翡翠拉麵小籠包

營業中

休息中

*💭翡翠拉麵小籠包位於銅鑼灣時代廣場的分店，平日繁忙時間都要大排長龍，幸好這晚不用等太久便可入座☺️►牛油果鳳尾蝦鍋巴🦐挺有新意的涼菜，傳統鍋巴配上牛油和鳳尾蝦，牛油果味道濃郁，鳳尾蝦新鮮彈牙，清新開胃😋►糖醋魚柳🐟魚柳炸得酥脆，咬落魚肉鮮嫩，不會炸得過熟，裹上酸酸甜甜的糖醋醬汁，令人胃口大增🤤►菠蘿芫茜爆炒牛肉🐂很新奇的配搭，牛肉炒得嫩滑，配上芫茜很惹味😍►蘋果柚子醋鮮蝦菠菜麵🥢味道清爽，菠菜麵條爽彈，蝦肉鮮嫩😋►桂花酒釀丸子🥄桂花味香濃，入口清甜。

銅鑼灣時代廣場的人龍餐廳，主要食上海菜，一向多棒場客。前菜涼伴青瓜，好適合夏天消暑食。牛油果鳳尾蝦鍋巴，十分特別的菜色，不太上海菜的感覺，將傳統鍋巴配上牛油和配鳳尾蝦，牛油果有好濃郁味道，而鳳尾蝦就山大大隻有嚼口。糖醋魚柳，大大塊優質魚柳，淋上糖醋醬汁。魚柳肉質鮮嫩，酸酸甜甜，讓人愛不釋手。菠蘿芫茜爆炒牛肉，嫩滑的牛肉與新鮮的菠蘿炒埋一碟，口感豐富，酸甜的菠蘿與牛肉好夾。蘋果柚子醋鮮蝦菠菜麵。蘋果和柚子醋好開胃，蝦肉鮮嫩，菠菜麵條爽彈。桂花酒釀丸子，超香甜桂花味。紅柚多肉苿香綠茶和青蘋果椰果苿香綠茶，搭配新鮮的紅柚和青蘋果，清爽又解渴。

幫襯咗五、六年的餐廳，真係一年比一年差，因為中午要睇戲趕時間，叫咗一個炸醬麵同一個擔擔麵。個麵嚟到已經有不詳嘅預感，醬同麵嘅比例係3:1 即係一倍麵三倍醬，鹹到我哋狂飲茶水。今日係星期日中午，餐廳座咗7成客，有7個侍應咁上下，叫refill 茶水都要叫5-6次，仲要受個侍應大升呼喝：小姐，你等等啦！同另一個侍應反映啲麵太鹹，令住個頭講咗句唔好意思走咗，沒有一點誠意！ 哈哈哈，我諗今次係最後一次，以後不會再光顧你哋任何一間分店！多謝以往服務的幾年，日後永世不見！

今日去行銅鑼灣，突然想食小龍包就去咗翡翠度食，對上一次食係半年前，坐低即刻點小龍包，擔擔麵。。咁耐冇嚟味道保持水準，擔擔麵麻醬味香濃😋😋店員好有禮貌，成餐飯食得好開心

堂食的服務質素堪稱時代廣場最差之選，一進場只感到女侍應們凌厲步法及用餐牌大聲拍近客户的奇怪對待，差不多吃完時先詢問一年長的女服務員取要求外賣食物盒，未有回應，走入廚房後再出來依然沒向需求回應，左耳入右耳作的不作可否，聽不到的扮工環節確湊巧，客人們的無可奈何只視若無睹，續向另一男性化的女服務員要求她拿外賣食物，大聲且無禮，要求外賣食物盒在安靜之餐廳內高聲彷如辱駡之回應，原來是連鎖餐飲待客之道~請人果然有要求，那出品好吃與否也「出名」了。

很久沒有吃過翡翠拉麵，今天剛經過時代廣場這間，便叫了一客拉麵午餐和小籠包。心想百多元一個套餐有前菜、拉麵、油菜、飲品應該不錯，但食物一來，真是不妙，前菜四喜烤麩用匙油碟上，勁細碟，蔥油麵勁難食，不但鹼水味重，冇蔥油味，好似食緊漿糊，淡而無味。菜芯和豆漿正常。小籠包唔熱，皮厚但味道正常。最好吃的是那碟花生，買單要二百幾蚊又要茶錢加一服務費費，真係唔值得，非常後悔入咗依間，浪費時間金錢，只可以說是填飽個肚。

放假就是食，食，食同食，雖然晏咗食午餐，不過為咗避開黃金時間要等位😆食個 Early dinner啦。🥢點咗上海小籠包 $52蘿蔔絲酥餅 $$45金銀蛋浸時蔬 $88高力豆沙 $58📝小籠包，皮厚左d，味道正常金銀蛋浸時蔬，圖片係菠菜，竟然嚟到嘅時候，變咗係娃娃菜😆蘿蔔絲酥餅，嚟嘅時候，以為佢俾人踩咗一腳，樣子就真係麻麻地，不過竟然食落有驚喜，外皮鬆脆，內𥚃蘿蔔一絲絲熱辣辣，好食👍高力豆沙，外觀都係麻麻哋，不過內涵幾好，豆沙蓉，不算太甜😊

剛剛想寫食評，先至留意到以上食客都有寫過呢間嘢嘅服務實在非常非常之麻麻。事緣今天去買外賣，其實人唔算太多，但係都等咗超過30分鐘，終於等到喇。叫咗鍋貼兩份，攞度出嚟，發現沒有俾到薑絲給我。門口嗌位嘅職員左抄右抄之後，仍然發現唔到用薑，所以再入去廚房攞一盒給我。就係圖中圓形紙盒。因為個外賣背心袋實在太細，個盒目測都已經凸咗上嚟，根本就好難去攞嗰袋野。就算攞到，啲嘢其實都會跌出嚟。所以要求店員俾個大啲嘅膠袋給我。看見店員雖然好不滿意，但最後呢都攞咗個大啲嘅袋出嚟，不過只係就咁抌揼咗喺枱面，就行開佢，完全冇理我，甚至冇打算幫我將袋外賣放入較大嘅外賣袋中。最後我同該職員求助，佢話好忙，等陣先。幸好，有旁邊另外一位等緊外賣嘅食客幫忙，先至可以順利入袋，取走外賣，全程用咗40分鐘之多。等都算啦，但係D咁嘅服務態度同埋黑面嘅態度，尤其門口負責接待嘅同事，係第一個接觸食客嘅，咁嘅態度，實在難頂。今時今日，係咪真係個市旺得咁交關，仍然可以採用咁嘅服務態度呢，如果仲唔教育啲職員及改善服務態度的話，其實真係好趕客。祝2023翡翠拉麵好運。希望2024仲見到你啦👋🏻👋🏻

做完Facial 去對面Times Square食Lunch😋去左翡翠拉麵小籠包，叫咗個「匯豐二人餐套餐～7折」😋有前菜、小食，主菜， 麵飯（叫咗排骨拉麵，唔記得影😛）甜品，飲品2個食一定足夠～ 服務麻麻，見到成枱都擺滿嘢食，都唔識收走一啲已食完既碟，要話俾阿姐聽先拎走🤷🏻‍♀️湯水叫起， 叫完又漏單， 又要再叫再等🙎🏻‍♀️黎到湯水又唔熱， 激死🤦🏻‍♀️本來…..#happyday#嘆#上海菜

忽然好想食小籠包，近近地唔駛排隊就行入去。呢期佢地係咁喪推蟹粉小籠包，咁就點個試下啦…點知堅係同印象中有落差既。以前翡翠既小籠包雖然講唔上皮薄餡靚，但都算係咁吖，點知呢個蟹粉小籠，湯水又唔夠，皮又厚又硬，個蟹粉又淨係得腥味，其實真係好失望，唔知佢憑乜可以賣到88蚊一客。另外我地仲點左一碗菜肉雲吞拉麵同埋一d小食，正常發揮無乜驚喜/嚇。d服務就有進步既空間，好似成日甩甩漏漏咁，你都唔算收得好平唔該俾多少少服務俾客啦…

一睇鋪名就知主打咩啦!!小籠包+拉面!今次都有叫到呢兩樣~上海小籠包52$4件以呢個價錢黎講水準算係咁皮唔會太厚食落好似成口粉粒咁肉唔算大粒但湯水搭救咬開皮都有差唔多半更湯同埋呢度係會配埋薑絲~有D地方既小籠包就咁比黑醋就算紅油抄手要讚既位係佢真係有辣度唔會過辣辣到食唔到咁但係你又會食到係辣既~可惜係肉比較少有D似雲吞仔炸銀絲卷姐係炸饅頭既長版~炸得幾好幾脆不過記得佢底個度有紙架!!記得MEET左佢先食啊四川擔擔拉面~媽媽好仲意食但我本人唔仲意食麻醬同芝麻醬就無食~

疫情前經常光顧，之後也買過外賣⋯⋯在又禁堂食之前，再去吃一次，外賣雖然有折扣，但味道也同樣會失色一點⋯⋯座位、檯面只有以前一半大，緊張防疫的還是吃外賣好了。點了紅燒牛肉麵、小籠包、素鵝、凍豆漿。先來的是紅燒牛肉麵，大大碗，牛腱味道偏甜，除了邊位有筋嚼不爛，整體還是好吃的⋯⋯因為已佔了不少枱面，只好匆匆吃完。再來小籠包，這個令人十分失望！明明剛蒸好，卻又乾又硬，一點湯汁都沒有！即使是以前外賣套餐中的小籠包，也比今次的好！最後來素鵝，還有姗姗來遲的凍豆漿。素鵝是腐皮包著煮過的冬菇炸香，味道是好的，但頗為油膩，兩個人吃兩三塊已經有點飽滯，建議三至四人才點。結帳快要三百，其中茶芥（包括一小碟醬蘿蔔）佔三十，加一也三十，即是差不多已六十元⋯⋯客多待應少，服務也是一般⋯⋯人少少的話，還是外賣比較化算！

話說之前去完 Time Square shopping, 送咗 d 飲食餐劵，就諗住同埋屋企人去食啦！由於家人麻麻地西餐。。。結果就選擇咗翡翠拉麵！其實我都好耐無食過！🤣🤣🤣我哋叫咗小籠包、葱油餅、排骨拉麵、鱔糊炒拉麵和醉豬手！其實食物味道尚可。。。但排骨就比較硬，鱔糊炒麵就比較油同有少少腥味，豬手味道都可以，但仲係有少少豬毛。。。😅😅😅其實最大問題係杯茶。。。好似好衞生咁。。。揾嘢蓋住，但一飲落口。。。有陣陣漂白水味。。。完全飲唔到落口。。。開頭以為一杯係咁。。。原來三杯都係咁。。。以為杯茶係送就算啦！點知結帳時。。。要加一，仲要每位茶錢計。。。真心覺得完全不值！！！都唔明。。。都唔係茶樓嚟，又無得選茶，又無俾茶壺人沖茶都要收每人$13位茶。。。咁即係放低杯茶就收每人$13。。。都無理過客人飲唔飲。。。心諗無優惠券真係唔會嚟。。。所以應該都係無下次。。。

上年都係因為有商場coupon ，當時禁晚市堂食，所以餐廳為方便客人叫外賣，設計咗套餐外賣，上年食過覺得幾好食，而且用完coupon 價錢好抵，今年又有商場coupon，一於再去幫襯，今次就試吓堂食上年外賣需要排好長龍，今年只係等咗2-3張枱就入到，入到去安排咗張2人檯坐，每張枱都會有隔板，但係如果叫多幾樣嘢食已經唔夠擺侍應會比每人一杯有杯蓋蓋既茶，然後會叫你手機點餐，非常方便📱我哋就叫咗5樣野食♨️上海小籠包♨️ $52小籠包皮薄足料多汁，肉質唔會乾又實，一咬落去成口湯，好好味，可惜有一粒穿咗♨️百步香蔥油餅♨️ $42蔥油餅唔係薄身一塊塊，而係厚身一件件，上碟已經幫你切好晒一件件方便食，蒽油餅食落好鬆化，香蔥味好香，味道有啲似蘿蔔絲酥卷嘅外皮，味道同口感非常之好♨️韭王炒鱔糊♨️ $168韭王鱔糊味道非常濃郁，韭王同黃鱔煮得恰到好處，唔會煮得太淋，有口感，亦唔會太鹹，好食♨️上海排骨拉麵♨️ $85排骨拉麵排骨會另上，排骨外皮脆肉嫩，而且食得出排骨有用醃料醃過，唔會好似其他餐廳只係得表面有味，但食食吓覺得有小小鹹，不過配埋麵一齊食就啱啱好，拉麵煮得啱啱好，唔太軟唔太硬，至於湯底清甜，味道唔會太濃，

平日食開翡翠拉麵小籠包嘅排骨拉麵 不嬲都覺得唔錯 呢期做緊just to say 伏到喊🤢 兩個人嗌咗三個菜賽螃蟹 3／5正常發揮 將蛋白同埋蟹肉放咗入個蟹蓋裏面 有用火槍燒過 有微微焦香 幾好 味道正常 分量較為少 冇咩特別蟹肉麻醬撈麵 2／5係一個麻醬撈麵上面放咗 少許蟹肉同蟹子 係冷面形式咁食嘅 佢個面做得幾好 爽口彈牙 個問題係個麻醬同啲蟹肉完全冇化學作用 蟹肉還蟹肉 麻醬撈麵還麻醬撈麵 想點呢？ 椒鹽蟹 0／5上到枱嗰一刻 味道係幾香嘅 但畀佢入面啲蟹嘅size嚇呆咗 唔大唔細 細嘅都仲可以揸到好香脆 當小食咁食 大隻嘅 都可以有啲肉拆嚟食下 佢啲蟹係6-7cm左右大 啲殼好硬 完全唔脆口 問過侍應 佢話就咁食得㗎啦冇問題 吹到脹咗 一口咬落去真係會流牙血 兩個人 每人食咗半嚿就放棄咗 仲要收百幾蚊 將失敗演繹到極致 負分嘅作品 💩 食咗三個菜 好似冇食過嘢一樣 最後埋單$440蚊🙄 翡翠拉麵小籠包 你都係做返老本行算啦 anyway 你嘅排骨拉麵我會繼續支持