老掌櫃東北菜館 (海之戀商場)

營業中

休息中

好少食到東北菜，今次經過就試一試🤭位於荃灣海之戀，因為菜式選擇多而價錢比較便宜，晚飯人流挺多，建議大家去前訂枱💞 電話落單，食物質素不錯👍🏻北京填鴨 (半隻) $168賣相好吸引😍 味道係好正宗嘅東北味，半隻兩個人都好夠食，鴨外皮香脆，鴨肉肉質嫩滑，肥瘦適中👍🏻 配搭埋薄皮、青瓜和大蔥，口感煙煙韌韌又爽口🫦 配上特製醬汁，口感層次豐富，好滿足😌🐤雞絲粉皮 $68好耐冇食到咁開胃嘅涼拌菜😚 好鍾意佢嘅特別調製麻醬花生醬汁，粉皮彈牙又口感順滑，撈埋嫩滑雞絲🐔和青瓜絲🥒一齊食更惹味💖🍎拔絲蘋果 $78好吸引嘅甜品👅熱辣辣上枱需要即刻食😋 食法好特別好正，夾起蘋果放入冷水中，糖漿會即刻凝固😝口感第一下硬硬的，蘋果沾滿糖漿，外觀色澤金黃，外脆內嫩，質地柔軟，香甜可口👍🏻📍老掌櫃東北菜館（海之戀商場）荃灣大河道100號海之戀商場2樓2006號舖

海之戀Donki旁邊呢間老掌櫃東北菜館, 每一次經過見到都係要排隊, 好多人等位的; 位置相當方便, 價錢實惠, 份量又多, 抵食夾大件! 中式裝修, 環境簡簡單單, 下單都好方便, 用QR code掃下就可以, 上菜都好快。餐牌上有東北菜外, 同時會提供廣東, 京川滬菜, 粉麵, 米線, 雲吞, 餃子, 湖南, 四川等多款中國菜。我地叫咗京蔥羊肉餃子, 蔥爆牛肉, 北京填鴨半隻及炒飯。 京蔥羊肉 （10隻）- $52冇咩羊肉嘅騷味, 但都鮮嫩, 加上吸上京蔥嘅香, 都算唔錯。蔥爆牛肉 - $86牛肉嘅份量都多, 亦都唔會好細塊, 配埋大量嘅洋蔥同大蔥一齊炒, 都幾惹味, 上枱嘅時候仲係熱辣辣, 即叫即炒, 不過有少少炒老了。北京填鴨 （半隻）- $168呢碟絕對係必叫, 人氣之選, 因價錢真係抵食; 刀工唔差, 片片都差不多大細, 鴨皮同埋肉嘅比例啱啱好, 而鴨皮燒得都幾香, 鴨皮仲脆口; 餅皮口感偏煙靭, 皮鴨配埋青瓜, 京蔥及醬汁一齊食, 味道啱啱好; 都值得一試再試, 而且真係好抵食, 半隻先至$168, 唔怪得成日都賣晒啦。蝦炒蛋飯 - $76正常發揮嘅炒飯, 炒得粒粒分明,

老掌櫃東北菜館- 每次經過海之戀都很想嘗試，今天終於有機會和媽媽品嚐，很開心。環境非常闊落，感覺並不侷促。職員服務態度友善。每樣餸菜都很吸引，我們點選較特色的菜式。北京填鴨半隻 $128北京填鴨可以點全隻或半隻份量，半隻份量都足夠3至4人吃，但並沒有二食。 餸上來的皮較為厚身，我比較喜歡薄透的。重點是醬料和配菜可以免費追加，是免費追加，比其他菜館慷慨。醬汁濃郁，沾上片皮鴨非常好吃。紅炆花膠豬手煲 $118極力推介，超級好吃。豬手嫩肉非常入味，一試愛上。賣相紅卜卜，未食已經知味道濃郁， 簡直是滋潤補充骨膠原之首選。酸菜鴛鴦 （龍脷柳拼牛肉） $128酸菜魚可以配龍脷柳或者傳統桂花魚， 此菜式有點辣，如果不能吃辣的請緊記點選小辣。 牛肉同樣是新鮮嫩肉，我相信用桂花魚可能更好吃。整體來說都非常滿意，當晚食得很愉快。

幾鍾意去老掌櫃東北菜館荃灣分店，方便喺附近商場行街，呢間都食過好幾次午餐，今次來吃晚餐，小菜都幾有水準。餐廳就係Donki隔離，開放式設計，有時會聽到隔離搬貨聲，有啲嘈，坐入啲就會好啲。本身想食片皮鴨，可惜唔記得咗預早留定，所以就叫其他小菜，豬肘花拍青瓜酸酸甜甜，清新開胃！特別鍾意草捆牛骨，食落啖啖肉，仲要好入味。口水雞會有少少辣，不過好惹味，叫返個飯食就好好送飯。餃子都ok，點醋食，一碟10粒，今次食羊肉餃，下次試吓其他味先。

朋友話最近有間東北菜帶我去試～佢就係海之戀既老掌櫃東北菜館係。係一間平民價錢嘅中菜館，整體環境唔算太靚，但我哋今次特登嚟試佢哋嘅招牌菜，包括北京填鴨、口水雞同酸辣湯。可惜就冇預定到北京填鴨，唔開心～茴香豬肉餃子🥟
茴香豬肉餃子一份有10隻。餃子入面嘅豬肉餡好多汁，餃子皮薄又彈牙，口感唔錯。水煮鴛鴦魚(龍利柳併牛肉)🐟🥩
水煮鴛鴦魚用龍利柳同牛肉一齊煮，湯汁麻辣，對於鍾意辣嘅人嚟講，呢個菜絕對夠味。蔥油肉絲拌麵🍜
蔥油肉絲拌麵係東北菜嘅經典之一，呢度嘅拌麵口感不錯，麵條有啲彈牙，肉絲多汁，蔥油香氣四溢，算係一個飽肚嘅主食。酸梅湯🍶
酸梅湯係道清新解渴嘅飲品，微微酸口，好開胃。唔止可以消暑，仲可以提醒味蕾，收尾都好清新。
老掌櫃東北菜館價錢平民化，味道都算OK。最出色嘅係茴香豬肉餃子，入味而且豐富。水煮鴛鴦魚辣味豐富，適合辣嘢愛好者。蔥油肉絲拌麵作為主食，口感不錯。如果鍾意平民價錢又正宗嘅東北菜，老掌櫃係一個值得一試嘅選擇。

一直想試呢間餐廳，但因為時間上配合唔到，所以冇機會。今日夾到小朋友放興趣班，食個快飯去下一場，於是就嚟個順理成章。入去坐底，侍應即刻問駛唔駛要BB椅，完全唔駛我嗌佢過嚟。呢到唔收加一，但不乏服務。午市客飯-菠蘿咕嚕肉 （$52）：份量足！咕嚕肉同配菜一樣咁多，唔係得幾嚿肉多多洋蔥同青椒。味道正正常常，絕對可以下飯。午市淨餃子餐-京蔥羊肉餃（10隻）（$46）：羊肉唔羶，但唔太食到京蔥味。坐位尚算舒適，某啲位置仲有海景睇，以性價比嚟講算高。

📍 老掌櫃東北菜館 @laozhangguihk 心心念念想去食片皮鴨，呢間位於荃灣海之戀既東北菜餐廳係一個幾唔錯嘅選擇！價錢實惠，份量又多，抵食夾大件！🤩🥟 東北酸菜餃子（10隻）$48餃子嘅款式好多，今次就試咗佢推介果款🤣餡料好足，每隻都脹卜卜好飽滿🈵️皮薄餡多，而且好有彈性，裏面有大嚿既豬肉絲同酸菜，同時充斥著滿滿嘅肉汁！勁juicy!!!😍 真係好有東北風味! 🐮蔥爆牛肉 $86呢碟相當有鑊氣！牛肉嘅份量勁多，亦都唔會好細塊～配埋大量嘅洋蔥同大蔥一齊炒，幾惹味！上枱嘅時候仲係熱辣辣，即叫即炒～牛肉既調味都幾唔錯，幾入味👍🏻配飯食一流🤣🦆北京填鴨 （半隻）$168呢碟絕對係必叫，人氣之選🥳首先刀工唔差，唔會切得過薄或者過厚，鴨皮同埋肉嘅比例啱啱好；而鴨皮燒得好香，油脂啱啱好，喺口到溶化～個鴨皮係脆口，唔係一早做好放喺度😙而個餅皮係暖嘅，口感偏煙靭，配埋青瓜同京蔥一齊食，好爽口！而個醬汁亦都係個靈魂，夾埋鴨皮一齊食，昇華左片皮鴨嘅味道！基本上每枱都會叫嘅，價錢唔貴，半隻填鴨嘅份量都好多，同朋友兩個人食都食唔曬😣份量適合3-4人share食😌⭐️好味指數：7.5/10📍 老掌櫃東北菜館

行完donki，幾步路就到呢間餐廳，又咁岩到晚飯時間，所以就試下啦。晚飯時間人都唔少，除左訂枱外，可以選擇位置都唔算多。🐤北京填鴨🐤半隻$168一上枱見咁大碟多到傻左，鴨有部分多d肉，有部分就多d皮，配上青瓜同大蔥，包埋塊煙煙韌韌的薄皮，點埋醬汁就好滿足。🐷糖醋里脊🐷$88份量超多，炸得岩岩好，皮夠脆，但肉質都唔會鞋口。炸粉亦唔會過厚，酸酸甜甜好開胃，而且配菜（青椒洋蔥同菠蘿）都好多，食極都仲有。🫛豆角燒茄子🍆$76一味餸可以食2種蔬菜，超抵，豆角冇草青味，茄子夠哂淋身，味道都唔會過咸。🫘高力豆沙🫘$13/粒好大粒，新鮮熱辣炸出黎，咬落超鬆軟，配上甜甜豆沙蓉岩岩好，豆沙食落份量都好多，而且好滑身，唔會覺得油膩。評語地方寬敞待應有禮，做野快手食物抵食🐵推介🍌🍌🍌🍌🍌（5🍌為滿分）

行過Donki 門口，見到大大個紅色招牌，海報寫住有北京填鴨食🤩決定入去試下 坐無虛席，睇黎都好受歡迎叫左半隻片皮鴨，豆角燒茄子同上海雲吞上菜速度快，10分鐘內已經上齊菜片皮鴨：半隻份量都唔少，鴨皮邊有少許香脆，鴨肉唔肥膩👍🏻燒得剛剛好，肉質幾嫩。配搭青瓜和大蔥😋好正宗嘅北方風味 豆角燒茄子：走過油嘅蔬菜，顏色特別靚👍🏻加上蒜蓉醬底炒香👍🏻好惹味 送飯一流上海雲吞（十隻）：粒粒都包得好飽滿，肉餡結實又多汁👍🏻食完好滿足😋呢間份量都好大碟😂唔收加一，性價比好高👍🏻難怪門口排隊要等位，果然係好嘢👏🏻

看了某雜誌推介必吃推介的片皮鴨想着去試一試，應該都會有質素保證唔知去到啲鴨又乾又鞋，啲皮係凍仲癡到一嚿嚿，簡直係直升機伏伏伏咁既聲其他嘢都非常一般，可以唔需要試仲有冷氣非常大，與食物質素非常差

想食就去食，唔洗咁多解釋嘅。今次小編就去左食片皮鴨啦😆🦆北京填鴨（半隻）首先呢個真係要預訂，因為人氣嘢好多人食，成日會賣晒，如果大家嚟最好預先訂位，順便order 片皮鴨就萬無一失啦。呢度片皮鴨真係好有人氣，而且又唔貴，叫咗半隻，上枱嘅時候熱辣辣，其次係味道同埋片皮鴨嘅刀工都唔錯，有啲地方片到得塊皮以為就係好，其實食片皮鴨皮同肉嘅比例都好重要架。小編覺得呢度嘅都值得大家一試再試，而且真係好抵食，半隻先至$168，唔怪得成日都賣晒啦🥰🥠素三鮮餃（10隻）今次叫咗素三鮮餃，有白菜仔🥦、木耳、甘筍🥒同埋冬菇，冬菇嘅味道比較重，而甘筍就增加咗水餃嘅咬落去時候嘅清爽感。小編都鍾意喺食東北菜嘅時候叫餃子🥟，因為配合返個主題呀嘛😆🐷蔥爆肉片今次呢個蔥爆肉片就比較中規中矩，味道調味得都唔錯，而肉片少少肥好適合鍾意食肥豬肉嘅朋友仔🐷。但可能肥豬肉太多，整體啲油多到超負荷，小編今次都攪唔掂呀。🥲整體來講，其實呢度啲嘢食都幾好，而且幾抵食🤩不過服務就真係超級地道，環境就普普通通啦，今次去呢間分店勝在有海景，不過小編就唔係坐海景位就冇特別影相啦。等大家有機會嘅時候可以再去試下，因為食嘢食埋個view，啲嘢食自

星期日差唔多３點，係荃灣一家北京上海店享用了下午茶，價格都都幾平。而且下午茶時段仲有9折優惠，真係幾划算。我地２個人叫了一碗酸辣上海湯麵同一碗酸菜水餃全蛋麵，還另外加左1份紅油豬耳，以及一杯豆漿。哩碗酸辣上海麵室色澤鮮豔，充滿了香氣。湯底既有酸味亦有辣味。湯裡面仲有豆腐、木耳和肉絲等配料，增加左口感。 而酸菜水餃全蛋麵。這碗麵條彈牙有嚼勁，特別中意食全蛋麵，增加左麵既滑嫩口感，水餃則normal.另外，我地仲點左份紅油豬耳，豬耳切成薄片，淋上麻辣的紅油和花椒，口感鮮脆辣香，好好送飯。 。豆漿方面，都有有豆味。 2個人100埋單, 夠哂食!

呢間東北菜館我已經推介過幾次真心好味又抵食菜譜好多選擇 厚厚一本份量都有東北餐館既豪氣好適合一家人來分享北京填鴨半隻+餑餑皮168半隻真心抵肉量勁多 12塊餑餑皮包完都有肉剩燒鴨皮脆身 肉質結實配京蔥同青瓜好有口感紅油抄手$48就一大碟仲要每一嚿都好多肉入面豬肉似乎都有啲蝦肉特別鮮甜 辣汁唔使講 食到出晒汗好過癮四川擔擔麵呢個麵都係$48 相比起其他菜式味道會有少少淡但係花生嘅香味都仲係好出作為伴菜既麵恰到好處平靚正東北菜館

成日想食片皮鴨都唔知邊度有得食 見到有得嗌即刻狗衝 餐廳環境有啲開揚 好彩間餐廳都算隱蔽🫢 不過張枱都有啲油油地既感覺🫢北京填鴨（半隻） $168今餐飯既主角！份量會唔會有啲太多…. 同朋友2個人食都食唔哂🤣 薄皮包住北京填鴨 青瓜 大蔥 再點埋醬簡直冇得輸 好正宗！咕嚕蝦仁 $86咕嚕蝦仁真係好少見 超多蝦仁 炸完既蝦仁再沾上甜酸醬 香口得嚟又好開胃🦐肉三鮮（10隻） $50餃子粒粒厚實 包滿哂餡 🥟 茶位 $5大件夾抵食🫡 仲要免加一！老掌櫃東北菜館📍荃灣大河道100號海之戀商場2樓2006號舖

以東北地區的菜式為主打，包括各種烹調方式，如炒、燉、燒烤🔥東北菜以其豐富的口味和獨特的風味聞名，常使用大蒜🧄辣椒🌶️薑和醋等調味料。店內環境乾淨企理，選擇了一個靚靚海景位😁感覺舒適Relax😙嫩滑的雞丁與香脆的腰果結合，口感豐富😋味道鮮味，帶點甜辣風味。蔥爆羊肉有我最愛的羶味，鮮嫩多汁🤤還有炒香的葱段，送飯一流🍚草捆牛骨賣相吸引🤩結合草藥及牛骨🦴再加上多款調味粉🧂慢慢燉煮🥘讓牛骨的骨髓和草藥融入醬汁中💧味道濃郁，香味十足😃