不過今次覺得有少少失望以前舊舖位嘅時候都係有一班後生仔打理今次嚟到已經見唔到，可能因為廚房已經唔係開放式。而且樓面態度亦都唔係太好我哋照舊叫咗一個米線一個飯原本想食厚餐肉飯回味一下但可惜已經冇咗嚕😢😢😢😢😢今次再嚟食覺得味道已經有少少唔同冇以前咁好味，加上服務態度有啲差令我有點覺得有點小失望😞

聽講呢間米線好出名，所以特登入去試下😙 紅日去都幾多人等緊位💛招牌滷什滙撈米線 ($58)個汁揀咗自家醬油，麵好入味，而且麵質唔會太淋或太硬，仲好多配料👍🏻 佢同普通滷水冇分別，但配料就唔太入味💛手撕雞酸辣湯米線 ($48)個湯底除咗酸辣之外，仲有啲甜甜地😋 雞肉唔會好霉，食完米線之後仲有一半肉粒+手撕雞😨😍 配料份量十分多👍🏻💛麥芽滷雞翼 ($32)一碟四隻，唔算特別，略嫌唔夠入味💭 排隊直接喺有圓凳坐低個邊排就ok！冇飛攞㗎！而餐具就係台嘅側邊，自己拎。間舖頭人手少但外賣多，所以等位同埋出餐速度都較慢。

想食好耐嘅米線 由佢未搬舖嗰陣已經bookmark咗😂到最近先去到食 食咗之後 反而係俾佢嘅小食驚艷到！朋友話佢係俾米線耽誤嘅炸物店🤣🔸自選配搭酸辣湯米線 $48 (另加配餸每款$7)第一樣要讚嘅係米線口感超好！Q彈有咬口 極欣賞👍🏻湯底就比較失色少少 整體味道偏甜 少酸 唔辣 (食開三小辣嘅朋友都話我個大辣唔辣😂) 酸菜都係偏甜😗但餸就好好味 蒜蜜豬扒同滷大腸都入味軟腍 雖然調味都係偏甜 但配上肉類反而好夾👍🏻．🔸招牌滷什匯撈米線 $58舖頭嘅滷味主打加入麥芽啤酒 帶淡淡香氣同甜味😙滷什匯包括滷鴨胸片、豬腸、雞腎、雞蛋 味道都好好 不過米線嘅撈汁都係滷水汁嚟 overall味道比較單一🤔但勝在配料嘅芫荽、炸蒜、炸豌豆豐富咗口感💁🏻‍♀️．🔸椒鹽燒賣 $16 🌟炸得香脆 有足夠魚味 粉感唔重 配上椒鹽好惹味👍🏻🔸脆炸一口小饅頭 $28 🌟金黃酥脆 配上煉奶 人間極品😛．🔸手切地瓜薯條 $38 🌟出色！超脆！食到尾凍晒都仲脆！唔油膩 無油溢味 已經好飽都食到停唔到口😋．overall食物質素唔錯嘅 去開附近會食 但未必會再突登搭車去🤔另外 員工嘅工作態度有待改善 我哋去嘅時候客人唔多 但佢

話說又係上個禮拜嗰陣，當全香港都處於可能要全民檢測之際，一般旺角嘅街頭都冷清清。響呢個時候，小店先更加需要幫助。今次就去到呢間出名「隱世」同排隊嘅米線店，估唔到當日午市時間都冇乜人。 肆年八月，原先位於顯徑下口徑村嘅一條巷仔，近排搬咗新舖响唔係差好遠嘅地方，但距離顯徑站就近D。喺疫情之前，此店就被好多人視為訓練香港人忍耐力/腳骨力嘅最佳排隊地方。店名肆年八月，我就揾唔到佢嘅具體意思，究竟有咩嘢隱藏喺四年零八個月度呢? 餐廳老闆就想食客食得好之餘又坐得好，所以有別其他傳統米線店，舊店嘅裝修清幽，設有戶外位，就好似「由樓上住客無聊經營一間小店過日神」嘅feel，而新店就有望窗高枱，冇咁「村屋」，門口有D食米線嘅油畫。 食物選擇比其他米線店就多咗好多特別款式，例如湯飯/撈米線/炸饅頭/泰式春卷etc。米線湯底有8款，餸有14款餸，主打有滷鵝肉/手撕雞/豬頸肉/蕃茄蛋花湯等。 招牌滷鴨片撈米線 $52(+一餸麻香手撕雞$7) 賣相係我近排食撈麵之中最靚嗰個，份量就反而係肉多於米線。你見佢有幾多花生都feel到呢碗米線係唔簡單，性價比就當然高啦，餸都已經cover咗D麵。 撈米線有得揀酸辣/香辣

放假每次去都好多人堂食/買外賣！顯徑村屋地舖高質米線，有心思嘅湯底同配料，米線控不能錯過！💛#小胖遊大圍🐠 #小胖遊顯徑🐠—————————————————🔹麥芽啤酒滷什滙小鍋米線配金銀蛋芫茜湯 $62什滙包括滷鴨片、滷豬腸、滷水蛋、滷雞腎，滷得入味，有淡淡滷水麥芽香🐿最有驚喜係豬腸，洗得乾淨無異味，口感軟而不韌 (小編平時係唔食豬腸，都覺得整得好食)，雞腎🐓同鴨片🦆都唔錯，米線係煙煙韌韌又幼滑，偏少少腍身🍜湯底無味精，入口啖啖香濃芫茜皮蛋味，飲落好舒服🍀，小編差唔多飲晒成碗湯，推薦! 🤤🔹秘製豬頸肉配特製蕃茄湯 $52厚切豬頸肉腌得入味，一咬開有蜜糖略帶微甜，帶有少少肥肉更香口🐽👉🏻豬勁肉🐷有好多嚿，值得試！番茄湯夠濃郁🍅，湯偏向稠身，應該用好多🍅🥫煲，煙韌米線索滿湯汁食特別夾，但湯底偏甜(就扣少少分)🥲要同人share否則都有點漏🔹樽裝招牌手拉奶茶 $26 (跟餐+$12)偏向台式奶茶🥤，茶味香又唔會苦澀，同奶味比例適中，飲落好順滑，甜度剛剛好🙆🏻—————————————————🧜🏻‍口水度：🌕🌕🌕🌕🌘🤑性價比：🌕🌕🌕🌕🌘🧚🏻‍打卡值：🌕🌕🌕🌘🌑🥰舒適度：🌕🌕🌕🌕🌑👅回頭率：🌕🌕

之前都久聞大名，知道佢嘅米線非常之特別。但係一路都冇機會經過呢度，今次喺附近見到，當然要來試吓啦💕嗰日我哋係下晝去到，見到都有人龍，但係就唔算好多人😳等咗15分鐘左右就入到去食。殿內環境佈置都優雅，可能因為呢間係搬左新鋪嘅關係，坐得都幾舒服😌～～～～～～～～～～～～～～～～～～～～☞ 麥芽啤酒撈什匯小窩米線 配金銀芫茜湯 $62 (7.5/10)因為之前啲人講到好好食，所以自己都提高左好多期望值，帶出嚟比我嘅感覺係原來就係咁咋(　ﾟдﾟ)即係雖然都好食嘅，但係呢好似又未值得去走入去顯徑，專登等咁耐去食囉～啲肉都算係幾嫩嘅不過，雜錦嗰啲料都好充足，當一個普通米線食係唔錯，但係其實都價錢略貴。☞ 手切地瓜條配番薯粉 $38 (9/10)反而呢個就真係幾好食啦，首先價錢唔貴囉，而且佢份量都非常之多。用料方面，都食得出係用咗真材實料嘅番薯，配埋酸酸甜甜嘅酸梅粉真係好正！😋😋佢上碟應該係啱啱好炸起，食落真係又熱又辣又正🤗🤗～～～～～～～～～～～～～～～～～～～～總結就係個人覺得試一次就夠，而且都冇太大慾望去翻兜。論環境等等其實都唔錯嘅，未試過係可以去試吓。

成日聽啲人講依間米線唔錯，今日終於的起心肝行去食，事關佢的位置真係令我成日好唔想行咁遠😂叫左蒜蜜蕃茄湯米線、肥牛沙嗲湯米線、大腸拼雞腎、同埋脆米紙春卷蕃茄湯底唔錯，唔會太酸帶微甜，好怕有啲酸勁太厲害會越食越酸；米線唔係我中意的質地（我喜歡偏淋身落單都已叫佢煮淋啲），但今次依碗直頭我同友人都覺得有啲半生不熟；豬扒一般，就算浸係湯度都食到佢好柴好難咬；結論依碗除左個湯底ok外其他都不大滿意。肥牛沙嗲果碗，湯底沙嗲味淡，真係茶餐廳既沙嗲牛都比佢好食，肥牛就感覺係打邊爐最cheapcheap果種，真係我自己買料的都會好食過佢既肥牛，米線都一樣係半生不熟既口感，個芯感覺係未煮透，已經唔係話保持彈牙嘅問題。反而小食大腸同雞腎表現比米線仲要好，非常入味、都煮得夠淋；米紙卷都係新鮮整，唔會話炸定上枱微溫果種，但味道一般，屬正常表現。整體來講名過其實，而且樓面員工經常唔留意出餐位，我碗沙嗲米線係出餐吹到凍哂至拎過嚟，明明唔多客無乜野做企係度，試過一次就算，唔需要再黎了

𓎩 Semen Coicis Lemonade +$12因為見到堂飲為玻璃樽呢句而叫既自家製檸檬薏米水原來係…fake架🥲 用咗鐵杯既賣相唔太美觀 而且聽落健康既飲品味道都係偏甜🥺(冇得揀甜度)一定要攬勻先會有返啲檸檬香味 整體一般🧐Semen Coicis Lemonade sounded more healthy, and thought it’ll be served with the glass bottle, which was more appetising😚while it didn’t in fact🤓 Sweetness level was not adjustable, and the lemonade was quite sugary😟 & afterwards had some lemon flavour with stirring🍋 評分: 7/10🌟𓎩 Marinated Chicken Wings Noodles Set $48麥芽滷雞翼米線配金銀蛋芫莤湯都算係一個特別既組合✨ 麥芽雞翼肉質嫩滑同吸引哂醬汁既精華 食落甜甜地好濃郁🥰 金銀蛋芫茜湯真係好重茜

🔸香辣蕃茄湯蕃茄湯幾濃稠，湯底唔算太辣，唔會辣到噴火😂 揀咗麥芽滷雞翼同秘製豬頸肉🍜 雞翼滷得好入味👍🏻 豬頸肉份量比相像中多👍🏻🔸金銀蛋芫茜湯夠特別嘅湯底，我都係第一次見呢款米線湯底，比香辣蕃茄湯出色😂 揀咗蒜蜜豬扒同麻香手撕雞🍜 豬扒食到蒜香同黑椒味😂 手撕雞份量都唔少，唔算好辣👌🏼📍#肆年八月米線專門店 (#大圍美食)大圍上徑口村148號地下

首先已排隊好耐，入坐後永無人來寫單，已經坐左好多客入都未落單，等到佢得閒落單就行去最近佢果位落🤬🤬大佬我叫左落單10世無人招呼，同佢講我入黎坐低叫左好耐可否幫手落左我單先，佢話是但啦🤬🤬🤬不如叫你老細執左佢等妳唔洗咁忙啦！全問舖只有2個人，仲要不停去寫外賣，我坐低後面2枱都係有飲品未有食物，大家真係想去堂食我諗最好預2粒鐘起碼！🤬🤬唔係黃店就大晒！一定要人体諒，做到咁不如只做外賣唔好做堂食啦！