翠園 (MOKO新世紀廣場) (已結業)

3個人 6點半左右就到該餐廳用餐點左4個餸1個例湯首先服務嚟講，侍應招呼周到，舉手要佢地幫手影相，都滿面笑容幫我地，明明佢地仲忙碌緊。食物質素嚟講，大致上都唔錯，＂貴妃蝦球＂有六隻蝦球，芒果溝ＷＡＳＡＢＩ既醬汁都幾好味又特別。另一道菜，＂啫啫班腩煲＂就夠鑊氣。仲有一道菜就係　「燒腩仔」，皮脆肉嫩。仲有一道菜就係「一品素菜盆」，似足羅漢上素，幾清淡。例湯就木瓜蘋果煲豬肉，冇味精，好好飲。惟一就可能係晚市較忙，所以上菜可能會慢些，但絕對理解到。