老掌櫃東北菜館 (海之戀商場)

營業中

休息中

本身都係想坐底食，但係人太多，walk-in要等個零鐘，最後都係揀外賣。天氣凍想買羊肉面食，佢包好曬又難拆開，上面又辣椒油又醋咁，拆開又難包返。現場數到兩個碗就算。點知返去發現係餃子。其實做咁多單外賣，點解都係咁唔小心。係隔離等咁耐，又無催你，張紙又咁明顯寫住羊肉面，都係錯，又要顧客買單。其實買外賣都係想方便姐。做客既又要給錢仲要做埋質檢，忙過打工。同平台反映，又無下文。食得黎都凍，唔知好唔好味。新一年第一個晚餐咁樣，實有點不開心啦。不推薦。就咁。

✨北京填鴨 $168當填鴨端上嚟嘅時候，我啲口水差啲咸咸鹹鹹咁流出嚟🦆外皮脆脆啲，又唔會太乾入邊嘅鴨肉肥美鮮嫩，配上啲蔬菜同醬汁真係一絕！呢啲填鴨實在係惹味到爆炸，絕對係食嘢必試㗎！ ✨五香牛肉麵 $54麵條啱啱好Q彈🍜牛肉唔會太老五香牛肉麵湯底香濃醇厚啲香料味道仲留喺口腔間好一陣㗎食完就有種幸福感心靈得到了滿足😋✨京蔥羊肉餃子 $57包餃嘅師傅手藝一流🥟餃子皮薄薄嫩滑又唔易破裂而且入面嘅羊肉香濃多汁再襯埋啲京蔥真係齒頰留香令人回味無窮🤤🍴老掌櫃東北菜館📍 荃灣大河道100號海之戀商場2樓2006號舖📞 35431618

😅久唔久都會去荃灣西鐵站附近行吓食吓嘢！海之戀入邊都好多餐廳，聽聞其中一個都比較出名係老掌櫃，就去識吓啦！知道呢間有片皮鴨！點知去食嘅時候，二維碼落單顯示片皮鴨售罄！原來點片皮鴨係要另外同侍應講需要落order，大家真係要留意🥲所以我冇食到，有啲嬲咗🙃🐟糖醋松魚(龍利柳）味道整得唔錯！好好送飯，不過size比較細條，兩個人就啱啱好，如果一大班人就要叫多幾碟餸！好味🌟🌟🌟🌟🌟黃金南瓜味道其實整都唔錯，南瓜本身甜甜，鹹蛋黃永遠唔會輸，味道都好食，只係炸得唔夠脆，再脆啲就一流啦！😌好味🌟🌟🌟🌟🐑蔥爆羊肉呢個係全部早食嘅，因為勁多香蔥，一對香蔥，再加羊肉放晒落口係非常之滿足，之後再食一啖飯，係好滿意！👍🏼好味🌟🌟🌟🌟🌟🈵回頭率🈵🈵🈵🈵🚻商場內有廁所🪑目測座位50人以上🚇荃灣西鐵站步行5分鐘==================茶位每人$10白飯$10松魚（龍利柳）$98加多寳$14黃金南瓜$84蔥爆羊肉$96

在香港提到東北菜，就不得不提「老掌櫃」，分店不算多，但間間都十分旺場，有時平日都一位難求，在香港十分出名。紅油抄手這道紅油炒手辛香十足，但不算辣，反而覺得醬油的鹹鮮味佔得比較多，不太食得辣的小編都可以食到。抄手份量多，大大粒，十分飽滿，沾上紅油，配上小小生蒜，一口一粒，十分滿足，不知不覺就清盤了。雞絲粉皮小編和朋友還叫了雞絲粉皮做小食，醒醒胃。雞絲粉皮淋上麻醬，麻醬香濃，和爽脆清甜的青瓜，味道份外配合，又不會過膩，粉皮質感軟滑、沾滿麻醬，鐘意吃醬撈粉麵這一類的朋友不要錯過這道菜。片皮鴨 (半隻)片皮鴨是這間店的招牌菜，幾乎每一枱都會叫，非常受歡迎，最好訂位時順便預留片皮鴨，否則有機會吃不到。這裏的食法是傳統包薄餅的，伴有薄餅、青瓜、京蔥和甜麵醬。半隻片皮鴨份量多，有20多塊。片皮鴨皮烤到香脆，肉算嫰，加上爽脆的青瓜、京蔥，包在用煙韌、蒸到微暖的薄餅，沾小小甜麵醬，一口咬下去，口感和滋味一時間筆文也難以形容，好好味!#荃灣美食#荃灣#foodie#hkfoodie#片皮鴨#東北菜#必食##香港必食#香港美食#香港网红打卡#香港美食探店#老掌櫃#moodzfoodie#moodzfoodz

📍 老掌櫃東北菜館（海之戀商場）位於荃灣海之戀既中菜廳，環境寬敞雅緻可以預訂靠窗位置，近望住海景食飯好寫意～有景之餘，又有美食，好滿足😌款式好多，而且好有特色😘🔸北京填鴨（半隻）$168片皮鴨最緊要夠薄夠脆，鴨外皮油光亮麗，鴨皮酥厚得嚟又唔會太油膩，師傅在把鴨皮切起一片片，鴨皮入口酥化，充滿肉汁，放在熱燙的麼麼皮上，先塗上甜麵醬，再放入青瓜、京蔥，修口感脹卜卜。大口咬下去，皮煙韌，肉質細滑軟嫰，脂香悠長，搭配清新脆口的青瓜絲，食落唔會太油膩～🔸 螞蟻上樹佢地呢款菜式係用粉絲炒有點麻辣口味炒得香口乾身，微辣夠惹味！好岀色既炒粉絲🍜🔸 尖椒炒蛋雖然只係簡單嘅一碟尖椒炒蛋炒得好有鑊氣微微的辣味提香 也很開胃送白飯一流🍚

因為係海之戀睇醫生，所以係呢間餐廳食咗個午餐好想飲酸辣湯，所以叫咗個水煮雙併(魚+牛) + 一碗酸辣湯係門口同侍應講1位，連禮貌都唔識眼尾都冇望下個客，就咁講咗句QR code落單，好厭世。。。先上咗碗酸辣湯，中等，料唔算多，不過12蚊得碗仔。。。之後等多陣上埋水煮，下面全部都係豆芽，娃娃菜，得上面嘅餸，啲湯汁都冇浸過啲魚同牛我入去開始食到走都係得兩枱客最攪笑係我坐正應該係員工房隔離，食食下有個員工返工，企係我張枱前面=員工房門口2分鐘，之後就舉中指向住門口影咗張相。。。成間鋪啲人都係厭世mode！我好少比差評，呢間真係超級差！

每次做完運動都會經過老掌櫃，每次都好掙扎入唔入去食片皮鴨😂😂但又覺得做完運動食又好邪惡。今次決定唔做運動去食😂晚市時段幾乎坐滿人。半隻北京填鴨 $168（附12塊餑餑片）配料有青瓜和蔥2個人吃半隻北京填鴨絕不過分👍🏻酥脆的片皮鴨油香四溢，肉質細嫩，食落脆卜卜而唔會覺得油膩。將北京填鴨沾上甜麵醬放在餑餑片上，包住青瓜和蔥一起吃，超級好吃好味道。糖醋里脊 $88 糖醋里脊是一道傳統名菜，口感外焦裡嫩，味道酸酸甜甜，讓人食欲大開。肉三鮮 $50看到很多人都叫餃子，於是叫了一份肉三鮮，裡面有豬肉、韮菜和蝦仁。餡料豐富，皮薄，即使不沾醬料也夠味。餐牌如下。

.‼️❤️ 記得CLICK我PROFILE關注我呀 ❤️‼️.🌶️ 𝗕𝗼𝗹𝗱 𝗮𝗻𝗱 𝗦𝗽𝗶𝗰𝘆 @ 🌟 老掌櫃東北菜館《👽食神大媽食中菜》.💁‍♀️ 圖片展示美食為：Sweet & Sour Basa Fillet HKD 98Fried Lamb with Scallion HKD 96Sweet & Sour Pork Fillet HKD 88Homemade Crepe HKD 38Stir Fry Cellophane Noodles HKD 76.👽 大媽同朋友仔好鬼想食惹味嘅中菜，行商場見到呢間主打京川滬菜式嘅餐廳，餐牌都幾多選擇，裝修又幾企理，一於試下。.🐟 呢味「松鼠龍利柳」魚肉炸得超香脆，外脆內嫩，配上一啲甜酸嘅醬汁，味道酸甜可口，真係好開胃！.🧆 仲有「蔥爆羊肉」超惹味！羊肉切得薄薄嘅，炒得剛剛好，肉質鮮嫩。蔥爆嘅風味好突出，蔥嘅香氣同羊肉嘅鮮味相互襯托，份量亦都好足！.🍖 另外叫左「糖醋里脊肉」，因為呢個部位嘅肉特別好咬又唔會太肥，外層糖醋醬汁甜甜酸酸，完美地融合咗糖同醋嘅味道。.🐜 「螞蟻上樹」粉絲炒得香口，軟硬適中，微辣，食落有辣辣嘅刺激感，夠惹味，唔似出邊好多地方都

荃灣西有間東北菜開咗好耐，平時經過見到都座無虛席，今次終於嚟試下～🍽️黃金窩筍 $84用上鹹蛋黃配窩筍，出面好少有咁樣嘅配搭，估唔到夾得來又夠晒邪惡！🍽️北京填鴨（半隻）$168店舖嘅招牌菜，差唔多每枱必點！鴨肉一啲都唔鞋口，油香十足！配埋青瓜太蔥一齊食更加滋味！半隻份量唔少，配上12塊面皮，美中不足嘅係面皮唔係蒸籠上所以好快凍同乾，而且無隔開一塊塊，食起上嚟都比較難分～🍽️東北風山羊煲（小） $168秋冬季節點少得山羊煲，羊肉帶少少臊味，正！仲有馬蹄枝竹索晒汁，送飯一流，暖笠笠！🍽️四川擔擔麵 $48湯底濃郁，粗麵好掛湯～🍽️高力豆沙 （2件） $26即叫即炸，熱辣辣，食落好綿密，必食甜品！

叫袋鼠外賣，叫咗個大羊腩煲2個人食份量比想像中少，分成3個細膠碗裝，如果大煲送過黎會吸引少少每碗大概4-5件羊腩+3件腐竹+2件冬菇，另外有少少冬粉，味道都幾好

係荃灣西海之戀商場搵食，去左老掌櫃東北菜館，環境好好，坐得好舒服😌餐牌有好多選擇。😍😍入座後不久已經滿座，平日都咁多人，質素應該有保證。點左菜後，上菜速度好快，服務員有效率，而且態度友善。沙鍋雲吞雞：有半隻雞，材料豐富，有雲吞同小棠菜同黃芽白，雞湯好鮮甜，雲吞皮好爽口，雞好有水準黃金四季豆：四季豆上鋪滿金黃嘅蛋黃，好惹味麻辣牛肚：伴有青瓜，大葱絲，甘筍絲，加上麻辣汁好開胃，喜歡吃麻辣的－定要試吓

想食北京填鴨好耐了🥳今日終於同三家姐去食！！！🛎 $168 北京填鴨（半隻）好抵呀😍勁大碟，仲跟12塊餑餑皮、京蔥、青瓜鴨肉好嫩滑，肉汁鮮美～鴨皮亦都燒得好香脆😋每片都好薄，用甜甜地既餑皮包起，有爽脆既青瓜京蔥，再加上油香十足既扁皮鴨，口感定味道都係一流💯🛎 $52 酸辣湯麵酸辣湯係我食東北菜時必點既🫶🏻湯底帶有微辣同酸味，令人越食越開胃！麵條亦都好彈牙，仲有勁多配料👍🏻👍🏻👍🏻例如豆腐、木耳、同肉片，增添左口感同營養價值😏落單時仲可以揀走青同埋走茜，幾貼心❣️🛎 $48 紅油抄手（10隻）抄手好正呀！餡料鮮嫩多汁，係有醃過既豬肉🐷外層包裹住細緻滑嫩嘅皮，淋上香辣既紅油醬，辣得黎又鮮美😏配埋蒜蓉、蔥等等～配料真係見到已經垂涎欲滴！🛎 $13 高力豆沙中式甜品都好正架！高力豆沙要至少叫兩個～外層好煙韌，好有蛋香🥚紅豆沙餡料質地非常細膩滑潤，甜度適中😍有濃郁既豆香味🛎 $5 茶位🌐 環境/服務有落地大玻璃，可以見到海景🌊🌅手機落單，免收加一👍🏻

東北菜是指在東北，包括黑龍江、吉林、遼寧 、河北的烹飪菜系，東北菜的特點是量大，用料廣泛。肥仔今日好肚餓，所以放工決定要食大大分嘅！就嚟呢間東北菜試吓啦！🔥東北肉皮凍香港好少有餐廳提供肉凍，而呢度嘅肉凍口感好接近東北嘅Q彈口感，又好似啫喱一樣咁滑，調味小酸微辣，恰到好處，讓人愛不釋口。🔥北京填鴨（半隻）填鴨嘅外皮酥脆鬆化而且肉質嫩滑，附送嘅餅皮厚薄適中，配以甜麵醬、京蔥條及青瓜條更添滋味。唔使啦，半隻已經咁多件又咁大件，完全超值！🔥東北亂燉食東北菜就不得不食東北亂燉！東北亂燉，又稱豐收菜，素有「大雜燴」之意，即將豆角、馬鈴薯、茄子、青椒、番茄、木耳等多種蔬菜，與肉類一同燉至熟即成！大大煲，好飽肚。總結，環境優美，坐戶外可以睇到橋景同海景。食物質素正常，大份抵食，大食嘅朋友不容錯過！

行開荃灣Donki一出門口就見到有間東北菜館，見到價錢唔貴仲要冇加一，室內座位滿晒所以坐左座外望海景都唔錯。北京填鴨半隻$168一坐低店員就問我地會唔會食北京填鴨，幫我地即刻留半隻。最後黎到嘅鴨肥瘦岩岩好，片得好靚薄薄地咁食唔會太油膩，鴨皮脆口，肉質鮮嫩多汁，每一啖都好香鴨味，連埋青瓜韮黃食好滿足。酸辣湯 $64呢個係我食過最足料嘅酸辣湯，入面有滿滿嘅酸荀同肉絲，味道偏酸少辣，食落去好開胃。油潑麵 $44第一次食油潑麵，係用好彈牙嘅麵條上面再加上大量嘅辣椒，撈埋一齊食酸酸辣辣咁，呢碗麵嘅辣唔講得笑，辣到飛起，真係好食得辣嘅先會挑戰到。紅油抄手 $48紅油抄手正常發揮，鮮內餃子配上紅油酸辣汁，餃子都算足料多肉，如果再辣多少少就更加好食啦。

星期六午餐選擇咗呢間，之前幾年因疫情係呢間同大角咀分店外賣過10數次片皮鴨同土豆絲質素都唔錯，於是決定堂食一次，豈知中大伏。甫坐下，侍應有禮地放上碗筷杯。一看，不得了，隻隻碗都有漬，應能明確分辨所屬醬料。有兩隻杯還附送口紅印，忙叫侍應更換杯。唔緊要，自己食飯自己洗碗，一洗，啲油浮了上黎，厲害！好在熱水夠熱，仲有一陣濃濃的漂白水味，可以洗食具，飲就……好不容易清潔了一下，菜也上得好迅速。片皮鴨：鴨肉及皮正常，餅皮沒有放蒸籠，上桌已顯得乾身。白菜豬肉水餃及羊肉水餃：是餐最佳的菜，肉餡飽滿，餃皮有嚼頭，體現北方水餃的特色。酸菜魚（龍利柳）：魚肉及粉條味道還好，可是全碗超過6成是酸菜葉，輕嚐一下，可能未泡洗充分，有點怪味，立即放棄。酸辣土豆絲：完全走曬樣，土豆絲沖水時間唔夠，唔係好爽脆。味道太單薄，冇將辣、醬、醋的味掛上土豆絲中，另外辣味不正宗，之前食呢間有鮮椒、泡椒同辣椒乾，香辣有層次。今日呢碟只係得十幾粒紅椒圈，寡味無香。差！跟餐酸辣湯：試左一啖，似用豆粉/大葛粉開出黎未滾開，口感與幼童糊仔無異，冇薑嘅辛辣感，亦冇醋嘅酸香味。勁差！雞絲粉皮：嚇親，一碟仔半透明粉皮，印上撒少許肉絲、青瓜亂切