影片
更多
2021-05-28
193 瀏覽
今日同朋友行街，有少少肚餓，一見到翟道翟，立刻話要帶我黎食泰式菜。入到去，環境乾淨企理，全部都係4至6人卡位。落座侍應就奉上一人一碗紅蘿葡例湯，飲落淡口，似兌水，但免費送既，冇得要求咁多。三點到，下午茶時間，可以叫價錢相宜啲既茶餐。今日比較想食飯，所以揀左海南雞拼無骨豬手飯($49)，雙拼真係啱唒選擇困難症既人，兩者兼得！朋友揀左鮮牛肉拼燒鹹肉金邊粉，船麵加冬蔭功湯($43+9-加餸)。飲品我就要熱泰式奶茶;朋友要左健康飲品，今日係薏米水。落單後大概5分鐘内上菜，速度飛快，抵讚。先講飯，海南雞通常有三種醬，呢到只有甜鼓油，比較失色，有少少掛住薑蓉同酸辣汁既味道。雞肉肉質嫩滑，推薦！而油飯一般，唔夠多雞油，仲食到平價絲苗米既獨特味道。個人比較中意無骨豬手，皮脂入口即溶，豬肉軟焾，口感極佳。味道偏甜，有香茅味，少少似中式鹵水汁。朋友叫既我都有偷食，湯有冬蔭功既酸、船麵既甜，味道應該符合多數香港人口味，個人認為添啲旁邊既乾辣椒碎更惹味。牛肉中規中矩，鹹肉相對下好正！醃鹹既燒肉浸左湯，好似火腩咁，而且份量多，有十件以上，配旁邊辣醋一流！飲品方面，泰式奶茶比較港式茶味較稠，因為用煉奶沖，茶膽飲唔
入到去，環境乾淨企理，全部都係4至6人卡位。落座侍應就奉上一人一碗紅蘿葡例湯，飲落淡口，似兌水，但免費送既，冇得要求咁多。
三點到，下午茶時間，可以叫價錢相宜啲既茶餐。今日比較想食飯，所以揀左海南雞拼無骨豬手飯($49)，雙拼真係啱唒選擇困難症既人，兩者兼得！朋友揀左鮮牛肉拼燒鹹肉金邊粉，船麵加冬蔭功湯($43+9-加餸)。飲品我就要熱泰式奶茶;朋友要左健康飲品，今日係薏米水。
落單後大概5分鐘内上菜，速度飛快，抵讚。
先講飯，海南雞通常有三種醬，呢到只有甜鼓油，比較失色，有少少掛住薑蓉同酸辣汁既味道。雞肉肉質嫩滑，推薦！而油飯一般，唔夠多雞油，仲食到平價絲苗米既獨特味道。個人比較中意無骨豬手，皮脂入口即溶，豬肉軟焾，口感極佳。味道偏甜，有香茅味，少少似中式鹵水汁。
朋友叫既我都有偷食，湯有冬蔭功既酸、船麵既甜，味道應該符合多數香港人口味，個人認為添啲旁邊既乾辣椒碎更惹味。牛肉中規中矩，鹹肉相對下好正！醃鹹既燒肉浸左湯，好似火腩咁，而且份量多，有十件以上，配旁邊辣醋一流！
飲品方面，泰式奶茶比較港式茶味較稠，因為用煉奶沖，茶膽飲唔出有咩唔同，第一次飲只感覺幾特別，偏甜。薏米水就無糖，有凍有熱，但凍既早已售罄，正常味道。
加18蚊叫左兩件蝦餅，唔記得影。上枱熱辣辣拼上泰式甜辣雞醬，不過蝦肉唔新鮮，霉，無怪味但肉質鬆散，唔太推介。
總結不過不失，以呢個下午茶價錢食泰式菜都值得一試，但不要期待太多。
張貼
