老北京 (渣甸中心)

營業中

休息中

老北京在渣甸中心開了分店，今天與家人過來試試。小店地方不大，佈置卻很有傳統特色。片皮鴨是京菜必食，外皮香脆，而且面餅十分香軟，加上醬料，味道不錯。一味和菜戴帽很有特色，芙蓉蛋下是和味小炒，裹著薄軟的麵皮吃，很有特色。酸菜魚的魚肉鮮美嫩滑，酸菜湯底十分開胃，而且份量不少。除了酸菜魚，亦有水煮魚水煮牛肉等傳統京菜。甜品要了拔絲蕃薯，賣相很精緻，蕃薯外脆內軟，甜味適中，很適合作為飯後的甜點。整體菜式味道不錯，品種選擇很多，都帶有地方特色，真想食地道京菜，不失為一個好選擇。

是晚和朋友慶生，朋友是好辣之人，特地選了這家北京菜。餐廳是樓上店，但位於人煙稠密的銅鑼灣，相對易找。餐廳座位不多，有室內和室外。我們坐室內比較暖，見有客人坐室外吃火鍋呢！茶方面我們點了菊花茶，比較少見有這個選擇。京蔥羊肉，羊肉薄片非常入味，大蔥味濃，羊肉少少蘇味，但整體很有鑊氣！酸辣湯麵挺大碗的，兩人分吃差不多。酸辣湯上面有少少蛋花呢！麵是手打拉麵，煙軔有咬口，很合我心意！一共分到六個小碗吃呢！和菜戴帽是北京名菜。外面有蛋包著內裏的雜菜，就像戴著帽子一樣。另外伴有八張春卷皮，可以卷來吃。裏面的雜菜有菠菜、芽菜、胡蘿蔔，還有炒粉絲呢！色香味俱全。我們還把京蔥羊肉放在一起包，味道相當夾！大大塊羊肉包在一起，味道更勝片皮鴨呢。順帶一提我們發現牆上的掛畫很有意思呢！可以看出一些舊民國時代的小玩意，知道的人看了定必會心微笑。

論飲食，香港實在是一個寶地，八方菜式雲集，想吃的都能找到。這次有長輩遠道而來，就找了一家樓上的北京菜館，店面小巧矜貴，盡顯傳統之美。說到北京菜，離不開一道片皮鴨，香港近年有不少食鴨的地方，要說到各有千秋，老北京的片皮鴨優質在他的蒸皮，巧簿細軟，包裹著濃郁的鴨醬和脆口的青瓜、鴨皮，口感和美。紅燒排骨鵪鶉蛋是推介菜式，賣相十分精致，份量頗足，香中帶甜的排骨入味鬆軟，鵪鶉蛋小巧滋味。干鍋四季豆是心頭好，這家的更是值得一讚，四季豆完全瀝乾，炒至表皮香脆，鐵鍋存熱，加些紅辣椒，實在是近年吃過最正統的味道。總而言之，菜式出品頗有特色，菜單涵蓋了很多傳統北京菜式，甚有風味。

今日去銅鑼灣既「老北京」食飯，友人特別喜愛中式食物！就腳d就約左去呢間，係地鐵一出行5分鐘就到！主菜當然是「北京烤鴨」半隻 $198，鴨皮很脆口，都有成十幾塊鴨肉不錯！配料是同平常一樣，青瓜蔥絲等！感覺廚師刀工不錯，每塊都切得剛好 不會有多餘既肥肉！「大蔥羊肉餃子」有10隻都係$80，仲這個很少見，其他餐廳多是豬肉大白菜等！餃子皮很有口感，不會軟晒，是新鮮弄好的！「老北京炒飯」很有鑊氣，想不到的好食，醬油下得剛好，白飯粒粒分明！很正！「茄子鹵面」沒有見過，是茄子粒等雜菜加上去面上，拌好！都幾特別既我鐘意！「大蔥豬肉餡餅」$60有2塊，是兒時既回憶，好好食！肉汁流晒出黎！豬肉也不會很肥！呢間餐廳都坐得好舒服，平日不會太多人，岩晒想傾計既朋友仔！

收工同朋友係銅鑼灣食野，朋友就推介左呢間老北京食，聽講最出名就係北京烤鴨，一於就去試一試味。整間店的設計理念是偏向老式傳統的北京菜館，很有風味，店中位價不多，假日黎食可能要排下隊。首先點的是店中招牌-北京烤鴨，由於是即製，等了大約30分鐘左右便上枱，果然是熱氣騰騰，份量都幾多，鴨肉切得幾薄身，應該是老師傅切，鴨肉的外皮幾酥脆，肉味亦幾濃，配上傳統的外皮，青蔥，烤鴨醬等，十分出色，沒有任何一方的味道太搶，配合得剛好，出色。另外點了個大蔥羊肉餃子，市面冇咩用羊肉製的餃子，都幾特拉，皮不算太厚，恰當，羊亦不太羶，對於不常食的等亦接受到，都幾特別。老北京炒飯很有鑊氣，俗語有話，愈簡單的食物愈難做得好，所以我很著重呢個炒飯，量亦很足，主要用醬油調味，加上蛋的香味，十分出色。豬肉餡餅用上了豬肉，香蔥等簡單的材料，亦有不錯的味道，幾好。成餐飯3個人食左$600左右，都幾抵。

好耐冇食過北京菜，今日去開銅鑼灣購物就去咗間樓上京菜館食。餐廳環境北京菜館嘅裝潢當然係比較中式，但當中不乏一d現代化嘅擺設。今日同家中長輩一齊嚟食，所以主要都係佢點菜。叫咗好耐冇食嘅糟溜魚片，一般好難整得好食。今次個糟溜魚片幾特別，佢雖然酒味唔太重，但落咗好多桂花，所以魚片食落好香桂花味，而且肉質嫩滑。雲耳爽口，酒味較重。小籠包6隻小籠包一咬落湯汁好多，入面嘅豬肉餡嫩滑多汁，個人覺得如果包皮再薄d會更好。羊肉餡餅外層煎得香脆，但內裏依然軟綿綿，而且入面仲鎖住羊肉汁。羊肉唔羶，羊肉餡入面有韮黃。韮菜盒子話係盒子但原來係包/餃子樣。飽入面有韮菜同蛋花，味道偏淡冇咁重口味。

媽媽喜歡吃中菜 所以找了這間在銅鑼灣的餐廳吃個晚飯 我們點了半隻北京烤鴨 烤鴨新鮮烤起 熱辣辣😄 和一般烤鴨一樣 配有饀皮和青瓜京蔥烤鴨醬 未吃烤鴨已聞到有一陣香烤的味道 而我們都急不及待要試一試😆 烤鴨皮連著薄薄鴨肉 加上配料後 烤鴨的味道變得很清新 而且鴨皮很脆 皮下亦沒有多餘脂訪👍🏻另外點了黃金蝦球🍤 蝦球沾滿了厚厚的咸蛋醬 非常濃郁的咸蛋味👍🏻 而且大蝦已經起了殼 所以咬下去時啖啖肉 好爽😆 我同媽媽都非常滿意今餐的食物☺

最近食左好多西餐, 所以今日想食中菜朋友想食京菜, 上網見到老北京好多好評就想去試下一去到係滿座, 好彩等左一陣都有位咁多客可想而知真係好好食因為我地得兩個人所以係叫唔到好多食物但其實依到係好岩一班人既聚餐因為份量偏大份, 而且有圓桌今晚我地叫左涼菜皮蛋尖椒豆腐加左半隻北京填鴨好欣賞個豆腐好夠凍因為食過好多次都係唔夠凍既前菜唔岩溫度既食物係失色不少而且佢個醬汁好夠味, 好夾淡味既豆腐皮蛋就一向好食鴨就更加出色半隻都夠每人4-5 件好足料! 鴨肉皮油香好勁鴨肉厚度岩岩好加埋青瓜大蔥同埋北京填鴨醬已經食到好飽但仲係忍唔到一路食實在太好味喇

和女朋友的家人一起吃中菜，這間菜館在渣甸中心5樓，地點就腳，星期二晚都滿座，有很多Booking。店員只有兩個，很忙碌。開了一壺香片，淡淡花香味，令人心曠神怡！賽螃蟹是經典中國名菜，這裏預先淋上醋汁，所以有一層黑色鋪面，蛋白一粒粒如蠶豆大小，吃時少少彈牙，幾爽口。大蔥豬肉饀餅有兩件，各切開了一半，香脆外皮，吃時咔嚓咔嚓，皮較厚身，中間的鮮肉有香濃肉汁。干鍋四季豆很出色，味道強烈，而豆又炒似軟身，很入味，加上洋蔥和紅椒等更令味道鮮明。拔絲山藥和蕃薯金黄香脆糖衣包著山藥和蕃薯，還有很多條幼糖絲偶斷絲蓮，口感特別，非常好吃的甜品。

在灣仔吃過老北京覺得不錯，發現銅鑼灣開了新店就試一試，很熱鬧，除了多香港人，有不少外國人到來，設計是樸實的中國風，中華文化的氣息。先來半份北京烤鴨，見每枱都放好一碟海鮮甜醬配青瓜條和蔥絲。剛好夠三個人吃，鴨皮脆身，鴨肉味道濃郁，比較乾身，不太肥膩。喜歡熱辣辣薄皮包著甜蜜的烤鴨，幾滋味。茄子鹵麵是粗麵條，本身茨汁不算咸作調味不錯，麵身乾爽吸到醬汁又不會太淋。而除了茄子其他配茶都切成一粒粒很工整。干鍋四季豆有鑊氣，如果配白飯吃真是開胃又好吃。環境不錯，很傳統的感覺，難怪很多外國人來吃飯。

北京菜最有名ge應該係北京填鴨，不過今晚黎到呢間老餐廳，我地因為得兩個人，所以最後決定放棄叫鴨，而選擇一些簡單菜式。餐廳裝修簡單，但好有中國風。其實菜式好多選擇，冷的熱的甜的咸的。先黎炒菜，初初見到咁多辣椒真係好驚會太辣，但食落口又ok，d辣味帶出左碟菜ge鑊氣。之後係餃子，個皮唔會太厚，芹菜同肉比例岩岩好，食落有淡淡芹菜香。最後係擔擔麵，雖然佢花生香唔夠濃，但麵質取勝，唔會好淋，但又唔係個種有咬勁ge，食落有麵粉香，岩哂我口味。最後想讚下個菊花茶，堅好飲，好香！

很久沒吃北京烤鴨，難得今晚和爸爸吃飯，吃中菜就順便選間有北京烤鴨的。老北京位置在渣甸中心，幸好7:00pm就入座，8:00時已經坐無虛席了。店員只有兩個，但都提供到基本服務，斟茶、上菜和收碟算快。本想食整隻北京烤鴨，但我們只有三人，店員建議點半隻，每人都吃到4-5件。這個烤鴨偏瘦，皮不重脂肪，肉很重烤鴨的酥味。包著鴨的皮熱氣騰騰剛蒸好，加甜醬和青瓜香蔥幾好吃，又不膩。紅燒豆腐很燙口，看不到煙霧出來，但豆腐非常熱，醬油味足夠，有香菇和紅燒肉配搭，送飯都不錯。小籠湯包皮比較厚身，肉汁都不多，但鮮肉味十足。拔絲鴛鴦（山藥加蕃薯）作飯後甜點，一條條金黃糖絲滋味無窮，蕃薯很淋，山藥都是一絲絲有口感。

🐟🐟酸菜魚（$188)今次收左工就嚟到銅鑼灣嘅 #老北京 諗住試下北京菜☺️ 估唔到家庭式嘅小店八點都已經坐滿晒人，成間餐廳嘅格局都好溫馨好熱鬧，幾有氣氛。今日想試下啲酸酸地既野開下胃，決定叫酸菜魚試下。呢盆酸菜魚份量十足，落咗勁多勁多酸菜，湯底酸到好正，魚肉鮮嫩，配菜仲有粉絲，好好味👍🏻 忍唔住叫咗兩碗白飯黎送，推介！高湯小籠包（$68/6隻)呢個小籠包即叫即蒸，肉味濃厚，入面既湯汁都幾鮮味！不過食得太飽食唔到太多野，下次有機會要試吓佢哋呢度嘅北京餃子，好似都幾好食🤓

今日同朋友喺銅鑼灣附近搵嘢食，知道喺F出口附近有間傳統北京餐廳，諗住食一食北京填鴨，於是就上去試一試。 上到去入面裝修都好中式，有一啲中式嘅字畫，餐牌都好中式。 我哋叫咗半隻北京烤鴨，同叫咗個韭菜盒子。 等咗一陣，韭菜盒子送上，總共有兩個韭菜盒子，盒子個皮好薄，煎到金黃色，盒子入面有好多韭菜同埋肉，盒子同韭菜都好香口。 之後北京烤鴨亦都送上，有配菜有北京著填鴨醬，啲皮好薄，啲烤鴨笑得好，烤鴨嘅皮好多汁，入邊啲鴨肉都好鮮嫩，烤得啱啱好。

晚上上完堂，心癮起想食北京填鴨，但我得一個人食唔到成隻，俾我搵到老北京有半隻上，所以就去左食。「有心栽花花不開，無心插柳柳成蔭」在隨機選擇的情況下，估唔到有意外驚喜，食店無論食物、環境、服務都高水準，難怪吸引周圍的食客大都是外國人。食店環境優美有特色，設計古樸時尚，裝潢掛上書法和書畫，非常吸引。而且食店設有卡位和房間，食客可自成一隅。食物方面，我一人主攻北京烤鴨（半隻）。烤鴨皮香肉嫩，易嚼美味，沒有討厭的鴨羶味，而且即叫即烤，熱上烤鴨，水準非常之高。飲品方面，我首先點了菊普。食店用料足，菊花分量夠，水滾茶靚，帶出清雅而雋永的茶香。之後我點了酸梅湯，山楂料足，酸甜合宜拿捏得很準。見到酸梅湯不是一般坊間食肆的「通透」，就知道食店落足料，沒有大幅溝水。此外，食店員工服務殷勤主動爽快，對食客友善，感覺很舒服。這次是一趟難忘的享受美食經歷，我會再次黎食，而且會叫多啲朋友一齊黎，食多幾款菜式。