翡翠拉麵小籠包

營業中

休息中

上海菜我同D FDS都好仲意食所以香港好多連鎖式的上海菜我地都試過哂呢間因為平時都幾多人下 所以今次係第一次黎試食居然係星期六8點幾唔洗點等位 呢個酸辣面我冇食到 不過我D FDS就話OK 但唔夠辣 呢個頭盤其實大路野 好少會難食 所以呢度都不過不失但份量就唔多夠 但好彩唔多肚餓呢個一般般 個口感唔夠軟林林咁其實呢個就真係失望少少啦...因為黎得食上海野 竟梗係為左食小籠包而黎但係佢D 小籠包就無咩湯汁...仲要痴哂底....真係唔係好得...

今日想食小籠包，所以揀左翡翠拉麵小籠包，我地提早黎到，所以唔洗等位呢，太好啦。我地order一籠小籠包，煎餃子，水煮牛。小籠包嘅皮好薄，食落好多汁！水煮牛肉都好入味，牛肉煮得啱啱好，好香辣椒味！

This is not our first time visiting Crystal Jade, but it is our first time visiting their outlet in Times Square. We normally don't come to this outlet because it is always full of people. As usual, it was full of people when we were there last Sunday, and there were quite a few groups of people queing in font of us. It took us about 25-30 minutes to get a table and there were no seats or whatsoever for their waiting customers. We were simply standing in front of other shops while waiting for ou

「小籠包」熱一直在香港方興未艾。若要比較城中的小籠包，「鼎泰豐」水準時好時壞；「小南國」不夠多汁；「南翔小籠包」的皮太厚 (這是它的特色，但我個人麻麻地)，數落還是「翡翠」的最皮薄多湯汁，肉餡也是吃得出的滑溜。除了小籠包，「翡翠」的冷盤如醉雞、肴肉也是有一手。「陳醋西芹伴黑木耳」是日點了一款在上海館子不常見的冷盤，材料非常簡單，爽脆黑木耳切件與西芹條撈上淅醋及麻油，雪凍即成。咬下去兩者都很爽脆，滿有麻油香，陣醋亦起了開胃提味的作用。這個菜式一定要趁冷吃，若把它放暖了，爽脆程度會大減。賣 $48，個人則認為有點貴，而且也非常容易自家製啊，若定價在 $30 左右會更合理。「上海小籠包」米芝蓮推介的小籠包，新鮮出籠，早排吃過好像還是 $28，現已漲價至 $32。包內湯汁豐盈，用筷子㚒起小籠包的頂尖，湯汁像是蕩鞦韆般晃來晃去，皮也不會穿。點上浙醋一大口放入口中，熱燙湯汁滲透口裡角落，肉餡味鮮豐腴，一下子就 KO 了整籠。

諗住食完個飯就去睇人表演點知一等就4個字不過夜晚周圍都係咁所以就算入到去坐低落左單之後諗住留低一份餐牌睇下有咩小食可以再叫個女侍應黎收餐牌個陣我"禁"住我面前個份,同佢講: 可唔可以留低一份?佢堅持要收起我面前個份之後打個眼色, 意思係叫我拎對面個份睇我諗禮貌呢位女侍應完全冇D野黎到, 個送菜既放左係枱既其中一面但有D野食係好遠食果個要自己伸手拎/我地自己係到傳送菜果個完全冇意欲幫我地遞過去其中我地有人叫左排骨拉麵因為等左15-20分鐘都未黎又趕時間 就問一問個侍應有冇漏單(又開頭SERVE我地果位)但佢態度奇差地話 排骨要炸 係要耐D架啦!個麵D味其實真係一般完全稱唔上係好好食唔明下面點解咁多食評話好食!!!真係相都費事影!!!!絕對唔會再黎呢間!!

本来用TableMap 定了日本菜, 但去到竟然没有开门, 大热天, 由登龙街走到Time Square, 已经没有胃口, 只想吃个面, 然后会公司.Crystal Jade 已经开了很久, 但只来过一次, 因为好像无时无刻都爆满. 好采, 今天来得早, 12:30还没有太多人, 不用等. 食面坐bar抬, 感觉挺新鲜. 但不到10分钟, 全满.通常会点小黄瓜, 但看到有黑木耳, 一于健康一下. 自己在家很少会做这个菜. 黑木耳有丰富蛋白質, 鐵質, 鈣, Vitamin B2, 可以帮助血液循環, 改善貧血, 又不肥, 所以绝对是简单健康. 我最喜欢吃担担面, 这里的面普通, 比较散, 味道不错, 再浓一点更好. 看见外面已经开始排队, 快快吃完就走了.

位於黃金地段, 以翡翠食物的質素, 收費算是十分合理。難怪常常客滿。我們六時前到達，已經很多客人，坐下不久，門外要排隊了。 干煸四季豆，不太油膩，不太老。但味道跟以前有點不同，今次是帶點甜，感覺有點怪怪的。百頁結烤肉的瘦肉部份看似乾乾，但咬下發現肉是原來很腍很入味。茶香燻乳鴿的鴿子比較瘦小, 肉質亦有點乾, 茶燻味很濃, 但略嫌咸味不夠。翡翠拉麵是集團式經營，不會有任何驚喜。 通常跟期望亦不會有太大出入。 是穩穩陣陣的選擇。

約個朋友逛街，晚上6點肚餓到暈，翡翠或快餐最快了，我是不會輕易食M記或是KFC架，翡翠啦。速速點了小籠包（來這裏少不了的食品）先，一個五香牛展拉麵，一個木須炒面，一碟灼菜（菜是我的至愛，儘量不要回避食菜）小籠包：太好味，皮薄如紙、汁多餡大，有想加一客的衝動。五香牛展拉麵：牛展如果可以切得薄D就好啦，太大片太厚，面都OK，話到明都見到師傅在拉緊麵。一個木須炒面：面炒得不肥不油、夠香，只是雞蛋被D的油炸得太干了。一碟灼菜：夠新鮮，醬油分開上。

最近考試, 做功課太忙, 連續兩過月不停開夜車, 人都快發瘋了, 今晚真的要鬆弛吓神經..... 煎鮮肉鍋貼, 皮薄肉軟, 薑絲纖細, 夠辣, 醋夠酸, 我鍾意 南瓜餅(甜品) 皮厚, 好實, 無南瓜味, 好難食, 差d 哽窒喉嚨 鴨片, 超咸, 但肉質尚可, 不會再有下次

很久沒吃上海菜..好懷念食包點個d, 時代下面新開左一間野對打翡翠拉麵..本來都想試新野...但眼見店內好似沒什麼客人...因此有點擔心而選食翡翠..門口要排隊拿票...當時只是5:45pm..幸好很快便有位坐..而且係對住窗口卡位..由於太多人擔心上菜慢 於了快手叫了很多餸菜...菜肉雲吞:味道適中,但衰左皮有d散油爆蝦: 應該唔係河蝦...但都好好味 香脆可口,成隻食都得..但見到好多人都唔識成隻食..其實油爆蝦要去殼既 跟本冇意思蘿蔔絲酥餅: 大件夾好味 蘿蔔多..皮薄 而且耐熱..放左好耐食仲好熱排骨湯麵: 排骨大舊得來唔硬. 炸得香口 但湯麵味有d淡..小籠包: 皮薄而且唔斷 但肉味有點兒唔夠, 但都好味..因為夠熱 夠多肉汁...小黃魚: 超香...上面有d炸蒜關係..肉隻鮮軟..非常出色酒釀丸子: 酒釀味有點怪.丸子軟硬剛剛好整得來講非常不錯..比預期的好味...價錢都幾合理..只有某幾隻餸錯貴左少少..服務都幾好..唔會待慢..一定會再番轉頭!

去完caffe vergnano未夠飽，再來這裏填肚。因為在上海吃過不少次小籠包、糖蓮藕和生煎包，所以每樣來一客。小籠包的皮夠薄但亦不易穿，好。汁也夠豬油豬肉味，對辦的。惟豬肉好似比較軟身不夠結實，讓我有食到霉掉的肉的錯覺。糖蓮藕味道也是對辦的，跟上海的相似。但煮的太久了，糖蓮藕好，在夾起一整塊的時候糯米也掉出來，糯米也已經不是一粒粒，而是一pat pat的狀態。最後生煎飽煎得不夠耐不夠火侯。底部不香不脆，裏面的餡也沒任何肉汁，很乾。吃完一整個已算給足面子了。掩埋眼埋單，一共90。只有小籠飽是飽點類唯一選擇的。

入場前，先在附近找個地方醫肚，儲足能量欣賞令人感動的唐山大地震。突然想起很久沒有到過翡翠拉麵小籠包，係時候回味一下。還記得靚女最喜歡這裡的小籠包。是真的，皮做得夠薄，雖然賣相不算理想，但是收口位也不會唔熟或太硬的情況，夾起來不會「穿」，包得很好。肉餡鬆軟，味道鮮，湯汁豐盈，甚至是多得不成比例，我認為很好吃，滿有水準。朋友總愛吃點辣的，就點個酸辣湯拉麵。麵條很滑，卻不失彈牙口感，不錯；酸辣湯有豆腐粒、筍絲、木耳絲等，材料幾足，味道是酸辣俱全，也很對辦。酸辣的湯底配上彈牙拉麵，不一會就被清掉。最後要一客手抓餅，大概是山東菜來吧！不是這裡最耍家的菜色，因此也未能做到層層薄如窗紙。不過，熱騰騰的送上，很香口。撕開放入口，質感軟熟，酥香好吃，我也吃了很多。細食的我們，吃了以上東西，已經飽得七七八八，總的說是吃得滿意，睇完戲才再溝貨吧！

今次係我第一次食翡翠拉麵，但係我冇點小籠包，反而就點左煎鮮肉鍋貼，因為媽咪話反而係鍋貼重出名喎~落單果時話要等20分鐘先有得食，要食好野就係要等架啦~估唔到真係等多過20分鐘 我地D野都黎齊晒重食晒都未黎，吹一吹order就好快到啦。見到侍應生一手有幾碟鍋貼，就知道係一次集齊D order 先煎! 不過真係隻隻新鮮熱辣辣!鍋貼呈彎月形，皮既厚度適中。煎得非常好! 皮係脆既，但果底都冇燶到，只係有好少好少既啡色，真係比日本餃子煎都黑晒先至脆差好遠!一咬，係有小籠包既爆汁效果! 真驚喜!! 我都係第一次食有汁爆既鍋貼!! D肉汁都係非常鮮甜，絕對差唔過小籠包架!! 鮮肉冇咩肥肉，好易入口，又唔會好鹹，好好味。以呢個質素，廿幾蚊就有4大隻真係好底! 下次黎食都必點!!

是日跟同事來午餐, time square這間是我第一次來幫襯, 排隊還是需要點時間, 不過中午來說是算快了四川擔擔拉麵: 水準依舊, 花生, 芝麻, 蔥花等撈得恰到好處, 辣味唔會搶到其他味, 正是翡翠擔擔麵取勝之道, 個人喜歡果一少蔥花, 絕對係令到碗麵更上一層樓既原因在玻璃看到師傅即場拉麵 (雖然未必係我地果碗 ), 對遊客而言是非常吸引的一環鎮江肴肉: 肴肉紋理清晰, 雪到水晶一樣既膠質正是精粹所在, 肉質則似金華火腿, 當然味道不同了, 個人喜歡唔點醋食, 咁先食到原味雪菜咸肉炒年糕: 年糕大少適中, 亦唔會太硬, 雪菜切到好細粒, 要一讚既係雪菜大部份係'桿"而唔係"葉", 我食雪菜一向喜歡'桿"多於葉, 因為有咬口又脆, 試過其他地方炒出黎既雪菜葉部份很多, 夾起上黎唔方便之餘亦feel唔到食緊雪菜咸肉味適中但唔太咸, 最重要係雪菜+咸菜本身都係咸的, 如果味道控制得唔好, 成碟都會只得個咸字 (我真係試過), 呢度就無呢個問題了上海小籠包: 每次來翡翠, 我最期待的都是小籠包這裡賣相沒其他分店好, 功夫亦差了點, 皮是很薄的, 還能見到內裡的湯, 可惜肉汁不是十分豐富,

記得當天，本來不是吃上海菜的，但每次來到這裡都看到那麼多人在排隊，心想：食物水準應該不會太差吧！於是拿著號碼籌等待...........等了不久終於到我們了。餐廳的裝修還可以，不過座位間的距離比較窄，行動時不太方便。看一看餐牌，推介菜是拉麵、小籠包，想了一下後，點了：鎮江肴肉、酸辣湯、小籠包、五香牛展拉麵。鎮江肴肉：表面煙韌，裡面的牛肉絲沒有牛肉味，整體味道一般。酸辣湯：酸味（鎮江醋）太重，辣味一點點，材料還算較多，本人認為似羹多過湯。小籠包：一籠有四顆，每一顆都沒有像蘇絲黃所講既『盪千秋』，而且不能一口吞沒（因裡面太燙），味道不夠濃，肉味一般，好像沒有完全醃好。五香牛展拉麵：不知道為甚麼五香牛展會是甜的，一點五香味都沒有，拉麵尚算可以，湯底也是甜的，怪怪的甜。最後講下服務，可能客人太多？服務很差，上菜速度慢，坐我們旁邊的客人由我們坐下前，到我們吃到中間，都還沒有一樣菜上過，前前後後大概有三十分鐘；另外，有位女侍應在抹枱時（不小心）將客人用完的牙籤抹到我的朋友身上.........，個人認為這家店去過一次就夠了。兩人埋單：171