聯發牛什粉麵茶餐廳 (已結業)

好耐無嚟馬鞍山行街，近期個商場新裝修完就去行下啦！之後附近有個街市順便買埋餸回家，經過這間牛什粉麵見到有很多人坐滿晒，唔通真的好好食。朋友仔話見到好想食，就不如食碗粉啦！款式有好多單餸賣廿九蚊一碗，雙拼加六蚊，叫埋飲品加六蚊，凍飲就加七蚊都算是合理。牛腩牛筋米，都幾大碗湯底清甜，牛腩炆得好腍唔韌夠入味，牛筋嫰嫰唔硬。牛肚牛丸米，牛肚新鮮大件牛丸彈牙，米粉幼滑滲晒牛腩汁好夾。熱檸蜜，檸檬同蜜糖比例剛好。凍奶茶，奶幼滑茶濃夠香。

新港城街市變嚟變去唯獨呢間汕頭粉麵由我中學食到大學食到岀嚟做嘢幾年依然一樣咁嘅樣 咁好味 同埋咁多人只係價錢由17蚊加到27以前仲食牛，最中意叫牛雜河走腸同牛腩入味之餘 肥瘦平均！加下戒牛，都過意去食魚蛋河就算無加腩汁，個湯都有味，唔會好似水咁叫魚蛋有捚魚角一啲都唔腥，仲食到炸過嘅魚香口感方面，絕對稱得上彈牙唔會過硬過腍不得不提呢度凍熱飲同價都係加7蚊，高度推介凍奶茶真正做到港式茶餐廳奶茶嘅神韻香、濃、滑雖然愈嚟愈貴但食左10幾年都仲有水凖會繼續支持！

今日朋友帶我嚟到馬鞍山新港城街市既茶餐廳食午餐，聽朋友講呢間茶餐廳既粉麵做得好出色，所以無時無刻都會座無虛席。嚟到果時真係無位，好彩等咗無耐就有，叫咗牛雜水餃米粉配凍檸茶。牛雜水餃米粉 : 水餃皮薄餡靚，餡料有原隻蝦、豬肉、木耳 ; 而牛肺、牛腸、牛肚、牛膀都洗得好乾淨完全無異味，牛肚爽口彈牙，牛腸亦超軟滑，滋味得很。😍凍檸茶 : 茶色透明清澈，一點苦澀味都無，而且重有陣陣檸檬既清香，甜度亦適中。👍🏻 👍🏻

太耐冇食粉麵，所以今日就特登去咗馬鞍山街市一間好出名嘅粉麵餐廳幫襯， 呢間餐廳長期都爆曬場，好彩今次係一個人食，所易容易啲搵到位。叫咗雲吞牛雜河粉加凍檸茶，盛惠 $41 蚊，呢個價錢係街市食碗麵黎講我覺得有啲貴。😂 😂雲吞牛雜河粉 ($35) : 餐廳用嘅雲吞係佢哋自己包嘅，唔係攞貨。雲吞皮薄餡靚，雲吞皮內包住爽口彈牙的蝦肉同豬肉 ; 而牛雜清洗得好乾淨無異味，金錢肚爽口，牛腸軟滑，牛腩腍身夠牛味。凍檸茶亦沖得好好，茶色好清澈之剩味道不錯，而且餐廳一啲都唔孤寒茶底有五塊檸檬，唔似有啲餐廳為節省成本，只得兩或三塊檸檬。

最近常要去馬鞍山附近工作，朋友知我不論貴平，只要有美味食物，就愛嘗試及同大家分享。 朋友就介紹我去新港城街市覓食，一行入去街市就感覺良好。 熟食市場近入口處，地方規劃也整齊，有冷氣及沒有異味。今趟去的＂聯發牛什粉麵＂，就在近出入口右手邊直行就見到。開放式廚房及坐位，清楚看到四周環境。牛腩湯米牛腩炆得肉嫩多汁，份量也適中，味道就偏淡口，但米粉份量就略為少。凍檸檬茶茶味夠丶又夠凍，檸檬份量也足夠。以價錢來説真的十分抵，$28單拼，加$6可雙拼，平日加凍飲也只是$6。

聯發茶記位於新港城街市入面，佢成日都坐滿人都！因為佢d牛腩出哂名好味！呢間茶記亦系我同男朋友嘅飯堂，雖然環境up dup d ～但勝在快靚正～價錢又平，所以周不時都幫襯～每次黎都必叫肥腩河～佢d 牛腩牛味好重，仲好軟身，食落好香口無渣～河粉煮得又唔會太淋～總之就好食啦！聽講佢d牛雜都出名，鐘意食牛雜嘅可試試！佢杯奶茶都好掂架！茶味夠唔澀口～飲落又夠奶香同夠滑仲有要提一提佢嘅辣椒油，好香口～鐘意食辣嘅記住試埋！1碗粉加野飲埋單$34～夠哂飽～抵啦！

今日再黎到新港城街市，所以就再黎幫襯呢一間好出色既牛腩粉麵，餐廳依舊一樣都係坐無虛席，等左一陣先有位。今次叫左牛雜雪吞米粉，味道依舊保持得到，但今次廚房唔知係咪轉左新師父，牛腩大腸都切得好大舊，令到口感大減，不過呢間都係一間值得一試既餐廳。

聯發牛什粉麵茶餐廳超多人的一個餐廳，環境老實說很一般，就是東西太好吃，才沒辦法不來排隊，牛雜是最好吃的，另外豬排也做得很好，吃過了就明白為什麽老是那麽多人站在一邊等待位置。

講到美食沙漠好多人會即刻諗起馬鞍山呢個人口只有廿萬既地方，但其實近年來馬鞍山已經開左好多各式各樣既餐廳，已經唔同哂。今日去左一間位於馬鞍山街市既餐聽，聯發牛什粉麵茶餐廳，聽人講呢間茶餐廳既牛腩同牛雜都好出名，所以今日小弟就黎品嚐下。叫左一碗雙併牛腩雲吞米粉，牛腩少筋少肥，牛腩炆得好出色，未有 "鞋口"既情況出現，而且重有好濃郁既牛味，而雲吞都幾爽口，真係幾好食。食完碗咁好味既牛腩雲吞米之後，忍唔住叫多一碗，不過今次叫左牛雜米，牛雜米又係不得了，超滑之剩重有一種入口即溶既感覺，真係好正好好食，大家如果有幸黎到馬鞍山一定要試吓。

這日難得來到馬鞍山，美女食家說這店於此相當有名，就來此一試我點的是漢堡扒+回鍋肉雙拼公仔麵加熱奶茶 ($27) 美女食家點的是牛雜雲吞麵 ($27)漢堡扒+回鍋肉雙拼公仔麵加熱奶茶漢堡扒相當出色，肉質口感軟滑又惹味回鍋肉也不錯，肉質軟硬適中又惹味牛雜雲吞麵，牛雜味道幾香濃，雲吞也夠彈牙爽軟性價比幾高的一餐，不過人太多了，有些嘈，環境上坐得不算舒服，不過都OK，慣了靜有時試下食下嘈些都OK，不過都是食完就走不會想留得久總括而言這個價錢也抵食

星期日唔洗趕返工，早上可以瞓多少少，再慢慢起身食個靚早餐。聯發一向穩陣，牛腩牛什出色不在話下，街知巷聞。常餐也不錯，今次也沒有令我失望。沙爹牛肉非常多，足料。而個奶茶更是出色，奶香茶濃，水準很高，係我每次必點既餐飲。

街市既食店我都一向唔會期待好服務。一入去坐低碗都未執就吹人嗌野食唔在講，我食到尾聲時佢趕收鋪攞個掃把對住我鏟起地上既垃圾污水，中哂我下半身。真係唔開胃又嬲氣，事後仲要扮無事，對唔住都無句！所以幾好食都好，都唔想再幫襯。街市都唔係咁樣既服務態度同衛生水平丫！

到新港城街市買餸，順便在街市熟食檔食碗牛筋河。安頓下來，望望周圍，發覺多是熟口熟面的街坊，連忙送上幾個笑容。熱騰騰的牛筋河到來，正準備享受之際，傳來對話聲。「老闆，今日食咩呀？」食客望一望店員，店員繼續說，「老闆忘記了，我昨天才幫襯你買了一對鞋，真的很好著！今天菜心很靚，就一碟吧！」原来如此，老闆繼續點菜，笑得更甜美。這麼親切溫馨的關係，才是我們一眾「師奶們」希望在街坊小店建立的，而不是領匯提倡的沒有靈魂、沒有人情味的豪華街市。順帶一提，這牛筋河很有水準，比很多名店更香濃腍滑，更不用說那些連鎖店了。

在评论到看到五错，所以经过去试试，结果味道确实五错，价钱都合理，而且五少街坊帮衬。双拼米粉都OK……牛根同牛肚都好易入口，而且分量都可以。两人59就OK啦，下次会再去

好多人說馬鞍山沒有好野食，執筆之前細心地數一下統計一下，讓我給予笑臉的馬鞍山食肆，的確不多。叫好的，多是一些小型茶餐廳及連鎖食肆，再老土也要多說一句，在馬鞍山找食，想下想下，都是去返連鎖店比較好。馬鞍山市中心區，若要尋找一些算是好食一點的地方，大家不得不走入新港城巴士站旁的街市，一入門口，穿過了超市及報紙檔，你就會發現好多售賣熟食的小店，往右轉，你會看到兩間茶餐廳，而我是日拜訪的，亦是場內最具人氣的，《聯發牛什粉麵茶餐廳》。早上，永遠是擠滿客人的，每一次來，都有一個一位難求的感覺，有時要坐在店外，有時要迫入細檯，總之早上，這兒是擠滿了一眾準備吃好早餐才上班上學的街坊同學。說明是牛什粉麵，過往的我來這裡也是以吃麵為主，本來是為了一個牛仔麵的早餐而來，可是在陰差陽錯之下，我傻乎乎的要了一個公仔麵早餐。無味的光身麵湯底，很淡，要有味道應該要選配五香肉丁或沙爹牛肉，但我卻選擇了豬柳漢堡的扒。單看這一個扒麵，是十分單調的，好的是麵條滑身帶爽，不好的就是湯底確是沒有味道。搭配的，是火腿加煎蛋，蛋是全熟蛋，入口時，感覺到外皮香脆而不乏蛋香，雖然是普通，但感覺仍是可以。聯發，正確來說是一個麵檔，掛上店