聯發茶餐廳

營業中

休息中

平時常到此早餐。今日在通心粉上枱時見有發泡膠粒，已即時知會侍應。點知食完見剩下的小小炒蛋，竟然有綠色擦布絲附在蛋上，真係吾知吃咗幾多落肚。忘記拍照，無得分享比大家

老闆對客人態度真令人汗顏, 特別有小朋友嘅家庭, 成日黑面指令"唔好俾你個小朋友跌d 野食落地", 每次我地都會好禮貌話會小心, 亦會say sorry, 同妥善處理小朋友唔小心跌落地面嘅食物, 但係老闆總係黑面唔滿意, 再三責難帶有小朋友客人, 令人難受 完全係趕客行為Please give it a second thought if you would like to bring your young kids to this restaurant. They offer completely NO tolerance and patience to kids.

好耐冇去九龍城啦！咁岩今日公司叫我出去做嘢 梗係睇吓有咩好食啦但係我又唔想食泰國菜😞行行吓就見到呢間 聯發茶餐廳 🙋🏻‍♀️再上網搵吓 原來呢間係發哥會去食架喎😆等我睇吓會唔會咁好彩撞到先😂😂其實外表佢只係一般嘅茶餐廳 冇咩特別🤔但係一啲都唔平 $28架😂😂 比一般茶餐廳貴少少🤏不過我想講佢件煎蛋多士 都真係幾好食啲蛋呢真係好滑 仲有蛋汁㗎 😍😍塊面包都好脆身😍當我食完走，我都係同發哥無緣🥲

又去九龍城搵食, 但今日唔想食泰國菜!🤭 搵左間款式唔多, 但見好多人去食 "聯發茶餐廳"! 主要見到食 "滑蛋蔥花叉燒飯 (叉燒可改蝦仁, 牛肉)"🍳🍳滑蛋蔥花蝦仁飯-有5粒唔算大粒既蝦仁, 滑蛋好滑, 加上蔥花同豉油係好味既!🍗叉燒雞扒飯-叉燒味道唔錯, 但較鞋囗, 雞扒就正正常常丫!但兩碟飯都比較硬, 比較乾身, 完全影响左成碟飯既口感, 有待改善!😅地址 : 聯發茶餐廳九龍城侯王道2-4號地下1號舖評分 : 7/10

template🇭🇰 聯發茶餐廳·漩渦蛋包西炒飯$78 l 雞扒出前一丁茶餐$65因為我哋個日太遲去到啦 佢地既叉燒已經賣晒 所以我哋就嗌咗呢個漩渦蛋包飯 佢個蛋整出嚟冇佢張相咁漩渦 好在都唔會太老 不過我自己都係鍾意澳牛個炒蛋多啲🙊之後入面個西炒飯就正正常常啦 反而佢個雞扒出前一丁整得幾好食 佢個出前一丁煮到岩岩好 而且塊雞扒都好大塊 煎到好靚 不過呢個價錢就真係偏貴 可能真係要食佢個叉燒飯🤣🤣·📍九龍城侯王道2-4號地下1號舖·#rbyeat #rby好去處#rby港式#rby九龍城

呢一間茶記最特別一定係因為發哥成日都會嚟～難怪長期都咁好高人氣！佢哋嘅爆餡蛋牛治真係必食！呢度嘅蛋牛治嘅內餡比平時真係多幾倍🤩個蛋炒得好滑 蛋香味都好濃郁 再配埋鹹牛肉 真係冇得輸🥪

已經好耐冇食聯發既糯米雞，所以就去撞下睇下有冇得食！因為真係期待咗好耐，有睇之前寫聯發既糯米雞就知又大又足料，加埋辣椒油真係「絕」！但今次真係水準好差！最基本糯米雞熱辣辣都做唔到，要夠熱食先可好味架嗎！但係就只係和暖🙈而且分量比以前嚟食少咗，味道差咗，餡料亦都揸流攤咗！失望！本身以為可以食到好西，或者可能因為疫情所以水準差咗？！曾幾何時因為個糯米雞我會成日想食，希望下次再嚟食既時候，會回復正常水準！

特餐 沙爹牛肉出前一丁佢既出前一丁採用日本版，湯底似沙茶醬，沙爹牛肉整到幾香，佢啲沙爹醬仲帶啲花生粗粒🤩都幾好食！！湯底唔會太油，飲得落口，我就反而中意香港版出前一丁多啲，因為日本版偏霖身，麵條偏幼，可能我食開香港版，口味慣左。炒蛋都炒得好滑身，唔錯！煎蛋叉燒飯叉燒份量勁多😍啲叉燒經過炭燒，都有少少燶邊既，呢個係半肥瘦，咬落都霖，幾好食😋😋不過我就覺得佢整到唔係甘值$78🥹覺得$78可以再好食啲先值個價凍奶茶叫左少甜少冰，冰係碎冰黎，佢少冰真係有少到，唔似坊間茶餐廳甘玩野，佢個比例係岩岩好！佢啲冰融晒都唔會好淡，淡到似奶水，仲係甘濃郁😍真係覺得好好飲！！

去過九龍城咁多次 第一次入來 點了個招牌叉燒蛋飯 有點失望 叉燒感覺有些鞋口 好乾 係瘦嘅叉燒但係個蛋唔錯 幾滑 但係略嫌有啲淡 可能我比較鍾意濃味一點 飯上的汁亦都比較少 呢個飯試過一次就夠！

九龍城是傳統食肆雲集的地方，有平有貴，market position 各有各做，去開買嘢，上OpenRice search 下有冇D好介紹，選中這間發哥成日去的港式茶餐廳，聞名不如見面就行去試下。叫咗個常餐$63，仲貴過澳牛的$56(由4月18日已作13%調整後的價錢)，究竟係唔係咁好食呢，價錢貴D，客人的expectation 就會高D, 以下是從客觀的viewpoint和澳牛作出比較:抵食情度澳牛是3星，即中中地啦，但他的通粉份量作為午餐或晚餐都算足夠，可餵飽一個后生仔，聯發食完後，還要到附近添食才飽。食物質數*聯發碟沙嗲牛有5片，酱一把，雖然寫住鮮牛沙嗲，惜没有牛味只有醬味，澳牛則是傳統醃製，保留著牛肉的原本鮮味。*通粉就澳牛鸁了，軟而不易斷，聯發的通粉則微硬但易斷，湯底則略濃於澳牛，不過熱度則不足。*兩家都是即叫即煎雙蛋，兩家都好好味，蛋味濃，蛋白juicy，聯發用的蛋黃比較偏红和濃度高，煎蛋則聯發勝。✌*聯發個餐有餐飽加件牛油，個飽serve前入微波爐再出，微温但表面略乾和皺皮，澳牛方飽卻新鲜有韌性，比聯發好。*聯發杯茶一般般啦和其他茶餐廳差不多，澳牛人流旺，茶、啡都好和香。

九龍城好多好嘢食，呢間聯發都有條短短嘅人龍，大約十分鐘就入到去啦！🔸常餐(💰$61)牛油多士、火腿炒蛋、叉燒一丁、熱咖啡🔸特餐（💰$64）牛油多士、火腿炒蛋、沙嗲牛一丁、熱檸茶其實全部嘢食都好味架，呢度嘅多士感覺比一般多士厚，好香麵包味。炒蛋都好滑好香！沙嗲牛有好多塊，牛肉質素都算好，不過沙嗲味就淡啲。叉燒亦燒得幾好，燶邊，肥瘦適中。轉一丁都唔洗加錢。整體黎講都好味架😋🔸法蘭西多士(💰$30)多士真係好厚好厚！好正呀！炸得熱辣辣，有好大舊牛油，加埋蜜糖，阿姐仲好好俾埋煉奶添！雖然邪惡，但真係超好味！😋😋❤️不過佢嘅價錢就比其他比其他好味茶餐廳貴啦。但佢嘅服務都不錯，啲姐姐都笑笑口嘅。評分：8/10👍🏻(如果平啲會高分啲😂)

據聞, 聯發茶餐廳係周潤發經常會光顧的九龍城餐廳之一。咁岩小編自己一個入開九龍城, 梗係要試一試佢。🍞🧈🍲🍳特餐 ($63)麵包方面可以揀牛油方包、餐包、多士(加1蚊), 見唔係度度有餐包食, 小編就跟左個餐包。餐包比較實心, 好飽肚但可能本身比較prefer 麵包軟熟既緣故, 下次都會叫番方包算。蛋就有得揀炒蛋煎蛋, 聽講呢度炒蛋出名咁梗係試炒蛋啦。可惜有啲失望, 蛋香味唔夠, 都係鐘意澳牛個炒蛋多啲。反而個沙嗲牛肉通就有驚喜喇, 通粉好挺身, 同其他茶記個腍身通粉好唔同, 個通粉本身係好食。沙嗲牛肉好香花生味, 鐘意花生既朋友唔好錯過。常餐黎講63蚊呢個價錢絕對唔平, 小編覺得可以一試, 但唔算抵食。🐾🐾🐾🐾🐾🐾🐾🐾🐾🐾🐾🐾🐾🐾🐾🐾🐾🐾🐾🐾Ranking (5分為滿)卡路里爆標程度: 😈😈😈😈Cheat Meal 推薦程度: 😍😍等候時間: 0

同朋友路過諗住試下一入去睇餐牌都覺得瀨瀨地野痴線 叉燒蛋飯88蚊野飲另計常餐四十幾 得兩塊包 蛋同火腿 冇麵都算又唔係特別好食。。。 唯獨係啲姐姐態度幾好 但係一定唔會再去

第一次食野食到咁嬲一間出名賣常餐既野可以無公仔麵都算60蚊既份量少都算 份蛋可以一d味都無仲叫我地自己落鹽 真係dllm我自己屋企炒蛋都好食過佢唔係話要比較 但60蚊既常餐連澳牛1成質素都無澳牛賣緊48炸另外個牛丼 依個真係dllm咸撚到喊 D牛仲要係硬嫁盛為88大元 飲野仲要另外加錢 事前問有無連飲品 佢無答 就直接問你想飲乜到埋單先知係散叫盛為22蚊 1 d責任心都無除咗杯茶好飲之外 依間野真係比狗食究竟係出名d乜 出名難食？

Happy Friday 1月28日，返埋呢日準備收爐，天氣凍凍哋就諗起食熱辣辣嘅嘢，經過九龍城就諗住食個火腿通加炒蛋多士，點知佢晚市冇哂呢啲常餐，反而有煲仔飯，仲有好多款選擇，咁就決定叫煲仔飯食。見到門口外面有人影個餐牌，仲有啲外賣喺度等緊。見到咁多款嘅煲仔飯，最後揀咗老闆推介嘅滑雞煲仔飯加條膶腸，另再加一個豉汁排骨煲仔飯。落咗單後就要乖乖等25分鐘。除咗煲仔飯，仲有其他選擇。下次可試吓叉燒雞扒飯，推介嚟嘅。等到一段時間後，伙計交一大個袋俾我哋，仲要感覺到好熱嘅氣由個袋入面散發出嚟。心諗做乜咁重，一上到車打開，簡直唔相信自已隻眼，外賣都成個煲仔俾埋你，仲要熱到要用錫紙包裹住都感覺到好熱。打開之後，淋上甜豉油，一陣香味飄嚟。入面仲有好香嘅飯焦！成個煲都俾埋你。食完個飯後，我哋好有手尾倒走垃圾，再將個煲仔俾番舖頭。環保♻️💪🏻每人$100度，我覺得呢間餐廳嘅煲仔飯好乾淨，好有心機，價錢好合理，值得幫襯。