老掌櫃東北菜館 (海之戀商場)

營業中

休息中

❇️位置餐廳係海之戀商場2樓，就連住荃灣西西鐵站，所以好方便而餐廳座位寬闊，可以一班朋友慢慢食.❇️食物1️⃣北京填鴨（一隻） $318北京填鴨好熱，似係一整起就上但個皮就無一邊蒸住，變左好快凍，有點失色.2️⃣雞絲粉皮 $68粉皮加左超重麻醬，QQ咁，開胃一流.3️⃣ 砂窩雲吞雞 $268冬天食暖笠笠勁正，飲個湯已好重雞味雲吞仲好多蝦，好夾.4️⃣宮保雞丁 $86比想像中係濕炒，伴飯食就岩岩好.另外仲叫咗四季豆$74，海蜇$74等等既前菜.最後，叫左高力豆沙做甜品又熱又多餡料，正.岩哂新年一班人一齊食飯！

餐廳環境冷氣欠缺，而且侍應完全沒有禮貌，另外沒有信用卡收款方式已經好唔方便，在送餐時倒瀉嘢食更加完全沒有道歉，更加沒有理會，一個雲吞雞湯一手放落枱，倒到啲餐牌同枱都係，仲要若無其事咁行開咗，我哋叫咗三個湯，侍應都唔會打算或者問客人需唔需要碗，食物水準很一般，枱面近有污跡，衛生一般咪，小菜味度更一般，甜品係完全差，拔絲番薯一上枱，已經夾唔開，都唔知叫客人點樣食，之後諗住試多個高力豆沙，結果都係很一般。

好耐都無食過片皮鴨，今次試下老掌櫃。餐廳位於海之戀商場入面，交通都算方便，中午時段都無咩人，唔使等位。我地坐下來就即刻Order片皮鴨，賣相好吸引！甜麵醬、青瓜、大蔥和餅皮，片皮鴨緊接著上菜，份量不錯，油香也很充足，上面的小塊皮也有香脆。包住配料食，可口清新，唔會油膩。羊肉餃子應該是東北菜其中一道特色菜吧！吃到羊肉味，不會很騷，好吃。仲有秘製杭洲骨和茄子等，秘製杭洲骨好足料，唔會肥，啖啖肉，仲有好多配料，洋蔥、菠蘿等，酸甜可口，好惹味。而茄子口感清脆不爛，但就油膩左少少。

家人生日，諗住去試一下東北菜，咁就去行吓Donki順便Donki隔離有間咁嘅餐廳去試一下，門面係非常之靚嘅，但係一轉咗彎之後就見到餐廳個樣就扣咗一半分，餐廳格局完全係一間普通茶餐廳嘅格局，問侍應同埋叫侍應落單，十問九唔應，態度非常之差非常之惡劣嘅一班年青人，做嘢求其那西，如果接受到去受着去食飯嘅話，咁就可以去值得一試…..佢哋每次出餐上枱會經過你個頭嘅上面放低碟餸。完全冇服務，話說如此，佢啲餸真係幾好食嘅，個片皮鴨非常之特別，肉多個皮，倒不如條片皮鴨肉好過啦。不過不失咁食咗一餐。呢間都值得推介，大家去試吓嘅

其實之前都食過大角咀分店，但係畢竟唔係好方便😄😄上網搵到原來荃灣都有！！咁梗係要來試吓今次選擇咗中午時間過嚟食，除咗怕夜晚太多人，而且荃灣分店都有午市特價套餐，好抵食！！🥰🥰今次嚟到其實都算係滿座，都好多人食飯。就叫咗個杭州骨同埋一啲涼菜，味道整體不過不失，都係大角咀好食啲！！🤔🤔可能廚房唔一樣？？員工態度都唔錯，見我哋兩大一細都盡量快啲安排位置比我地😇😇值得加分！！最後埋單$115 哥哥仔俾咗個折頭我哋😌😌叫我哋多啲去荃灣🤣🤣🤣🤣

入咗去坐低，BB吹到冷氣，有個侍應話幫我哋閂左風口個冷氣，啲餸到齊左之後，另外一個侍應就開返個冷氣，結果Bb係咁吹冷氣。叫咗佢好耐都唔肯閂冷氣，食完成餐飯都係咁。。。

北京填鴨 一鴨三味👅 係呢到最馳名既菜色之一 叫左全隻 6個人食 都好夠分 鴨皮都好脆 肉都算嫩 能夠保留到肉汁鮮味 再配上 京蔥, 青瓜, 甜醬, 份量充足 合理價錢合理味道酸辣湯麵 材料就十足 但味道比較酸味過大 辣味就無咩。但勝在份量充足，大大煲都夠每人一碗🫢 飲左兩啖都已經好飽 鐘意酸味較重既朋友可以嘗試下🫢🫢🫢 總括黎講，餐廳食物水準正常，不過不失，只係略嫌偏油脷🫢想食下平價北京填鴨既朋友仔可以去食下 因為都真係幾抵食

18/12/2022Book 左一枱六人食飯得番2045問左留位果位職員可以食到幾多點佢話2200如事者開始食客觀講我覺得食物味道好食 份量又多但服務態度九流一到食 啲後場同事大大聲討論尋晚幾點收工又係到預計今晚幾點收工 都唔緊要2145 問個staff 可唔可以幫我fill水佢同我講倒哂 冇水fill 師兄你地閂2200喎做左差唔多30年人 我都係第一次聽呢啲咁既藉口冇茶咪fill 水囉？2150同我講要清潔趕我走？同場仲有三枱食緊又唔見提醒佢地？都唔緊要 我都好配合 體諒你地要收場 即走但水都唔比果下真係過份到我要專登login 留comment估唔到第一次比評語 就係比呢啲🔥想受氣比人西下歡迎去體驗下

環境方面:位置方便Donki 旁邊，環境舒適、乾淨企理，仲有室外坐位。員工方面:做嘢幾快手ok，都有禮貌，又無趕人走。食物方面:呢次兩人叫了片皮鴨、雞絲粉皮、糖醋魚塊、炒飯同高力豆沙。雞絲粉皮同炒飯普普通通沒有特別出色，但就個份量幾多下。但片皮鴨每次都必定會叫好食大件價錢又合理。建議大家如果知道要食就早啲預約，有時會售罄。糖醋魚塊好脆身好味夠多汁，正正！甜品叫咗高力豆沙，不會太過分甜，幾好，整體都非常好，會得閒再去食。

睇完人哋啲片好似唔錯！但...中伏, 伏伏伏！啲服務員個個都無乜精神咁, 我哋唔需要以貴賓招代, 但不至于咁冷漠！另外, 啲客飯應該係煮好一大盤果種, 十足啲三流3餸飯咁. 絕對唔會再去！

幫襯過依間餐廳兩次，佢嘅京燒羊肉我超鍾意食，片皮鴨都好抵食，素三鮮煎餃喜出望外，比水食好食好多！可惜今次唔記得影相，唔好意思！服務雖然不是十分標青，但都好貼心，會互動，有禮貌，這就是我喜歡的態度，作為食客追求嘅服務，平淡但激動，已經進入我20大之列！適合四人以上一齊食飯，太少人，叫到嘅餸唔多，因為每樣嘅份量都好不少。在色香味嘅層面上，始終是東北菜，放在桌子上也不是十分別緻，但香麻辛辣酸，應有盡有，味道濃郁，但層次分明，正正就是東北的口味

今日下午去到海之戀大約兩點鐘，想食東北菜，就去食呢間，叫左京蒽羊肉餃子（10隻）$46,另加涼茶千層豬耳$20羊肉餃子羊肉餡唔少，食落冇乜騷味，餃子有湯汁個皮唔太厚，千層豬耳算爽口撈埋京蒽同蒜蓉，都幾開胃今餐lunch都算抵食

有冇片皮鴨愛好者???😍😍😍😍有既~記住bookmark哩間啦~事關哩間~我真係覺得好味得黎又抵食✅北京填鴨(半隻)$168半隻既份量其實真係好多~😋😋而且唔會只係得皮~連住皮既鴨肉都唔少~皮脆~鴨肉又唔肥~咬落仲散發出陣陣既鴨肉香氣~😋😋另外~比你包住鴨肉一齊食既餑餑皮我都覺得幾出色~有輕輕烤過~厚薄適中~食落仲有少少煙韌添架~👍👍✅砂窩雲吞雞(半隻)$148哩個已經係半份黎~冇唸過都咁大份~湯頭鮮甜~有大量蔬菜在內~半隻雞都幾大隻同多肉~肉質唔會太鞋~😋😋可惜既係D雲吞係以牛肉為主既餡料~🥲食落味道上有D似點心"牛肉球"既味道~哩點真係扣左少少分~😞😞如果係正常餡料既雲吞就正好多啦~✅回鍋肉$86十分惹味的一道小炒~😋😋😋少少辣咁~用黎送飯真係一流~✅高力豆沙$13一個其實已經好飽架啦~不過見到~又忍唔住叫左黎食~😚😚最正既係可以一個個咁叫~我地只係叫左2個~一人一個岩岩好~上到枱仲係熱辣辣架~🤤🤤大大個咁~裡面既豆沙餡料都幾多~唔算太甜~好味道~👍👍

第一次去幫襯荃灣分店，食物味道不變，仲係咁好食，今次試咗好多唔同嘅食物。。全部都好味道⋯⋯不過要重點推介片皮鴨，片薄餡靚。。正！正！正！仲要價錢超值🤑黃金萵筍好香口，又爽口，我食到停唔到口👍🏻👍🏻👍🏻另外叫咗一個酸辣湯。。酸和辣嘅比例適中仲試咗個羊腩鍋🤤🤤抵食夾大件🤭勁多羊肉，枝竹和馬蹄好入味⋯⋯大家都搶着食。。酒釀丸子比較細碗，不過都酒味和桂花味好出色最後拔絲蘋果簡直係不得了🤭一定會再去食🤤🤤🤤🤤🤩

晚上八點半到場，不用等位，直接入座，其他時間需要等位。半隻片皮鴨都只係$168，另外花膠炆腩肉都只係$98，超級大份。另外叫左一份餃子，足料到兩個人都食唔晒。腩肉都好淋好入味，肥瘦適中。鴨同醬都偏濃味，兩個人食可能有點HEAVY。不過店面較忙，不要期待有什麼服務質素，下單用QR CODE。見到隔離枱有人生日，店員會播生日歌同代存蛋糕，全場有不少人一齊唱生日歌，幾好氣氛。性價比很高，會再黎光顧，交通都方便，連接荃灣西西鐵站。