美心MX (已結業)

出街食飯，路經美心MX，就想起佢地賣廣告既濃湯雞煲翅 .......入去睇下價錢，一份濃湯雞煲翅 + 一碟特色小菜 + 一碗飯，我覺得價錢OK，一試無妨。大家睇下呢份濃湯雞煲翅 ....... 呢個價錢黎講都算好OK .......如果我冇記錯，個煲面直徑有成8吋闊架 ........不過濃湯既味道就唔算濃，雞脾幾大隻，but 大家睇下見唔見D翅？冇咩特別，唔係特別好食。

見coupon今天到期, 又未試過焗豬扒飯, 每次經過都見好多人食, 故又來試下皇牌焗豬扒飯即俾票即取不用等, 飯只是微暖, 不熱面層舖滿蕃茄醬, 配菜有蕃茄, 洋葱, 西芹, 青椒, 磨菇片. 蕃茄不太新鮮, 像變了質, 有些網友話像落了酒主角豬扒, 一塊切碎上--屬無骨瘦豬扒--淡而無味, 豬扒本身沒有什麼醃料, 又沒有豬肉本身的味道, 豬無豬味--豬扒本身像無揼鬆, 但又可以非常軟稔, 稔得來完全失去了豬扒原有的彈性肉質原本諗住只求醫肚不求好食, 但最後都食剩豬扒. 此為近來食過最不好食的豬扒豬扒可以像魚柳一樣稔又沒有任何味道, 皇牌的精髓可能是指面層色澤鮮艷的茄汁芡

下午茶叫了一個炸 ,等了一會兒便可以取了.這個下午茶分上下兩層,好像HIGH TEA設計.先講上層的食物有5至6條薯條,一塊炸過的魚,一條粟米.醬汁是沙律醬加酸瓜.一向覺得炸物好油,出奇地今次食到的竟然唔算油,那張吸油紙的油也不是太多.先說薯條,今次是用上扁平粗身的,唔會炸得香脆,淋淋的軟軟的再蘸上醬汁很醒胃,魚塊雪蔵貨式唔會炸得好乾,外面的脆漿也唔算太厚.只是粟米唔夠鮮甜,加上沒有牛油有點失色.那個水餃麵的水餃皮好滑也唔會包得太厚,入面的豬肉好鮮甜,好味道.至於那個麵煮得超淋,鹼水味超味,望見的水也好黃,這個麵實在唔合格.

又係免費報紙的廣告及coupon效應, 見到今次新產品係好鍾意的越式牛河, 仲係穀飼牛, 無理由唔去試下今天去到只有車站河及扎肉雞絲河兩種, 當然選車站, 有牛肉嘛 越式車站湯河 又係首先試啖湯先, 真係好甜好濃越式香料的味道 以為越式就必備魚露, 不過午市店員話無, 可能要晚市配蝦餅才俾卦 有兩件爽口牛栢葉 幾片薄薄的扎肉, 此種扎肉幾惹味 一粒爽口彈牙但味道麻麻的牛丸 配菜有洋葱及芽菜, 洋葱雖然搶味, 但跟越式湯底好夾 主角牛肉薄薄地, 有四片, 全瘦的, 牛肉味好濃, 肉質鮮嫰, 同N年前美心火鍋出的穀飼牛一樣咁好食 兩舊蘿蔔, 夠稔, 可惜無炆入味之餘仲酸酸地, 懷疑係變左質, 不能食

見今天免費報紙上"日韓便當"的賣相幾吸引, 又有coupon, 所以來湊下熱鬧 日式咖喱豬扒飯 + 韓式炒粉絲 + 沙律 + 馬荳糕 + 巨峰提子蘆薈梳打 咖喱豬扒飯--豬扒份量唔多, 勝在外層炸得夠脆, 內層仍保持住肉汁--咖喱汁偏杰偏鹹, 咖喱味唔重, 配菜只有少少薯仔粒--唔夠咖喱汁撈飯, 故問店員可否加汁, 店員給了額外一碗仔咖喱汁 韓式粉絲--粉絲彈牙--落得太多鹹豉油炒, 鹹了些少 提子梳打好飲, 蘆薈粒太少了

睇免費報紙見到美心mx 有早餐便當, 仲有$2 coupon, 立即去試下 艇仔粥--size太迷你, 仲要無咩料到, 只有少少豬皮及魚片, 再加一條幼肉絲--粥底無咩味, 好似食緊白粥 春卷--微暖, 皮都算脆, 餡料有冬菇粒及蘿蔔絲, 醃得好入味 煎蘿蔔糕--鍾意實淨的糕身, 但感覺上蘿蔔的比例不夠多 义燒包 --餡料係充滿肉汁的靚义燒, 少肥肉, 不怪得叫"皇牌"义燒包報紙圖片見到有一格仔裝住葱及花生, 但實際上只有葱, 沒有花生

晚上工作到差不多9時，只能一個人簡簡單單到美心吃一個快餐就回去休息。雖然我有點想點一人小火鍋，但最後也只點了比較清新的雞煲翅配布包豆腐。雞煲翅：喝了一口後，就滿足了。湯底十分對板，是味道可口的雞煲翅。雖然用小火焰加熱感覺不太好，但看在小翅裙、1/4隻雞和多棵菜蔬份上，已沒有任何不滿了。布包豆腐：相比同日供應的東坡肉和燒味雙拼，這是最清新的選擇。它是在小砂窩中的一件豆腐，灑上了少許蝦仁和菜粒，以快餐來說已算合格了。茶和飯：就是茶和飯…說實話，今次的雞煲翅是很好的。但以差不多 $60 的快餐來說，我情願點一人小火鍋了。雞煲翅，下一個星期再點吧！

昨晚沒有吃飯,今天極度肚餓.最後藉著空檔提早吃午飯.望著水牌看見有獅子頭便當餐,亳不猶豫叫了這個餐.由於製作需時也等了5分鐘以上.便當用上日式餐盒.先吃了菜飯,當然沒甚味道,於是撈了豆腐肉碎的汁.由於格數太細,豆腐和肉碎也不多,豆腐很滑,如果份量多點更好.至於主角獅子頭,望落去幾大粒,至於食味肉唔係鬆化而係鬆散,再加上唔太有香味的冬菇粒,味道一般,幸好芡汁唔會好杰又唔會太鹹.這個飯有2棵小棠菜,烚的時間可能出現偏差,有一棵有臭青味,明顯過生,另一棵夠淋,易咬,小棠菜還是烚耐一點較好.2條小春卷,又是同一問題,一條春卷炸得唔夠透,一條又幾脆.只是春卷只有菜沒有肉,比較清淡.餐可選豆漿或酸辣湯.我選了酸辣湯,湯很酸很酸,辣味倒是不覺存在,所以這碗湯改作酸湯比較合適餐中的份量不太足夠,細食的人可能足夠,大食如我是不飽.用上30元吃不飽,下次還是吃燒味飯盒吧

尋日同哥哥媽媽路過黃大仙, 最初諗住去美心MX隔離果間八喜, 但見到原來好似係飲茶形式, 媽媽又趕住番工, 所以去番食快餐諗住平日既快餐都唔會難食得去邊, 同埋近排有個新餐"韓日套餐"就諗住試新野, 本來想食既韓式粉絲話售罄, 於是叫番日式雞扒併韓式泡菜炒飯+人參雞湯, 第一啖食下個韓式泡菜炒飯喇, 點知....溫度只得微暖, 都唔緊要, 以為韓式係咁喇, 咬落...d飯仲未熟得哂囉, 即係生吁米飯, 我叫媽媽哥哥試下, 佢地都話唔掂, 個日式雞就正常, 但未至於好味, 起咁既情況下, 點都要換喇, 後尾服務生叫我揀番差唔多價錢既食物, 但我搵暈, 全部都係唔過$30, 算喇, 幾蚊都唔同佢計喇, 粹之點左個海南雞飯....黎到...個雞賣相好似普通既白切雞, 一d都唔似海南雞囉, 總之呢間野既出品係好唔掂唔係剩係我既套餐係咁, 我阿媽叫既上海排骨湯麵, 果塊排骨既炸粉有豬扒既一半, 又油又厚...而我阿哥佢最醒目, 叫燒味飯, 最穩陣唔係我奄尖, 而係隔離檯個女仔都係叫韓日套餐, 佢都要換走個韓式泡菜炒飯, 即係唔係我既問題喇唯一可以讚既, 佢環境算係好, 單人座位有電視供應

羊腩係無羶味,個汁好香濃好惹味但羊腩好硬,及有難嚼得爛的筋是否炆得未夠火喉?

1)薄撐: 喜歡煙韌的口感,但水準參差,有時不好彩會遇到好油好腍的薄撐2)生菜魚肉湯:生菜絲好幼好少,不過魚肉真的足料,比街邊檔好食,正! 不過碗已經細,魚肉連湯通常只給半碗或最多三分二3)咖喱豬皮蘿白魚旦: 超濃的咖喱汁,辣辣地,好惹味4)鮮茄雞絲燕麥麵: 茄茸好新鮮,但雞絲依然有好重的雪味,燕麥麵軟硬適中,份量多; 雖然話配低糖綠茶,但少少甜味都無5)豉油王雞脾瀨粉: 雞仍是一貫肉質較實6)火煱: 牛肉及魚滑的確出色,蕃茄湯底一流,不過菜好差,有時連爛葉都照俾人食,常要親自落手去搣菜