老川皇

營業中

休息中

嘩！！少有行去砵蘭街搵食的，見到呢度排哂長龍等位，又忍吾住要試下！原來係斜對面還有一間分店的，也是人頭湧湧，好啦！唯有等位。大約15分中左右，有位啦！呢度除了辣川菜，還有BBQ串燒的，幾多源化。食物多以辣為主打，但是為了將就港人口味，還是有大中小辣巿揀，都幾貼心。川味燒燒，都好多款式，也是有不同辣度可選擇的燒雞腎＄11/串爽口又香口，燒得比較干身，可能是薄片的關系，當然也是確保要熟透，加上辣椒粉調味，很川式的味道燒韮菜＄9/1串當然，燒韮菜不是什麼新鮮野，但鄉下仔出城的我還是初嚐的，好好味，可能也是調味料夠野味啦！味道香辣得來，配上夠新鮮嫩口的韮菜，配搭一絕！！韮菜鮮嫩沒有渣！燒烤南非生蠔＄21/隻勁多蒜，夠野味，蠔也是胖嘟嘟，滑脫脫的，新鮮，不須什麼乜粉物粉的調味都贏哂啦！！肥美新鮮燒烤元貝＄35/隻和蠔一樣的做法也是勁蒜，愛蒜之人不能錯過！味道也是以鮮取勝，元貝大大顆，肉質夠彈夠新鮮，不錯！清炒萵筍＄56清清地，川菜必叫炒萵筍，愛他的爽口清脆滑脫脫，除去外層只吃筍心嫩滑位置，好正！尖椒牛肉＄68野味之選，除了籽的尖椒依然帶微辣，辣辣下也是過引的，加埋嫩滑鮮牛來炒，冇咁單調，用來送飯

今晚朋友提議食川菜，即刻Openrice睇下旺角有咩特式川菜先。其實選擇都不多，但朋友說她的朋友食過呢間覺得唔錯咪決定食老川皇囉。一開始先黎一盆水煮魚，份量十足，滿佈花椒。生魚有骨就一定架啦，但呢間就可以煮到啲魚又滑又香，仲要完全無腥味。同埋入面有啲芽菜，勁爽脆新鮮，咬落去卜卜趕。魚片塊塊大大塊,完全無偷工減料。我地就叫左小辣，真係小辣，唔太嗜辣既朋友一定食到！口水雞就叫左半隻，隻雞超肥而且又入味，又帶有少少麻。同埋我估唔到半隻既份量都幾多，真係足秤。炒尖椒豬肚唔好以為尖椒咁炒法一定辣到飛起呀，其實一啲都唔辣；因為餐廳好細心咁去走哂份入面啲籽，所以淨係會食到青椒唔辣既味，同埋呢碟送一啲都唔油膩，豬肚又彈牙脆身，一啲都唔un。如果你擔心川菜太辣，呢碟小菜一定必叫，真係唔太辣，又易入口，食下一啖食下一啖就清曬成碟無難道。

同男朋友一人叫一個午餐，我要夫妻肺片+酸辣粉;男朋友食雞煲+白飯夫妻肺片叫左少辣，但一點都不辣，只得個咸同埋好多油 非常多莞茜，OK既我地倆都中意食莞茜。酸辣粉幾好，但男朋友覺得過酸，同埋都係咸。******************************好期待既雞煲終於到，雞係未熟曬，所以要等佢煮熟，火力唔夠，男友食住白飯等左好耐，終於食得!!..........好.......咸!!!!!!!!!!! 　直呈覺得飲緊豉油.......極度失望。。。。。******************************成餐所有野都係好咸咸咸‥食完我地立即要去買水飲>.<"

说实话，难得想吃辣，来到旺角找到了这家，以为可以满足下味蕾。没想到吃到第一个菜时，整个人都不镇定了。真的太咸了，点了烧烤好久都没来。想说取消不要，没想到店员说在烤了，结果又是活生生的等了快四十分钟。真的太失望了，没下次

剛巧午餐時間來到砵蘭街有野買 就順道看看呢頭有咩好食啦~ 原來呢邊有一間食川菜的餐廳~ 店外的午餐MENU都幾多選擇, 價錢就40至50元左右, 就入去試試是否正宗啦! 入到去發現都幾多人食㗎, 店內位置都算寬敞, 地方整潔, 而且真的有點像大陸餐廳的感覺. 我點了口水雞套餐, 可選配白飯或酸辣粉, 我就當然試埋佢的酸辣粉質素如何啦~ 兩樣都係叫最小辣~ 口水雞先到, 我有點嚇呆了, 因為份量比我想像中多很多! 通常在其他餐廳食 都係比一小碟你 大約5,6件左右, 但這碟目測起碼有8,9件~!! 之後緊接而黎就係酸辣粉了~ 但份量反而就相對有點少了.. 望落好似覺得會食唔飽.. 先試試口水雞既醬汁, 好香, 好濃郁, 帶點麻辣香味, 令人胃口大開! 這個辣度對我黎講剛剛好! 這裡的口水雞醬汁的顏色是偏啡的, 不會像其他餐廳一味得個紅字, 食得出醬汁是有層次 用不少配料製成的. 雞件也蠻嫩滑的, 就算是雞胸位也不太覺得"鞋", 而且都幾入味的! 配料例如花生, 芝麻, 蔥粒也很多, 花生還是脆脆的~!而酸辣粉的湯底也與其他連鎖酸辣粉店有點不同, 味道很香 很有層次感, 不是一種"死辣"的

和小女二人晚飯，試試新地方。㸃了葱爆羊肉，三鮮窩巴，串燒就雞軟骨，金菇肥牛，花芝丸和西冷牛扒。小女嫌檯面污糟不碰它，碗筷都不大洗好。菜很快上。羊肉咸而韌。窩巴除油味不香卻翠口，跟來的三鮮不吃也罷！𥚃面放了腸，清瓜(?),木耳和魷魚鬚，二成料八成醬湯，淡而無味，是完全的浪費了金錢。雞軟骨燒好後只有手指尾頭大小。金菇肥牛D肥牛小得可憐。花芝丸粉團的軟，沒有咬口。西冷是最好味的。蜜糖燒，味與口感值得一讚。總之是失望。近三百元一餐（兩杯飲品），是不值了。其他怡叫的煮魚應該好吃吧。

其實自從香港多了自由行之後，已經甚小去旺角，今次因為要去波鞋街買波鞋緣固，始終都係波鞋街多選擇嘛，所以最後都係要去左旺角行一轉。忽然好想食川菜，返大陸又遠，所以上ＯＰＥＮＲＩＣＥ睇下其他食家有無好介紹，見有食評話呢間唔錯，行完波鞋街行過去又順路，見價錢又唔貴，所以就選呢到落腳，試下好唔好食先～～～首先，我一行兩人，大概７點鬆Ｄ到，唔洗等位就有位坐，間鋪都算細，比較迫，所以叫野食唔可以一次過叫，因為根本無地方放。唔講咁多，上圖先～～～先試下ＢＢＱ～～

係香港，食辣嘅地方有好多， 但真係辣嘅有幾多間? either 太鹹 or 唔夠辣!!細路長期幫襯呢度嘅串燒， 今日多人食，可以試埋其他小菜。 頭盤有涼拌海帶+蒜泥白肉， 涼拌海帶冇乜特別，唔講。 但蒜泥白肉必須要講下， 首先，有別於其他餐廳， 蒜泥係用蒜蓉 20% + 辣椒 80% 混合而成， 白肉只有約十片， 下面有大量青瓜絲， 由於個蒜泥太正， 青瓜絲都俾我地全部 KO !! 再嚟一個鐵板黃鱔， 黃鱔夠鮮甜， 切得好大舊，食落有口感，正 ~ 跟住係燒茄子， 略嫌調味料唔夠， 但燒既時間足夠 ( 坊間有好多燒既時間唔夠)... 仲有野山椒炒牛肉， 牛肉炒得好淋，冇過火， 辣味夠， 第一次食到以中芹炒，中芹都好爽，正 ~ 叫左一碗酸辣粉， 與 傷X酸辣粉唔同， 呢度真係有酸味+辣味， 但薯粉煮得太淋。另外叫左大量串燒， 比較出色既有羊 肩肉丶 雞肶丶 羊扒丶 墨魚丸， 其他都係一般， 建議辣度何選大辣。

我對四川菜有冇麻呢種元素好有要求，我中意食麻（即花椒的味道）而唔系要好辣（辣椒），第一次去就要試佢個酸菜魚，我不是名食評家，我只系試過認識的四川人做的酸菜魚，作為酸菜魚竟然可以一粒花椒都冇，唔通因為我叫小辣嘅關係就唔俾花椒？但係人家雲南x仔米線的麻辣中的小辣都食得出有花椒，點解作為川菜都可以一粒都唔落，失望。撇除呢一點，佢個湯底、魚和酸菜還算可以。定我要求太高？或者我一直以來對呢道菜的觀點系錯嘅?有高人請指教。

釣完墨魚出返油麻地食宵夜, 第一次試依間, 剛剛我哋坐近門口張枱, 走廊比較窄, 所以有人出出入入都會撞到張櫈, 唔係咁好囉....食物方面...海蜇幾好味, 不過太少, 每人分啲都冇晒....另外就係辣子雞, 香脆麻辣, 好味!串燒方面, 係墨丸串燒最耐, 由一開始已經叫, 成日話燒緊, 不過似漏單多啲, 差不多走先俾我哋....其他串燒都唔錯~仲有燒茄子, 超多蒜蓉, 正!仲叫左酸菜魚, 好足料, 食落唔腥, 酸菜好正!有個餸唔記得叫咩, 有田雞的湯, 超麻辣!!

途經旺角，見到一川菜水煮廣告，咁就引咗禾入去食咗餐晏。酸辣菲菜餃，非上海酸辣湯，而是川辣，講真個餃子應真麻麻， 個湯反而幾好！ 因應禾唔太嗜魚，所以再來就係主角  水煮牛， 夠麻，夠辣，越食額頭越多汗，合乎水煮精神，正！ 加多杯凍啡，都係麻啫！ 全程82大洋一個人食，同食碗拉麵價差不多，本人都覺得OK抵咁PS:走時先見到餐牌有皮蛋，慘！唯有下次再試！

上星期係對面小甜甜食飯先察覺對面馬路依間川菜尋日一行3人夜晚試左.. 我地好鐘意食辣野同川式串燒所以入左去..叫左1碗酸辣紅薯粉 加 冬菇餃  個冬菇餃好好味.. 之後個口d辣味都未散就到水煮田雞.. 不過比預期中少.. 3個人每人得3舊度.. 個底d芽菜多得有d誇張.. 涼拌窩'順'絲 送 藍妹一流 係油左d不過川菜野算係咁 接受到最唔開心係d 串燒等左好耐都未到 由坐底到上檯等左差唔多45 mins.. 所有野食食哂都未到點左雞翼， 韮菜，蠔，茄子，腸仔係好有大陸風味.. 但成間舖得一個呀姐燒真係次次都等成個鐘坐到飽哂先食就無引

本人自問對川菜很有要求，期待來到品嚐一下老川皇的川菜，招待不算差，到我們的主菜酸辣粉，味道偏鹹，粉質一般，口水雞骨多肉少，麻婆豆腐尚算可以。總結附近有太多川菜，實在難以競爭

第一次來到老川皇,覺得餐廳環境幾好,同朋友試左幾道菜,亦覺得啲食物味道都唔錯! 一來到首先試左個酸菜魚,入面材料十足,應該真係成條魚放左落去 啲魚好滑亦唔腥,好味道! 入面仲有好多酸菜,味道都唔錯啊!另外,亦試左個鐵板水晶粉...一上菜就嗅到好香了 分量亦足夠,同朋友share來食就啱哂 啲水晶粉好有口感,雖然有啲辣,但味道很配合,恰到好處,正! 雖然唔係試左好多道菜,但對呢間餐廳整體印象良好...食物,環境衛生同服務都ok

今日去左旺角間老川皇食lunch，食左個夫妻肺片套餐同埋鐵板水晶粉。夫妻肺片好好味，辣得黎又好香囗，好開胃。鐵板水晶粉有少少辣，不過囗感唔錯，唔會太淋，值得一試！