老掌櫃東北菜館 (海之戀商場)

營業中

休息中

約左幾個朋友試一試東北菜，晚市坐滿哂人，非常熱鬧，餐廳自助自己用電話落單，非常方便。半隻片皮鴨$168出乎意料之外，呢個賣相平平無奇，竟然味道唔錯，最欣賞係佢個皮，煙煙韌韌，要快啲食，唔係好快就凍哂，啲皮會痴埋。紅油抄手$48呢個外型似雲吞，味道非常淡，雖然有紅油，但辣又唔辣，少少奇怪。糖醋魚片$78不過不失，正常發揮。清炒萵荀$68由於無乜調味既關係，非常清淡，完全食到萵荀本來既味道。拔絲地瓜$68侍應會拎一碗凍水、加熱辣辣占滿糖既地瓜放上枱，提醒我地要快手夾起，放入凍水撈一撈，外脆內暖，味道不錯，可惜地瓜本身唔夠甜。

今日嚟荃灣行街，發覺而家嚟荃灣方便咗，除左屯馬線開通左，好多幾個大型商場都連接天橋，三五分鐘就可以到達，真係好方便！今次嚟到海之戀商場搵食，揀左呢間人氣東北菜老掌櫃由於當日係同家人吃飯預早訂位，店家安排海景位置坐，非常舒適，一睇就知佢幾受歡迎啦，晚市如果冇book位起碼要等半個鐘🤣素三鮮 $48北京餃子🥟個皮會比較南方餃子厚身，因為北方天氣較凍要食飽d暖身，食落口個口感好煙韌，肉汁飽滿，份量都幾多幾抵食！京燒羊肉 $138羊肉個皮炸到好香脆，再加咗好多胡椒粉和特製辣粉去減低羊肉既羊騷味，好惹味，唔食羊嘅朋友都可以試吓！唔算好騷！四喜烤麩 $68呢個都係北京菜裏面必點嘅小食，不過個人覺得個味道偏淡口，不過真係好大碟！係同一個小菜嘅大細一樣！最後都係食唔晒🥲糖醋桂花魚 $268桂花魚炸到好脆，配埋個酸酸甜甜嘅糖醋汁好開胃好入味，略嫌個醬汁太酸，但係個魚係幾新鮮，其實咪即係松子魚囉！不過桂花魚就冇咁多骨嘅💕唔錯北京填鴨半隻 $168呢個係佢嘅招牌菜式，因為聽聞佢好快就賣晒，我哋喺訂位嘅時候已經預留咗，但係來到有少少失望，因為個鴨肉呢唔係好肥美，比較乾身…北京填鴨嘅靈魂係佢個鴨皮，但係你見到佢

餐廳有三間分店，其中大角咀更入圍成熱店，而荃灣分店評價則最多，雖然當中不乏負評，但我地仍然決定一試。餐廳分時段入座，我揀左18：00，另外，餐廳限時90分鐘，即使如此，當晚仍然有大排捧場客；自己唔好彩，被安排到壞冷氣嘅位置，冷氣直吹，而且好大風好凍，附近幾枱客人要求熄細都熄唔到，唯有自己食完拿拿臨走人。😔半隻燒鴨 $168人齊後，職員就會送上枱。價錢包括潤皮、青瓜、京蔥、甜醬。 建議大家拿拿臨食左佢， 因為潤皮無蓋冚住，濕氣走得好快而變乾變硬😵 燒鴨皮仲脆，肉質亦唔鞋，潤皮包住嚟食，味道正正常常。不過，如果單食嘅話，就會食得出少少鴨騷味，所以唔建議單食。肉三鮮 $50(十隻)自己係餃子愛好者，所以點左個韭菜、豬肉、蝦仁做餡嘅肉三鮮餃子。餃皮係北方做法，皮厚帶點韌性，內餡有肉汁、唔油膩、韭菜好香。京燒羊肉 $138見到唔少人推介呢個羊肉，而且第一次見呢個菜式，當然要試。羊肉入口比聞落羶，但可以接受；羊肉唔會好肥，算係啖啖肉；肉質幾淋，不過我唔中意佢個調味料味。農家炒飯 $76亦係一個多人推介嘅炒飯，材料有白烚三色豆、無蝦味嘅蝦仁、完全唔襯嘅蕃茄粒、爽爽地嘅雲耳、無乜存在感嘅菜仔。個飯入口

朋友講話我屋企樓下有一間食東北菜嘅片皮鴨非常之唔錯，住咗喺度三年竟然冇食過，趁今日放假一於早啲落去食個晚餐！五點前竟然仲有午餐，而且仲好抵食，如果唔夠食白飯仲可以任裝，果然如店名般夠豪氣！入到去裝修簡潔，牆上掛着一幅大字畫，但係冷氣就超級強勁，奉勸怕凍嘅朋友一定要帶多件褸！坐低我哋只係點咗一隻片皮鴨，加$90仲可以鴨絲炒青紅椒或者茄子，但我哋就只係一食片皮鴨，另外鴨殼仲可以攞走！一隻片皮鴨有兩碟片皮鴨肉加皮，24片餅皮，兩碟京蔥片加青瓜條，再加兩碟片皮鴨醬！鍾意食片皮鴨嘅朋友一定可以感到滿足，鴨皮簿而脆，鴨肉又不會乾，帶有肉汁，餅皮雖然薄但唔會容易穿，夾着青瓜加京蔥同吃，簡直人間美味，兩個人食晒一隻片皮鴨後，再捧住個鴨殼走，最重要係完全唔使+1服務費，真係好抵食！

老掌櫃平時返工都會去食，佢d 小菜類大多都好味，今日的4 季豆，依然正。。不過佢果邊d嘢食都好浮動，應該入面d廚師，煮法都唔同～.今日個4 季豆炒得好出色👍🏻👍🏻😋四季豆 $49好味度：⭐️⭐️⭐️⭐️⭐️.酸菜魚 $52 好味度：⭐️⭐️平時d 酸菜魚係一片片魚片，但係佢呢個係一嚿嚿魚柳🥺🥺😖仲要個底好多木薯粉，最後吸sai d汁同埋味， 偏辣😂😂.好多薯粉😂😂.雞絲粉皮。。跟餐加$18好味度：⭐️⭐️⭐️

完全冇辣味 鍋包肉上黎都唔酥脆好硬268蚊魚得上面幾塊肉 個頭同尾係裝飾品下面全部菜同埋d粉油潑麵唔香 感覺面頭辣椒似濕左咁 唔知係唔係有用熱油淋紅油抽手唔想講 醬汁簡直係豉油居多 食落去仲差過你自己點麻油老乾媽 服務方面同茶記差唔多 bk左檯 6點去到 個場地冇乜客人 尼度唔坐得果度唔坐得完全冇辣味 鍋包肉上黎都唔酥脆好硬魚得上面幾塊肉 下面全部菜油潑麵唔香 感覺面頭辣椒似濕左咁 唔知係唔係有用熱油淋紅油抽手唔想講 醬汁簡直係豉油居多

今日食飯時間前黎到，臨時落單都超快有得拎～～～未夠六點去到餐廳已經勁多人等位，不過比起大角咀店都係比較易等，呢度坐位比大角咀店舒服。北京烤鴨分左3個膠盒裝，整齊乾淨，分左烤鴨，京蔥+青瓜同埋餅皮3盒咁裝。唯一缺點係膠盒焗住倒汗水餅皮有d淋左。烤鴨拎到返屋企仍然好好味，半隻看似細份但食落都幾飽🤤🤤非常滿足。商場裡面仲有donki同豆乳狂人，可以順便買埋壽司同豆乳🤤🤤第一次用Openrice 外賣點餐真係好方便，又可以收消費劵。💪👍👍

【荃灣｜老掌櫃】果日係荃灣西諗唔到中午食咩(^_^メ) 見到哩間有一直想試嘅高力豆沙(★‿★) 所以就入左去食 價錢好抵包埋飯仲有海景(≧∇≦*)✿ 水煮牛肉 ✿ ［$49］水煮牛肉係一人份量 牛肉下面有薯粉同芽菜做墊底，而且配埋一碗白飯 都幾飽肚 性價比高(๑❛ꆚ❛๑) 但係牛肉🐂嘅肉質普通 對得住哩個價錢 想食水煮牛肉但又唔想食太貴太大份 值得一試ଘ(੭ˊ꒳​ˋ)੭✧✿ 醬燒茄子 ✿ ［$47］用肉絲做一個配搭 茄子口味比較偏甜 份量都多 一樣有加配一碗飯 鐘意食茄子同食唔到辣嘅人可以試一試ʕ•͡-•ʔ✿ 高力豆沙 ✿［$12@1］之前未食過 一直好想試(☆∀☆) 入面係豆沙餡 有一碟白糖可以點 食得多有啲漏 可能期望太高 所以顯得有啲普通 值得一試如果未試過٩(ˊᗜˋ*)و­­★好食指數★：6/10★服務態度★：一般地址➸荃灣大河道100號海之戀商場2樓2006號舖

一路都幫襯開大角咀分店今次係荃灣附近活動所以就試下荃灣分店先講環境嘩，對個個海景望住個晚霞食飯好靚！淨係環境已加分食物一如大角咀分店正！抵食夾好味完全唔會因為平而偷工減料真係值得欣賞，係良心店鋪每次幫襯都一定要食片皮鴨個皮好脆又唔會好肥👍🏻👍🏻👍🏻👍🏻美中不足係今次個餅皮略為厚身左少少松子魚有驚喜外好脆內嫩小朋友食到停唔到家常餅有淡淡葱香味係小朋友至愛，自己食完整碟口水雞勁惹味唔會辣到食唔到配上青瓜好清新四季豆一如以往咁好味四川擔擔麵勁香芝麻醬味配上少少辣食到停唔到高加豆沙本身已經飽到食唔落都要食埋高力豆沙呢間既高加豆沙中間唔係空心的係真材實料食完真係勁勁勁滿足最後真係要讚呢度冇加一收費，真係好少係大商場會搵到無加一既食肆真係值得再次幫襯

lunch黎試下朋友講左好多次既東北菜嗌左3樣送-半隻片皮鴨，so good呀，皮脆肉嫩包住食好啱我口味-東北酸菜餃，朋友話佢黎親都會嗌呢樣-水煮鴛鴦，份量都好夠，2個人3樣餸好夠飽！

上網見人哋食評大讚，今次同屋企人慶生，經open rice訂位及要求，除片皮鴨要訂之外，全部去到先叫！雲吞水餃全部都好大粒，其他餸菜份量真係好足夠，價值我個人認為合理，員工態度又好！會再光顧

老店一定係是經典菜式✌🏻✌🏻一行五大一小，片皮鴨🦆是今次嘅主角，有點失望係因為片皮鴨🦆是凍的😫幸好兩食的鴨🦆真材實料啖啖肉👍🏻最出名的羊肉🐑，我哋選擇食餃子，一向不吃羊🐑的我，也吃了三隻餃子😋其他菜式的味道只是一般😕，餸菜不夠熱，豬手用砂煲只是暖的，如高力豆沙是即叫即整，但豆沙餡比較少😋😋同時也要讚吓，可要求皮蛋的醬可另上👍🏻👍🏻，這樣可以顧及🤭🤭吃辣的朋友和不吃辣的朋友。

去過老掌櫃好多次之前食過片皮鴨，好厚肉 8/10沙鍋雲吞雞，真係好大煲！肉多菜多 9/10咕嚕肉 8/10價錢好親民，每次都食到好飽好飽唯一係環境比較迫，同隔離台好近下

好難食！價錢又唔係吸引！服務態度又差。都唔知點解咁大多人去排隊去食？？真係想像唔到，d野食，點解可以咁難食。你估都估唔到，東北菜嘅腰果雞丁，係用日本照燒汁去整？（日本又真係起香港既東北位置？）好鬼咸。。師傅可能輸左馬仔，重手左？另外，虾蛋炒飯，外貌似 茶餐廳出品嘅揚州炒飯 ，急凍雜豆加4,5隻發脹虾仔。可能師傅，唔記得落鹽，無味，仲衰過茶餐廳下午茶餐。片皮鴨，我地入去前已預訂左，入座後已叫起，過左半個鐘，再同 侍應講，隻 片皮鴨 仲未到，再過多15分鐘，仲未到。。。我已忍唔住。。。取消，埋單， 起身離座。伏死左。。。

第一次寫食評！真係忍唔住，救命！希望大家睇完可以揀過其他餐廳唔好中伏。呢間餐廳食物質素極之差！雞絲粉皮完全係得芝麻醬嘅味！腰果雞丁係百佳照燒汁咸到喊😵‍💫蝦蛋炒飯冇味😫蛋絲都無，仲要用三色豆！茶餐廳都唔用三色豆啦。服務態度好差。根本唔配係海之戀開鋪！訂咗一隻片皮鴨叫咗起等咗半個鐘都未到，個侍應生話無聽過，真係眼都凸埋！嬲到立即走人。價錢又唔係平喎，個雞丁要成七十幾真係唔值。垃圾！三百幾埋單，仲要搵第二間餐廳。請大家三思！