翡翠拉麵小籠包 (已結業)

價錢貴 質素差仲差過喺出邊檔口仔食小籠包喺出邊一倍價錢擔擔麵同超市買嘅材料包味道一樣後尾買單條友服務態度超差！！！串串貢咁！好後悔冇當場鬧佢！（個女人紮辮個頭有個夾）唔會再有下次！

因為疫情無左大陸遊客, 終於有機會食到海港城呢間分店既LUNCH入到餐廳有4-5個係海景卡位黎, 由於客人不多可以有幸揀到黎坐坐低發現有HSBC 匯豐信用卡餐非常抵食,2人套餐7折只係$338 (原價:$378)！套餐包括雞絲粉皮，小海小籠包，三鮮海皇羹，瑤柱賽螃蟹，上海排骨湯麵加桂花酒釀丸子做甜品,其實足夠3人食, 4個人黎既話再加多個小菜就夠晒.另外仲有個6人餐$1079 (原價$1203).雖然聽個名就知呢到招牌菜係拉麵同小籠包, 但今日想介紹既係佢地既酸菜魚!酸辣程度適中仲有超吸湯既闊薯粉係底, 吸晒所有精華係裡面!!

仲有一大疊海港城coupon，就搵啲餐廳用埋佢，見到依度有蘿蔔酥食，即刻過嚟食！〰️〰️〰️〰️〰️〰️〰️〰️〰️〰️〰️〰️〰️〰️〰️〰️🌈上海小籠包 $48首先佢定價都唔貴，加埋coupon直程係抵啊！小籠包個皮夠薄，個湯都鮮甜，雖然有隻小籠包搭埋左，一夾起即刻爛，但整體都唔錯！🌈花雕醉雞 $85睇賣相都唔錯，但一食落口太多碎骨！而且酒味有啲太濃，雞肉有啲苦苦地。唔太推薦食！🌈蘿蔔絲酥餅 $45呢個真係必叫！一食落口哇出聲，新鮮出爐，咬落有汁！佢冇蘿蔔嘅澀味，但有蘿蔔幾多汁同甜！超好食！🌈四川擔擔拉麵 $72佢係有三款麵比你簡嘅，我哋就要咗最普通嘅嗰隻拉麵。面頭有大量嘅花生碎同肉碎，湯汁都算杰身，可以好好咁掛落個麵條度！少少辣都幾好食！🌈蝦頭油櫻花蝦帶子炒飯 $138帶子份量都算多，炒飯食落都香口有少少蝦味！但可惜有啲飯粒偏硬，有少少難吞😩整體來講呢間餐廳嘅出品都算OK嘅，有埋coupon都值得一試～但作為米芝蓮一星，佢嘅用具有待改善，好多碗碟都係崩嘅🤔

純粹係為試而試，然後我的銀兩不值而飛，唉但人一世乜都要試下既！可能係上海食過地道既小籠包同生煎包既關係，我覺得呢間餐廳真係平平無其，小籠包都ok既，咁當然上海好食好多啦！但個生煎包真係搞唔掂喎，好乾跟著叫左個酸菜魚我真係好想知自己食緊啲乜嘢，好難食囉，啲魚好似橡筋咁酸菜都還好，真心覺得要食呢啲既，不如番大陸食算啦，平靚正，仲要好食好多囉（純粹從食角度出發）其實我仲叫左甜品既，之前因為要北上交流，有試過酒釀丸子呢樣野，咁見到menu有，緊係想回憶下當時既味道啦！點知呢間係好難食的，完全同我係大陸食果啲唔一樣，我仲好記得自己當時見到兜咁既野，係完全係唔想食，但啲人話試下啦試下啦，咪試囉，點知係咁好食！但呢間既味道係完全變曬。仲有個豆沙窩餅，味道都係好一般。

✨鮮肉鍋貼皮薄 底煎得香脆 有少少肉汁 肉餡鮮味✨上海小籠包皮薄 多汁 肉餡鮮味✨花雕醉雞花雕酒味唔算濃 味道有淡淡酒香帶微甜雞夠入味 肉質軟腍 但唔算滑 整體普通✨五香牛肉拉麵五香牛肉 帶淡淡香料香味同甜味牛肉夠入味 肉質偏結實 帶啲咬口拉麵 有幾款麵選擇 今次轉左三角麵三角麵 較粗身 帶韌性 幾有咬口 食落帶啲麵粉香 都幾飽肚湯偏清淡 冇乜調味食物唔錯 出品穩定環境唔錯 有少量坐位睇到海景 服務唔錯 同上次去有好大差別可能人流冇之前咁多 今次值得讚下價錢合理

閒日4點幾只有得幾枱客。茶位每位$12上海小籠包($48)肉餡大，三款當中最多肉汁，幾好。鮮肉鍋貼($52)好熱，落單後3分鐘左右就有，超快，可能係熱住？有少少肉汁，幾好，惟邊位有少少太硬同乾。上海生煎包($45)肉餡偏細，皮略嫌偏厚，少肉汁，普通。宋嫂魚羹($65)有d碎魚肉，口感唔錯，幾好飲。(個人口味E: 3.6/5)三款都無爆汁效果，無驚艷既感覺，正常水準，有coupon可以食下。註：已用2張海港城$50美食優惠券。個人口味S:小籠包>鍋貼>生煎包個人口味E:小籠包>鍋貼=生煎包

和朋友想吃顿好一些的下午茶，本来想吃烤鸭，可是烤鸭提前关门了，就来到了这里，我点的这些菜个人觉得都是值得推荐的，甚至可以说基本不踩雷，然而好吃的坏处就是贵，三个人大概吃了七百多，个人比较喜欢的是葱油面宫保鸡丁上海炒年糕，至于重庆水煮牛肉，是我们三个人都非常喜欢，吃得很过瘾就是了。

平日4點幾去食下午茶，兩個人叫左4個小食同一杯野飲。一人到去就有卡位坐，唔洗排隊。叫左花膠雞灌湯餃，烚菜，咕嚕蝦球同小籠包。個花膠雞灌湯餃啲湯幾好飲，不過個花膠細過塊指甲😅舊雞啲肉勁鞋，舊餃又唔好食。烚菜啲菜老過我呀嫲，硬到完全咬唔到。淨係食咗啲蛋白同皮蛋就算。個咕嚕蝦球都唔知咩嚟，似係百圾蝦頭加茄汁多啲，價錢同海洋公園有得比，但係味道完全唔及海洋公園。小籠包同普通茶樓都相差無幾，但係價錢就貴幾倍。

嘩! 加埋一，$70唔洗就可以嘆住海景食Tea，就算唔食嘢，只係飲嘢都抵啦，何況而家係有嘢飲，仲有埋碗麵食，雖然唔算超級好味，但味道都算OK啦!五香牛肉拉麵，望落個湯幾清，但食落都有d鹹，牛肉幾腍、幾嫰，但牛味欠奉。而椒麻酸菜魚拉麵則唔錯喎，有好多酸菜，不過係唔酸嘅😂；湯好夠味，微酸，椒麻味好濃郁，但唔辣，食左大概一半，嘴唇有少少麻嘅感覺，但都係依然完全無辣嘅感覺(我本身都係唔食得辣嘅人)；最正係d魚肉，爽、脆、彈，不過真係要襯熱食，食到尾嘅魚肉，凍左都依然係會有少少腥。嘆住海景食麵，飲杯檸茶，下午茶時間都唔多人，慢慢嘆，感覺真係幾舒服。🍜☕

海港城這間翡翠拉麵小籠包，經常大排長龍，一向認為，主要原因在於可用商場優惠券，而且在商場裡一眾餐廳而言相對便宜。今次首嚐，想不到，原來質素也slightly above average，性價比頗高。花雕醉雞 (8/10)花雕酒汁帶有濃烈酒香，略帶甜。雞肉算是嫩滑而入味擔擔麵 (8/10)花生醬相當濃厚，帶點辣，麵質有點彈性，整體不錯，但就是缺少了一點豬肉碎，令其比不上詠藜園（黃大仙店）之流。小籠包（7.75/10)中規中矩，皮算偏薄，但略嫌湯汁不夠多不夠濃。⭕️ fastfoxfoodie總評：Slightly above average的上海菜，性價比高。只會隨緣翻食。

其實一向對翡翠拉麵印象唔差，以集團式流水作業式經營來說，佢嘅食物都算有啲溫度。今日就挑戰下其他分店嘅水準嚟到港威中心，預咗人多，提早6:00去等位，等左大約20分鐘都唔算好耐。Reception 姐姐講嘢好勞氣，餐廳真係要培訓吓啲職員態度。餐廳面積都唔少，但係座位排得密密麻麻，相隔距離會唔會太近，大家除低口罩就如同枱食飯冇分別。一坐低就放低兩杯熱辣辣嘅茶。店員們做到木口木面咁，陰公。點食物是自助形式，基本上點源菜式5分鐘內就差唔多上齊，速度快得驚人，難怪回枱速度快成咁！雞絲粉皮冇味嘅雞絲加上麻醬太多，食落好溜。小籠包絕對是預早蒸定，小籠包摺位已經微硬，裏面嘅肉餡冇問題，可惜溫度都唔夠熱，完全唔合格，超級失望。全晚最正係「蘿蔔絲酥餅」十級熨口，香酥鬆脆，加上甜絲絲嘅蘿蔔絲，好味，終於有啲似樣嘅嘢食到。擔擔麵麵底已經結成一餅餅，加上麵醬又唔濃味又超咸，頂唔順！暫時依間係我食過最伏嘅「翡翠拉麵」

臨近聖誕節出去睇下燈飾係好多人嘅指定動作 睇完就去咗哩間餐廳食晚飯 今日就試試佢個 「真。豐盛蟹粉」四人套餐  同埋叫咗四川擔擔麵 椒鹽炸豆腐同埋火腿烤雙方 哩個火腿烤雙方 不得了 口感豐富 火腿加蜜汁簡直絕配 好似優化版片皮鴨 擔擔麵都香濃 不過個人覺得辣咗小小 都好味道 套餐個度自選三式拼盤 可以o係餐牌小食入面選擇 揀咗熏魚 海蜇 四喜烤麩 熏魚麻麻地 唔乾身感覺放咗好耐 其他都好食 蟹粉小籠包 個皮厚度岩岩好 薄得來又唔易整爛 都好鮮味 原盅花膠雲吞雞 值得一讚 料足味夠 松子魚 醉雞 蟹粉豆腐煲 蟹粉豆苗正常操作 豆苗個度有個小插曲 食食下有侍應突然話冇豆苗 想我o地轉獅子頭 之後最後用咗菠菜代替 不過令我o地覺得哩個安排唔係咁舒服 因為落單個時唔講冇 食食中途先話冇 唔係咁專業 想迫人硬食？服務方面真係唔係咁好 唔叫或者唔夠位上菜先肯收一收枱上面食完嘅碗碟 仲要想收人未食完嘅野 人手好似唔多夠 同埋管理都係唔好 客人一多 啲員工就亂 衰啲講同茶記炒午市一樣 又亂又嘈 （無貶低茶餐廳意思）又要限用餐時間來餐又慢 叫佢拎野真係要三催四請 好似最後個豆沙鍋餅咁 真係🤦🏻‍♂️催咗幾

是大閘蟹季節了。很多地方也出現蟹粉宴。因為上年試過在IFC 分店食過蟹粉蔥油拌麵，味道好香又夠蟹粉味，也有一小撮蟹腳肉，之後都對它的念念不忘。今年因為有海港城dining coupon,所以去尖沙咀食。麵是用幼的麵，同其他湯麵是不同的。一定要盡快食，不然啲麵就黏實了。上個月去過一次，味道依然很好吃。今次則麵份量幾多，但今次食比之前食的太重蔥油味，已蓋過蟹粉味了，有點失望。而配的湯也偏咸。可能是不同的廚師處理。

星期日晚估唔到會咁爆場好彩識打定去book啫5點幾打去都仲勉強有位7點幾已經多人到癲嚟到一定要食小籠包啦店名都有埋小籠包估佢唔到幾好食wo無漏汁不過唔太夠熱啲肉嫩過鼎xx如果調味再重少少就perfect鍋貼肉都滑但個皮太厚個底都煎得幾脆可惜上菜時間有啲遲基本上係最後一道菜上奶油律白唔夠味落得唔夠鹽份量亦好少收呢個價錢完全唔值仲貴過小籠包同鍋貼幾十蚊……醉雞都一般啲肉比較孩口個酒味亦幾嗆無香醇嘅感覺

佢的廚房野完全唔掂，出嚟重唔熱，要搵佢再炒熱。擔擔麵太咸。杯檸檬意米水只係暖暖哋，又要叫佢番熱。真係平二百都冇輪用。如果正價，都咪使旨意我嚟幫襯。真係想唔明佢點解可以生存。