翠華餐廳 (已結業)

澳洲牛奶公司太多人了, 吃得又急, 改去翠華. 較清潔, 坐得較舒服, 亦可坐得耐一點. 重要的是整體較澳洲牛奶公司好. 除炒蛋外, 奶油豬與多士相若, 奶茶 及 coffee 較佳, 通粉更好得多. 下次都去這裏了.

好多時食晏唔食飯 食粉麵+3文治幫到你好似魚蛋粉雖然貴D,好大碗呢XD 大碗到近乎1.5 碗雲吞/水餃真size 食完就好夠魚蛋/魚片真係vg 唔只唔腥仲好有味 D魚蛋爽口又唔會一舊粉 魚片都好好~! 另外腿蛋治 火腿唔太鹹 蛋size 好多好有口感 ~! 麵包都好味最好佢唔硬~! 加埋杯咖啡一流!!

一個晚餐，夠一個男的充足飽肚了白湯不太特別。重點在于豬仔包，size不大，一個人分量，上有香的牛油，也可點白湯食。豬扒扒菇天使面，豬扒兩大塊，一看，一試，新鮮煎的，肉是嫩的，很好。扒菇很大的一塊，很有齋的感覺，好有口感。天使面，汁不是平均分在面上，另面有點地方不夠濕潤，中規中舉吧一杯凍啡，少甜少冰，味道很濃的咖啡味，不想一些其他大型連鎖的店，一少甜，就沒味的‘凍咖啡’，這一杯很圓滿。

1. 冰鎮日本黃秋葵$20 ~ 之前在街市見過此品種,但所見到的較幼身,而這碟秋葵很大條,賣相很清爽,不過食時最好一口過,因為很多潺,會好易跌落枱上及咬開有很多像蠶絲般.2. 沙嗲牛根腩麵$23 ~ 牛腩及牛根炆得夠腍又入味,麵質亦彈牙,不過沙嗲味不太濃.

早一日食左個咁難食嘅早餐後, 真係冇癮, 是次師傅決定去呢間一向以來口碑唔錯嘅食店, 莫非都係想搵啖苦食啫! 其實師傅有好一斷時間冇黎呢度食早餐, 所以都已經唔記得有咩好食!入到去伙計有禮咁招呼坐底, 坐底後師傅就睇下有咩好食同有咩想食, 但只見早餐選擇甚少, 幸好都仲揀到, 於是就柯打左個晨光早餐B! B餐係沙爹牛肉公仔麵, 配嫩滑炒蛋同牛油豬仔, 不過師傅就改左個嫩滑炒蛋為太陽蛋, 而餐飲為凍檸茶少甜!等左一陣少甜嘅凍檸茶率先登埸, 師傅一望之下發覺淨係記得少甜而唔記得少冰添, 所以杯凍檸茶都幾多冰, 但今次一d都唔算淡, 加上檸檬好香檸檬味而且夠新鮮, 可惜茶底略淡, 茶味唔多夠, 未知是否通宵關係而影響左水準呢? 再黎就係沙爹牛肉公仔麵, 公仔麵一食落口就食得出係出前一丁, 完全係麵質已經分辨到 加上煮得不錯, 唔會過腍, 而沙爹牛肉都幾香, 牛肉鬆身, 但稍為少d, 不過亦算不錯; 牛油豬仔脆香鬆軟, 牛油份量不會過多, 都真係幾好味; 而太陽蛋半生熟煎到啱啱好, 亦唔會太油, 得喎!總括黎講早餐質素依然不差, 加上環境清潔乾淨, 坐得舒服, 食得又冇壓力, 而服務態度頗好,

今天下午與妹妹行街街, 四點鐘還未想回家, 找個地方坐坐, 卒之決定來這裡.這店甚好生意, 只有一小圓枱和卡位, 當然選擇後者, 因為要放今天shopping 的收穫.太多選擇之下, 要了最抵食的下午茶套餐, 妹妹要了豬軟骨+鮮蝦菠菜餃米線, 飲品要熱檸水,三十八大元.本人要了豬手撈麵+熱咖啡, 三十大元.五分鐘左右, 撈麵先到, 陣容不錯, 豬手有三大件, 菜心兩條, 濃魚湯一碗.跟著是米線, 豬軟骨有兩大件, 菠菜餃有三隻, 米線的份量也不少, 妹妹給了我一隻水餃, 還吃剩半碗米線. 因太多了.鮮蝦菠菜餃的件頭不小, 蝦很新鮮, 味道不錯, 味精不多, 八分.豬手也不錯, 腍而有咬口, 口感甚佳, 味道也足, 汁液加了辣椒油後, 很香, 麵亦爽滑, 很少梘水味, 份量亦足. 八分.魚湯稍差, 魚味不足, 白色的效果是腐竹或豆漿做成的, 五分.咖啡是很濃香, 是一貫的味道, 不錯, 八分.待應阿姐是算有禮貌, 但是收碟子和碗很快手, 不給客人久留的籍口.一放下筷子, 碟便給收去. 連飲湯的匙更也沒有了, 我噢的一聲, 阿姐才發覺, 給我補回.整體來說, 還是抵食的.

黑椒XX扒午餐@$38黑椒雞扒+ 豬扒天使麵: D扒好大件, 好"林", 加上黑椒汁, 好野味, 最適合食肉獸, 配菜有紅蘿蔔+翠肉瓜, 份量幾多又十分新鮮, GOOD, 但天使麵份量較少.餐湯: 選了羅宋湯, 很濃好味道 GOOD.熱檸檬茶: 茶不是太深太濃, 檸檬新鮮, 好大杯, GOOD.服務: ORDER後, 3分鐘即上菜, QUICK.環境: 人流比較多, 坐得迫, 而且很多人等位, 食得比較急速.PS: 冇加一

早幾晚深宵時份, 師傅又突然肚餓, 於是又出左去搵宵夜食, 其實咁樣攪法好唔掂架喎, 下次都係早少少瞓, 就可以食少d嘛! 既然出左去, 就睇下有咩想食啦! 深宵時份選擇真係少左好多, 師傅本想去飲多次夜茶, 但其實又冇嗰種心情, 冇心情係唔想飲中茶; 於是就去搵西茶飲, 隔黎就有間廿四小時嘅食店, 就入去坐坐啦!坐底後師傅又覺得唔係好肚餓, 真係頂癮; 但係都唔理咁多, 照落單先, 費事到時返到屋企又係囉囉攣; 於是師傅就柯打左碗沙爹牛筋腩米線, 再加多杯凍檸茶; 師傅好似次次都係食呢個咁, 冇辦法, 一諗起佢個沙爹湯底, 師傅已經流晒口水啦, 點忍到呢?等左一陣, 凍檸茶先到, 凍檸茶嘅茶味偏淡, 鬼咩, d冰多到好似唔使本咁, 唔淡就奇啦, 不過檸檬好新鮮, 有好香嘅檸檬味, 可以啦; 而沙爹牛筋腩米線買相依舊, 師傅唔理三七二十一, 即刻試下個湯底, 湯底嘅沙爹好香好濃, 好鬼惹味, 冇黎咁耐依然冇走樣; 牛腩就幾大舊下, 但真係炆得好腍, 一咬下去牛腩已經爛, 唔使搏晒命咁用力扯; 而牛筋又入味又腍, 絕唔會實的的, 加上黏黏地嘅口感, 師傅超鍾意; 米線又煮得啱啱好, 入口

翠華又一次俾到驚喜我了, 食物的質素真係所有茶餐廳之中最好的今次我幫襯o左個黑椒什扒餐, 雞扒, 牛扒, 腸仔都好食, 但最好食莫過於個焗薯了, 中間十字切開, 仲加o左好好味的千島醬, 比起一堆薯條的食法, 猶勝得多配菜有紅蘿蔔同西蘭花, 都好新鮮餐湯的羅宋湯, 味道係同類餐廳之中的表表者食鐵板餐, 翠華係我不二之選

今餐叫左秘製豬軟骨拼鮮蝦菠菜餃米線佢哋d豬軟骨好爽脆，d肉就好稔，菠菜餃d蝦就一般啦，如果可以爽口d又有鮮味就更加好啦！米線煮得仍然重有d彈口，唔錯喎,希望水準可以高返d啦！佢哋杯熱奶茶都唔錯，不過，我會要求加多d奶，咁樣就會更加滑口，哈哈e餐38蚊

呢晚怱怱忙去佐敦返學, 見原來有間翠華餐廳, 就入去食, 因為我係銅鑼灣及香港仔那一間食過, 非常ok, 諗住呢個一定都ok啦!點知, 侍應服務ok啦, 但d野食唔掂囉! 我本來想叫我至愛既咖哩羊扒, 呢間無, 為有叫咖哩雞飯, 果個咖哩汁真係把鬼, 又稀又無味, 求其加d辣油就當係咖哩既辣, d雞肉係脾位, 但我估唔到可以煮到d雞脾肉貢鞋既!我唔會再去下次囉!重要加晒價, 唔值!

一切都源自一個錯誤既決定....千篇一律既翠華式裝修...無乜特別...地方都幾乾淨, 衛生ok啦一入到去個waiter都幾好service, 雖然不停咁問你食乜就真係有D煩....不都都算ok啦平時食開文昌雞飯, 所以今次決定試下新野, 就叫左個晚餐"法式羊仔脾天使麵"女朋友就照舊叫文昌雞飯個文昌雞飯水準照舊, 都幾入味, 不過就凍左少少, 整體黎講都ok既但係個"法式羊仔脾天使麵"就真係大獲喇...D羊脾點睇都唔似羊脾...可能法式特別D掛=.=味道方面叫做入到口啦....如果收$20既話我會接受到...不過佢依家收$58就真係完全唔值..至於天使麵呢...唔想死就唔好試喇...D汁少到見都見唔到...結果要叫個waiter比多碗汁先得...D麵一入口....感覺就好似食緊粉咁...成個口漿住晒...唔生唔熟...完全唔明佢點煮出黎...結果食左兩啖就頂唔順無食喇...我諗大家自己去supermarket買包天使麵返屋企, 就咁用水煮佢3mins跟住乜都唔落唔整都會好食過翠華既天使麵囉....整體黎講我完全唔建議大家搵命博試食野...都係食返佢出名既例牌茶穩陣D...抵唔抵食就見人

3 姊妹第一次黎食... 本來諗住食咖喱牛腩飯... 之後覺得唔抵食就叫左 牛筋腩雲吞河...啲牛腩好淋... 肥膏又唔會太多...本身鐘意食淋啲嘅牛筋... 所以覺得好好味~~啲河粉半透明咁好特別... 淋得啱啱好~~雲吞都 ok 的~下之會再黎~^^

今次傾保單去左翠華傾, 又係同平時一樣, 食埋野!凍檸茶, 魚蛋米, 奶油朱, 午餐都幾夠了, 三樣都係平時成日食的, 不過, 水準就唔係好似一般茶餐廳了, 而係... 好食!魚蛋米好食之處係湯底好正, 沙魚骨的湯底, 有濃濃胡椒粉, 蔥的味道, 米粉又好食, 魚蛋質感一流, 咬落彈口, 好食, 魚片一樣掂! 奶油朱包皮好脆, 但麵包肉就軟熟, 一句: 好食! 檸茶ok貨!翠華會比普通茶餐廳貴, 但水準就好得多!

我都係因為向附近上堂.....事原.......我上個月某日向銅鑼灣分店食左個下午茶...秘制豬軟骨撈粗....+埋餐茶都只係30+.....超抵!!! 都不得止....最緊要.....佢係超超超好味羅!!!!! 豬軟骨超*林*超入味....粗面韌度剛剛好!!!! 真係令我回味無窮........但最近,好小過開銅鑼灣... 但又好掛住...........甘arm....上堂附近(JORDAN)有翠華....當然禁不住入去試試啦.......then, i went there 2 weeks ago, however, they do not have the afternoon tea set for the 豬軟骨撈粗. Without the TEA SET DRINK, it costs $36 by itself already. Since I craved for it for so long, I dun care. I had it. However, it is really not as good as the CWB one. Then, last