影片
以上資料只供參考, 請與餐廳確認詳情
同一個鋪, 十年前的前身叫做雅思餐廳, 轉手後易名義發餐廳, 加起黎都有三十二年歷史既舊式港式快餐店雖然位處屋企樓下, 其實係最方便揾食既地方, 但偏偏好少幫襯, 亦都好耐無幫襯突然間下午茶想食一隻炸雞脾, 就入去尋找一下童年回憶 (童年時放學後下午有得食一隻炸雞脾係天大既喜訊~)$14 一隻炸雞脾, 俾完錢去水吧俾飛, 眼見老師傅係雪櫃拎出一隻全生既雪脾, 滿心歡喜以為呢度會以生炸, 可惜師傅只係將隻雪脾越過炸鍋, 掉佢落滾水度先行淨身...三姆分鐘之後先再掉落炸鍋翻躂, 前後五分鐘番到屋企一打開仲係好熱辣辣, 成隻脾尚算炸得幾好味皮脆邪唔太乾身, 雞脾本身無咩調味, 只係炸完灑上少許鹽, 比大家樂等過咸既雞脾更好雞肉亦出奇地仲鎖到D肉汁, 以雪脾既標準黎講令人好滿意喇可能太肚餓, 呢一隻可能係我人生入面食得最乾淨既其中一隻雞脾聽說家陣夜晚既小菜味道同價錢都尚可, 有機會可以試一試
繼續閱讀