翟道翟 Tuk Tuk (已結業)

🥗 解蝦金柚沙律 $88本身諗住食啲Fresh啲既野食，點知個沙律完全吾Fresh，因為個沙律汁好咸，落得太多汁同蔥花，搞到成個沙律既調味好重口味，蝦肉既肉質食落吾太新解，吾爽脆反面有啲韌，其他配料就幾好食，金柚吾會好酸，食落酸酸甜甜咁幾開胃，腰果同面頭啲炸蒜都好香口，同埋好大份🦐 炸手挍蝦餅 (4件) $58炸皮香脆，蝦肉爽彈，不過白胡椒味太濃 ，所以食落冇咩蝦味同埋蝦餅size比想像中細舊🍍 原個雞肉菠蘿炒飯 $98又係超大份同勁多料，啲雞肉仲要吾係雞粒好大舊，不過有雞皮(PS:我吾中意食雞皮) 啲配料配搭得好泰式，有提子乾、臘腸 肉鬆、飯炒得乾身，吾錯!🔥 炭烤牛肉沙爹 炭烤雞肉沙爹 $18/each正常發揮，燒得有小小偏乾，冇咩炭燒味，但個沙爹汁值得一讚，好惹味椰香味好出🍺 泰象啤酒 $28

今日又同lunch腳好朋友食個lunch🤣🤣我公司附近真係冇乜嘢好食，所以同朋友食就一定行去觀塘嗰邊食🤩因為我哋都鍾意試新嘢🤣務求試晒觀塘區嘅嘢食，好食就會再返兜😂😂今次搵咗間泰國嘢試🤩入到餐廳又幾企理同光猛喎，我哋下午茶時段，唔算好多人👍🏻仲有得坐卡位！我叫咗個海南雞拼豬頸肉飯🤩🤩賣相好有誠意😍係去骨海南雞😍🤤好正👍🏻個飯係油飯😍🤤真係好味，豬頸肉亦燒得唔錯，有肉質，唔乾身👍🏻仲有個醬汁都唔錯，幾match埋個飯🤣食吓食吓真係唔覺就成碟食晒😂朋友就叫咗個船河，可以揀鴛鴦湯底，即係冬蔭功加船河湯底，餸就揀咗雞絲🤩麵底就揀咗金邊粉😍其實都幾大碗，個湯底都幾唔錯，原來兩溝都幾好飲🤣🤣酸酸哋又唔辣但又有船河嗰個味😆very good👍🏻👍🏻碗粉仲有通菜墊底，好有誠意👍🏻👍🏻👍🏻下午茶時段的確高質👍🏻仲有例湯送🎉唔錯👍🏻-海南雞雙拼豬頸肉飯 $66 凍檸茶 加$3-鴛鴦湯雞絲金邊粉 $59 熱檸水

佢午餐有湯有野飲都係大約60蚊左右，選擇又多，外賣嘅話30幾蚊就有交易！而且佢哋嘅泰式奶茶係好有茶味！午餐份量又多，坐得又舒服😌間唔中一兩個星期又會嚟食番真係觀塘好選擇之一

之前同朋友黎過已經覺得唔錯，今次特登帶老公過黎，我哋都好掛住泰國。菜式多款，又好味道，份量十足，職員服務態度很好，隨傳隨到，更會主動過黎添水執枱，座位亦好寬敞。

是日又在觀塘搵食大家都有興趣食泰菜SEARCH到呢間黎一試呀點左~生蝦刺身四隻既都好可以叫多D野試下蝦肉還可以啦未做到好爽但都可以接受個汁唔算好辣~串燒雞肉,雞腎,茄子雞腎好似燒耐左DD咁有少少UN茄子比較特別淋淋地可以一試唔係我地食開既紫色茄子雞肉就正常既唔會好鞋呀一讚個沙嗲汁都幾香沙嗲味幾惹味~馬拉盞炒椰菜苗呢個好香呀一黎到雖然望落唔算好翠綠食落都OK既~大蝦冬陰功有兩隻大蝦仲有草菇同秀珍菇味道幾開胃既酸得黎唔會OVER左少少辣

本來係想係同一層食譚仔米線，點知。。。實在太多人啦行下同一層仲有咩餐廳，見呢間泰國野唔駛等位就同同事膽粗粗坐低，一坐低餐牌都未有，就已經有個姐姐遞左兩碗例湯過黎。餐廳入面有播background music，唔太大聲，係啲泰文歌～嗌左個煙鴨肉炒河粉，同埋一個泰式海南雞配滷水豬大腸飯，前者味道好好，但個鴨肉望落唔似鴨肉，望落好似叉燒，但食落真係鴨。另一個就油飯份量足夠，豬大腸煙un有咬口，滷水都好入味不過個炒河就貴左啲啦

#wetdodo_觀塘呢間泰國嘢裝修幾寬敞～如果想約朋友坐得舒舒服服食泰國嘢都ok服務態度都唔錯👀仲會幫手換碟！好似lunch有set就會抵啲晚市要單點🥸少貴～同埋原來係觀塘都有兩間分店！今次我食既係中海日升分店🥴⚠️Openrice book定枱享全單9折⚠️—————————————————————🦐冬蔭公蝦湯 $58😋：8/10成餐最值得一叫既係呢個冬蔭公湯～份量都幾多 雖然佢只係寫二人份但應該用碗仔分到6碗滿既😉香料味都幾足料😛好多菇仲有蝦！不過隻蝦煲過湯 肉質已經唔彈牙🧐飲到好想整個麵黎索下湯🥴🌴椰汁青咖哩 $88😋：5/10呢個變左青咖哩湯🥲落太多水了椰漿味係香既 但整體味道都太淡雞既份量唔太多 起馬有一半係其中蔬果黎應該係木瓜、矮瓜同豆角呢個唔抵食🤧可以唔試！🫔泰小食拼盤 $128😋：7/10呢個算係一次過滿足多個慾望～每種都有各兩件：炸蝦餅、炸雲吞、炸蝦春卷、炸素菜春卷同香矛雞翼～有蝦既果三款都幾唔錯 好香脆雞翼同素菜春卷都普普通通冇特別中間仲有酸辣無骨鳳爪🤪都辣辣地 應該有三小既程度🥴🫓薄餅(8小件) $32😋：7/10呢啲薄餅應該都係入貨～味道唔會差🤪煎得唔算話太油都o

酸湯冬陰功鴛鴦湯粉一個湯底我都係第一次聽，所以忍唔住叫咗！佢個湯有冬陰功嘅酸辣，然後多咗重鹹鹹地嘅味，呢度有啲複雜，唔算難飲但有冇話好好飲。😆😆😆佢哋金邊粉比平時食到嘅粗同實，都幾特別，但相對地就會冇咁掛湯。佢嘅鹹肉炸得幾香脆，唔會太鹹，係肥咗小小，但極體幾好食。🤪凍檸檬茶檸檬片都有四片，份量夠多。紅茶佢係用泰國嘅茶葉，有嗰種特別嘅清甜、清香味道，所以會比平時茶餐廳嘅檸檬茶更加清新，我個人就幾鍾意。 🍋

Lunch經過觀塘有好大塊「翟道翟」既招牌，就入左去試呢間泰國菜！海南雞拼無骨豬手飯雞肉好嫩滑，豬手好入味！骨膠原呀😋再加埋杯泰式奶茶。好有泰國風味！如果想食泰國菜，呢間係一個唔錯既選擇😋

今日同屋企人食 整體上食物質素不過不失 菠蘿炒飯同海南雞比較好食但叫個青咖哩豬肉 啲豬肉完全唔熟 咬唔開 同左職員講 佢一句唔好意思就算 然後個經理無啦啦一句聲都無出 行過黎收走個碟未熟嘅豬肉 亦無同客人了解情況 我就再同佢講一次未熟 佢話我知呀 同左廚房講要留意下 咁我叫個啲青咖哩豬肉有一半無食到 佢無打算跟進個經理淨係想收走了事 呢個真係要改善 豬肉要煮熟啲係好基本 希望佢下次唔會 邊個食到都唔好啦如果下次大家去食豬肉 記得叫佢煮熟啲

想試呢間餐廳好耐，終於都試到😆今日三個人食，可以叫多少少嘢😆曼谷煎蠔餅 ($88)好大塊，唔算好多蠔仔，有少少油，如果可以香脆少少更好～鮮蝦炒金邊粉 ($88)啲金邊粉味道好夠，又好乾爽，唔會痴埋一舊舊～而且份量都好多，不過蝦就冇咩味，淡咗少少～串燒方面，炭烤松板豬頸肉 ($108)好有驚喜，雖然係偏貴，但烤得啱啱好，有肉汁，又好香，本身豬嘅質素應該都唔錯👍我個人都幾鍾意呢個原味青木瓜沙律 ($70)，佢都幾辣吓，青木瓜好爽，撈個汁酸辣味幾啱我口味，不過蝦都係同一個問題，比較淡，但呢隻個口感比炒金邊粉嘅爽口😚每人都叫咗杯珍多冰 ($28)，係正常質素，唔太甜，都幾大杯😄Menu冇嘅芒果糯米飯 ($38)，係店員同我哋推介嘅～份量唔算多，食完嘢飽飽地一齊share就啱～我覺得糯米飯本身偏甜咗少少，因為有椰汁，其實唔洗咁甜都ok🤣食物大部份嚟講都好食，價錢我覺得都算幾相宜，openrice book位仲有9折，而且坐得好舒服，亦冇趕我哋走，坐足三粒鐘🤣位置方面都係觀塘地鐵站行五分鐘，都算方便😇

和友人一行5人到翟道翟晚餐廳，就是因為太耐沒能去泰國，所以才想吃泰國菜！這裡坐得很舒服，叫了幾度菜，分別是馬拉盞、泰式小食拼盤、柚子蝦、金邊粉、豬頸肉、黃咖哩虎蝦，以及每人一客芒果糯米飯。個人特別喜歡黃咖啡虎蝦，虎蝦彈牙多肉，黃咖哩味偏甜而椰香味重，用薄撐皮沾黃咖哩都非常惹味。豬頸肉配秘製汁都很好吃。小食拼盤的各項小食也頗香口，可以一次過嚐到各種特色泰式小食，個人最喜歡蝦餅和春卷。最後每個人點了一份芒果糯米飯，芒果很甜配搭椰汁和糯米飯是最好的甜品！

本身聽過呢間，但係冇食過，所以今次決定去試下。朋友本身食過，所以熟門熟路咁叫咗青咖哩豬扒同埋馬拉盞炒通菜。我見有咖哩就順手叫埋個薄餅🤣個豬扒幾好吃，非常‘淋’，而且配料都唔少。之後再用薄餅浸咖哩，不過咖哩味唔係係好出，淡淡地，所以浸完就只係令個薄餅軟左，都冇乜咖喱味😂馬拉盞炒通菜就正常，少辣，不過幾爽，小編自己幾鐘意。食泰菜當然唔少得pad thai。不過呢個pad thai冇青檸同辣椒俾你‘支’同撈，所以感覺上係差少少。個味其實正正常常，蝦仲有3隻，ok既。要讚呢間既串燒，有驚喜。不論豬牛雞，肉質好嫩，好‘林’，個汁都好夾，食完忍唔住再叫多左串黎食。呢個必試。因為泰茶叫咗小甜，所以唔甜，就係正常泰茶味🤭

星期六黎左附近，12半就入去食左個lunch。職員做野好快手，帶位，收碟，上菜都好快。而且都好有禮貌，一個人都比坐卡位。我落完單口罩都未除，就已經上左碗肉碎紫菜湯同埋餐飲，我要左熱泰式奶茶。我平時飲奶茶吾落糖，所以杯泰式奶茶對我黎講甜左少少不過都好飲ge主菜要左個自選冬陰功湯配金邊粉同雞絲，份量都幾足，有好多雞絲，仲好多條香茅係入面，而且仲有幾條通菜係底。個湯酸酸甜甜，絕對吾辣食完碗麵仲飲多左幾啖。如果餐湯係冬陰功就好

今日同朋友行街，有少少肚餓，一見到翟道翟，立刻話要帶我黎食泰式菜。入到去，環境乾淨企理，全部都係4至6人卡位。落座侍應就奉上一人一碗紅蘿葡例湯，飲落淡口，似兌水，但免費送既，冇得要求咁多。三點到，下午茶時間，可以叫價錢相宜啲既茶餐。今日比較想食飯，所以揀左海南雞拼無骨豬手飯($49)，雙拼真係啱唒選擇困難症既人，兩者兼得！朋友揀左鮮牛肉拼燒鹹肉金邊粉，船麵加冬蔭功湯($43+9-加餸)。飲品我就要熱泰式奶茶;朋友要左健康飲品，今日係薏米水。落單後大概5分鐘内上菜，速度飛快，抵讚。先講飯，海南雞通常有三種醬，呢到只有甜鼓油，比較失色，有少少掛住薑蓉同酸辣汁既味道。雞肉肉質嫩滑，推薦！而油飯一般，唔夠多雞油，仲食到平價絲苗米既獨特味道。個人比較中意無骨豬手，皮脂入口即溶，豬肉軟焾，口感極佳。味道偏甜，有香茅味，少少似中式鹵水汁。朋友叫既我都有偷食，湯有冬蔭功既酸、船麵既甜，味道應該符合多數香港人口味，個人認為添啲旁邊既乾辣椒碎更惹味。牛肉中規中矩，鹹肉相對下好正！醃鹹既燒肉浸左湯，好似火腩咁，而且份量多，有十件以上，配旁邊辣醋一流！飲品方面，泰式奶茶比較港式茶味較稠，因為用煉奶沖，茶膽飲唔