翠亨邨 (美麗華廣場1期)

營業中

休息中

比朋友捉咗出嚟食飯，近排西餐日本菜就食得多啦，轉一轉口味，朋友介紹嘅呢一間翠亨村食中式功夫菜，美麗華呢間分店係頂樓，環境光亮乾淨且舒適。服務都好唔錯，侍應都好細心介紹佢地而家做緊咩promote輕輕推一推，$350 桂花蟹肉炒銀絲，而家仲有個seafood love sake嘅新menu配埋唎酒師推介嘅sake😯送嘅係係配上菊池 燦然 純米大吟釀 雄町 50 生原酒2蟹肉份量適中，配上咋瑤柱絲同埋爽口嘅芽菜，蛋香同蟹肉味襯托得幾好。跟手就嗌埋一個頭抽雪魚球，都係跟咗兩杯sake。鱈魚肉肥口滑嫩，帶有頭抽少少甜鹹甜鹹嘅味道，一共6塊魚肉左右，精緻美味，中意食魚嘅人一定中意呢味，幾惹味，好送飯！加埋2細杯sake！

酒肉朋友，就梗係要搵啲食飯有酒飲嘅餐廳㗎啦，平時去開中餐廳，都係飲開紅白酒，今日嚟嘅呢一間翠亨村，竟然比我無意間發現咗有日本清酒，中菜配清酒呢個咁特別嘅配搭，just try it！一份嘅焗釀蟹蓋就$180 ，配咗一杯真澄 漆黑 kuro純米吟釀，個名就好似好勁咁，應該都值得一試嘅，先講焗釀蟹蓋，佢唔係平時食嗰種白汁或者奶油焗出嚟，而係少少葡汁加芝士，面頭趣卜卜，入面充滿蟹肉絲同洋蔥，甜上加甜，又帶有口感。try得過🤔清酒嘅濃度大概15%至16%，細細一杯，口感順滑又甜甜地，分分鐘好飲過紅白酒！

中秋節約屋企人食大餐，叫外賣自取，致電查詢，回覆可以在網上預訂，點知system error， click 唔到入購物車，唯有去店俾錢預訂，早上十一點幾去到，冇客人在外排隊等，位女的黒衣經理企在門口counter 位在看文件，我問有關預訂的事，她眼尾望了我一眼，沒有回應，然後繼續做她的事。我再次問她可否幫我落單，她才回應叫我等。最後都成功落單。到了自取當日，已經講好在5:30取，到了又係一味叫我等，又冇解䆁，最後5:50終於成功自取。

。意外驚喜星期六要食好嘢，同朋友係尖沙咀血拼完，朋友突然話想食粵菜，翠亨邨是本地老品牌,今次非佢莫屬。焗釀蟹蓋 配 真澄 漆黑Kuro 純米吟釀 $180漆黑 Kuro 純米吟釀兼具透明感和飽滿感，這款焗釀蟹蓋有別一般用芝士或奶油焗釀的做法，好creamy, 好多好多既蟹肉，可以大啖大啖甘食，豐富材料釀著以蟹肉和洋蔥，將兩者融和在一起，配以咖哩香味的葡汁，每一口都熱辣辣味道突出，滋味無窮。頭抽鱈魚球 配 惣譽 純米大吟釀 五百萬石 $408 頭抽鱈魚球比預計中好味，外面的魚皮炸得脆脆的，爐魚肉則好嫩好 juicy ，咬了一口，還看到白雪雪的魚柳滲出晶瑩剔透的魚油油份，好吸引！醬油的份量剛好，豆角又翠綠爽口，實在是完美的一道菜，配以味道醇和的五百萬石純米大吟釀，把鱈魚的鮮味進一步放大，把整體味道推向另一平衝。 桂花蟹肉炒銀絲 配 菊花 燦然 純米大吟釀 雄町 50 生原酒 $350 菜色包含了酥炸瑤柱的香口、蟹肉的鮮甜和銀牙的清脆，味道融和，配上本身帶甜的餘韻紮實的雄町生原酒，令本已鮮甜啲蟹肉味道更為突出，餘香縈繞。估唔到今次SEAFOOD LOVES SAKE有意外驚喜，值得一試，價

細細個屋企人間唔時都會去翠亨邨食飯、飲茶，所以印象中呢間粵菜都幾有年資。前排見到有新promotion: 🦀seafood loves sake🍶 大型清酒推廣，search返先知翠亨邨大有來頭係本地超過45年的老字號，擅長傳統手功菜，而且係米芝蓮指南推薦餐廳之一🌟。🦀焗釀蟹蓋配真澄漆黑Kuro 純米吟釀 工序繁複嘅焗釀蟹蓋，將秘製醬汁、鮮蟹肉同埋洋蔥整成餡料填入蟹蓋，再拎去焗到個面金黃香脆🤤啖啖滿足感😚漆⿊KURO純⽶吟釀，酒甜提升左蟹蓋既鮮味❣️ 。🐟頭抽鱈魚球配惣譽純米大吟釀五百萬石煎到外脆內嫩嘅頭抽鱈魚球🐟魚肉甘甜鮮美而鹹甜嘅頭抽唔會搶走魚肉鮮味😚呢個菜配上味道醇和嘅五百萬石純米大吟釀🍶令腍滑嘅鱈魚鮮味更鮮，一啖魚一啖酒！大滿貫🈵。🦀桂花蟹肉炒銀絲配谷詞粲然純米大吟釀雄町50生原酒蟹肉桂花炒銀絲一菜包含酥炸香口瑤柱、鮮甜蟹肉、清脆銀芽三種不同口感，sake方面配帶甜及餘韻紮實的雄町生原酒提升蟹肉嘅鮮甜，食落更加清爽開胃🤣

雖然個套餐都幾貴不過食落之後質素非常滿意。從未試過食過咁大隻北京片皮鴨， 上枱時就咁食鴨片非常之脆， 從未試過片皮鴨有咁嘅口感。海底椰螺頭燉瘦肉湯， 當攞到枱是未開蓋已經聞到一陣陣的螺頭香味， 飲落非常清甜。鎮江排骨拼家鄉煎藕, 鎮江排骨個汁底甜甜酸酸幾好味，不過舊骨在有啲過火了， 藕餅內有肉碎及馬蹄非常爽口。翡翠炒斑球， 班球非常新鮮非常厚肉值得推薦。椒鹽脆骨腩， 食落又冇熱氣的感覺。上湯菇菌浸菜苗， 食起來生菜有冇黃非常爽，上湯入面有非常清香的生菜味。薑蔥炆鴨， 師傅炒工一流， 食鴨件時食到非常濃的薑蔥味。黑松露雞絲炆伊麵， 一上枱時已經聞到黑松露的味道。燕窩杏仁茶， 梗係非常多燕窩啦。

因為想試吓其他酒樓飲茶，搵到呢間，又掛住米芝連個名🤩咁就試吓啦！Book咗假期食早場，11:30am去到，都真係完全唔駛等，好快入座啦！🤩但係⋯之後點完點心，等咗成40分鐘先有嘢食☹️叉燒酥都熱辣辣，酥皮好有層次😋入面叉燒都夠多！好味👍🏻👍🏻之後咸水角，就有少少痴口，不過入面餡料都算多😋OK啦！之後碟腸粉就真係失望🥲蝦又冇味，又嚡，腸粉都有少少厚🙃So Sad☹️籠燒賣亦係極度失望😓以為係食緊公仔點心😩完全冇味，係肉味都冇😒呢個真心差同失望😢之後牛栢葉都係味道偏淡，但份量算多。皮蛋瘦肉粥味道都係淡，完全食得出係冇味精嘅，感覺係鹽都冇落😂嗯⋯呢間都唔會再有下次。有點名過於實🙂-蜜汁叉燒酥 $48-安蝦咸水角 $48-韭黃鮮蝦腸粉 $88-蟹子瑤柱燒賣 $48-薑蔥牛柏葉 $48-生滾皮蛋瘦肉豬粥 $88

政府一公佈可以四人一檯，老闆立馬安排今年公司的開年飯，雖然還是不能大圍一起坐，但總比兩兩一檯好太多了。今年選擇了翠亨村來飲茶，可能太久沒飲過茶，大家都瘋狂點餐。叉燒拼燒腩仔，叉燒多為瘦叉，有嚼頭；燒腩仔肉質軟熟，脆皮脆到有點硬。滷水豬腳仔，取其橫財就手的意頭，骨膠原滿滿。沙爹金錢肚，也是取其意頭，軟滑入味。帶子菜苗餃，沒什麼特別，感覺不太出帶子的存在。薑蔥牛柏葉，調味很好而且爽脆，就是份量超小。皮蛋薑炸蝦筒，新鮮的配搭，皮蛋、酸姜和蝦都包裹在春卷皮裡面，味道豐富，酸薑尤其醒胃。上湯煎粉粿，我以前沒見過，同事說是老式做法，煎粉粿再沾湯，不過入口感覺太油，與平常的粉粿區別很大，似角仔多過似粉粿，同事也說做得不是很好。煎釀虎皮椒（半份），街頭小吃在這裡賣得超貴。潮式煎蠔餅，平常吃的蠔餅多數會配魚露，這裡配甜辣醬，蠔仔不是很多。味菜和牛絲兩面黃煎麵，煎面煎得不錯，但我還沒研究出來究竟是“味菜”“和牛絲”還是“味菜”和“牛絲”，因為那些個牛肉絲沒什麼味道，也許真的是太“絲”了？滑蛋蝦球帶子炒河，我只試了一顆帶子，帶子挺大，但也是沒什麼味道。大良燉鮮奶，奶味很濃，很像雙皮奶，兩個人分享一碗已經足夠

有朋友送左一盒翠亨村既白桃桂花糕俾我賀年。白桃桂花糕包裝唔錯，用左一個幾厚既膠兜裝住，要放係雪櫃冷藏。一開即食，唔洗解凍，好方便。白桃桂花糕分左兩層，上面個層係白桃啫喱，加入左白桃果肉。下面嗰層係桂花糕，入面超多桂花，好靚！白桃同桂花好夾，好欣賞呢個白桃桂花糕完全唔甜，味道清新，食完感覺好refreshed! 一底白桃桂花糕可以八至十二人分。係一個健康嘅新年糕點選擇。因爲朋友送既，所以唔知幾多錢。

涼涼的天氣.....微微既陽光☀️三人行的午餐，朋友點了幾樣點心，蝦🦐餃皮薄，餡爽，味道也不差；綠色的燒賣，一夾就散同甩皮，味道有啲青草味；可以一試但不會再叫，紅油抄手微辣，入口唔辣，要多咬幾口才感覺到辣辣的口感；蠔仔粥的蠔仔🦪每隻也漲卜卜，目測屬肥美可口，水份不多不少不稀，有粥的口感.....小籠包子一定要提，熱辣辣多汁，不用加醋也好好味，值得再叫，一籠三隻有點不足🤣😂🤣😂後加桂花糕，甜度剛好，口感軟熟而不太硬，留有桂花香味😋😋

媽媽生日，首選是食中菜， 最後選擇在這裏開餐。環境舒適光猛，如果可以和其他食客再隔多一張枱的距離會更好。侍應的服務態度都幾好，唯獨接線那位男侍應都幾沒禮貌，他的態度有待改善。另外上菜有點快，湯也未喝完已經上了燒鵝和魚，好似趕收工。<明爐燒鵝>燒鵝皮和肉是分開的，皮都幾脆，燒鵝都有肉味。<杏汁燉白肺湯>湯有點鹹，可能係因為有金華火腿的原因， 豬肺洗得乾淨冇異味。<荔茸鳳尾蝦>蝦彈牙爽甜， 芋頭夠粉軟滑，脆漿炸得酥脆，唔會有油膩感。<拍薑海鹽蒸金花尾>魚都幾鮮，肉也很滑。<鮮腐竹野菌浸時蔬>鮮腐竹軟滑，菠菜有點苦，菇很乾。<瑤柱蛋白炒飯>炒飯炒得不錯，唔會乾身，但仍有濕潤的口感，蛋沒有炒得過老，瑤柱有少許炸過，味道很香。<蛋白杏仁茶>蛋白很滑，杏仁冇苦澀味，甜味剛好。

之前經常嚟翠亨村飲茶食飯，但尖沙咀店係第一次嚟，坐低十幾鐘沒人問開乜嘢茶，滾水就放一壺枱面，剛好有個經理在喺旁邊走過，問一下有乜嘢茶可揀，語氣吾耐煩，可能我吾係美麗華嘅熟客，眼見招呼熟客就熱情到不得了。感覺很差很差。當時已經一點半又吾忙，呢種服務態度我吾會再嚟第二次。食物質素不及其他分店。猪脚姜d猪脚完全吾入味，醋一D都吾濃，水一樣，真係想退貨，不過諗諗都吾會有下次，當豪俾佢幫下D低層員工。收乜嘢價錢就俾乜嘢貨，真係當客人係猪。講緊個價錢同嘉麟樓差吾到幾多，服務同食品就差天共地，比其他分店都起碼打個八折。非常失望。

差咗好多。食物無味又唔夠熱。粟米石斑塊，D魚又唔脆，又無味，成嚿斑塊淋bat bat，一D都唔似係剛剛炸起！真係食大排檔好過食佢！好似煮定放哂係度咁，你叫就攞岀嚟。超差，以後唔會再幫襯！

呢間野其實好好味LOL 食得多會厭但佢質素比其他集團茶樓好所以同屋企黎一次先到的湯同翅係絕對唔會同任何集團酒樓酒席上的生粉羹扯上到關係, 呢到好十倍因為我跌爆左電話鏡頭, 我要用前鏡影 LOL 每張都變成SELFIE 咁, 所以又有點矇呢個叉燒超級好味!係肉同膏比例完美, 入口軟琳琳我拒絕再進食任何HEA我的蜜汁叉燒畢竟人老了, 易胖又新陳代謝慢, QUOTA有限後仲哂位置食難食的野的話, 我情願唔食乳鴿冇咩特別直頭冇影因為其他茶樓新鮮燒的話的乳鴿仲好味這個就係令我很難忘的要預訂的牛肋排喔入口即溶嫁真係完全唔知點煮到咁軟化人地攞MICHELIN嫁好值得試呢個, 好軟琳琳AGAIN好味有個飯我忘了影, 因為冇咩特別, 作用係最後填飽客人而甜品呢, 本來係燕窩杏仁糊, 但我問人可唔可以轉薑茶湯圓LOL想來, 兩碗價格一定唔同, 我咁樣轉好似傻豬左但我想食的野就會無論點都變成無價寶LOL-有次去飲茶, 特登成碟叉燒咁叫黎食真係依然好好味, 好少食到咁軟咁化的叉燒絕對係完美脂肪比例呢個牛肚又係異常的軟, 入口即溶, 炆到好入味, 但其實牛肚我中意食爽口D個種蝦餃反而冇咩驚喜呢個煎堆仔超級極度好

通常遇啱平日有時間先去飲茶，今日第一次假日嚟飲。一早去完激安，未夠十二點諗住唔多人，原來都坐滿8-9成。今次試下平時無叫過嘅嘢。炸兩- 佢係假日推介，粉皮一如以往出色，但入面條油炸鬼偏硬。咁又唔係難食嘅～但下次食返叉腸蝦腸好食啲。素餃- 清清地，皮薄餡靚，呢啲素餃最怕啲大廚怕客人覺得寡所以加重調味或味精，呢個無，原汁原味，不錯！叉燒酥- 叉燒餡好食，肉都汁比例適中，個皮算香脆，仲有淡淡芝麻香，好食！脆味燒腩仔- 肉夠香又juicy，唔太肥，好好食，唯獨唔會塊塊都勁脆皮，不過都可返兜。今次唔係碟碟都好好食，比上次扣咗少少少少分啦！好啦～下次如果再食，叫咗其他點心又介紹下