老掌櫃東北菜館 (海之戀商場)

營業中

休息中

其實平時兩個人搵嘢食真係有點困難，又唔想食太飽，又想試多啲菜式和新餐廳。一直都好鍾意食北京填鴨，但礙於害怕份量太多，終於搵到一間東北菜可以2個人食，而且價錢又優惠。今晚點了主菜北京填鴨半隻$168，配上清脆嘅青瓜和甜醬，食得非常滿足，再點了10隻京蔥羊肉餃子和涼伴小食（忘記了名字，但記得影相），京蔥羊肉餃子，肉質鮮嫩有肉汁，好好味呀，涼拌小食酸酸味味，絕對適合炎炎熱熱🔥夏天的美食，而且份量剛剛好！

之前喺大角咀食過而間餐廳，覺得唔錯！今次見到喺荃灣開左分店就黎試下。今次試左水煮牛肉，非常足料抵食，味道有少少偏鹹，勝左夠大份。片皮鴨叫左半隻，$168，唔算差，有少少酥味。所有野食都偏鹹，超大份，價錢平，好抵食

荃灣老掌櫃位於海之戀，Donki隔離，地點好方便而且對住無敵大海景一餐好舒適既晚餐就係咁開始但要留意，呢到係只收現金。餐應採用QR code落單，但如果要叫北京填鴨，就需要叫店員親自過黎落單。白菜豬肉餃(10隻)，餃皮微厚，但內裹多汁，一咬開就見到好多豬肉，夠晒足料麻醬冷麵，原來一d都唔簡單，麻醬香濃而且配菜有好多，青瓜絲，紅蘿蔔絲，仲有豬肉係上面。香口既配菜加上麻醬一齊食，混合埋豬肉既鹹味，令成個冷麵增添風味五香牛肉麵，牛肉軟腍，鹹香十足但唔會有油膩感終於輪到主角，北京填鴨見到鴨肉幾咁粉嫩已經流晒口水，外皮鬆脆，滿滿既鴨油而且份量都唔少，差d包唔晒

因為有可靠朋友介紹，所以係冇訂位情況而又打極電話冇人聽，我同埋屋企人係假期最後一日嘅5:40去咗荃灣海之戀嘅老掌櫃搵位食晚飯！你冇睇錯！5:40就去攞位食晚飯！唔係淨係我呀，見到其他客人同我一樣未夠六點就搵位坐低。老掌櫃係Donki隔離，位置好方便但個個掛住睇DONKI好容易miss咗間餐廳。餐廳格局比較簡潔，落單服務係用QR code自助落單嘅！要求靚裝修、有服務員服侍嘅顧客，呢間可能就唔啱你啦！淨係知道可以叫半份北京田鴨，半份價錢$168都算正常合理！餐牌好厚，好多餸揀！終於叫咗4個小菜、半份北京田鴨、3個甜品，埋單只係$480！碟碟餸清曬，唔會唔好味啦！如果鍾意食東北菜、又唔必須睇/坐靚裝修、要求有服務員服侍嘅話，我會叫你去試老掌櫃。老掌櫃係近期難得全家一致同意可以再去食嘅餐廳。

一早打咗去book位，去到先臨時執好張擺滿曬雜物嘅枱比我哋坐，呢下已經覺得間野唔多掂。到要嗌野，啲staff會係咁扮見唔到你。咁終於嗌到個staff嚟，又會話唔得閒幫你落單，叫我寫喺張紙到比佢，然後又急急腳走左。寫完又揮咗一輪手先終於落到單。我哋嗌咗5樣嘢食，唔計個涼皮，3樣都係凍嘅，剩低個樣都只係暖炸😅😅😅得個白飯係熱😅😅😅😅一心嚟食片皮雞，見咁多人推介，又凍，個鴨皮又唔脆，個肉又鞋🤮總結 好差 唔會再食

今天到海之戀辦點事，處理完已二時許⋯⋯之後找地方醫肚，在 Donki 附近看見有間火紅紅的食店，非常搶眼。開放式店舖，依個時候食客坐滿八成，一於入去研究一下⋯⋯由於飯市已過，可以選個心水位置，一於對住海景吃個午餐。餐牌雖然只得一張前後各一頁，但也頗多選擇:客飯餐，菜飯只加$2，相當合理；而湯麵餐改刀削麵就加$4; 燉菜餐; 餃子餐，還可追加小食，相當有彈性，難怪看見隔離枱，三五知己，點菜點得像晚餐一樣那樣豐富。排骨擔擔麵$44~只得一支公，簡單吃便算，排骨炸得香脆可口，一讚👍🏼至於這碗擔擔麵，份量足，酸度夠，稍嫌麻醬未夠濃，但也算味道豐富。配熱豆漿另加$4, 豆漿唔算太甜，而且夠杰身，以午餐這個價錢相當合理。

老掌櫃東北菜館位於海之戀商場2樓，即係DONKI 附近，位置比較隱蔽。可以選擇坐室內或者室外，呢間餐廳價錢比較相宜，而且仲要免加一服務費。近窗邊位置有落地大玻璃可以望到藍巴勒海峽，成間餐廳都好光猛丶整潔丶乾淨企理。今次黎試下呢度嘅餃子，餃子款式都有好多選擇，有素三鮮(白菜仔丶甘筍丶木耳丶冬菇)丶肉三鮮(豬肉丶韭菜丶蝦仁)丶白菜豬肉⋯⋯，餃子可以配麵或者淨餃子，如果淨餃子就有十隻，如果餃子配麵就有五隻。今次揀左上湯雲吞和肉三鮮餃子，仲加左$15 跟一份四喜烤麩。餃子好大隻和足料，不過四喜烤麩就麻麻地，味道比較清淡。服務方面一般。2021年5月19日

素三鮮🥟餃子刀🔪削麵中午於荃灣開餐，天氣悶熱選擇外賣🥡吃麵。走到海之戀商塲搵食，最後決定試試這間東北菜館，叫了一客素三鮮餃子刀削麵。湯及麵分開上，店子另收二元兩個外賣盒，共$46。素三鮮餃子5隻，主要餡料是切得碎碎的白菜仔🥬，微微吃到木耳、甘筍、冬菇碎但實在不顯眼。刀削麵條整齊算是淋滑，肯定非人工刀削，麵條欠缺刀削不規則寬條的Q彈之口感。湯🥣料味道可以接受亦夠熱。整體來說只是一般的餃子面。

老掌櫃係我地叫外賣嘅飯堂 好食之餘仲冇好似其他餐廳咁係外賣每樣野加$20-30午餐$4x 水煮牛/水煮魚都有晚市一半份量 再配飯真係好抵又好飽 仲好足料 牛肉或魚柳份量都好多架 仲有超甜娃娃菜、黑木耳、芽菜、粉條等配料 大滿足 不過魚柳有時有泥味/胡椒味好重溫馨提示：唔知近排係唔係生意太好 叫外賣晚市份量大減好似得番餸頭餸味 又冇乜肉/粉條外賣有時包裝唔係咁好 水煮餸嚟到通常都瀉晒

此店標榜東北菜，由於我並未去過東北，所以唔知佢似唔似東北菜，但係，平時食開辣嘅我，覺得個d辣味都似模似樣。雖然唔係話辣出煙，但有至少足夠椒味！1. 叫了小食，豬耳同粉皮都好味，豬耳夠入味係重點。2. 餃麵幾正，一般d酸辣湯麵落好多豆粉，食兩食個湯變到好熙。呢個好難得係少數唔係咁嘅。個湯唔係多豆粉果d，所以個味比較真材實料。唔會攪兩下變水狀。d餃足料大隻。隻辣味至少有椒味，好得我心。麵餐飯餐都抵，四十幾五十蚊都食飽飽。餐廳又寬敞，有自然光，幾舒服。會再去。

當日大約下午5點鐘就walk-in入去 好好彩有北京填鴨嗌 唔使預訂。 入座後店員就幫我哋落咗半隻鴨，我哋再嗌多個擔擔麵，肉三鮮煎餃，同拔絲地瓜。先說填鴨，鴨與包皮的温度沒有想像中的熱，鴨又沒有想像中的嫩。或者是臨時下單才有這種質素。煎餃有驚喜，肉汁爆滿、肉味十足，可以一戰。拔絲地瓜只能說是失望，皆因下枱時地瓜上的糖醬已凍，顧客很難把它夾起。用餐的體驗也十分狼狽。可是擔擔麵可謂全餐之最，辣味十足，花生醬濃郁，麵質掛湯。幾好幾好。總體而言，地方環境比大角咀店更好，但論食物質素，大角咀分店各類食物都被這荃灣海景老掌櫃更佳。

【環境】個日好好彩地同職員講想坐出面好快地已經入座係露天位置望住夜晚既海景吹住少少風好有feel❤️❤️❤️【片皮鴨】🌟點左半隻片皮鴨❤️好好好好食👍平時好少食東北菜感覺好神奇皮薄饀靚😆鴨既肥瘦適中肉質都幾好❤️配上青瓜，大蔥同醬汁👍👍重點價錢都幾抵食！😝3個人去食，份量好足夠！【糖醋排骨】🌟味道好驚喜❤️第一次食見到個賣相諗起韓國料理糖醋肉！食落去好香❤️❤️甜甜地雖然油炸過但係食落口又唔會覺得太油膩脆脆地既外皮咬落去滿滿既肉❤️❤️好食好食位置係donki 隔離下次如果再去donki 都會再食依間：）值得再黎❤️

CP值高，人均大約130元已經有四個菜式加一個炒飯再加酸梅湯！正！環境也是乾淨衛生，服務員態度非常好，很勤快，上菜速度也很快，值得推薦！食完仲可以去旁邊的Donki 行吓，非常方便

用網上點餐，手機不能顯示圖片，叫伙記協助竟然講幫你唔到！老人家如何點菜？伙記態度差，兩個女的還可以！開始唔知點了片皮鴨要開聲叫伙記起菜才送上，要問伙記伙記才說，之後叫上菜伙記又冇幫我落單，再等一排問第二個才知冇幫我落單！片皮鴨霉而冇味，燒羊還可以，豆沙窩餅味道同個皮怪怪的！小黃魚太咸！最後竟然只收現金，失敗中的失敗！

📍 【老掌櫃-抵食北京填鴨🦆】唔知有冇人同我一樣好鍾意食北京填鴨👀 我細細個試過一次之後就返唔到轉頭😂🤣 見親都會嗌黎食😋😋海之戀商場開咗之後多咗好多食肆，又多咗個選擇比荃灣人，本身住開真係諗唔到有咩好食🥲 宜家商場入面既食肆好多性價比都高😎 而呢間我都介紹咗好多身邊既fd子去食，佢地一致都覺得唔錯又抵食🤘🏻🤘🏻講翻我醉薆既北京填鴨先🤪 💰168半隻半隻已經夠2-3人食，如果係星期六日夜晚食，最好早啲打個電話去book位同留定隻鴨😂 佢weekend都full 。 隻鴨佢都燒得算靚，而且啲鴨唔肥，唔會食到成口肥膏嗰種🥵 配料佢亦比好多🤩 食到最後仲有配料剩，唔係兩條蔥比你就算嗰啲。 不過個皮就厚咗小小，個人覺得如果再薄小小做到皮薄餡靚就perfect，令個口感唔會太full，全部都係好厚既感覺。多人食既就可以嗌埋啲小食share😎雞絲粉皮 呢個個醬都幾好食，不過味道唔夠濃郁，麻醬味再重啲會更加正🤘🏻另外，lunch都試過佢個啖啖麵，個湯底都幾濃唔會好稀，而且好多肉碎係底，就咁食一碗已經好有滿足感回鍋肉 💰$78呢係都幾惹味，雖然有啲油但配飯一流🤪🤪麻辣豬耳同湯餃都唔錯，個湯幾好飲😂🤣