56
4
1
港鐵觀塘站 B1 出口, 步行約7分鐘 繼續閱讀
所有分店 (2)
電話號碼
26692015
開飯介紹
環境舒服、價錢親民的泰國菜餐廳,更由泰國廚師擔任主持,提供正宗地道泰菜。 繼續閱讀
營業時間
今日營業
11:30 - 16:30
18:00 - 22:00
星期一至六
11:30 - 16:30
18:00 - 22:00
星期日
全日休息
公眾假期
11:30 - 16:30
18:00 - 22:00
公眾假期前夕
11:30 - 16:30
18:00 - 22:00
付款方式
Visa Master AlipayHK 支付寶 現金 OpenRice Pay
座位數目
120
其他資料
網上訂座
Wi-Fi
酒精飲品
電話訂座
賞訂座積分
當面支付
有關獎賞計劃
食評 (66)
呀媽話驚星期日正日慶祝母親節會好多人,於是我哋幾個就提早搵晚放工出觀塘食晚飯當做節👨‍👩‍👧‍👦。APM冇嘢啱食,又費事同兩老去工廠大廈啲餐廳,最終我成功搵到間符合篩選條件嘅泰菜館,佢就係「翟道翟 Tuk Tuk」。餐廳位於中海日升中心一樓,喺大廈嘅地下就已經望到佢個招牌。呢度面積大,座位寬敞,我哋坐喺卡位,非常舒服👍。再者,餐廳嘅環境同衛生都好好,湖水綠嘅裝修色調令人眼前一亮,而且佢亦無普遍地道泰國菜館嘅噏耷味🙈。呢度嘅泰菜款式繁多,有齊粉麵飯、串燒、湯、小食、沙律、海鮮、肉、蔬菜、甜品同飲品。我哋樣樣都想食🤤,有選擇困難症真係好苦惱啊。同時,餐廳定價合理,上菜後直頭覺得應該用抵食嚟形容,因為樣樣都好大碟!冬陰功蝦湯($58),佢寫係供兩位用✌🏻,開初我以為真係細細兜,但分湯時發現其實一啲都唔少,大概分到四個碗仔,所以四條友都勉強夠飲。冬陰功湯好濃味,有少少辣,飲完好開胃。湯品用咗好多料煲,例如雜菇、香菜同鮮蝦等,真材實料啊🦐。串燒方面🍢,我哋要咗四串,分別係炭烤沙嗲牛肉、炭烤沙嗲豬肉、炭烤沙嗲雞肉同炭烤沙嗲牛筋丸,每串$18。四款串燒啲肉都唔會燒到好乾,而且係會清楚分到各款口味。沙嗲醬分開上,味道屬正常水平啦。牛油烤栗米($16),本身以為佢上漏咗,點知好戲在後頭。🌽烤粟米有兩大碌,加埋應該係完整一條。粟米似拎去焗多過燒,所以每粒都保持到好多汁,牛油味亦超級香,好鬼正啊。泰式青檸牛肉($98),呢道菜見就見得多,但食都係第一次,佢嘅味道同我想像中完全唔同。🍋你未必會食到青檸味,但酸味就好強,而且佢仲好辣添🌶!不過又好惹味,令人又愛又恨🤤。牛肉係用上鮮牛肉,有約十片,每片都好厚好大塊。墊底有少少菜,但就索哂汁,辣到食唔到。炒空心菜馬拉盞($72),🥦泰式炒菜以香口見稱,我哋要咗馬拉盞炒通菜。通菜好嫩好脆口,並用上大量蝦米、炸蒜同辣椒絲一齊炒,鹹香十足,好味道。翟道翟鴨肉炒黃麵($78),炒麵勁大碟,完全係酒樓小炒嘅份量🥘。炒麵堆到好高,麵質有少少似幼身嘅伊麵同金邊粉嘅混合版。我自己就麻麻哋呢個口感,因為略嫌有啲乾。配料方面,佢包含多種蔬菜絲,如芽菜、蘿蔔、洋蔥、三色椒同秀珍菇等,好豐富!🦆而主角鴨肉亦都多,大啖肉伴麵食相當唔錯。椰香班蘭千層糕($24),甜品係隱藏項目,並無寫喺餐牌上面,選擇有芒果糯米飯同千層糕。千層糕好好食啵,由於係熱熱哋,質感超軟熟,仲好香椰子同班蘭味🥥,係一個令人難忘嘅糕點。飲品方面,我哋要咗珍多冰($28)同凍青檸檬梳打($28)。🥤飲品同食物一樣都係大大杯,更重要嘅係滿有誠意。青檸梳打絕對唔係得兩片檸檬咁簡單,而係有自家製糖水。珍多冰椰香味濃,仲有唔少綠色啫喱條。不過我更想知道餐牌圖入面色彩繽紛嘅係邊款飲品🤔。題外話,每張枱均放有一個調味架🧂,有醋同乾辣椒等。但由於全部菜式本身都好夠味(甚至可以話係重口味,但我好鍾意😋),所以佢哋未能大派用場。總括嚟講,喺翟道翟食嘅母親節晚餐令我哋全部人都好滿意💯,基本上每一樣食物都充滿自家特式,無令人失望。餐廳性價比高,出品既好食又抵食,咁高質真係可以去邊度搵?最後,店員嘅服務態度亦都好好,成個體驗無得彈。如果想食好味道泰國菜🇹🇭,唔一定要去九龍城,去觀塘嘅翟道翟亦都得,得咗,高度推介啊🌟! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-05-13
776 瀏覽
平日放工時間跟同事一齊係觀塘有間叫【翟道翟】食泰國菜,餐廳係一樓,轉左就見到,見到鋪內都幾多人,好彩不用等位。我們就座在卡位都好舒服,仲提供usb頭比客人差差電。我地睇完menu叫左:海南雞雙拼飯(無骨豬手)$88: 豬手皮有種口感有很多骨膠原,非常軟綿綿又滑溜溜,海南雞也很滑嫩,味道剛好,如果喜歡重口味些,仲有兩小碟汁,有酸辣和咸辣味,味道都不錯。明爐盲鰽魚$198: 要等15分鐘左右,它是有個明爐一邊煮一邊食,所以可以keep住條魚都係熱辣辣,魚不是太多骨,肉質鮮甜帶微酸辣,仲有配埋魚汁一齊食味道都唔錯,配菜也有蒜頭、秀珍菇、紅蘿蔔、椰菜、粉絲、香茅、葱、薑、肉碎、酸梅等等,都幾多料,一邊食一邊傾又不怕條魚凍左會腥,非常之好。炒空心菜(蒜茸)$72: 即是炒通菜,通菜鮮甜爽脆,有很多蒜茸,炒得好有穫氣。另外叫左2杯飲料,泰國椰青$48:椰青水很清甜,而且椰肉都好多!珍多冰$28: 珍多綠色粉條質感爽滑,味道清甜!😋 繼續閱讀
(以上食評乃用戶個人意見 , 並不代表OpenRice之觀點。)
觀塘不嬲美食雲集,今次嚟到見到呢間泰國菜餐廳——翟道翟tuk tuk,裝潢充滿現代感,同有泰國特色,於是入去食dinner☺️鮮蝦炒金邊粉 ($88)- 金邊粉好有質素,入口酸甜味已經大爆發,美味開胃,仲有幾隻大大隻鮮蝦,新鮮彈牙,作為主食一流😚炭烤松板豬頸肉 ($108)- 豬頸肉切片厚薄均勻,肉質鮮嫩入味,外圍燒得香焦微脆,食落卜卜脆,口感層次好豐富😋香茅雞翼(4隻) ($42)- 香茅雞翼超有質素,肉汁完美鎖晒喺入面,外皮揸得超級香脆,每啖都超滿足😍香葉辣椒炒肉蜆 ($78)- 炒肉蜆都超級正,蜆肉新鮮大隻,而且仲好足料,超級多粒,連埋香葉辣椒一齊炒,香口濃味,越食越上癮😚泰國椰青 ($48/1)- 椰青簡直係泰菜嘅重點,椰青水極之清甜,飲落透心涼,搭埋香軟細滑嘅椰肉,夏天飲到你杯,簡直係一大享受❤️❤️❤️芒果糯米飯 ($38)- 鍾意芒果糯米飯見我次次食泰菜都會點,芒果香甜,糯米飯煙韌有咬口,帶住其獨有嘅香味,超級推薦💕餐廳空間感充足,乾淨企理,食得非常舒服,超贊,非常非常推介🥰 繼續閱讀
(以上食評乃用戶個人意見 , 並不代表OpenRice之觀點。)
等級4 2021-05-04
553 瀏覽
天氣漸熱,不禁令我想起泰國,在椰林樹影下喝杯冰凍的飲品,吃些地道泰式美食 ⋯ 但現在都不知要等到幾時才可以出行,唯有在香港盡情找尋和發掘不同的美食,滿足一下肚子的慾望。翟道翟 Tuk Tuk , 看見名字,不用多介紹都會令人想到泰國。這間泰國菜館以綠色為主調,還有椰子樹、熱帶植物和蘭花等的擺設,令人感覺十分自在閒適,在椰樹下喝口冰凍梳打,慢慢享用各式泰國美食,都不失為一件賞心樂事!冬陰公蝦湯 (HK$58)👍👍👍👍👍吃泰國菜必點冬陰公蝦湯,湯內有原隻開邊大蝦,橙红色的湯底味道十分濃郁,味道揉合酸辣鹹鮮之餘,還帶有椰奶的椰香和不同香料的香氣。鮮蝦金柚沙律 (HK$88)👍👍👍👍沙律的材料有新鮮的泰國金柚、鮮蝦、腰果和洋蔥絲等。醒胃的沙律汁跟清新的柚子味道清爽又清新,好味又開胃。香葉燒雞 (HK$118)👍👍👍👍👍香口又惹味的香葉燒雞,實在令人難以抗拒,肉質富彈性而細嫩,雞皮燒至微焦,帶有一點原始的燒烤香氣。飛天芥蘭(HK$72)👍👍👍👍芥蘭切成段,跟飛天醬料同炒,味道有蒜香亦有辣椒的辣味,芥蘭仍然保持脆口和靑綠!芒果糯米飯 (HK$38)👍👍👍👍👍我的泰式甜品首選 - 芒果糯米飯。這裡的糯米飯加入了班蘭汁同煮,顏色帶有淡淡的綠色,並帶有班蘭的香氣, 跟香甜的芒果同吃,簡直是絕配。青檸七喜 $28/青檸梳打$28👍👍👍👍味道清香的青檸凍飲,解渴又解辣。Storefront Menu 繼續閱讀
(以上食評乃用戶個人意見 , 並不代表OpenRice之觀點。)
距離上一次旅行已經兩年啦😔突然好掛住泰國嘅粉絲蝦煲芒果糯米飯所以今次就喺觀塘搵下泰國菜搵到間連名都好有泰國風門口就有個四面佛—————————————————————打開餐牌好多野都想食為食嘅中島又叫到成檯都係🙈因為無諗過啲野咁大碟😅首先俾個蠔餅嚇親真係無諗過會咁大碟仲要厚蛋蠔仔量都多性價比堅高蠔仔有鮮味蛋漿炸到邊邊好香脆加埋個泰式辣醬即刻好似番左泰國咁😋之後又叫左海南雞雙拼飯本身想拼豬頸肉但好似次次都係咁冇乜特別又見到佢有個無骨豬手啱晒唔識食嘅中島所以試下先海南雞勁滑份量又多無骨豬手連皮一齊食好過癮完全唔使驚有骨滿滿骨膠原呀😂個油飯仲要係中島想食嘅👍🏻食親泰國菜都一定有炒金邊粉不過今次唔係中島叫架🙈炒金邊粉個酸度岩岩好 唔會好膩附有花生碎配埋一齊食好香口芽菜本身就咁食好草青味但係夾埋啲金邊粉就中和返仲多左啲爽脆嘅口感添!春卷個網炸得好香脆咬落真係”索索”聲但係食落又唔覺得好油膩入面隻蝦都好爽點埋個甜酸汁食好開胃串燒圓茄子見得意所以叫左呢隻比普通紫茄多左陣草青味但中島可以接受燒完仲爆JUICY最後點少得泰國必食嘅芒果糯米飯用咗斑蘭葉去蒸糯米每一啖都有淡淡的斑蘭香味配埋甜甜嘅芒果同椰汁就算食到捧住個肚都成碟清晒🤣結論係呢度非常適合三五知己飯聚地方寧靜舒適服務殷勤性價比又高👍🏻👍🏻—————————————————————☸︎ 海南雞拼無骨豬手飯 $88☸︎ 鮮蝦炒金邊粉 $88☸︎ 炸米漿絲網蝦春卷 $38☸︎ 曼谷煎蠔餅 $88☸︎ 馬拉盞炒空心菜 $72☸︎ 炭燒沙嗲雞肉串 $18☸︎ 炭燒泰國圓茄子 $18☸︎ 珍多冰 $28☸︎ 芒果糯米飯 $38 繼續閱讀
(以上食評乃用戶個人意見 , 並不代表OpenRice之觀點。)