聯發牛什粉麵茶餐廳 (已結業)

太耐冇食粉麵，所以今日就特登去咗馬鞍山街市一間好出名嘅粉麵餐廳幫襯， 呢間餐廳長期都爆曬場，好彩今次係一個人食，所易容易啲搵到位。叫咗雲吞牛雜河粉加凍檸茶，盛惠 $41 蚊，呢個價錢係街市食碗麵黎講我覺得有啲貴。😂 😂雲吞牛雜河粉 ($35) : 餐廳用嘅雲吞係佢哋自己包嘅，唔係攞貨。雲吞皮薄餡靚，雲吞皮內包住爽口彈牙的蝦肉同豬肉 ; 而牛雜清洗得好乾淨無異味，金錢肚爽口，牛腸軟滑，牛腩腍身夠牛味。凍檸茶亦沖得好好，茶色好清澈之剩味道不錯，而且餐廳一啲都唔孤寒茶底有五塊檸檬，唔似有啲餐廳為節省成本，只得兩或三塊檸檬。