老鍋台式火鍋 (京都廣場) (已結業)

銅鑼灣都冷清咗好多日， 今日都想同朋友炒熱個場， 所以決定到銅鑼灣食台式火鍋。店舖位於駱克道樓上店， 鋪頭都算幾寬敞， 人流就唔算多。火鍋方面都有好多配料選擇， 由於係台式火鍋， 所以有台灣嘅特別食物可供選擇。今次我選擇咗台式麻辣鍋， 由於朋友唔係好食得辣， 所以點左個小。 個人認為小辣嘅味道比較清淡， 湯底液用咗唔少材料淆製， 當中包括台式傳統鴨血同埋台式臭豆腐。手切牛算係幾出色， 口感 幾幼滑，牛味都幾出。另外唔可以唔睇呢一個墨魚滑， 真係做得十分出色， 食落味道很好，食得出好新鮮。仲點左杯杭菊露，清下熱氣。0

鍾意飲湯嘅人麻煩去養心殿，個湯底會濃郁啲❤️食物❤️❤️❤️❤️揀咗養顏加麻辣鍋，湯底過得去不過養顏鍋唔夠濃郁打邊爐材料新鮮，但同其他火鍋店差不多份量❤️❤️❤️每樣份量唔算多，兩個人差唔多環境❤️❤️兩個人好大機會坐中間細枱，唔係好舒服，兩邊有人行嚟行去服務❤️❤️❤️我去唔同嘅餐廳用OpenRice訂位都可以儲到25個Asia Miles，但呢間餐廳話要碌卡嗰個人先入到，唔係太明，因為其他餐廳根本就唔需要碌卡嗰個同訂位嗰個要同一個人都儲到，跟手佢就取消咗我個Booking，理解唔到。其他都正常，同事好主動攞個盒過嚟俾我朋友放野，另外張凳入邊可以放野，問同事拎熱水亦都好快有，可惜要開口先有，不過整體來講OK嘅價格❤️❤️都幾貴，我成張枱叫嘅嘢全部都係普通嘢，但係埋單都要一千蚊，味道唔算特別好，但起碼樣樣食物都正常，真係好想食打邊爐嗰陣都可以嚟食，不過可以選擇嘅火鍋餐廳仲有好多。

老鍋台式好深刻火鍋，圍爐，拾下拾下，打邊爐，一盆熟……令人有說不出興奮，三五知己聚在一起吹吹水，圍住個爐風花說月，談秋説冬，可以做旁觀者，也可以做評論家，總之口水如子彈般橫飛，吹咩講乜也在二小時內盡情傾瀉出來，傾瀉不吉祥，改為爆發出來，更有畫面感及動作感！人生來到半白，回望大半生，刺激欠奉，平淡過盛……就來一鍋老鍋秘製麻辣鍋，紅色的濃湯，看見它隨著時間滾起來，紅泡泡一圈圈地彈出來，湯裡用料十足，有凍豆腐、鴨紅……開始攻鼻，辣味撲面，誓言要沖洗我食道，再到我胃囊，為我大腸沐浴……先飲一口濃湯，香氣逼人，辣味恰當，絶對是口腔接受到之辣。叫了特級美國安格斯雪花肥牛，雪花分佈清楚有序，放在麻辣鍋裡，不需二分鐘，已轉熟，點上自己調配的獨特醬汁，一併放入口中，口感一流，滋滋味！再來夜市炸臭豆腐，也點上餐廳秘製的海鮮醬，令臭豆腐升上另一層次，熱食贏三分，好warm hot !來來來黑白雙滑，極像太極配，兩種甲自製的非同凣嚮，放入辣鍋，又再一次狠狠地衝擊味蕾！這個蜂巢式的三秒響鈴卷，足足4條，炸過方知脆皮！嘩！白玉毛瓜雙併，有白蘿蔔片及節瓜片，賣相吸人，刀工一流！最後，來個新竹米粉，誰說吃米粉一定要吃

今次去左鄰近銅鑼灣地鐵站既老鍋台式火鍋，湯底揀左尚膳養生鍋，健康得黎，唔重藥材味無肉不歡既我打邊爐又點少得特級美國安格斯雪花肥牛，幾時都覺得滑係正過丸，所以叫左個黑白雙滑，一次過試晒兩款滑，兩款都唔錯。響鈴卷好脆，可以揀半份，兩個人食岩岩好，不過記得唔好淥咁奈，如果唔係就唔會外脆內軟架喇。另外都點左d清少少既野食都唔錯，千張豆葉紙同白玉毛瓜雙拼都唔錯。怕唔夠飽仲加個寬粉條，寬粉條索左d湯,特別好味。飲品叫杞子杭菊露同冬瓜茶就唔怕打邊爐熱氣啦

銅鑼灣又有一間台式火鍋，今次試一試呢間老鍋😋今日想清清地唔食麻辣火鍋，所以選擇了招牌的養生鍋，入面有人蔘、杞子、紅棗、冬菇、粟米等食材，用料十足，藥材味濃郁。配菜方面我們選擇了雪花肥牛、四寶丸、冰菜、黃金響鈴、蘿蔔、竹笙蟹柳、以及熟食的臭豆腐。臭豆腐外脆內軟，聞起來味道不大，但咬下去又臭又香，令人一試難忘。每次吃台式火鍋都會選擇一些比較特別的蔬菜，例如A菜，今次選擇了冰菜，口感好特別。而蘿蔔亦非常入味。黃金響鈴即叫即炸，蛋黃味非常濃郁， 十分邪惡。

開始凍凍地就想打邊爐☺️不過人大左，就唔想食任食，想食乜就叫乜。坐得算舒服😌枱與枱之間都有足夠空間因為唔想食辣，叫左個美人鍋😊（入面有烏雞、桃膠等）食物中規中矩，全部手打為主。碟手切牛真心唔錯，好有口感👍🏻⭐️⭐️⭐️如果想搵間坐得舒服，慢慢傾下計，打完邊爐又唔會有成身味既火鍋🍲呢間可以一試。

突然好掛住台灣無老鍋,但暫時未有假期飛過去食,就搵下有無台式bino頂住癮先!呢間位置夠方便, 系正銅鑼灣地鐵出口, 就試試佢啦!叫左膠原蛋白美人鍋, 個名就夠勁咁, 味道都吾錯.好膠口, 證明真係用左吾少膠原蛋白!都見到湯裡面有好多料, 落足wor.兩條友打邊爐都叫吾到太多野,叫左冰酒一口鮑, 鹹蛋黃炸魚皮, 甜不辣, 牛肉推薦甜不辣同鮑魚, 前者好有台灣風味, 後者夠爽口彈牙!總結, 環境就吾錯, 坐得夠舒服, 位置闊落.食物質素屬中上, 略嫌價錢稍貴,無計啦, 當幫忙交裝修同鋪租錢

成日都好掛住台灣嘅無老鍋，一講起台式火鍋，香港最出名嘅一定就係老鍋台式火鍋。所以決定黎食返餐台式火鍋🤣我哋叫咗個養生鍋($228) 湯底非常足料，我哋都飲左幾碗湯先正式開始打邊爐。配料方面我哋叫咗安格斯雪花肥牛($188)、夜市炸臭豆腐($48)、黑白滑($88)、鹹蛋炸魚皮($68)同寬粉條。打邊爐最緊要個湯底，藥材味較重嘅養生鍋，加上安格斯雪花肥牛，食落都非常之夾，夜市炸臭豆腐同埋鹹蛋炸魚皮都係呢度個比較出名。炸臭豆腐佩配甜醬食，十分惹味。鹹蛋炸魚皮略嫌吵得乾身得滯，如果濕少少掛多啲鹹蛋黃落去嘅話會再香口好多🤤🤤最後都想食粉麵食，所以叫咗寬粉條，同埋叫咗杯冬瓜茶飲。如果大家都掛住台灣火鍋，我嘅首選都係老鍋👻

作為香港少有既台式火鍋，（香港多數都係日式任食火鍋，如X牛咁，一大堆），呢間都算幾多人黎。就算平日都好，都差唔多坐滿咁滯，可想而知佢個受歡迎程度喇。座位母，格局都幾中式，有d類似清朝果d既格板，隔住唔同枱既食客，咁就夠曬私隱度喇，唔似得日式咁逼住逼住係隔離食，真係無曬食慾。另外，佢仲有d圓枱，方便一大堆朋友黎食飯，就易d傾計食野。野食方面，本人就最鐘意佢個臭臭鍋，因為入面有我最鐘意既臭豆腐，浸埋落麻辣湯度，真係好掂好正。呢個臭臭鍋真係台灣獨有既湯底黎。響玲方面，真係幾大舊幾正，食落又鬆脆可口，似係岩岩超起新鮮出爐，掂呀。肥牛方面，份量就僅僅夠，但質素就算係中上。呢間都唔女仔fd黎，可以約埋一班姐妹黎食下都幾好既選擇。

老鍋台式火鍋店內以四種湯底為主：老鍋秘製麻辣鍋， 老饕酸菜白肉鍋，膠原蛋白美人鍋和尚膳養生鍋我同朋友叫了老饕酸菜白肉鍋 湯好香酸菜味，鍋內除了有豬花腩，還有酸菜，番茄，粟米，冬菇，寬粉條等。主角豬花腩肉片大大塊，有一陣特別的酒香，好好味!😋餐廳提供的調味料有好多選擇，比較特別的係香醋同蒜泥汁，配上食物十分惹味!精選手切牛肩肉牛肩肉質好新鮮，肉味香濃，而且厚薄合適，值得推薦👍🏻魚肉小湯包入面湯好鮮甜，外皮好有口感鮮炸響鈴響鈴即叫即炸，浸落湯泡兩下搞掂，吸哂D湯味👍🏻降火冬瓜片叫啲菜下下火寬粉條晶瑩剔透，食落軟滑，好食🤤除左火鍋料外，仲有好多小食，我地點了甜不辣台灣特色小吃，由魚肉及麵粉製成，外皮香口，內裡煙韌，點一下醬汁一齊食十分好味🤤飲品方面，點了杞子杭菊露清新充滿菊花味，又解渴，值得推薦👍🏻熱冬瓜茶 清熱消暑且不甜膩總括來講，食物選擇多，而且質量高，環境舒服，好岩一班朋友來食👍🏻

店內主要以中式設計，部份係以屏風相間，每枱位置空間足夠。環境裝修得偏古色古香，帶點中國風，入座時已經接近滿座。美人鍋呢度有好幾種特色湯底可選擇，最後揀咗美人鍋。湯底清甜鮮味，用左烏雞，桃膠、南棗、杞子等材料熬製，非常足料。係未開始打邊爐前應該先品嚐湯，材料豐富，滋補養顏。安格斯雪花肥牛相信係打邊爐必備，牛肉肥瘦適中，油脂分佈平均，牛味好濃， 食落口感鬆軟。正！千張豆葉紙望落覺得個名幾得意，其實有少少似腐皮，豆味幾濃，擺入湯估計唔需要3秒就可以進食，幾特別。皮蛋貢丸平時相對比較少見，裏面應該加咗皮蛋同薑蓉，咁嘅配搭反而令皮蛋味更加出，而貢丸亦彈牙，係一個唔錯嘅選擇。三秒響鈴卷響鈴係即叫即炸，所以需要等一陣，食落非常香脆，擺入湯裏3秒就够，非常吸汁，已經成為火鍋不能缺少嘅配料。紅柿白玉雙拼即係番茄同蘿蔔，健康清新之選，蘿蔔清甜，食落冇渣。寬粉條寬粉條嘅口感煙煙韌韌，食嘅時候已經吸收晒湯底的嘅濃味，好味。杭菊露 & 烏梅汁 都係清熱解渴，杭菊露加入龍眼和杞子，感覺清新。烏梅汁就酸酸甜甜，打邊爐飲杯特別適合。

因為今日放工比較晏, 同事話想食火鍋, 掃走OT既煩惱 於是就找左搵左間有特價時段既火鍋餐廳 呢間餐廳9:30後, 火鍋配料半價去到餐廳都幾多人, 等左10 分鐘入到去, 都幾闊落食物有好多台灣特色既菜式, 醬料仲可以自己調配 叫左個麻辣鍋! 入面有豆腐同鴨血, 豆腐吸哂麻辣鍋既麻辣味, 好入味, 鴨血唔會一夾就散 手切牛肩肉: 肉質好鮮嫩, 烚幾秒就熟麻辣牛肚絲: 呢個正常味道魚湯小湯包: 呢個超好味. 丸入面有魚湯, 小心爆汁 台灣蒜香腸: 呢個都係值得推介, 台灣香腸炒到一片片, 好香口, 一塊接一塊食唔停 冬瓜片: 好清新既感覺, 偏硬身, 有咬口新竹米粉: 真係正宗既新竹米粉, 份量都幾多 呢間餐廳既食物真係充滿台灣味道! 

今天和朋友到銅鑼灣的老鍋台式火鍋吃晚餐。我們大概晚上七時到達餐廳，餐廳環境舒適，我們被安排到中間的圓枱。我們首先點了一個酸菜白肉鍋的湯底，這個湯底是侍應極力推介我們的。隔了大概十分鐘之後，侍應便拿上火鍋來。酸菜白肉鍋十分足料，有很多酸菜，和腩肉，吃這個湯底的料也能有五成飽。湯底酸酸的，能夠消滯。肉類方面，我們點了安格斯肥牛。牛肉味很濃，油脂分布平均，入口即溶，份量也十分多。香菇貢丸十分有驚喜，香菇味十分突出，貢丸彈牙。今次是我們第一次吃新鮮的番薯苗，番薯苗十分新鮮，菜苗十分乾淨。鹹蛋炸魚皮簡直是一流，香脆的外皮帶能就佔了滿滿的鹹蛋黃碎。夜市臭豆腐整得有水準，豆腐還保持着肉汁。另外，我們分別點了一杯杭菊露和烏梅汁，都十分清新消滯。

天氣變涼，係時候打邊爐喇！今次叫左美人鍋，入面有成隻烏雞同核膠，真係好養生啊！有一種飛左去台灣打邊爐既感覺！打邊爐就梗係要有牛肉，雖然份量唔多，但係好高質，牛有牛味👍🏻👍🏻 如果份量多D就正正喇！老鍋仲有台灣小食食！我地試左甜不辣，勁香口，打邊爐之前可以叫一個做小食～仲有唔少得既響鈴，係即炸架！好香口，又唔會淋油仲叫左烏冬同菜，好滿足啊！烏冬己經煮好，擺入湯返熱就食得，岩晒我地心急食野既人！

天氣開始轉涼，心思思想去打邊爐，朋友就揀咗呢間台式火鍋黎試吓!! 揀咗酸菜白肉鍋，鍋裏便已經有非常多材料包括酸菜、粟米、蕃茄、冬菇、寬粉條同梅花豬肉等等!! 個鍋酸酸地幾開胃，基本上唔使再加調味啲食物都好夠味!! 混醬有我最愛嘅香醋同埋蒜泥汁!! Order嘅時候唔知道個鍋底已經有寬粉條，再order左一次，但唔緊要都俾我哋清晒!! 皮蛋貢丸，印象中冇食過呢樣野，貢丸裡面有皮蛋同埋薑，一咬落去啲汁爆曬出嚟，非常推介!!精選手切牛肩肉，印象中呢度嘅肥牛係比較厚切有口感，食落肉質都唔錯!! 番薯苗，平時唔會煮所以order黎食下!! 熟食有甜不辣同台灣蒜香腸，兩樣都熱辣辣，趁熱食好好味呢!!