190
73
29
| 餐廳: | 老趙越南餐廳 |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
影片
開飯介紹
Out of the 3 chains, this Jordon-based Lo Chiu is the most popular one. Customers usually without fail order the beef pho noodles followed by spring rolls. Its authentic-ness and enticing menu spoil the guests for choice.
繼續閱讀
獎項殊榮
最優秀開飯越南菜餐廳 (2010), 最優秀開飯東南亞菜餐廳 (2011-12)
營業時間
今日營業
11:30 - 21:30
星期一至日
11:30 - 21:30
以上資料只供參考, 請與餐廳確認詳情
老趙越南餐廳 係柯士甸站附近成日經過, 裝潢寬敞似尋常茶記, 其實佢開左差唔多50年, 曾經攞過連續七年米芝蓮,價格唔算貴, 主打正宗越南菜蟹肉粉絲肉碎金磚 $62見到人推介, 睇落真係4磚金. 不過味道似普通嘅蛋餅, 主要係粉絲肉碎加香蔥蛋越南米紙卷 $48店員推薦, 包左燒豬頸肉同彈牙蝦, 仲有粉絲, 新鮮脆青瓜,帶有獨特香味紫蘇葉, 再蘸上檬粉嘅酸甜汁, 幾refreshing 香脆牛油雞翼 $98比起金磚, 較推薦佢地牛油炸雞翼. 全翼炸得外皮金黃香脆, 連雞翼尖都脆卜卜好食, 而肉質保持到軟嫩多汁咖喱雞煲同法包$158又見到人推介, 法包大條係夠脆. 不過略嫌咖喱似港式, 調味咸唔係好夠香濃. 雞嘅份量多而調味唔多, 略鞋. 仲有d 鴨血後加老趙牛肉粉$88黎到叫番pho 最穩妥, 湯底飲得出係牛骨牛熬出嘅鮮, 加上大舊蘿白, 清甜不膩. 牛肉片夠薄, 浸落熱湯剛好, 肉質嫩, 仲有彈牙牛丸. 牛腩略鞋, 牛筋夠腍. 河粉夠滑, 略碎老趙越南餐廳 (佐敦)佐敦文苑街25-27號地舖
繼續閱讀
同事話佐敦有間50年老字號越南餐廳幾好食，話下次去個邊可以試下。前幾日去左之後發現原來之前好幾年都有拎到米芝蓮嘅推介！椰汁木樹綠豆冰椰汁下面全部都係淺綠色既綠豆冰，好多料飲落好飽肚！綠豆冰十分清爽解暑，椰汁味好重又香甜感！斑斕椰汁紅豆冰紅豆綿密，味道唔會太甜！飲落有微微班斕香味，而椰汁同紅豆一向都係經典配搭，味道好夾！老趙牛肉粉牛肉粉表面鋪滿好多材料，有牛丸、牛腩、生牛肉同白蘿蔔！金邊粉口感順滑，牛肉嫩滑唔會韌，湯底好鮮香，好有牛肉香氣！咖哩雞煲配法包咖哩雞煲配有半條法包，份量好多，夠晒兩個人share食！咖哩醬好濃郁，用尼沾酥脆既法包食一流！咖哩雞煲入面有雞翼同雞脾，仲有豬紅添！雞肉質感都幾鮮嫩，好入味！咖哩唔會太辣，就算唔食得辣既朋友都食到！越南蒸粉包（4件）粉包外皮軟糯，包住勁多餡！材料有甘荀、沙葛同肉碎等等…將唔同口感既材料包埋一齊，口感層次非常豐富！表面有蝦米蔥油所以食落充滿蔥油香味！蟹肉粉絲肉碎金磚（4件）外型係正方形，幾得意！表面金黃色蛋皮好香，表面鋪滿蝦米葱油，每一啖都有葱油香味！底下既餡料好豐富，有蟹粉、肉碎同木耳絲等等…食落都幾飽肚！
繼續閱讀
老趙越南餐廳位於佐敦文苑街，經營接近50年，連續獲得7年米芝蓮風味推介，有好正宗嘅越南風味，除咗傳統越南菜式更有提供其他越南餐廳好少見嘅食物款式。✿ 蟹肉粉絲肉碎金磚 $62好有特色嘅越南菜😳外型睇落都精緻✨粉絲份量頗多，每一口亦嚐到蟹肉新鮮🦀鮮味十足。✿ 燒甘蔗蝦 $44甘蔗蝦爽滑，外皮金黃酥脆🦐蝦肉帶有香甜甘蔗味道，可以沾上梅子醬食用。✿ 椒鹽軟殼蟹 $168半煎炸加上乾蒜 椒鹽粉 檸檬椒鹽等等，口感香脆可口🦀軟殼蟹外脆內軟，陣陣新鮮鹹香。✿ 老趙無骨雞飯 $72近年好中意食雞飯，呢度有當然都要叫。雞肉嫩滑可口🐔油飯粒粒分明，亦不至於太過油膩。✿ 泰國直送新鮮椰子水 $36泰國直送果然係唔同啲😆椰子水非常清甜，椰香十足🥥仲食到唔少香甜椰肉，比想像中有驚喜好多。✿ 斑蘭椰汁紅豆冰 $36漸層好靚💚🤍❤️斑蘭汁味道自然清甜，連同椰汁紅豆冰一齊飲用係另一種特色風味。✿ 椰汁拉椰卷 $34顏色鮮艷而且香味濃烈💚質感煙韌軟糯。
繼續閱讀
去開佐敦做嘢，食晚飯揀咗呢間老字號嘅米芝蓮推介越南餐廳，嘢食好味價錢親民，唔怪之得屹立喺呢區咁耐。迷你庶蝦 $44雖然寫係迷你，但係我覺得係正常size，哈哈。蝦肉爽滑，食得出係用新鮮蝦整，炸得外層金黃，裏面啖啖蝦肉，最後再啜埋啲蔗汁。蟹肉粉絲肉碎金磚 $62蟹肉粉絲肉碎配搭恰到好處，食落好似仲有加一啲蛋？成個金磚唔會鬆散，食落口感軟得來有咬口，調味幾好食。咖喱牛腩煲跟法包 $158咖喱香濃。牛腩煮得鬆軟腍身，一啲都唔乾柴。牛筋入晒味，軟滑軟滑又有少少Q彈，配法包真係一流，唔會嘥咗啲咖喱汁精華。老趙牛肉粉 $88呢個招牌越南粉好好味，湯底清得來又香濃，材料豐富，除咗有生牛肉片，仲有牛腩、牛筋、兩款牛丸同埋一大舊蘿蔔，全部都煮到入晒味。河粉又薄又滑，非常之掛湯，重點係好多肥仔芽菜，爽口爽口感配埋軟滑嘅河粉一齊食口感好好。香茅豬扒飯$68豬扒煎得啱啱好，唔會乾爭爭，肉質係紮實得來有肉汁。香茅惹味，配上一啲乾蔥同埋蔥花，送飯好好味。佢仲可以加配煎蛋，如果撈埋流心蛋汁一齊拌飯應該仲好食。椰汁拉椰卷 $34 椰汁味幾清香，唔會太甜，作為飯後甜品唔會好滯。
繼續閱讀
《越式米芝蓮之選👑》———————————————#老趙越南餐廳 🇻🇳-早排同朋友去咗柯士甸附近嘅舊區，呢間小店非常隱世，意外高質！餐廳經營接近50年越南正宗口味，睇到收銀牆上面滿滿嘅米芝蓮牌，就知道佢有幾勁，連續獲得七年米芝蓮推介😍-🐣 香脆牛油雞翼 雞翼超大隻，外脆內嫩，牛油香味十足，每一口都令人驚喜，非常juicy👍🏻-🐮 老趙牛肉粉 Pho湯底鮮美，牛肉切得薄薄，鋪滿成碗嘅份量，軟嫩可口～粉條吸收咗湯嘅精華，直接飲都唔會覺得重味精口渴，一啲都唔會膩😆-🥘 咖喱牛腩煲跟法包 咖喱牛腩煲熱辣辣，牛腩煮到入口即化，咖喱味濃郁，配埋法包去沾汁，真係超正！一個煲完全唔夠食🤭-🫘 斑斕椰汁紅豆冰 呢款甜品清新可口，椰汁味道濃厚，紅豆又滑又香，夏天食最啱！份量適中，完美解暑☀️-☕️ 越南咖啡咖啡味濃，帶有淡淡的甜味，質地幼滑～-⭐價錢參考：香脆牛油雞翼：$98老趙牛肉粉：$88咖喱牛腩煲跟法包：$158斑斕椰汁紅豆冰：$36越南即溶咖啡：$48米紙卷：$48🍌抵deal 指數：7/10
繼續閱讀