老掌櫃東北菜館 (富達廣場)

營業中

休息中

《元朗美食篇》~抵食之選😚夠鐘食晏⏰元朗西菁街有許多不同食肆 這間東北菜館 裝橫時尚搶眼樓底高 空間感大 坐得舒服😚午餐款式豐富吸引 $38.00 起 主餐同小食 量多大份 夠曬飽肚 全日免收加一 價錢實惠👍午市套餐加小食#酸辣湯麵 幾足料 湯底夠酸 微辣濃稠 夠哂醒胃😋#螞蟻上樹配菜飯超大碟🤪粉絲炒到好乾身 鹹香惹味😋#四喜烤麩味道香濃甜甜地 食落鬆軟有彈性👍#拍青瓜蒜香味青瓜 香口爽脆清甜😚食到好飽 冇胃食甜品😅

之前去過荃灣的老掌櫃食午市湯餃，覺得平靚正。發現原來元朗都有一間分店，就入去試下。點了 （全日不用加一）🐱（午餐）菠蘿咕嚕肉$47+$2 轉菜飯午餐而言挺大碟。咕嚕肉炒得挺香脆，炸粉唔算太多，肉唔靭。醬的調味不錯，酸酸甜甜但又唔會太濕，菠蘿挺爽口鮮甜，洋蔥也多。🐱（午餐）口水雞$48 配白飯大大一碟，有厚厚的青瓜絲，雞肉份量也不少。雞肉唔算太滑嫩，但以雞胸為主啖啖肉。最欣賞係個醬，非常惹味，香辣不嗆喉，麻香撲鼻，配雞、青瓜絲一起吃很好送飯。🐱（午餐）肉三鮮（10隻）$42 轉煎餃+$5餡料挺足，蝦、豬肉和韭菜完美配搭。皮唔算薄但很好彈牙。煎得很香口，咬下去肉汁挺多。好味！🐱 加配豆漿$4@挺大杯，豆味濃，唔太甜。🐱豆沙鍋餅（單點）$48熱辣辣，挺鬆脆，豆沙甜度適中。$200 三個女仔吃得飽飽！平日唔算多人，可以慢慢吃慢慢傾，悠閑好選擇！

1.排骨擔擔面 面湯香濃，湯汁做到掛面效果，唔錯，排骨份量相當以往其他食店數量明顯偏少(同樣價錢，其他食店一般有6－8塊，此店只有4塊),味道還可接受2.酸辣湯，明顯欠缺酸味，除了有大量木耳絲外，其他配料量少，比例完全不適中，肉絲不像肉絲，與酸辣湯應有味道相差太遠3.酸菜魚此餐最差食品－超級勁咸(同你將一茶匙鹽直接倒入口一樣完全無分別)，酸辣麻完全未能配合，每味各自成一角, 可能係每樣配菜都獨自煮好，之後倒入一煲就算？完全唔似一齊煲過既味

水煮魚油太多，而且一d都5辣，然而menu上顯示有三個辣椒仔，價錢偏貴，因為料好少。片皮鴨個鴨同皮都唔掂，皮上尼系凍既，鴨同酒樓食個D差好多，切太厚，偏乾柴，吾好食。（所有相片我都用左濾鏡）個面就Ok，都可以。最後食剩好多，因為真系好難食〒_〒

我都算去過好多間食東北菜既餐館，呢間有好多唔同種類既菜式，第一次食感覺係新鮮，有好多唔同種類餸，味道恰當，係有少少唔夠熱，如果熱d會好味好多，有待改善，整體唔差就已經好好

Happy Friday今日相約同事出去食晏本身想食日本野但無位 結果就黎左呢間老掌櫃試下佢都有好多菜款揀最後叫左個水煮魚加菜飯魚癮又起黎到份量好多 魚係用魚柳無骨 夠晒麻 幾好味菜飯都好食 唔會好似有d餐廳咁咸整體黎講非常唔錯地方又闊落 方便朋友們傾計

第一次食係荃灣donki隔離，見元朗都開左分店又試下，水準差唔多，價錢算平唔收加一，食CP值四喜烤麩，四喜一般指冬菇、金針菇、冬筍、木耳，但呢到幾揸流攤，得少少本耳配大量烤麩 （麵筋製成），味道係甜甜地京䓤羊肉餃子🥟 鐘意食羊肉嘅人必食！一咬有羊肉汁泌出嚟，蘸醋同辣醬更惹昧🌟片皮鴨半隻，呢度唯一唔好就係餅皮係一疊甘上，無蒸籠放到靚靚，你要逐塊皮自己撕反開。鴨皮好香脆，鴨肉略嚡口，不過加甜麵醬同青瓜一齊食，味道都好ok

服務差，食物差，元朗店不用試，不會再去，幾年前大角嘴老店，未搬食過好食，今次食元朗店真係好失望，對其他老掌櫃都失信心，今次對元朗店完全冇希望，唔明點解咁多人排隊去食，咁嘅價錢出面可以有好多其他選擇！隻片皮鴨紫皮咁，青瓜配料粗大到可以哽死人，啲包皮急凍完上枱又完全冇熱度，仲要一團團好難開，酸辣湯味道，冇酸味，又唔辣，不知所謂！未試過咁難食咁難飲嘅酸辣湯！其他餸菜都係切到好粗好求其，咁冇心機準備菜料，不如唔好做吧！

今日家父生日去咗呢間中菜食 味道不錯 上菜好快 服務態度好好👍🏻主要想食片皮鴨 我哋食咗一半就打包 太飽🤣 anyway我覺得有下次😋我哋食咗:🌟原隻片皮鴨🌟乾葱拌麵🌟羊肉餃子🌟葱爆羊肉🌟地瓜拔絲🌟涼拌海蜇🌟糖醋里肉🍽老掌櫃東北菜館📍元朗🔅未有餐廳立場資料#hkfoodie #香港美食 #香港打卡 #天水圍美食 #川菜 #黃店 #天水圍黃店 #中環美食 #中環 #壽司 #sushi #香港打卡 #港女下午茶 #元朗美食 #美食 #日式料理 #日式定食 #荃灣美食 #元朗cafe #荃灣cafe #cafehunting #西環美食 #墨西哥菜 #日本菜 #漢堡包

香港做東北菜嘅餐廳唔多，曾幾何時穿州過城去到港島盡頭先搵到一間。適逢媽咪生日加父親節提早慶祝，屋企人都中意特色地道菜，就決定試吓呢間開咗無耐嘅東北菜館。餐廳門面同內部裝修都用上大紅色，充滿大中華味道，枱櫈亦順應風格選用木製品。屬於新東北口味嘅菜式選擇並唔多，只有疙瘩湯、羊肉餃、一兩道烤羊等，其實大部份都係上海北京菜。預先ｂｏｏｋ枱時已知會餐廳會帶蛋糕，同預留咗片皮鴨作驚喜，但攞枱時店員就大大聲問係咪留咗，即刻乜驚喜都無哂🥲🥲服務態度一般，要招手幾分鐘先有人理，不過勝在上菜速度快，唔洗點等。點咗幾道菜，包括紅油抄手、東北豬皮凍、麻醬冷麵、咕嚕蝦仁同半隻片皮鴨，每碟都大大份，價錢平，抵食。紅油抄手（＄４８＠１０隻）餃皮算薄，正常菜肉餡，但紅油無咩辣味，如果辣啲會更香口惹味。東北肉皮凍（＄５２）外在晶瑩剔透，能見到包裹住嘅豬皮塊，但筷子夾起易散，質感唔夠彈牙。麻醬冷麵（＄５８）有辣有唔辣任均選擇，因為媽咪唔食辣所以揀咗唔辣，麵非常足料，配菜同肉絲多；加上麻醬拌勻，冰冰涼涼嘅味道非常開胃，麵條粗幼適中彈牙，有咬口得嚟唔會太硬。咕嚕蝦仁（＄７８）同樣抵食，第一次見真係有成廿幾隻蝦，而且唔係河蝦咁

間唔中都會入元朗行吓街食吓嘢，元朗真係好多嘢食，今次和友人揀左東北菜作為午餐。店子面積頗大，裝修以紅色和黄色作主調，充滿中國風，座位乾淨舒適，整體感覺良好。菜牌選擇甚豐，有多款涼菜， 不同餡料的餃子， 燉菜 ，海河鮮，雞鴨豬牛羊， 北京填鴨，蔬菜，麵飯，湯，小食和甜品。茴香豬肉餃(10隻)$46~餃子皮比較厚身，口感煙韌彈牙， 豬肉的肉質好嫩滑juicy, 加入新鮮茴香令豬肉的味道更加鮮香，好正！口水雞$68~雞皮嫩滑，肉質爽彈，表面鋪滿麻麻辣辣的肉碎，令雞肉非常入味，頗辣。底部墊了不少青瓜，可解辣和很清新。羊肉常湯麵$48~羊肉湯底十分濃郁，非常美味。羊肉弄成肉碎，羊味香濃，有咬口，配上大量的紹菜絲和口感彈牙的麵條，好好味呀！酸辣湯麵$46~酸辣湯有木耳絲，豆腐和筍絲等，比較稠，酸辣度啱啱好，每條麵條都沾滿湯汁，十分開胃。豆漿(熱)$8/杯~豆味好濃郁，少甜，順滑好味。

行過元朗想換個口味試下啲特色小食，平時去咖啡店食得多，惗唔到呢度有一間人氣東北菜。夜晚黑8点鐘嚟到門口，已經排曬隊好旺人。既然咁受歡迎當然要嚟試一下啦，佢哋嘅菜式真係好地道，大麥茶已經好有當地特色，我哋點咗三款菜式。.首先是小食東北肉皮凍，佢係將豬皮再加埋一啲湯汁冰凍成塊，口感好似啫哩咁，而且食落去有黑醋嘅酸酸甜甜，好開胃。.小菜方面我哋叫咗孜然大蔥羊肉，惗唔到佢一碟真係裝到滿曬。大蔥好香，加埋羊肉，真係放咗好多孜然落去，唔會好似出邊平時食嘅冇咩味。每一啖都可以食到孜然嘅香味，非常唔錯。.而我哋嘅主食叫咗特色東北大拉皮，佢旁邊有好多豐富嘅配菜，而且我好鍾意佢嘅麻醬。拉皮厚度適中，少少厚度更加增添口感，晶瑩剔透。

西菁街嘅呢一間老掌櫃開咗唔係好耐，猶記得佢當初喺大角咀開店一直都躍躍欲試，今次分店開到入嚟元朗，係機會喇小志強。口水雞，口水雞上面佈滿密密麻麻嘅豆豉、香蒜、薑蓉同埋辣椒，味道正宗，惹味非常，雞肉嫩滑，認真無敵。豆角燒茄子，豆角同茄子經過爆炒，每一條都被濃濃嘅醬汁重重包圍，重口味嘅朋友表示高興。排骨擔擔麵，排骨炸得香脆，鍾意佢分開上唔會俾啲湯浸到腍哂，若然厚切一啲相信個口感會更加好，擔擔麵麵條口感爽身，湯汁香中帶辣，屬水準之作。

第一次食老掌櫃東北菜館是在大角咀，當時就覺得這家小店做得不錯。所以平時想不到在哪間餐廳就餐，就會自動選擇這間餐廳。原因無它，就是這道北京填鴨（$168）。這份片皮鴨不是用什麼頂尖的食材製造，所以價錢比較平民。附送12片蒸皮和一堆配料，可以在酒樓以外的地方，食到片皮鴨。味道不過不失，以這個價錢算不錯。五香牛肉麵（$44）牛展的味道似午餐肉，食落夠淋身，不會靭。麵條中規中矩，整身都算抵食。而之前在大角咀店，就會點回鍋肉。但今日的份量就剛剛好了。加茶位每人$4蚊，總共$220，抵食。

第一次試老掌櫃，頭一啖覺得好正 好濃味但係愈食愈鹹🥲真係好鹹😖😖😖😖😖最後都食唔晒～叫咗個羊肉餃子連湯底（+$5）湯底冇咩特別正常野羊肉其實好香羊味但餃子皮真係好厚都接受到但又係愈食愈咸🥵🥵最後都係食唔晒下次唔會再食了太咸了 😛