美荷冰室 (已結業)

Overall, a good place to relax and chat during the weekdays but in terms of food it was just local stuff.There wasn't much food or drinks I fancied so got the strawberry smoothie which is just icy strawberry syrup slush topped with a whole strawberry sliced into slices.I suppose the drink reminded me of Slush puppies which was a good thing.A few months ago they had the blue white red cake which I sadly missed.

第一次去石硤尾，原來有間幾悠靜既青年宿舍🏠入面仲有間冰室間冰室仲有outside平台，好寫意冰室內既設計好有香港特色，有不同的老香港既擺設，又有牆畫幾舒服，怪不得人流不絕澳洲和牛竹炭漢堡🍔係有好多人叫架，可惜我唔食牛所以我就叫左個All Day Breakfast🍳🥐牛角包超鬆軟，豬肉腸好多肉汁，同埋煎到外層微脆松露薯條併蛋黃醬每一條薯條都炸到好金黃脆卜卜加左黑松露同蒜蓉碎，特別香所有野都係即叫即做，超有heart見到隔離檯食水牛城雞翼、法式西多士、朱古力牛角包🥐都超吸引唯有下次再黎食過

當年今日回憶就係同一班1019啲bb去左美荷樓食下午茶！ 十幾位bb一齊真係好熱鬧。美荷樓有樣好，冇乜客人，而且係自助形式，冇人理。地方夠大，超多打卡影相位。而且主題展覽廳不定時會更換主題，間中去下影相打卡都有驚喜！ Mei Ho All Day Breakfast ： 我最鐘意食全日早餐，每次見到必點。啱晒我呢啲晏起身嘅人滿足下自己食早餐嘅願望。呢度個早餐好豐富，牛角包、炒滑蛋、薯餅...應有盡有。唔錯。溫泉蛋卡拜尼意粉：溫泉蛋做得時間剛剛好，上枱時仲係動L動L 咁，好治癒...醬汁都夠濃。

週末一家大小去美荷樓認識一下香港歷史，順便影相留念，也在美荷冰室享受一個美好的下午茶。冰室建在石硤尾邨美荷樓這座活化歷史建築物內，保留了原建築的特徵，又加入了不少創意室內設計。牆上塗鴉代表了這地的人和事。佈置還精心選用以往香港人兒時的玩意，很有味道。這兒地方很寬敞，兩個成人加一個BB，坐6人卡位，加一張BB餐椅，完全滿足為人父母一袋二袋行李的問題。我們叫了松露薯條配蛋黃醬、水牛城雞翼、煙肉卡邦尼溫泉蛋意粉，甜品是窩夫配黑朱古力雪糕。松露薯條實在很惹味，薯條炸得剛剛好，不會太軟，非常鬆脆。那松露的味道很濃郁，基本上不用蛋黃醬已經可以吃掉整碟薯條！水牛城雞翼有點辣，很開胃。雞肉煮得剛剛熟，非常滑。如果怕辣的朋友，吃完雞翼後還可以吃朱古力雪糕，既解辣，又好味！意粉很彈牙，那個溫泉蛋實在是畫龍點睛之選！配合很重芝士味的意粉，十分惹味。這裏提供BB餐椅，BB坐得很舒服！加上活動空間大，就算有時BB叫了幾次，也沒有感到打擾其他顧客的尷尬。親子活動一流！

最近聽講換左老闆轉左廚師。作為街坊嘅我即時要拜訪下！ 今次一家大細去食晚餐。去到已發現作餐牌終將更換喇，以往舊餐牌真係食到背得熟。黑松露忌廉白菌意大利飯： 有淡淡嘅黑松露醬香味，忌廉汁香濃，仲好多芝士，每一啖都拉絲咁。喜出望外。仲有個中式嘅，香滑海南雞配例湯。海南雞肉質真係超滑，浸雞時間控制得唔錯，剛好離骨，雞骨仲見紅，所以好滑。個海南雞油飯先係重點，唔算好油但夠咸香。轉手前食物質素都唔錯，係杯咖啡淡如水，令我唔想再去。而家杯咖啡有改善左。街坊們如我，又多個選擇喇！

窮遊香港-香港隱世懷舊冰室👍🏻即刻like @hkfunfoodrecord 同follow先啦.今日講下香港隱世冰室呢間開左係美荷樓青年旅社入面美荷樓 之前係石硤尾邨第41座翻新後就變咗而家嘅青年旅社啦.咁入面開左間 ⭐️懷舊冰室 仲有間⭐️懷舊士多有好多懷舊食品 同埋玩具買（可睇圖）.而且呢度嘅西餐相比起油尖旺區平 而且質素唔差呢到形式 ‼️自己取餐自己收盤好似ikea咁 （靠用家自律）.環境由藝術家設計 加入左好多老香港元素可以見到每一格都有唔同設計（冇位放哂咁多圖 都幾靚既）外面都有露天位.⭐️澳洲和牛竹炭漢堡$108質素絕對唔差 如果油尖旺區叫 可能要$150以上薯條都係連皮薯 就算凍左都仲脆.呢到門口地下位置仲有 跳飛機得閒路過可以黎打下卡 係一間好特別既餐廳.#hkfunfoodrecord窮遊香港#hkfunfoodrecord_深水埗.#美荷冰室 (石硤尾)地址：石硤尾巴域街70號石硤尾邨41座美荷樓地舖.⭐️評分：味道：4/5環境：5/5 整體乾淨 但難免有人唔記得自律收盤服務：3.5/5 好多野都自己黎抵食：4/5.‼️想睇更多資訊‼️ig/facebook： hkfunfoo

嚟到石硤尾美荷樓就去睇下呢間懷舊的冰室呢間冰室背景佈置非常之有特色全部都係七八十年代香港的懷舊玩意有黑膠碟的 報 景又有畫鬼腳又有玩飛行棋如果係老鬼的你來到一定有所共鳴野食方面我就叫咗個煙肉卡邦尼溫泉蛋意粉溫泉蛋蛋黃味非常 濃郁手工意粉咬落 非常彈牙好味黑松露意大利燴飯黑松露味 非常之清新可口意大利燴飯咬落彈牙煙韌好味杯檸檬茶大大杯飲樂鮮甜味美透心涼呢度採取自助餐盤食完之後自己放回餐盤服務員態度都非常之好而且呢度座位闊落 任人坐 的

聽朋友講石硤尾美荷樓有新餐廳，環境好靚又懷舊，食物質素又唔錯，所以今晚特登約埋朋友去試下。一去到.........已經被環境吸引了，裝修得很懷舊，黑膠唱片布置, 牆壁上既油畫都很有特色。而且地方寛闊，如果三五知己傾計或者同學仔聚會，呢度舒服過coffee shop好多!呢度係自助形式，買完俾個震機你，等部機仔震再去拎餐，都幾方便。好了，睇睇menu先......我地叫咗“澳洲和牛竹炭漢堡”同埋“白汁蜆肉意粉”一齊share食。“澳洲和牛竹炭漢堡”，入面有芝士、紫洋蔥、厚厚既漢堡扒，咬落好多肉汁, 加上濃郁既牛味，材料豐富，竹炭麵包賣相特別，味道就同普通既麵包一樣，再配上炸得香脆既薯條，份量充足，食過返尋味~“白汁蜆肉意粉”大大粒新鮮蜆肉，口感十足，配上白汁忌廉扁意意粉，忌廉味香濃，意粉煮得軟硬度適中!再加埋杯至愛既凍檸茶，整個晚餐就完滿了！呢度咁舒服，食物質素又咁好，下次weekend再來hea耐D~

家住長沙灣， 昨日近近地一家三口去 #美荷冰室 食晚飯，喜歡懷舊冰室環境設計，係度食野都特別有氣氛，順便可以帶綿綿來參觀一下。分享下今次我地order既菜式#温泉蛋卡邦尼意粉個汁好 creamy, 意粉質地夠彈牙，比一般卡邦尼高水準，值得再Encore#紐西蘭肉眼扒意大利飯 今餐最喜歡食肉眼扒，食落肉汁夠 juicy , 食過番尋味。另外平時食開意大利飯都會比較硬身，但呢度意大利飯口感較煙韌，岩晒我。是日甜品 #紅桑子蛋糕配雪糕賣相好精美， 蛋糕紅色心型，味道香甜，夠晒 sweet! 可能呢個地方夠舒服， 我好鍾意，下次有機會，我會約埋朋友來呢度食下 tea, 傾下計，聽講佢地 All Day Breakfast 都好出名， 下次都要試下先~

奶茶皇坐鎮@美荷冰室 石硤尾那邊近年來搞了好多活化活動，美荷樓就是其中一個成功例子，那邊開左好多WORKSHOP同埋不定期舉行文化活動讓一眾文青有一好去處 原來美荷樓那邊有一間小CAFE，個名叫美荷冰室，聽起來都夠懷舊，餐廳入面裝潢極具60-70年代風情，把那些年的公屋生活重現眼前 每一個位置都是打卡位 70年代小朋友的成積表和拍子簿 空間感十足  很那些年的磚牆和馬賽克裝飾 點上杯飲料才$20就可以坐上一整天 價錢也非常親民，幾十蚊有交易的 奶茶王竟然駐場沖奶茶~!!!!!! 喜愛奶茶的朋友一定知道是什麼奶茶王大人物啦!! 要捧場的記得留意他工作時間2-7時 奶茶王沖的奶茶都是$20， 茶味非常複雜，入口的味道和回甘後的味道有分別，奶香和茶香達到平衡感!聞起來也夠香濃的!口感滑溜又夠熱 澳洲和牛竹炭漢堡 $ 108 即叫即整的，那粗薯條好脆，整體份量也很足 竹炭漢堡用上了竹炭包，其實味道和一般的白麵包沒有分別，就是顏色造型夠型! 而入面那片澳洲和牛漢堡扒好厚料，食起來是爆汁的!CP值非常高，值得ENCORE

呢排 #香港 真系熱到癲，#小秘書 行出街唔使一陣就成身濕哂🥵 所以放假除咗 #落水，我都盡量會搵啲 #有瓦遮頭 嘅地方活動。呢日我哋去到 #石硤尾 嘅 #美荷樓生活館 走走，份吓 #偽文青、#影吓相。展館地方唔大，不過都幾得意吖！喺門口 #跳吓飛機、參觀吓 #展館 裡面嘅 #懷舊照片... #偽文青 之育成就系咁簡單🤪其實今次我哋系特登嚟想試吓 #美荷冰室 ☕️ 嘅 #AllDayBreakfast 同 #絲襪奶茶😋 份 #全日早餐 真系 #好豐富，有 #炒蛋、#肉腸、#火腿、#沙律... 而我就最欣賞個 #牛角包🥐 #牛油味 非常之濃，又鬆又軟好想再encore 😋 配埋杯 #奶茶... 真係正到不得了👍🏻 另外我哋仲加咗碟 #carbonara 🍝 #意粉 上只 #溫泉蛋 就最吸晴，震吓震吓咁👀 好想一啖就啜佢落肚🐣 而 #美荷冰室 嘅 #甜品 造型都唔錯，外貌拍得住 #酒店質料👍🏻 最啱鐘意 #相機食先 嘅我同你😉

放假周街都係人！帶小朋友去邊好呢？今次帶佢嚟美荷冰室，同佢懷舊一下～估唔到呢度環境寧靜舒適～非常舒服！餐廳內環境處處都係打卡位！好有懷舊feel～廚房都好有feel！好舊式！叫咗嘢食，等個牌着燈就有得拎嘢食啦！周圍影吓相行吓～細個嗰陣玩嘅東南西北！好多兒時回憶～餐廳有露天位置，傾吓計坐下非常休閑！而且呢度係禁煙㗎！非常好～空氣清新！我哋叫咗個all day breakfast，$98好豐富呀！有炒蛋、三文魚、腸仔、薯餅、牛角包、蘆筍、蕃茄、生菜～味道唔錯呀，好新鮮好味！白汁蜆肉意粉$88蜆肉好新鮮！有鮮味好食～白汁香濃又滑！意粉彈牙爽口！食完非常滿足！是日精選蛋糕配雪糕$49藍色個杯係啫喱唔會太甜好味、心形紅苺蛋糕酸酸甜甜好開胃！食唔停口，仲有芒果雪糕好香甜！碟上面仲用糖粉印咗個叉型出嚟！好得意！港式奶茶！$22爽！奶滑茶味濃！呢哋天氣飲勁正！食物高質懷舊冰室～打卡影相又靚！傾計休閒好去處～

一直想去這裡打下卡，今天中午去看看，午餐選擇不算太多，飲品只有一般奶茶，咖啡。我們點了一份薯仔沙律和焗豬扒飯。薯仔沙律醬如果溝少少煉奶味道會冇咁酸。焗豬扒飯尚可。餐室空間頗大，平日比較少人，可以慢慢吃，傾下計。

一個外國朋友剛好來香港旅遊，他介紹他住的hostel樓下有間很別緻的餐廳，而且價錢不貴，味道又不錯，所以今晚就和家人來試一試。一層層的間隔，分開兩邊像魚骨設計，每邊通常是一張大枱或兩三張細枱。每一個角落都有不同主題，配合懷舊的掛畫或者擺設，全部都非常有心思！絕對是我去過最有心思的cafe。黑松露蘑菇螺絲粉價錢不貴，忌廉汁味道濃郁，很重奶油香味，配螺絲粉很好吃！美荷英式全日早餐份量很大，特別是牛角麵包大大舊，炒蛋鮮嫩，其他配料都水準之上。7:00pm前有金菜王沖奶茶，可惜趕不及來。這裡真是很適合和朋友聊天，可以hea很久！

@heritagemhh ————————————————————————可能適合對象：#紅白藍蛋糕甜度（5星最甜）：⭐️濃度（5星最濃）：⭐️⭐️🍴：餐刀 ✖️/ 蠟燭 ✖️ / 冰袋 ✖️/ 紙盒✔️🏷：✖️💬：由於活動形式，個個都好樂於助人咁，好有善，好有活力！🔘：件裝💰：$38————————————————————————性價比：中突發！突發！原來今日係 #美荷樓 開放日，好特別，用到「紅白藍」3色作為主題；一入到去，整個佈置都係紅白藍膠袋，仲特別地，出咗件紅白藍海棉蛋糕，就試試佢！件蛋糕絕對配合到個主題，但好唔好味？講真，surprisingly，食到蛋味喎。佢其實係用三層唔同顏色嘅蛋糕，以忌廉黐住三片蛋糕，再係旁邊加啲黑加侖子醬。軟熟度適中，唔算叫乾，都OK。不過，都係食Gimmick㗎啫，影吓相，呃吓Like，留個念，$38，都不過分呀。但若然好擔心色素𠵱家嘢，咁我唸件蛋糕未必太合你心意啦，但我食完條脷係冇變色嘅。但佢亦都有其他甜品可以選擇，例如啫喱、奶凍或者Macaron，全部都係用紅白藍三色為主題嘅！想試的話，就要注意開放日期為2019年5月25日 - 26日；而開放時間就由上午