聯邦金閣酒家 (已結業)

今日七一，約了家人中午在這裡飲茶……之前間中會同同事嚟呢度lunch，覺得價錢同食物都ok，所以選呢度聚會…我已有一排冇嚟，今日再來，攞位坐下開了茶，tick點心，看看價錢，都要焗住食啦…食物真的一般，但價錢的確吾抵，甚至有点掠水感覺……大中小特点貴不只，炒粉麵的價錢仲有分兩種～～迷你價、例牌價，我覺得吾應該咁，我覺得好反感！雖然我之前已見過有食肆係咁，但冇諗過好似越來越普遍，消費者要小心…七個人～～食左五個大点@$29、十個中点@$24、一個小点@$20 、一個例牌雪菜肉絲炆米，茶錢@10再加一共$616，雖然除開每人一百吾駛，但相對貴過一般酒樓，仲要吾係樣樣好食……紅豆沙綠豆沙冇味，蛋散吾鬆化，雪菜肉絲炆米米粉少～我明白假期一定貴，但冇諗過價錢係咁掠水，我會blacklist呢間嘢！！

是日幫朋友搬屋到北角，大家擔擔抬抬又被交警問候一番之後，當然是要吃一個美滿的午飯慶祝一下。既可打發時間，又可以舒服地聊天的地方，我們都想起了去飲茶。大家問我那兒飲茶好，因為有泊車優惠，我立即建議了港運城的《聯邦》飲茶。來到時，剛剛好是下午茶時間，我們手拿著的點心紙，都朝特價點心粉麵飯的那一張尋。當中有一個小菜加點心的套餐，啱晒我們一檯來食 late lunch 的人士。小菜中，最美味的就是花鵰醉雞，這雞的酒味香濃，皮肉香嫩，雞皮下有一小層晶瑩剔透的雞油脂肪，令雞的味道更加之香濃，這醉雞比起很多上海、江南小館都做得好。釀虎皮尖椒，祛了核的虎皮尖椒，辣感大大的減少。這樣一釀，令這虎皮尖椒有點像煎釀三寶的。香口的小點，小小辣，感覺惹味。弄了一碟青菜，是肉鬆炒芥蘭，多了肉鬆在襯托，味道特別的香濃，這芥蘭亦非常爽甜，味道確是不錯。點心，由腸粉說起，我們點了一個春風得意腸，腸粉，皮要靚，餡也要靚，但皮不靚，個餡幾靚都冇用，這腸粉，皮只是一般般，煙韌感未夠，不過用上了香卷做餡，也挽回點點的香口味道，若是皮靚，這春風得意腸的確會春風得意。海皇鳳眼餃，賣相夠特別，晶瑩剔透的皮亦夠煙韌，蝦肉的餡味道鮮甜，

今日同班親戚嚟咗呢度飲茶. 睇落個格局都幾好, 空間好多, 好光猛. 但係好奇怪, 假期午市都冇乜人, 有好幾枱係吉0既, 唔洗等位就有得坐底.佢問我哋要咩茶, 我媽咪就答話要水仙同香片, 點知佢攞到嚟0既時候得壺鐵觀音同滾水, 完全冇理到我哋叫咗乜 =.=叫點心, 發覺都幾貴吓, 由於假期關係, 中點要成廿蚊一籠, 特點要卌蚊.我哋本來得五個人, 兩個表弟後來加入. 我哋叫個侍應同我哋加兩個位, 點知佢拉咗兩張凳過嚟又唔記得要加多兩 set 碗筷, 似乎唔夠細心喎.啲嘢食0既水準一般啦, 冇話特別好食或者難食. 最鐘意係個义燒腸同啲燒賣, 味道足, 同埋個紅豆椰汁糕都好鬼滑.總括而言啲嘢食同環境都合格0既, 但係又真係貴咗啲, 同埋服務又真係差啲啲咁囉.

　　今天送別兩位同事，整個部門訂了兩桌子一起吃午飯。　　我們坐的是裏廳，但是因為人比較多，還是顯得比較噪吵，但不至於太難接受。　　由我桌的一位主任點菜，每道食物都點兩客，鄰桌的和我桌的食物一樣，是出於公平原則。　　看看我們吃了一些甚麼：點心類1.蝦餃2.燒賣3.粉果4.炸兩5.鮮竹卷6.腐皮卷7.糯米卷8.糯米雞9.叉燒包10.鳳爪11.炸豆腐12.燒肉13.上湯菜心14.黃芽白燴金菇飯/粉麵類1.鴛鴦炒飯2.海鮮炒烏冬甜品類1.芒果卷2.蛋散3.南瓜露4.紅豆沙5.豆腐花6.紅棗糕我沒有每道都吃到，只能談些我吃到的吧。粉果方面，皮不夠煙靭，就是咬下去便很容易散的感覺，不夠透明，餡也不夠豐富，應該可以多加一些花生，增加爽脆感。叉燒包的賣相也很奇怪，其他茶樓的叉燒包，粉是比較乾，包中心會有一小團尖起來，露出裏面紅色的叉燒餡料，但這家的叉燒包賣相很扁很圓，包的質地也像雞包那樣很滑很白，絲毫沒有一般叉燒包的粗糙感，直至我咬開了才知道它是叉燒包，要不然以為裏面會是豬肉或雞。因為箍牙的緣故，我吃不到菜心，因為不太軟稔。黃芽白的一碟也很油膩，炸豆腐也很一般。這裏的海鮮炒烏冬很特別，一上來，便見到很

小妮子今天不用考試，想我陪她吃午膳，知她喜歡飲茶，與她來到聯邦金閣食點心。在北角，除了酒店的中餐廳，此店算是較骨子，無論地方，裝修，用具或價目，因為它座落於一較新和管理得好的商場內，我們趕在十二時許入座以避免午市多人。想慰勞小妮子近月考試的辛苦，本想點龍蝦給她，何況午市有特價推廣，但她說不喜歡，便由得她點幾款自己喜歡的點心吧！小妮子對餃子、燒賣類情有獨鍾，百吃不厭，她點了蝦餃，鮮蝦韭菜餃，鮮蝦粉果，腐皮卷和叉燒腸粉。可能點心是即叫即蒸，需等些時候才一一送來，蝦餃的樣子看來很飽滿，我沒有研究有多少摺才是正宗，蝦爽是最重要，澄麵皮也煙韌；鮮蝦韭菜餃是開口的，可看見有韭菜和蝦仁，還有些金華火腿的幼絲，入口韭菜味不夠濃，整體餡料算滋味；鮮蝦粉果的皮夠薄，淡淡透出蝦肉的橙色，多麼吸引，汁液在口中爆發，很有滿足感；腐皮卷，本是我的至愛，可能小妮子經我多年的耳濡目染，竟也愛上了它，愛腐皮的豆香和肉餡的豐腴，木耳蘿蔔絲的爽口，加上好味的汁茨，也是飲茶必吃之選；點了碟叉燒腸粉，因小妮子不要碟飯麵，吃些腸粉會有些「米」氣，腸粉頗滑，她也喜歡。問她還要些甜品否，她說不要了，以免變成胖妮子。知她為考試有壓力，

放假日，嘆茶日。去到攞位，星期日竟然大把位揀?!!坐下才知因由，原來剛過了早茶時間，1030am已是假日的午市價錢!!! 好唔抵呀!!! 不過，算吧，又唔係成日飲，唔使等位喎.....間酒樓既環境好光猛，d椅子夠大張，啱哂我lee d咁大隻既人，坐得好舒服。不過，張椅好似高左d，相對枱就較矮，食野時唔係好舒服。煎腸粉﹕一般啦，因為煎得唔夠香，軟軟的牛肉腸﹕好味，有馬蹄，咬下去很爽口香芋菠蘿包﹕唔係好夠熱，香芋唔夠香，但不太甜，都ok既，幾特別鳯爪﹕麻麻地，花生唔夠腍，鳯爪唔入味茶壺有茶葉標識，很warm，唔會攞錯壺水，值得一讚。

也許北角區的酒樓不算多，午市時間真的很多人，所以一定要早一點預訂枱子。酒樓裝潢普通，衞生情况一般，D碗碟係「油油地」嘅，no good！點心質素中規中矩啦，D炸嘢麻麻地，外皮唔夠脆。炒粉麵飯都是普普通通，無嘢值得推介。

如果講價錢的話,正價時間真係唔抵,但係早茶時間都係OK0既我鍾意佢早茶有一D點心係2件一碟0既(因為茶樓通常一碟有3-4件),2個人去食啱啱好一人一件,唔會嘥野,味道都OK,係serve得有D慢,同埋人多難搵位佢Ｄ正價粥係煲仔粥，好綿好好味，如果跟早晨套餐的粥就差Ｄ（一分錢一分貨！）不過建議唔好食佢的蘋果叉燒酥，個味真係好怪，無蘋果味無叉燒味得得酸字

其實我好怕食中式酒樓, 不過因為多老人家親戚, 差唔多隔個星期就要飲一次茶.係聯邦金閣試過飲茶同食晚飯, 感覺如下:飲茶 - 我覺得d 點心款式好普通, 最差係蝦蛟, 肉質鬆散, 蝦唔爽口, 皮一夾就穿; 最好食係乳豬, 皮很脆，肥膏算薄, 肉質嫩滑，味調得不錯. 至於其他點心就好大路, 唔會覺得難食但係亦唔會食完有印象.晚飯 - 侍應會不停叫你食套餐, 我地唔肯, 散叫左d普通家常小菜, 結果足足等左個半鐘, 催左五六次, 睇著一齊坐低既隔離檯個套餐已經食到炒飯, 我地先有第一個菜! 因為佢新開張, 我地都冇話太激氣, 希望佢會快d改善啦! 小菜份量算細, 我地4個人叫左4個"送", 1個燒味加1個湯都唔夠飽. 小菜一般, 幾油而且重味精, 燒味就反而ok.環境嘈吵兼擠迫, 服務算差(漏單)，但回家再想,我以後也會依樣光顧(北角實在冇乜酒樓選擇), 都幾助紂為虐, 活該!!