老鍋台式火鍋 (京都廣場) (已結業)

總離不開台式火鍋店，實情是總是離不開老鍋。只因每次吃也有驚喜，總是忍不住要回味。尖沙咀店吃過，再銅鑼灣店，再來是銅鑼灣這新的旗艦店，每一家也各有各特色。湯底也永遠離不開膠原蛋白美人鍋。烏雞繼續是百吃不厭，肉質鮮嫩。配料如此豐富，光吃湯渣也覺得十分滿足。湯底配上不同配料仍然美味、養顏。 新鮮即炸的響玲是每次必吃的選項，新鮮美味。各類魚皮餃、肉丸等也是不錯的選擇。再配上麵條，吸收湯底所有精華，完美畫上句號。

發現我都試過幾多香港既火鍋店～老鍋都算係我最喜愛既頭三名😎個湯底真的加爆分!!-首先依到裝修行典雅風，環境寬闊自助既醬油配料區擺放整齊乾淨。除了麻辣鍋，怕油膩既我今次揀左美人鍋🤩真係無揀錯！美人鍋入面有大量紅棗、圓肉、小人參、杞子和桃膠，仲要有一整隻烏雞！！睇見都覺得補呀@@ 美人鍋有滋陰、補虛勞的功效，打邊爐都可以健康養生🙌🏻烏雞真係一隻，仲要唔細隻，係打邊爐之前一人食左半隻，雞肉嫩滑，味道清甜👍🏻之後再飲啖湯，清甜到不得了，好有家的感覺！邪惡小食我地叫左黃金炸魚皮🤤魚皮香脆可口，仲沾上不少咸蛋黃碎，勁夾！作為小食，真係停唔到口！-火鍋配料方面有皇室魚肚～魚肚大舊厚身，份量不少，食落滑身有口感，一層一層咁。清清地配依個湯底好食🤭手打丸就試左黑松露蝦丸同墨魚鵝肝丸～手打丸口感彈牙，鮮味十足，自己好喜歡黑松露蝦丸依個配搭，先入口係黑松露香，繼而就係蝦既鮮味～肉類就試左精選手切牛肩肉一碟既份量都好多，夠晒三四個人食！牛肩肉有少量厚度，肉質紅潤，淥廿秒食得，入口牛味濃郁，一啲都唔蘇，同行友人不太好牛都好滿意，牛肩最好就無肥肉位，感覺瘦啲，但係口感一啲都唔韌架👍🏻🤤仲幾軟綿綿添！菜類試左唔係周

大熱天時都無阻火鍋撚既決心,實在太耐冇食麻辣鍋啦。經朋友推介,黎到呢間鍋心。係openrice 見就見得多,但真心冇動力去試。如果唔係另外兩間比較有名既火鍋店,一間要等好耐,另一間發現好品乾淨,都唔會試新野。首先,一入去環境不過不失。服務就十分之好,由介紹食物到見我影相幫我較細個火,都十分細心。湯底揀左麻辣湯中辣, 味道唔係特別好, 但算係好唔錯,而且配料好多。食物方面,所有海鮮類都非常新鮮, 價錢合理,而且非常高質。牛肉方面, 算係比較上貴一點,但有平有貴,可以自己揀。就算平果款,都已經好好食。最後, 食飽飽, 每位都唔洗500蚊。真心抵食推介!

京都廣場不嬲都好多嘢食，成日都會嚟呢度搵嘢食，喺地鐵站C出口一出去就好方便。今日想食台灣火鍋，朋友介紹之下嚟到老鍋，一入到去見到門口位，有天燈掛晒喺度俾大家寫下祝福嘅說話。湯底方面我哋就揀咗美人湯，湯底都好濃白色咁樣，有好重嘅藥材味。成餐最好食嘅係佢嘅牛肉，紅卜卜咁好新鮮，煮落去唔會硬，老人家食都咬得爛，同埋都好重牛味。打邊爐梗係一定要食炸魚皮啦，炸魚皮都好新鮮脆卜卜。另外都叫咗個花雕醉雞，酒味好重下，超正花雕味。另外都叫咗幾款水餃，佢啲水餃都幾出色，餡好多。最咪叫咗個寬粉條，好似未食過寬粉條應該係四川嘅面嚟嘅。口感彈牙有啲似薯粉。

今日係5月20，即係大家所謂嘅520，係呢個咁有意義嘅日子，咁就梗係要向自己既愛人表達❤意，點解會揀老鍋？因為係呢度可以放天燈！放天燈？犯法架喎，大家放心，係老鍋放既天燈絕對合法，而且唔會引發火災係門口右手邊就有天燈區，可以用餐廳提供既IPad 揀天燈既形狀及輸入上面既心意句子，2分鐘就搞掂，冧男仔女仔都好Work呀講完咁特別既設拖，就講返正題，老鍋係一間台式火鍋店，真材實料既鍋底配以新鮮食材鍋底方面點會少得台灣勁出名既麻辣鍋及酸菜白肉鍋，除此之外仲有美人鍋同養生鍋對於女士黎講梗係要揀返個膠原蛋白美人鍋$228湯底好鮮甜，唔會好油，店員仲會好細心咁幫人客夾起湯底入面既烏雞然後再剪碎，烏雞既肉好嫩，唔會煲到過晒龍第一樣緊係要試黃金炸魚皮$68 好鍾意邪惡既咸蛋黃, 老鍋既咸蛋黃炸魚皮蛋黃份量超多, 炸得鬆脆, 好好味老鍋既手打丸都幾出色, 同埋好貼心地可以叫半份, 我地叫左黃金咸蛋豬肉丸同芝士牛肉丸 (半份) $48食既時候要小心D, 因為入面既餡料好熱, 2款丸既好感好好, 都幾好食打邊爐又點可以少左牛肉, 今次叫左精選手切牛肩肉 $198比起其他部位貴少少, 牛味好香, 好腍, 唔會

自從上次去台灣食過無老鍋, 一直都對台式火鍋念念不忘🥺香港眾多間台式火鍋中, 「老鍋台式火鍋」係人氣數一數二, 終於的起心肝去試下😛-一出lift就見到個天燈打卡位, 好得意😆當日安排到卡位, 闊落又坐得舒服😌-💁🏻‍♀️美人鍋好足料嘅湯底‼️由原隻烏雞、桃膠、杞子、南棗、粟米等肴成, 滋補濃郁又鮮甜, 一滾起即刻舀兩碗湯飲左先🙌🏻然後就要拎起隻烏雞, 如果唔係唔夠位淥其他野😆-💁🏻‍♀️精選手切牛肩肉牛肩肉都幾厚切, 夠牛味, 肉質夠林之餘唔油膩🥩-💁🏻‍♀️鵝肝墨魚丸拼黑松露蝦丸依兩樣丸都好彈牙😍咬開鵝肝墨魚丸入面真係有粒鵝肝, 黑松露蝦丸亦好香黑松露味~~-💁🏻‍♀️鮮炸響鈴夠挺身又夠脆, 浸一浸就食得, 吸到湯底味道又保留脆嘅口感👍🏻-💁🏻‍♀️皇室魚肚 & 冰菜一開始已經放左皇室魚肚先, 比夠時間佢吸湯底精華🤤冰菜我就鍾意食爽口少少, 岩岩好就拎上黎食~~-

My wife suggested a place to have Taiwanese hot pot for dinner tonight as there is more and more Taiwanese-style hot pot opening up recently and was of healthier version. Taiwanese Hot Pot was located at Kyoto Plaza.They offered 4 flavours for their soup base, such as hot and spicy soup to chicken soup etc. Besides that, they served meat, seafood, balls, vegetables and drinks etc. Okinawa plum juice - It was sweet and clear, with strong plum taste. It helped to quench my thirst too. We ordered g

行完SOGO 行到攰，媽媽想食火鍋，搵間好坐又好食嘅火鍋，係openrice 搵到呢間評語唔錯又咁啱係附近就上嚟食啦。位置好方便，係銅鑼灣地鐵站C出口，一出對面馬路京華廣場2樓就係老鍋啦…一出有個天燈許願區可以許下願，啲老人家最鐘意有啲花臣玩下又有得影下相就最開心。火鍋價錢唔係特別貴，先嚟揀湯底先，有6款以上選擇，同媽媽嚟咁係揀養生鍋啦（$228）內有多種名貴藥材，人參，火腿老雞同豬肉精心肴製而成，果然上枱好香人參味，啲料都好多，有粟米，蜂巢凍豆腐，冬菇，紅棗，圓肉杞子等等。食火鍋點少得牛肉，我地叫左個精選手切牛肩肉（$198）新鮮又夠牛味，因為係牛肩肉，所以脂肪唔多，反而好好咬口又唔韌，唔錯。三秒響鈴卷（$68）新鮮即炸，好脆又大隻，正。鵝肝墨魚丸併黑松露蝦丸（$58）半份鵝肝墨魚丸內有一粒小小鵝肝，味好濃配上墨魚丸好爽好咬口夠彈牙，黑松露蝦丸就香黑松露味蝦丸依舊爽口彈牙。叫左呢到出名嘅皇室魚肚（$88），有8大件，超厚身，淥完後索哂啲湯好好食。最後嗌左個限量冰菜（$68）高纖低卡豐富維他命B6,感覺健康啲加上翠綠賣相好靚，淥完都好爽脆。

趁Sogo感謝祭血拼過後，經網上訂了附近的台式火鍋老鍋~出𨋢進店已經被天燈角落吸引，用ipad填上語句，天燈就會喺螢幕顯示出黎，係幾特別既玩意~店內有調味角可以隨意調配~雖然我地都整左，不過湯底好好味都唔需要點了～最近天氣又濕又熱，我地點選左《尚膳養生鍋加強版》。 呢個湯底係用咗老雞、金華火腿、豬肉熬製，加上人參、龍眼、杞子，味道非常香濃，禁不住先飲2碗湯~鍋內仲有蜂巢豆腐，用蜂巢豆腐做湯料比布豆腐效果更好，因為制作過程令水份抽離，蜂巢豆腐黃豆味更濃更吸湯~  另外點左魚肚同樣非常吸湯，口感較幼細軟滑。火鍋唔少得既牛肉，我地就點左手切牛肩肉($198)，帶油花肉質軟嫩，輕灼數秒入口香滑，不沾醬油已經好好味! 呢度既即炸響鈴唔係好薄果種，用厚身腐皮做出黎既響鈴有質感d，快淥3秒食得，豆香仲散發住人參味道~鵝肝墨魚丸咬開彈牙既墨魚滑外層，入面包住一粒鵝肝，比例黎講都唔細粒，鵝肝既油份令墨魚滑既鮮味更突出。之前既食評提過我對黑松露尤其喜愛，見到有黑松露蝦丸又怎能錯過?! 黑松露充斥住整粒蝦丸，入面既蝦肉蝦粒食起黎更有層次質感。冰菜纖維高，熱量低，含有維他命B6，有助控制情緒～有時我會用黎做沙

近年越嚟越多台式火鍋興起🍲，打家都係主打養生，今日就去左老鍋台式火鍋，就試下佢有幾養生啦💁🏻‍♀️未入到去，喺門口見到個好得意嘅天燈區🏮，有電視🖥同iPad📱比你輸入你嘅message同名，之後你嘅電子天燈就會喺電視上面除除飄起，既得意又環保🤣湯底🍲幾款選擇入面，有美人同養生鍋感覺比較養生，我自己就怕養生鍋比較重藥材味🤭，所以揀左美人鍋，唔知食完係咪真係會美d嘅呢hahaha🤣🤣美人鍋入面有原隻竹絲雞🐓，仲有近來好興嘅養顏桃膠，湯底已經十分滋補，十分養生啦，啱哂女士們補補佢😌肉類就揀左手切牛肩肉🐂，厚薄切得適中，食落有肉味👍🏻丸就試左鵝肝墨魚丸🦑同黑松露蝦丸🦐，墨魚丸嘅中心真係有舊鵝肝架😮，而蝦丸就食到粒粒嘅蝦肉通好香嘅黑松露味🤤另外推介叫皇室魚肚同嚮鈴，魚肚索晒啲湯，軟綿綿超正，而嚮鈴係即炸架，超級脆卜卜👍🏻👍🏻

今日同朋友係銅鑼灣行街，之後就食晚飯。朋友話想食麻辣火鍋，之後就去左老鍋試下啦😋。我地首先揀左呢個秘製麻辣鍋（中辣），麻辣湯底好足料，分別有鴨血同豆腐熬製而成，湯底重辣多於麻，而且會愈煲愈辣，中意食辣既朋友呢個中辣既湯底岩曬您啦😍🔸皇室魚肚 $88首先有打頭陣既皇室魚肚，咬落去幾爽口，而且魚肚會吸曬啲麻辣湯，非常入味！😻😻👍🏻👍🏻🔸咸蛋黃炸魚皮 $68呢個必定係推介之一，咸蛋黃味濃之餘，魚皮都炸得好脆！正😆🔸精選手切牛肩肉 $198賣相唔錯。一碟既份量都好多，而且咬落去好有質感又帶點牛味，好match呢個麻辣湯底👍🏻👍🏻🔸芝士丸+蟹籽丸 $58🔸冰菜 $68冰菜營養價錢好高，煮完後口感好淋，而且會索曬麻辣湯底既味🔸新竹米粉🔸杞子杭菊露 $56係菊花茶黎～打邊爐清熱氣必備！

今晚和好友亞娜去了食火鍋，是台式火鍋。原本想食麻辣鍋底，無奈亞娜太過燥火了，還是選了美人鍋。材料有烏雞，南棗，桃膠，杞子....補而不燥，滋潤養顔，是女仕們至愛。魚肚用來打邊爐我是第一次，非常吸汁，軟腍又有口感，正呀！牛肩肉是我近年喜歡食的部位，軟熟肉味重。鵝肝墨魚丸和松露蝦丸不錯，爽口又彈牙。墨魚丸內的鵝肝不會太過搶味，反而增加了層次口感。鹹蛋炸魚皮即叫即炸，勁邪惡。上枱時已飄來蛋黃香氣。脆口好味。整體來說，食物新鮮，環境衛生，坐得舒服，服務殷勤，不錯的火鍋店。

返左 head office 開會，終於收工開左成日會真係要抖抖氣食飽d！ 同左隔離team 同事介紹，銅記一期附近既「老鍋」黎個二人火鍋。598二人套餐set都幾抵食！我地揀左個餐再加d野食😋😋上到去見到，原來呢間台式火鍋店都幾得意，可以打字放電子天燈許願，正呢👍🏻揀左個「膠原蛋白美人鍋」湯底，補下先☺️💕無睇錯呢，堅係足料喎！成隻烏雞😋仲有桃膠、准山、杞子、紅棗、人參、蜜棗同圓肉，岩灑我地呢d美人🤣滋潤下。店員好貼心，知我地掛住睇個湯底，連調味都未拎，就提下我地去調味bar 到拎，都幾多選擇呢👍🏻店員有講解下d食法。十卜十下左一陣就試下個湯同d雞，好夠味😋又滋補！烏雞d皮&肉都幾嫩，一d都唔鞋👍🏻Order左d 料黎十下十下☺️都幾襯個湯底！整體都好食，要再encore r👍🏻💕🍽🔸皇室魚肚好大舊、又夠厚肉，放左落去吸埋d湯底精華，好食👍🏻🔸極品黑毛豬梅肉豬肉切得都幾薄，放左去錄，一分鐘倒巳經變熟既色，不過豬就淥耐d好，可能係黑毛豬關係，肉幾鮮甜，唔肥膩又夠味，只係簡單點左d醋巳經好好食！推介！👍🏻🔸鵝肝墨魚丸呢個丸清清地入面釀左粒鵝肝係入面，個人喜歡吃鵝肝，就炎唔夠喉呢😋 要再ord

今天收工後，約了友人約銅鑼灣行街街，然後順便吃過火鍋， 才回家！朋友告訴我，銅鑼灣有一間火鍋店可以放天燈！我聽到呆了，放天燈不是台灣才有嗎？哦！原來是电子放天燈！這是一班台灣火鍋店，他的食物都與其他台式火鍋店一樣，店舖裝修及食物，都帶有濃濃的台灣特色！今天我們選了膠原蛋白美人鍋！希望吃了可以皮膚靚靚！原來美人鍋來有桃膠，更有原隻烏雞！然後我們點了少少食物，有薄切黑豚肉，有冰菜，鵝肝墨魚丸及黑松露蝦丸，還有鹹蛋炸魚皮，再來一碗烏龍麵！烏龍麵即是烏冬d Frd ！再來兩杯杭菊露！先講鍋底， 這個美人鍋實在一流，很夠味， 烏雞亦煮得很淋！真的是原隻烏雞，放在煱內。還有鹹蛋炸魚皮，非常夠味，但感覺食完很熱氣，不敢多吃。。。 但最終整碟吃完！哈哈！還有冰菜，只有在台灣的食店才能找到！我十分喜歡吃這種菜！不夠10分鐘我和朋友已K.O.整碟菜！很喜歡這店的食物和環境， 一定會再幫襯！臨走前，都放個天燈，祝願媽媽身體健康！

周邊的朋友在台灣食過著名的養生火鍋店後都讚口不絕，近排到台灣旅行經過五關斬六將終於品嚐到其威力，果然威力相當驚人，回港後一直念念不忙，所以不繼在港尋找養生火鍋，而那間對我來說可說是在港的替代品，可頂頂引！在openrice 見到餐廳名子跟我在台灣品嚐養生火鍋的相似，二人套餐在六折優惠同時還可賺取飛行里數，沒有不去嘗試的理由啦，便按捺不住立即訂座試試餐廳更設有充滿台灣特色的天燈區，設計既新穎又環保，只需在平板電腦上選取想要的天燈形狀並寫想字句，便可看到天燈在螢幕上徐徐升上，更可打上可愛emoji內裡以黑灰色為主，有草藤作裝飾，環境寬敞，座位與座位之間有足夠空間郁動，餐桌由2人桌、4人桌、6人桌至大型圓桌都有，什麼組合前來光臨都方便養生火鍋湯底必定是亮點，一共有4款包括麻辣、酸菜白肉、美人鍋及養生鍋供選擇，食材種類應有盡有，有肉類、海鮮、手工丸、餃類、豆品類、蔬菜類、麵食及小食，朋友與我剛下班實在肚餓不而，決定二人套餐外還點了數款食材品嚐，連服務員也再三提點份量對二人來說應該有多😂湯底確實非常足料，有粟米、紅棗、杞子、冬菇、蜂巢凍豆腐、龍眼等等，最重要是竟然撈到有一整條海參，以及一堆海參鬚