聖安娜餅屋 (已結業)

終於得閒買呢個宇治金時卷嚟食啦 一入到鋪頭,已經有個呀姨店員好好笑容咁歡迎我我點左蛋卷之後另一名同樣好有禮貌ge店員問我洗唔洗切蛋卷.之後又好細心咁show比我睇下 收錢同埋遞個蛋卷比我時,兩個店員都再次講多謝,同埋佢地笑得好親切. 令我覺得好窩心 <3食飽飯就同屋企人一齊食蛋卷圖中可見,蛋卷唔係卷得好實,但係我懷疑係因為我等車時成個餅盒跌左落地下 =__=但以上ge只係佢唯一ge不足蛋卷綠茶味好濃好香,紅豆好大粒又甜甜地可惜已經食飯食飽左,如果唔係一定會食多兩件

呢間聖安娜唔只賣西式包餅,仲有中式包點賣有糯米雞~味就ok啦,料幾足,食一隻可當一餐菜肉包~我最愛,包軟熟,菜肉好食雞球包~都幾好,不過試過有時d雞肉有d鞋叉燒包~呢個好麻麻,都係鍾意佢西式叉燒包多d奶皇包~我無試過,鍾意食奶皇包的媽咪就話唔好食,個奶皇唔得馬拉糕~媽咪話唔錯,幾鬆軟,我無試過糯米卷~我試過覺得唔好食,可能係我一向唔喜歡食雞球大包~以大包來說我就唔覺得佢真係好大,料同雞球包差不多,係多一舊仔咸蛋我見佢d中式包點好多人買架,可能因為呢頭少,而且品質唔差,價錢又平,想食時都會特登行來買

貪得意，買左呢個足球賣相的港式麵包。這是一個奶酥脆皮的無餡麵包，折實$3.2。奶酥脆皮好香脆，都OK。頂部以糖粉和可可粉灑成足球圖紋，有趣可愛。但糖粉沒有黏著麵包，故此一夾落個膠袋，便掉粉！回到家，大部份可可粉都丟掉。足球圖紋勉強估到，無癮！就算再買都係用來哄小孩子，自己就唔會再食。

早幾日行過買番D小食要左紫菜肉鬆蛋卷,腰果馬仔同合桃酥蛋卷幾脆而且獨立包裝肉鬆份量亦足幾好腰果馬仔一件都切成四件細既方便食用而且腰果都算多味道又唔會甜到漏出奇地好合桃酥轉左包裝但仍然係18小包PACK成一大包味道仍然係唔錯小小地食一包過下口癮都唔錯D sales姐姐都幾有禮貌多謝前多謝後又會好細心咁提點你