老馮茶居 (海寶花園)

營業中

休息中

星期六既中午，見唔洗點等就有位，同老公決定一試，2 個人點咗 5 款點心。每一樣既味道都唔錯喎，有驚喜！第一次食芋角，原來係咁好食架！外脆內軟，芋味濃郁。咖啡魷魚好夠味，反而金錢肚味道略淡，牛柏葉、馬拉糕都不過不失。價錢方面都好合理！唯獨是因爲風格係比較茶餐廳式，所以你唔會坐喺度慢慢嘆茶，會覺得一食完就要走既感覺。加上 2 人入座的話，都必定會係同其他人搭檯，因此食完都唔會想一直坐喺度同唔識既人你眼望我眼，睇住人地食野又尷尬 講詳都一定會比人聽到，因為四人卡位既檯都真係幾窄。雖然環境一般，不過都值得再光顧，下次又試咩好呢？

夜晚嚟到老馮茶居飲夜茶，除咗糯米雞、燒賣、粉果，呢啲都係日常會食嘅。二呢度嘅特色就係紅米腸，紅色嘅皮裏面包住一啲炸嘅野，內裡鬆脆，感覺似食緊炮谷，口味特別。而佢嗰隻質感唔係炸兩，值得再食。

兩老本身就好鐘意飲茶，所以佢地都非常鐘意呢間可以飲夜茶既地方對我黎講都幾新鮮，夜既仲可以叫下點心食環境佈置到好似6-70年代咁，好多裝飾品都係當年既用品兩老都會指住話 以前我用過呢樣架 懷念下過去都食左好幾次，有時啲食物都幾參次今次就介紹通常會點既幾樣食物包點比較小叫，係古法千層糕比較特別有幾層包，餡係椰絲同奶黃，都幾香幾軟熟既但因為個人都麻麻椰絲同奶黃，係想食下甜既先會叫腸粉都算滑嫩，但唔算好特別，所以都係小叫如果唔熱氣得會叫煎腐皮卷，但因為最近食太多煎炸野，叫左蠔皇腐皮卷有一兩次好爛，睇得出蒸左好耐今次ok，個汁唔會太咸太結而且好多餡料，感覺好厚實豬大腸兩老鐘意食，我個人麻麻地但佢調味幾好，無內臟味，而且唔會成口肥膏食到成口油佢有兩舊都筋，吸晒啲汁超好食！生菜最近大魚大肉叫番碟菜，雖然$18但份量都幾多最重要係新鮮，唔會黃或者苦寫既火候岩岩好，食落仲爽唔會淋晒仲叫左兩個蒸飯我最鐘意食蝦醬腩肉飯，蝦醬好香，咸香味配埋腩肉微肥，就咁食重口味左啲，配埋飯就一流啦！另外叫左魷香肉餅飯雖然肉餅幾香，但肉餅偏淋，個人鐘意實身啲既肉餅同埋唔係好多魷魚，我食左兩啖都無食到

星期六上晝開開心心一次嚟食早餐，等左10分鐘就有位。 🥰裝修不錯，點知一入到去就比安排坐喺離員工沖茶位置不夠50 cm嘅枱。 地方狹窄，枱櫈放到密密麻麻，員工又成日撞到我張櫈，都唔知想點。😤😤碗碟全崩，又冇更換。員工服務差，說話想殺你全家。🤬🤬食物質素唔錯，叫咗金春旦燒賣，可以👌🏻。 沙嗲豬腸，清潔得唔乾淨，有異味🤮。 懷舊千層糕，幾特別😀。鮮蝦腐皮卷，夠趣👍🏻。撇除員工質素，係一間可以嘗試的店舖。下次想食嘅話，都係叫外賣，費事受氣。

假日諗住悠悠閒閒飲個早茶，點知遇著幾個沒禮貌的員工，滿肚子一肚氣！！😤首次，排隊拎飛時，員工語氣奇差！！等了十分鐘後，被安排在水吧（！）的位置，一邊飲茶，右手一邊要讓位置給大動作的員工沖飲品和開雪櫃！！除了坐得唔舒服，更要擔心熱飲會倒在自己身上！！超級危險⚠️最後受不了，食得太不舒服，提出想調位，卻被員工大聲疾呼的拒絕！做生意還做生意，根本沒可能在水吧放張枱讓客人坐！如貴公司負責人看到此留言，煩請貴公司作出檢討！！！

今天簡直一肚氣。原先屋企人介紹話去老馮飲茶，就去。去到就取四人票，問取票哥哥話還有三張枱，咁0k等⋯因前面有四位後生仔也等緊，一心諗住四位後就差不多到我地，怎不知在等15分鐘，就發覺安排座位有問題。眼見卡位有二位走，另二位應該飲多陣也會走，點不知他們安排排係我後面兩位入了座，另外兩個走之後，又安排令一個人入去座。這時我入去理論時，他竟然說還有一張枱，才到我。這樣服務態度，就算免費！我覺得也不值得去。佢哋梗係唔睇劉德華嘅廣告啦，今時今日咁嘅服務態度係咪要檢討一下呢？

元朗分店就成日食，質素一向唔錯，價錢又親民，今日去大尾篤踩單車之前就尼試下大埔分店，等frd之餘又醫下肚仔。比元朗大間好多，坐又舒服啲自己一個人食叫左 5 個點心，一個女仔絕對係食唔曬，又眼闊肚窄左😂😂😂埋單百零蚊，仲打包左啲做下午茶，唔錯唔錯！個春卷同蘿蔔糕真心好食😍😍😍春卷夠脆，點埋喼汁一流👍🏻👍🏻蘿蔔糕好香，唔會一咬落去成舊粉咁，有蘿蔔味😋😋😋如果將來會有埋流沙奶黃包就完美啦😳另外啲店員好funny，可能唔係坐爆曬，所以有時間講下野，幾吹得，後生仔女多，講野夠大喇喇，岩我😎😎😎下次有機會再入大埔再過尼幫襯😋

同朋友午市時經過見到間裝修極具懷舊風情的港式茶店，就打算入去試下，點知唔試還至可，一試難忘！店內裝潢超適合打卡，枱同枱中間的空間都幾大，唔會好窄，坐得幾舒服。基本茶樓點心佢都有，仲有d 自家推出的特色點心，例如金沙紅米腸，蝦醬蒸腩仔飯。超推金沙紅米腸，佢有d 像炸兩，我地食完好食到再叫多份！蝦醬蒸腩仔飯就有d 太鹹，唔落豉油都鹹，同埋蝦醬味唔係話超濃，如果唔鍾意食肥肉的可能都唔係好啱，因為都幾肥，不過整體點心水準都唔錯。價錢適中，我地4個人食，2個飯，6個點心，加埋茶介，每人都係60蚊左右，食到超飽

一向有幫襯開元朗老馮茶居，今日假期專程入大埔試一下分店食物，果然冇令我失望🥰點心即叫即蒸夠新鮮👍🏻今次最驚喜係試咗元朗無既頭湯灌湯餃同金沙紅米腸❤️金沙紅米腸係用紅米磨成米漿，入面包住油炸鬼😍好味👍🏻X.O醬蘿蔔糕每次去係我必點既點心，用老馮自家製嘅XO醬，外脆內軟好好味最後再試埋芒果布甸再加上淡花奶，童年回憶返晒黎🥰大埔分店比元朗分店大，座位比較舒適，裝修特別👍🏻不枉我專程到大埔一試😍有下次

點心味道的確不錯。食了幾天都不錯，但今日去食就令我太失望了。今日叫了糯米雞，黎到時見到整集糯米雞是㱘平凹陷了的（吃了幾天都有叫，不是凹的是飽滿的）。打開一看見到中間有個圓形的㱘痕，入面醤汁爆開到外面。見到這情況我當然要求更換，但最失望是那個男的不知是店員還是老闆不給換，他的說法是：糯米雞味道沒問題不能換，貌相如何沒關係，別的糯米雞一樣是這樣。開店做生意、做飲食的，味道當然重要，但貌相不重要嗎？人人都說料理要色、香、味，三要素。來到老馮茶居卻只要味道沒問題別的就不重要了？那隻糯米雞明顯是受重物㱘力，導致中間有圓形凹痕、整個扁平了的。那個店員/老闆態度真的令我很失望，他如果態度好一點說一句：很抱歉製作時出了問題，但味道是沒問題的一樣很好吃。這樣我可以接受，不會感到失望和一略憤怒。我在這裡只是想分享我的情況，希望老馮會有改善。

裝修好有誠意，有陣舊香港味。食物方面，叫左幾款試試，價錢不貴。蝦餃味道正常，紅米腸值得推介，一層紅色腸粉包住熱辣辣既炸蝦膠，特別得黎唔奇怪。香芋流沙包做唔到流沙，但都好味。最差既係千層蛋黃糕，唔係一層層，好實仲爆甜！！入面有類似糖冬瓜既餡，甜到不得了！！依度最好食係蒸飯，叫左蒸雞飯，雞既份量多，飯蒸得靚，唔怕乾，有濕度。推介！

放假就係hea住過的節奏👆中國咁多嘢食入面，我最意就係飲茶，一盅兩件飲啖茶食個包，就已經可以好滿足😬😬 之前食過元朗嗰間，今次試下大埔新店睇睇有無分別~-☆ 鵪鶉蛋燒賣皇 HKD$28依家好多酒樓已經食唔到，哩度居然有得食，好驚喜即刻點！鵪鶉蛋雖然膽固醇較高，但啪一粒半粒無問題嘅😄 燒賣厚實豬肉份量多，食到有蝦肉，不錯的。-☆ 老馮流沙芋泥包 HKD$23芋泥包熱辣辣，裡面係較特派少見既芋泥，流心程度不算高，而芋泥好香芋頭味，粉粉地少少起沙，特別又好味👍-至於豉汁鳳爪、金錢肚同埋牛肉腸粉都係唔錯嘅，可以話比酒樓更好食😋 最驚喜嘅係鳳爪同金錢肚底下伴碟既係麵根，麵根索哂啲汁又夠淋超級好食🤩🤤 讚！-**溫馨提示茶居人流不絕，要搭枱。店員十分忙碌，所以加茶或執碟都要俾啲耐性等等啦。

這天坐晨早機由高雄返港，買了些當造的愛文芒果，便約了2位收貨人，放工到大埔領取。之前坐K12巴士路過，見到這間老馮茶居新開張，於是就約大家到老馮晚餐。老馮的門面不很顯眼，但內裡就是滿滿的懷舊裝修，令人彷如置身舊式屋村。食物方面也有些懷舊口味，如這次點的淮山雞札，雞札內除了雞件外，還有冬菇、魚肚和豬肚，當其他的酒樓是用炸腐皮、午餐肉、火腿甚至蟹柳包雞札時，老馮則選用了淮山和豬肚，除了有懷舊味道之餘，還更見健康。鳳爪以炸麵筋墊底，汁醬惹味，但較杰身，令上面的鳳爪很鹹，但墊底的麵筋卻淡而無味。灼菜心淋軟有菜味 ; 臘味蘿蔔糕煎得香口，質感不錯，還有胡椒粉香，可惜很鹹，影響了食味。蒸粉果外皮雖然厚，但不會乾硬，有炸花生、沙葛和韮菜等餡料，辛辣香口。八珍糯米雞很大隻足料，除了原隻雞翼外，還有臘腸、大量肉醬等做餡料，是飽肚之選。魷香肉餅飯的肉餅大件又厚身，除了魷魚，還有少計馬蹄粒，味道不錯。而金沙紅米腸，是紅米做的腸粉外皮，包著炸米網蝦春卷。外滑內脆，原隻蝦肉也鮮味彈牙，再沾上麻醬混豉油和辣醬，滋味非常呢。老馮的點心即點即蒸，熱辣辣，但選擇較少。且沖水和執碗很慢，服務一般般，希望可以有改善呢!

員工好少同游緊魂，搭枱對面d人走晒都唔執野，擺左係度勁耐d員工無野做都留意唔到，落完單成半個鐘先有野食，服務極差，以前係常客，轉左手差晒，唔會再食，重點係野食都好普通！

和朋友行完山，到大埔覓食，見到一間新開的點心店，以懷舊作主題，便決定四個人去嘆茶。主打特色裝修所以最初對其質素不會抱太大期望，試過以後覺得它算是不過不失啦，也有一些值得推介的。人多可以試到很多款式點心，最失望應該是鮮蝦腐皮卷，一上枱看見縮水的腐皮卷，是煎得香脆，可惜餡料實在太少了。叉燒包、腸粉、牛肉球則是普普通通。XO醬炒腸粉份量有點小，不過XO醬炒得很入味，也算有點小驚喜。鳳爪排骨飯份量卻很大，飯粒也不會很乾，還算不錯。另外菜單推介的沙嗲豬大腸、咖喱魷魚都真的非常不錯，醬汁入味。豬大腸香濃肥爽，與沙嗲汁很配；魷魚也很非常彈牙。最欣賞的是蜆芥鯪魚球，新鮮熱辣辣炸起，很香口感很Q彈，而且一客有五粒也很抵食。