老掌櫃東北菜館 (富達廣場)

營業中

休息中

見做緊特價8折 就去幫襯買咗半隻片皮鴨—————————————————份量略嫌少咗啲 鴨肉有啲乾 食食吓發現有碎骨可能堂食會好啲 不過應該無下次了—————————————————

東北菜嘅特點係量大，要食得豪爽😆呢間「老掌櫃」食物嘅份量又真係幾大，仲要佢lunch set嘅價錢又平。我哋叫左3⃣️個餐連3⃣️杯飲品➕ 3⃣️個小食，食🉐️勁飽，加埋💲2️⃣0️⃣0️⃣都唔使😱🐮「水煮牛肉配菜飯」唔算非常辣但好好送飯，而且薯粉吸收曬湯汁，好惹味。🐑「京蔥羊肉餃子配蛋麵」麵嘅份量好足，羊肉餃子啖啖肉而且唔會臊👍🏼🥟「肉三鮮餃子」嘅餡料🈶️ 豬肉、韭菜、蝦仁，口感豐富而且餃子皮唔算厚。🫓「四喜烤麩」味道香濃夠入味。🥒「拍青瓜」上菜時先知原來係唔辣嘅，同店員講返以為係辣嘅先點，佢好好人咁整左個辣版比我哋。🍜「雞絲粉皮」麻醬帶少少醋味，而且份量比得非常足，撈勻之後每口粉皮都沾🈶️麻醬😍

以前常愛去大角咀吃東北菜，最近聽說元朗開咗一間分店。終於有機會黎試吓。裝修風格具東北餐廳的色彩，用左紅色元素為主調，天花吊上中式雀籠作為燈飾。室內空間寬敞，座位足夠，通道寬躺，冷氣夠凍。手拍青瓜$42沒有傳統的拍碎碎，口感也很好。味道方面吾係好辣，但味道調得幾好，有清新乾淨的口感氣息。很開胃，吃多多都想再吃。肉三鮮＄44（10只）第一感覺價錢便宜，好抵食，內面的肉餡新鮮，好入味又吾算太咸，每個雲吞里面都有一只蝦仁。沾上辣椒醬或醋味道更加豐富有層次。酥炸小黃魚$78（2條）小黃魚若有一個成人巴掌那麼長，外表炸到好金黃，一上檯就聞到香味撲鼻。皮和骨翅位都已經炸到香脆，但又可以保住魚肉的肉質和肉汁。好值得一試。北京填鴨＄168（半只）片皮鴨比想像中啲肉厚左啲，皮吾夠脆香，不過，薄膜卻做得好薄，無影響到口感。全店沒加一服務，不過要收現金，溫馨提示：如果去咗食的朋友仔要準備定現金哦。

近期腦海經常閃過京菜/上海菜的中式甜點 回想起對上一次吃高力豆沙及豆沙鍋餅已經有一段長時間了 使我特別懷念老掌櫃東北菜館正正可以滿足我心中所想 店內提供東北菜/京川滬/雲吞/餃子/中式小菜…還有我很想吃的上海特色甜點豆沙鍋餅$48 其實就是中式薄餅包入豆沙餡料 再炸至金黃香脆 超美味的 外脆內軟 甜而不膩 香甜軟糯 令人食唔停口高力豆沙$24/2件 樣子似沙翁 也是點糖食的 即點即炸 離開油鑊後表面會有輕微收縮 做到脹卜卜、軟綿綿的效果實在是超高難度的 外皮炸得微脆 中間口感像棉花 空氣感十足 餡料是軟滑的紅豆蓉 味道不會太甜 好吃非常肉三鮮$44/10隻 餡料是鮮蝦韭菜及豬肉 隻隻飽滿肥美 咬開仲有肉汁流出嚟 鮮蝦味道鮮甜 口感爽口而且彈牙 韭菜香味濃沃 餡料配搭非常出色 加啲醋加啲辣椒油一齊食味道更為惹味東北農家炒飯$68 個炒飯都幾大碟 兩個人share食比較好 炒飯配料有一些雜豆和鮮蝦 整體炒得乾身而且帶有鑊氣 食落唔會好油凍豆漿$8 非常清新又解渴 充滿豆香味 甜度屬於低糖 啱曬我唔鍾意飲咁甜嘅人老掌櫃個裝修好靚 以紅色為主打 充滿中國氣息 全店以落地大玻璃為外牆 陽光可以照

這店早已聽朋友介紹過，因其性價比高的片皮鴨這天中午來吃飯，設午市套餐，點了涼瓜炒蛋及排骨擔擔麵，再加了小食兩份—涼拌木耳及拍青瓜。上菜速度挺快的，點餐後約十分鐘便吃得，小食及正餐的份量也不吝嗇，相信男士們吃也飽肚。家人點的涼瓜炒蛋，涼瓜不苦，蛋亦不乾身，中規中矩；四川擔擔麵花生醬味較濃，排骨炸得香脆亦不乾身，麵條軟硬度適中。最後點了較特色的拔絲蘋果作甜品，甜品製作需時，建議吃到中後段時便可以下單，上碟的拔絲蘋果熱辣辣，旁邊更設有一碗凍水，吃時先浸泡凍水，糖絲會更加脆口，挺不錯的。午市套餐的性價比高，跟家人吃完後，下次會再試試其片皮鴨～

突然想食中菜，所以去咗呢間位於元朗嘅東北菜館～餐廳都幾大，平日去都好多人食哦～菜式嘅種類好多😍花多眼亂，最後揀左以下幾道菜：椒鹽小黃魚外皮酥脆，脆漿唔會太厚，魚肉嫩滑鮮甜，椒鹽惹味得黎，唔會蓋過魚肉嘅鮮甜味😋小雞燉蘑菇雞肉炆到入曬味😍，但都保持到嫩滑嘅口感，蘑菇爽脆，最好味嘅係薯粉，因為吸收曬湯汁嘅精華😍京燒羊肉外皮脆脆的，羊肉嘅油脂好香口，孜然味好突出，如果沾埋特製醬汁，就可以解膩～蒜蓉秋葵蒜蓉味好濃，秋葵剛剛好熟，仲保持到爽爽地～好食好食😋所以菜式都好大碟頭，而且唔係好貴～呢間餐廳咁多好嘢食，要黎多幾次先試得曬🤪

每次經過呢到，十幾二十人係門口排隊，就算係荃灣分店情況都係一樣，真係好旺，特登揀星期一晚嚟，諗住平日仲要係星期一會少啲人，錯啦！8點一樣full house，仲要拎飛仔，旺到咁，唔試唔心熄環境都幾大間，裝修以紅色為主。餐牌食物選擇好多，重點係價錢唔太貴，所以叫多幾款都唔怕！東北大拉皮 $72話明係食東北嘢，當然要嗌個東北大拉皮，加上已經夏天，更加要食涼盤開下胃。拉皮好煙韌滑身，加上醬汁好開胃！ 鍋包肉 $88另一東北菜必食係鍋包肉，佢嘅外表好似放大版嘅咕嚕肉，食落去外層酥脆，炸粉唔會太厚，內裡嘅肉結實，酸酸甜甜嘅醬汁送飯一流，仲要好抵食！有成6,7塊，塊塊都大大塊！ 小雞燉蘑菇 $88 個名已經吸引到我，又一東北必食菜式，有少少韓國燉雞咁，同樣以醬油做base，加入粉條，鹹度啱啱好，雞肉燉到好冧身。 油潑麵 $38唔想叫白飯咁普通，炒飯又怕食唔哂，於是就叫左個油潑麵，以乾辣椒拌麵，食落其實唔辣，送小雞燉蘑菇都好夾。總括而言，光顧過之後就明點解咁多人幫襯，皆因多款選擇，而且每款價錢十分相宜，一大班人食飯好啱。

首先，我係OpenRice book左枱。以前仲係細細間個時，食物質素好又抵食。主要是小鋪，啲老闆同伙記都十分友好。呢排見元朗新開左老匠櫃，所以揀左母親節黎食飯。朋友先去餐廳入座，但個着黑衫制服，應該是經理的男人，一黎就話已經off 左網上訂枱服務，好堅持話冇可能訂到座（講真，呢部分 我作為顧客，你點運作，operation上的問題關我咩事。 仲要態度不是好好。朋友打黎講左我知入唔到餐廳後，我就即screen cap 左OpenRice and email confirmed booking email的圖給朋友。期間仲等我朋友及媽媽企係條街等。 之後佢發現我地係有成功訂座後，冇任何回應/唔好意思的說話，一粒聲唔出就直接帶我朋友就座。當中，用餐的過程還好，環境是舒適的，但食物同以前的質素已經無法比較。只能說，性價比高，我地4個人去到點左半隻鴨，4碟小炒。都只是人均150元。 然後，又是服務態度問題。我行到去cashiers，有位姐姐在埋單中，佢隔離的同事已拎左我張單 准備幫我結算，佢自己就不停係到叫隔離的同事不要催佢埋單，間中又講下幾句廢話（我呢，只係企係到 俾時間佢埋完手上的單，完全

黎到元朗，女朋友仔突然想食片皮鴨，俾我地search到一間新開冇耐有得食片皮鴨嘅餐廳，就決定去試試佢～去到啱啱撞正食飯時間，都有條人龍，要等10-15分鐘左右先入得座。餐廳裝修嘅有中國特式，樓底好高，而且好大間，坐位寬敞。我地決定叫半隻片皮鴨，清炒萵苣同蔥爆肉片～食完今次決定之後會再encore, CP值仲好高！🔻片皮鴨（半隻）味道：8/10價錢：$168本身只係預半隻嘅份量啱啱夠2個人食，但上到枱見到片皮鴨肉都好多下，而且燒鴨皮都幾香脆。另外仲有12塊餑餑皮，配埋蔥絲同瓜，好食呀～～🔻清炒萵苣味道；7.5/10價錢$72好清新嘅炒萵苣，食落去唔會太油，而且份量都算幾多🔻蔥爆肉片味道：8/10價錢：$78一上枱就聞到好香，勁有鑊氣。肉片份量足夠兩個人食，肉質有啲似腩肉片，瘦中帶肥。而且仲有好多洋蔥，係一碟好送到飯嘅餸～

今晚家姐請食飯，所以就下佢專程入元朗搵食。呢次試吓呢間「老掌櫃東北菜」，餐廳位於元朗千色匯後面富達廣埸地下。店鋪面積十分大，有很多坐位，紅紅的牆身，配上中式佈置，十分有中國特色我哋為免要等候，所以一早預訂咗7:30pm 枱，7點幾左右已經七八成坐滿，未到8:00餐廳已接近滿座了。所以真係建議大家，如果繁忙時間，最好可以預先上 OpenRice 預先訂座比較穩妥我們很快已安排入座。餐牌很大本，有很多選擇，又有水煮、又有扁皮鴨及各式美食。不過我們只2個人，所以決定叫些小菜，咁樣可以食多幾款口味。家姐喜歡食餃子，尤其係羊肉餃子，所以叫了一份京蔥羊肉餃子。餃子帶有少少羊肉臊味，同京蔥十分夾，味道剛好，我哋都好鍾意另外推薦必試辣子雞丁及椒鹽小黃魚辣子雞丁炒得好乾身香辣而仍保留肉汁，加有炸花生，更加香辣惹味，送飯或送啤酒都一流另外要一讚，份椒鹽小黃魚，一碟有兩條魚，份量真係不少，我和家姐可以一人一條。魚外皮香脆可口，連外面的骨都可以食埋同時又保留魚既肉汁及鮮味正我哋仲試咗有手功菜「東北肉皮凍」，同埋酸辣土豆絲，味道也不錯。土豆絲有辣有唔辣，我哋選了酸辣炒，味道都十分不錯。最後，當然唔少得甜品啦結果

元朗西菁街有好多餐廳，見到有一間特別多人在外等候，於是走去看看，原來這間餐廳是吃東北菜，午市供應小菜客飯、擔擔麵、也有各式餃子、涼菜。。。很多款式都好吸引，即使人多排隊都好想試吓。等了大約15分鐘就有位。我們一行三人點了三個餐。分別是兩個餃子餐給一個擔擔麵。跟餐加$4-8 有飲品；跟餐加$15 有一款涼菜。兩款優惠可同時使用。香椿拌豆腐豆腐嫩滑，混合了香椿菜更加清香美味；青瓜粉皮消暑涼菜之一，麻醬香濃醒胃；涼拌木耳爽脆開胃，一吃停唔到口；素三鮮餃子$40餡料都算大份，裡面有白菜仔、甘筍、木耳、冬菇，非常鮮甜；京蔥羊肉餃子$44餡料有點羶，好香嘅羊味，好多肉汁；排骨擔擔麵$44麵身好滑，沾滿上湯汁，微辣，又麻又香，麵底份量都幾大，差不多有3個飯碗嘅份量；桂花酒釀丸子$18桂花清甜幽香、糖水沒有酸味；丸子軟綿綿中帶點煙韌，十分美味！菜式美味，份量十足，而且經濟實惠，兩位男同事及我都食得好滿足！ 

東北天氣寒冷，所以東北菜份量大，湯料足而滋補，亦以燉菜為主難得元朗開了這種比較偏門的菜系，當然要來試試意想不到規模滿大的，餐廳也大間，不過座無虛席選擇很豐富，連出名濃味的京川滬菜都有，我們就點了２個菜色，想不到就這樣飽了！砂鍋雲吞雞 半隻 ＄１３８這個鍋幾乎佔了整個桌子的一半，意想不到竟然沒有必開，整整半隻的上！文火炆至軟稔但沒有失去味道，湯底咸香十足，還有大量的黃芽白跟小棠菜，另外還有雲吞！竟然有十顆皮薄餡靚的雲吞，餡料豐富，味道濃香細膩，是滿好吃的，而且也很飽！因為份量絕對是大！螞蟻上樹＄６８這個份量也不算少，辣中帶肉碎的咸香，是滿惹味的，只是粉絲略略有點碎，不然就更佳！

依間老掌櫃我聽好多朋友介紹過，一直都好想試，今日終於比我有機會黎試吓！見到佢長期都好多人，今日晏咗少少佢終於有位。佢本Menu好厚，菜式選擇好多好豐富，兩個人放咗工都好肚餓所以叫咗四個餸食。糖醋魚片，酸酸甜甜，極之開胃！魚片份量好多，每一舊都有漿，抵讚！唔會好多炸粉，每一舊都好入味好好食！配菜都好多，真係好正。孜然大蔥羊肉，啲羊肉一啲都唔蘇，醃得好好食。仲要有小小辣味，又係好香口好開胃。羊肉份量好多，洋蔥同大蔥都好多，真係好正。螞蟻上樹，超大碟，粉絲又多肉碎又多，每啖都有少少辣，好香口好正。拔絲地瓜，甜甜地，糖漿本身甜，番薯仲甜，隻甜仲要唔係假嘅。番薯本身好熱，佢俾咗凍水我哋，食之前浸一浸凍水，啲糖漿會變得好脆，好甜好脆好好食。終於明白點解咁多人食，因為真係大碟又好味又好食。

見到老掌櫃新開張仲派左傳單廣告黎屋企，午餐選擇幾多又有幾樣野想食，是日午餐就黎食佢先。餐廳好大好多位，二人黎到都可以坐張四人枱唔使迫，自己寫紙仔落單，有晒價錢係餐單上面一目了然。諗左好耐揀咩食好，既然咁肚餓就叫多幾樣啦。自己揀左餐飲加呢杯酸梅汁，酸酸甜甜又夠凍，今日天氣咁熱真係啱啱好，夠解暑。朋友則揀左要酸辣湯，夠酸又夠辣，質感濃稠，仲好多料添，朋友話好味。加左兩個小食，其中一款係拍青瓜，份量意外地大碟，青瓜爽脆帶蒜香，入口清新好開胃。另一樣叫左千層醬豬耳，豬耳很入味，咬落柔韌又爽脆，加了芫荽生洋蔥等配料味道更豐富，而且功夫又多，呢個小食好抵叫啊。自己個主菜叫左口水雞，再轉了菜飯，賣相好吸引喎，勁多辣椒醬正呀。口水雞雞件很多，有辣味鮮味，雖然好多辣椒但不是死辣，下層有少許青瓜墊底，吸左雞油同辣油幾好味，不過略微雪得過火有冰係底，要放一陣室溫解解凍，除此之外都無其他投訴了。朋友點了干煸四季豆，同樣轉了菜飯。四季豆十分大碟，炒得乾身香口，少少辣十分惹味，勁好送飯喎。菜飯大大碗，啲飯係粒粒米無爛㗎。另外仲加左韭菜豬肉煎餃，一碟十隻大大隻。餃子係北方風格，皮厚但有嚼勁，餡料鮮味，煎得香口好好味

每逢放假 ，總會同家姐一齊去元揾食， 咁我哋就係元朗教育路千色店行返轉買下嘢。🤩行下行下原來已經兩點鐘呀 咁我哋就去附近搵嘢食 今日我哋兩個仲想食少少 辣 嘢， 就係咗附近 開業冇耐嘅老掌櫃食午餐。入到去， 服務員禮貌大帶位 ，地方闊落，冷氣充足，坐得舒服👍👍千層 醬豬耳 ， 彈牙爽口， 調味用芫茜蒜頭薑蔥十分惹味排骨擔擔麵，🍲 勁多花生香味撲鼻 ，配鹽酥炸豬扒，🐷 脆口不油膩 正！麻辣海蜇頭， 勁多海蜇頭， 麻同 辣 恰到好處 ， 兩個人食實在太大碟，好抵😋醬燒茄子 配飯， 真係好大碟， 碎肉加 特製醬好乾身，好嘢未。 送飯一流😋價錢一啲都唔貴，大眾化，適合一家大細食到飽飽先走