美荷冰室 (已結業)

深水埗有很多美食,但要找一個比較寧靜的餐廳享受一下真的不容易,今晚和女友去到美荷冰室,美荷冰室是位於美荷樓裡的懷舊咖啡廳,前身是美荷樓四十一冰室,餐廳內的裝潢都是以懷舊香港為主題,呈現香港的集體回憶,因此成為很多人的打卡點。雖然餐廳是以自助形式落單,但感覺店員服務態度也很讚。溫泉蛋卡邦尼意粉,味道是很濃郁的芝士香氣,煙肉略帶酥脆,意粉夠彈性,蛋白的口感滑嫩如豆花。澳洲和牛竹炭漢堡,選用竹炭製成的漢堡包來做漢堡,漢堡肉質肉質綿密,再加上漢堡醬汁出色，一試難忘。去到冰室當然要試下杯奶茶,茶味濃郁,口感香滑。無論食物、環境和服務都滿意！一定會再來。

母親節一家四口去咗住美荷樓2日1夜，仲有展覽睇添，爸爸媽媽以前細個嘅回憶即刻返哂嚟。☺️而因為係度住所以早餐就可以係美荷冰室食！😉其實早餐主要提供比住客，所以選擇唔算好多，想要牛油搽麵包都無😑😂😂 我揀咗A餐🔸雪菜肉絲米粉配餐包🔸，因為習慣咗朝早食熱野，米粉就不過不失，正正常常一份普通嘅早餐。不過我就鍾意呢度嘅環境，裝修有花過心思，亦都有懷舊嘅感覺，好多擺設都好靚同有意思，係打卡嘅好地方😉👍🏻🧡其實我下午見到啲人食下午茶嘅野食睇落都唔錯，不過就無試到。

因為外國朋友嚟香港住喺活化多時既美荷樓，終於有機會嚟呢度參觀下！唔嚟都唔知呢度原來有間美荷冰室！外邊有露天茶座，入面有舒適既環境！呢度環境舒適，非常懷舊，但舊而不殘，冷氣十足！好好坐！呢度真係適合嚟hea!開會傾計，聚會都非常合適，或者上嚟當自修室也不失為過！我同朋友一路行，一路影，真係好多好正既打卡位！人多人少都適合！講完咁靚既環境之後，係時間講返d野食，落單係買飛自助落單，選擇都幾多，有扒鋸，有意粉食，有漢堡！仲有cooktail叫！ 真係貴精唔貴多！呢度除左咖啡，cooktail之外，仲有奶茶皇沖既奶茶，熱奶茶茶味十足，既滑且香！必飲推介 外國朋友比較健康，叫左個煙三文魚黑松露油醋沙律賣相唔錯，朋友話酸酸既油醋醬好鬼開胃，沙律菜都幾爽口，三文魚都幾甜美，估唔到呢度d食物都唔錯！我就比較肚餓，就叫左份澳洲西冷牛扒($178), 份量十足，非常抵食！熱辣辣既鐵板上，炸炸聲香噴噴，加d海鹽同黑椒就食得，原汁原味非常滋味！薯條炸得金黃香脆！ 切開牛扒，肉汁keep到喺入面，喺肉入面慢慢滲出嚟，建議唔駛叫咁熟，如果覺得唔夠熟仲可以用熱辣辣鐵板煎煎佢，可以食返原汁原味既牛扒肉汁

聽聞美荷樓的冰室裝修後重開，而且食物比之前更吸引，所以下午就趁假期悠悠閒閒走一轉美荷樓和品嚐一下美荷冰室的食物。在冰室門外就看見這個餐牌，看見食物的類型除了一般冰室的食物外，更有一些新派的食物，而且價錢相當合理，如果是午市或下午茶時間只要加少少錢仲可以加配飲品。由於小妹比較喜歡食意粉，更加鍾情卡邦尼意粉，所以就點了一客溫泉蛋卡邦尼意粉。平時外面食到的卡邦尼意粉大部份都只係在意粉上加上一隻生雞蛋，但這裡卻是加上溫泉蛋，令我更加喜愛弄開溫泉蛋後讓蛋汁慢慢混合在意粉上一起吃真的令人食唔停口另外，我加了幾文雞要了一杯凍檸檬茶飲，茶底味濃而且唔似出面的冰室只有兩片檸檬令到人飲後只感覺到茶味而沒有檸檬味在一路食意粉期間，突然聞到陣陣的奶茶香，原來香味是來自隔離枱的客人聽聞這裡負責飲品的師傅曾經令過金奶茶皇的美譽食完午餐點少得甜品呢？望下手錶發覺差不多到下午茶時間，所以坐了一會等到下午茶時間，點了一客竹炭芝士蛋糕蛋糕一送上望一望蛋糕的賣相就令人未食先愛上，而且看得到廚師的心思，廚師令本來黑色的竹炭蛋糕變得不平凡，在竹炭蛋糕上加了一些糖霜作為點綴，加上蛋糕面的兩朵小花更令黑色的竹炭蛋糕更吸睛除了賣相外