聯發牛什粉麵茶餐廳 (已結業)

呢間嘢我食左幾5-6年, 差唔多個個星期去, 食完早餐/晏就去游水/打波 推介一: 沙爹牛通; 有沙爹味, 牛肉夠”林”同入味, “賣飛佛”推介二: 牛腩面; 多牛腩, 肥瘦適中, 湯底正推介三: 下午茶嘅西多士; 新鮮即整, 熱辣辣梗係好食推介四: 凍檸茶/凍奶茶; 有茶味, 仲要係咁多年都keep到水準唯一缺點係環境差d, 坐到好逼, 星期六/日十點後都要等吓位仲有隻為食猫成日走嚟走去, 有時係你腳邊穿過, 有d生客嚇到叫左出嚟

某年,某月,某日,某時,某地方聽見隔離枱談話內容"咦!甘 o岩0既!是呀!我帶個朋友來試試留下街市擋牛腩粉嘛!好好食,又平...!!..."這番話就留在我心底裏趁今天有空,就來這裏試試牛腩牛腸粗麫---牛腩帶少筋少肥,富有牛味; 牛腸不肥,好味牛肚魚旦河------牛肚爽脆,魚旦普通湯底都不錯,不過是有點過油火腿煎蛋通心粉,都是有點油但味道唔錯

突然想食牛肚河, 諗起D食評不錯就試試住左馬鞍山咁年都係第一次黎咋!一上枱份量不少, 連一杯凍飲, 價錢不貴但係一入口, 點解係沙爹湯底? 見枱枱都係咁O既湯底, 好疑惑.... 係咪叫錯左?牛肚我覺得幾UN, 不是我杯茶後尾有人搭枱要牛腩麵加色... 心諗原來要另叫咁怪... 牛腩望落唔錯呢... 下次再黎都識點叫喇

睇完PIXAR 25周年EXHIBITION，去左馬鞍山食下午茶。之前經過聯發，但未幫趁過，所以同老公去試下。我叫左牛肚魚皮米線，老公要牛肚牛腩河，D牛肚牛腩煮得好稔好入味，加埋紅醋同辣油，D味道岩岩好，好味過D連鎖潮式餐廳。在場已經4點幾，但座無虛席，有人走，又好快有人來。

三八婦女節, 同太太唔煮飯, 行完街試吓係唔係咁正先!我哋7点半到, 老闆好人做埋我哋生意, 幾客氣!!!牛腩+牛什麵, 再+檸檬茶,牛腩腍, 牛什又腍又香濃, 腩汁正.d 肚好入味, 麵 幾爽口, 不錯檸檬茶有水準埋單46元, 我好滿意(只係間舖响街市入面, 環境一般, 但ok嘅!)

今次要向各位推介這餐廳的牛腩麵和炸豬排...牛腩麵~牛腩超滑爽口,好似比鮮奶浸過一樣有入口即容的感覺Good x100 湯底夠鮮味炸豬排~豬排夠鬆軟,味道好好（一定要堂食）不過環境不太舒服,座位較迫,可能位置在街市

我一向係聯發嘅棒場客! 第一次幫襯都係因為佢由朝到黑都坐滿人, 試過之後我終於明白佢嘅吸引力 我每次都會叫牛筋或者牛腩河, 牛筋煙韌入味, 唔會過淋, 我本身好怕食d牛筋太淋, 食落口反而似食肥膏嘅感覺~ 牛腩叫做不過不失, 比一般粉麵檔做得出色, 唔會又”鞋”又韌~ 最怕有d咬極都吞唔落~牛雜我本身未食過, 不過喜歡食牛雜嘅朋友不妨一試, 好多熟客仔都必食~而且佢湯底夠濃唔會過清, 加少少辣椒油已經好正~除此之外, 聯發嘅魚片、水餃都做得相當出色~ 屋企打邊爐買一打半打就最啱不過喇!!

成日經過 "聯發牛什粉麵茶餐廳" 都想試呢樹嘅牛筋粉...可能已經到了食 lunch 時間, 等咗一陣先有位.... 叫了一碗牛筋米線 $17 + 一碟油菜 $5 ... 啲牛筋好林好入味...正呀,,, 不過碟油菜太少....

6月11日去咗新港城，順便去埋想去咗好耐嘅一間餐廳，因為我見成日都坐都爆哂，想睇下係咪真係咁好食，所以就去試試~星期五嘅11:30am去到，諗唔到都係坐爆哂，等咗一陣先有位~坐低咗之後就叫嘢食，我叫咗一個豬扒麵 + 炒蛋麵包嘅餐，個豬扒麵真係好好食，豬扒醃得夠味，而且炸得香，有種為人熟悉嘅味道~湯底超正，夠濃，夠味，但係真係用豬骨淆出來的，絕無味精(因為食完之後完全唔口渴)，真係抵食!!!杯熱華田都沖好飲~~極力推介~

放下了考試的沉重包袱, 放下了激憤的心情. 星期六, 一切回到正常, 繼續為糊口而努力. 是日, 收到order要北上辦少少事. 先來到馬鞍山買野時, 再想起, 不知幾點先有lunch食. 先糊口, 再上路. 別以為呢一D新新市鎮沒有大排檔, 剩市熟食檔呢回事. 行入地方細細的新港城街市. 就在門口, 就有幾檔大排檔, 賣點心, 包點, 車仔麵, 拮魚蛋, 當然仲有茶檔仔同都檔. 只是差一個晚飯小炒檔, 如果有, 絕對是齊全.既然以麵檔做招牌, 縱使有早晨公仔麵餐供應, 總覺得, 來到麵檔, 梗係要食麵啦. 乾脆的叫了一碗雲吞麵. 店員問我加不加腩汁, 我選擇不加, 因為若淨食雲吞麵的話, 就一個清湯已經是好好. 雲吞, 充滿蝦子, 而且充滿麻香, 個人口味來說, 此等雲吞勝過一味多蝦既雲吞. 而且夠大粒, 份量足. 麵身方面, 爽口粗麵, 質素不錯.係馬鞍山生活, 要輕輕食碗麵, 唔駛行到老遠入屋邨找. 市中心街市, 就有檔, 而且是有水準的正貨. 店名叫牛什, 有機會, 試埋呢度既牛腩牛什先.不過街市經常令到上商場既電梯大堂有異味, 管理處應當改善一下.

門口不太光鮮但 牛什 確不錯特別牛腩 有牛味!!係牛丸 差D, 無咩特別, 但都OK GE相比 永利清湯腩 QUALITY 差唔多 但平D我之前都食永利LEE 排多左黎聯發

住mos 的朋友成日話呢頭冇好野食, 其實大家睇睇開飯入的馬安山主頁, 又真係唔多野揀,比起西貢少好多呢~商場內的餐廳都試得七七八八, 上次已入街市食午餐, 今次再戰街市, 揀了尚算高排名的呢度~1點來到, 幾多人, 全場摺檯, 坐得幾迫~除了粉麵仲有常餐三文治等; 但既然呢度叫得牛什粉麵茶餐廳, 就叫個牛肚麵食!大豬叫個雲吞米線.牛肚麵先上, 飲口湯, 湯底少許腩汁, 正.d 肚尚算入味, 麵唔太鹼, 幾爽口, 不錯了.但大豬女友的雲吞, 睇相, d雲吞一邊係乾乾地個皮係硬硬地...d 蝦唔大隻, 豬肉多的整法. 算普通喇. 但17蚊又唔貴既.另叫了碟5蚊的生菜, 正常.

住左o係mos十幾年,依家先發現聯發實在太遲, 好在每次經過都令我留下印象,因為真係次次都見到好多人幫襯, 食物應該有一定水準~而這裡的地方不是太大,所以客人黎得快走得快.伙計總是忙過不停個人覺得聯發的牛製出品很不錯, 我每次都會叫牛肚,牛腩或牛筋河, 雖然河粉不算十分滑, 但比起很多同類食市黎講已相當ok, 自己本身真的很愛吃湯河,所以經常周圍食~ 這裡的味道已是我喜歡的TOP 5之內呢!!!加上河粉連野飲大概22-23,真係好低食!!!!依家好少有~

人地舖頭名根本就係叫牛什粉麵,食咩好?梗係食牛什啦!不過本人都唔係好食牛什.只係食牛腩同牛肚呢度d牛腩真係好好味,又淋又入味,肉質又嫩,一d都唔鞋,男朋友好鍾意食清湯腩,食左香港九龍新界好多間.始終都係屋企附近個街市呢間最正!!加埋中芹,蔥花,芫西,乾蒜片,辣椒油,醋,真係非筆墨可以形容咁好味~當然啦,街市0既食市係坐得無咁舒服,但次次來都係坐滿人嫁!

這裡連店名都以牛什為主，西式早餐及咖啡奶茶始終差幾班。又是落腳在新港城濕街市內，上次試了前檔富都不錯的鴛鴦，今次再試餘下這一間聯發。純以牛什為主打，外賣早餐亦都是大路的火腿漢堡扒蛋麵及鴛鴦。全部不可以，公仔麵底是腍腍，一點彈牙感覺都欠奉；漢堡扒是細Size的那種，沒趙頭之餘更欠肉味；鴛鴦沒咖啡味及奶茶味，喝了一半已經投降了！價錢是平了一點，但不代表要接受這難下的食味吧！