聯發牛什粉麵茶餐廳 (已結業)

聯發茶記位於新港城街市入面，佢成日都坐滿人都！因為佢d牛腩出哂名好味！呢間茶記亦系我同男朋友嘅飯堂，雖然環境up dup d ～但勝在快靚正～價錢又平，所以周不時都幫襯～每次黎都必叫肥腩河～佢d 牛腩牛味好重，仲好軟身，食落好香口無渣～河粉煮得又唔會太淋～總之就好食啦！聽講佢d牛雜都出名，鐘意食牛雜嘅可試試！佢杯奶茶都好掂架！茶味夠唔澀口～飲落又夠奶香同夠滑仲有要提一提佢嘅辣椒油，好香口～鐘意食辣嘅記住試埋！1碗粉加野飲埋單$34～夠哂飽～抵啦！