美心MX (已結業)

百物騰貴，平日早餐都是買個麵包咬下算數，只係放假時會出外食早餐，呢個火腿絲通粉餐，包火腿絲通粉，香腸太陽蛋及多士，叧有飲品都係$25，算抵食！通粉湯底好夠味，加少少胡椒粉仲好味，又夠熱！太陽蛋真係有蛋汁流出，夾多士一齊食，可代替牛油！杯咖啡都幾好飲！

不知有幾多個年頭沒有去連鎖快餐店吃晚飯了, 今日在黃大仙活動後, 由於時間太晚, 很多食店已關閉, 行了兩條街道, 只有1-2間茶餐廳仍在營業, 看看餐牌, 煲仔飯售完, 想吃的東西大部分都售完, 剩下的豆腐火腩飯及鯇魚飯, 太麻甩, 沒什麽興趣, 朋友提議去附近美心吃, 對連鎖快餐甚反感的我, 也沒可奈何接受了他的建議。******************************兩人點了一個海南雞套餐 ($59)海南雞飯包括海南雞、沙律、油雞飯及油雞冬瓜湯。海南雞 ~ 雞肉浸得嫩滑, 啖啖肉, 點少許辣酱吃, 味道不差。冬瓜雞湯 ~ 有少許肥, 想健康點就要把油撇走, 飲到少許雞味, 冬瓜亦清甜, 偏談口, 所以飲完也不覺口渴。油雞飯 ~ 粒粒圓潤, 有咬口, 也有雞油香, 其實幾好食, 快餐店有如此出品, 另眼相看。另加油菜 ($10)食完今次晚飯, 睇嚟現在的連鎖快餐店晚市食物也不太差, 方便毒 L開飯, 晚飯每人$30, 抵。 

是日佛誕…食過連鎖店早餐，本來只求果腹，味道份量不能有希望，果然，食咗唔肚痛便得。要讚，冇乜嘢好讚，要插，要改善，佢地想聽咪聽囉，唔……食評食咗，美心唔認認真真自己試下自己的出品，只會收檔。好啦，先食蘿蔔糕，只是糕狀的東西，矇眼食肯定食唔出，冇味道，冇熱度，冇香味。跟住食炒蛋，滑溜唔錯，但冇熱度之後食雞扒，一拮一切，肉和皮已分開，水份肉汁盡失，柴皮是最貼切描述，食落，乾，凍，究竟你放响度幾耐呢？之後飲奶茶，好漏，好油，茶味有，滑過龍變得漏。希望下次你們會變好之前食竹園美心都唔係咁的，我估未來一年，我都唔會食美心MX了。

再戰美心！ 今次叫左一個窩蛋肉醬意大利粉($31) 同埋焗豬柳飯($41)。飲品係要另外加錢嘅，因為佢唔係套餐。不過唔緊要啦因為佢個橙汁($9.5)都好似幾好飲， 寫明係菓汁先生！食野之前飲一啖橙汁， 酸酸地甜甜地， 好解渴， 真係好重橙味！之後食一口意大利粉， 亦都係好酸，因為佢係有番茄， 大量番茄肉醬。夾埋d 有少少硬嘅意粉， 唔算最好食但可以接受。之後試個豬柳飯， 記住佢係豬柳唔係豬扒，所以肉係得好少， 反而勁多洋蔥， 我唔係太鍾意。飯好乾好硬， 下次應該唔會再叫。總結而言今次食嘅餐，橙汁最好飲。

一個下午茶餐（迷你燒飯+碗仔翅+熱奶茶），滿足三個願望都只需$26， 味道只是一般， 勝在價錢合理，可飽肚。首先，要讚的不是义燒，是白飯。如你是單身人士又少吃煮家飯，可去一試。水份剛好的白飯，軟綿綿，熱辣辣，完全有一種在家的飯煲弄出來的軟熟感覺，正。不像其他連鎖快餐店包括它自己的分店那些又硬又乾又哽胃，再加上那塊千年飯布袋的霉味，真的難以入口。但是义燒方面，只能形容為蒸熟的瘦肉，風乾後噴上义燒汁。用噴呢個動詞，相信大家想像到啲义燒汁味有幾稀和淡。碗仔翅則可形容為冬菇瘦肉粉絲加蠔油生粉水的濃湯。稱它為翅實在太稀，稱它為湯又太稠，可說不是湯，不是翅，可能是羹吧。盡管如此，加了醋和麻油後，都算是不過不失的地道小吃。因為奶茶沒太大特別，就此收筆。

年初三上肥妹家團拜，他們—早叫我們幫手去預訂了美心的盤菜席，與年初二細妹訂的盤菜不同，他們的盤菜是大形盤菜，另外還包括有菜膽雞㷛翅，燒味拼盆和鮑汁四疏，再有瑤柱炒飯，瑤柱伊麵及甜品甘露布甸等，整體份量充足，絕對夠十幾人食到飽，但質素就可謂極低。大盤菜，材料差不多與前一天食的有百份之七十不同，今晚無鮑魚無髮菜之外，亦無魚卷，豬皮，蓮藕和燒味，取代的是鴨腳，豬肉丸，芋頭和紹菜；魚旦仍如上日的質素一樣，入口已覺又削又淋，無魚味；豬肉丸，則又實又淡，入口如食粉團，完全失敗；鴨腳瘦得可憐，完全皮包骨，入口啃完，也不覺有味道；冬菇算是最好的材料，而冬菰也非常夠淋，有噬口，在吸收湯汁後，配合冬菰本身的甜品，在口中咬下去時，仍有汁液榨出來，口感尚可接受；這盤的瑤柱是散碎的瑤柱絲，入口也吃不到味道那種；豬手亦太細件，還算好的是夠淋有噬口，味道也恰當，濃淡適中；蠔士就非常細隻，入口尚有噬口，味道尚算鮮美；而墊底的料用上蘿蔔和芋頭，兩者都大大件，佔了盆的一半位，可以想像上面的料有幾多，蘿蔔食到尾都未夠淋，兼且咬落有渣；而芋頭亦頗為硬，不夠粉淋，入口無味，可能是兩者都切得太大件，又無做足預傋工夫，所以相當失敗

飛機燒鵝雙拼套餐一個套餐有燒鵝燒鴨、腐乳通菜、例湯、茶和白飯。是一個普普通通燒味雙拼套餐，燒鵝和燒鴨都是一般貨色，沒舍特別，想不到跟飛機有何關係，又不是機場店，又不是特別出眾，難道在這裡買完也會拿上機或是拿到外地吃嗎 ? 玉環瑤柱黃金炒飯這碟飯的名字很好，味道也對路，玉環是指冬瓜，切成圓形環狀，夏天吃正好消暑，炒飯不多油，有些肉，有些瑤柱 ( 瑤柱當然不及家中自己買的靚 )加上中間的鹹蛋黃些少的鹹味，整體不俗， 份量對我來說已經足夠，太多反而會浪費。服務方面，就如另外兩大連鎖快餐店，做執拾餐具的員工態度比較友善，而做收銀的雖不至於黑口黑面但給人冷冰冰的感覺，態度有待改善 !

同男朋友去左美心mx 食肥牛火鍋，見星期五六日都半價叫左粟米牛奶湯底,味道一般，無咩奶味不過肥牛好新鮮，而且配料所有都係半價，都算底食佢的食物所有都有保鮮紙包住，應該乾淨感覺不太差，有機會可以再試=)

開始入秋的天氣，各食肆紛紛推出火鍋精選。至於我對於打火鍋，則是可免則免，因為之前腸胃炎的苦況實在太深刻了。常聽到人說打火鍋很燥熱，我實在百思不得其解，不過是在弄沸食物罷了，既沒有油也沒有煎炸，何解會使人燥熱呢？【美心MX東瀛之火鍋】．北海道牛乳金粟湯底 + 醉雞 + 牛肉下回選火鍋料時，還是不要選雞肉，無骨雞肉除外，因為吃上來真的是“身無幾襾肉”…。忘了哪是什麼牛肉，不過吃上來不會太肥，算是不錯～因為一鍋兩人享用的關係，份量有點不夠，所以追加配料：美國肥牛 + 豚肉(每款$12)煮沸後的豚肉，肉質粉白且軟滑，配以胡麻醬，別有一番味道。(來看我的BLOG：http://kiyanc.mysinablog.com/)　

一口子突然肚餓，趕趕趕，已經是五半，一入門口職員已經收緊下午茶牌，準備晚市．．好在cashier 姐姐說還可以叫，趕到尾車！　蜜汁雞翼+西多士　奶茶各一件。西多士：雖然是貨尾，仍脆和熱烘烘。花生醬份量ｏｋ，甜度適中不油，好味！不太愛吃西多的一口子食得津津有味！雞翼：雞肉嫩，皮也燒得有點燶有點脆，剛剛好！奶茶：室溫，奶太多，，，熱一點比較好　公司治+薯條　凍蜂蜜綠茶公司治有4件，薯條在中央。公司治餡：青瓜、雞肉、蕃茄、煎蛋、生菜　+ 沙津醬。面包有點水氣，所以林了點；蕃茄的味道很突出，因為它比較酸好似未熟透。開四件太細餡料很容易擠出來．．薯條：薯條死屍．．霉ｄｕｐ　ｔｈｅ的...不熱．．沾了茄汁也救不了．．凍蜂蜜綠茶：一口子說ｏｋ，一口子說太淡了．因為有１／３都是冰．趕得切食所以好滿足！嘿！多謝　$39.5！

一口子肚餓了於是到美心食個下午茶 雞脾 + 可樂因為不飲奶所以將本來的夢幻組合紅豆冰換成可樂了這是小學雞下午餐組合雞脾大大隻 幾入味肉質都幾嫩唔鞋食完已經飽了多謝$18

　今天故意空肚子，待到兩點半吃下午茶，怎料黃大仙只有大家樂和美心而沒有大快活，最後都到了美心吃下午茶。用了報紙的coupon可以減兩元，西多士(15元)跟紅豆冰(加4.5)再減兩元，盛惠17.5元。　到餐後發現西多比平常的小了一點點，口感也比平常的有一點點差距，紅豆冰一般水準，但都總算吃得下口。

免費報紙有$3 coupon, 拉麵 $28 => $25 义燒拉麵 义燒算多, 但切得碎碎的, 同圖片差好遠 未食已嗅到怪味, 果然不出所料, 咬了兩舊义燒都是酸的!!! 即刻吐出來, 好彩之後都無肚痛經理問轉換雞扒好唔好? 唉, 好過無... 雞扒拉麵 淡而無味的雞扒 , 幸好配菜夠多 湯底算濃, 有點兒像麵豉湯的感覺 拉麵唔夠挺身及彈牙, 但快餐店來講尚算合格

美心mx 近來密密係免費報紙刊登coupon... ...所以幫襯都多左 蒸魚套餐 ($42 蒸魚 + 飯 + 油菜 + 例湯 + 中國茶) 每晚只得一款魚, 今次係豉汁蒸黃花魚, size ok, 唔會太細條. 一早蒸定, 所以好快有得食, 肉質麻麻, 過稔, 無魚肉的彈性, 魚肉味淡, 全被好濃的味精豉油蓋過***下次會試下其他魚 燒味飯 唔記得叫五寶定六寶飯, 總之d 燒味少之餘質素亦唔高, 老公話好似斬剩d 頭頭尾尾咁, 油雞同鴨亦是骨多肉少, 比大家樂遜色

今日黃大仙工作的第二天,又忙到無時間食飯,最後四點幾先可以安定下來吃下午茶.今次見到有新的食品出,試了新出的照燒黑魚丸和西多士,再加一杯熱好立克,共18.5.嘩,攞左去搵位望下點解得咁少的,墨魚丸只有三粒和半份花生醬西多,真係少得可憐.首先講下個照燒汁,與其話係汁,應該話係水更合適.味道無乜,少少鹹味.墨魚丸略略煎過,粉唔算話好多,有少許墨魚粒,只是不夠熱,西多士用了少許花生醬.西多也是微暖,還有一股怪味.不知是油的問題還是花生醬問題.全個餐最好味是好立克夠濃,也因為這杯好立克救了肚子一命,唔係憑那三粒丸加半份西多瘦如90磅的我也唔會夠飽呢18.5一份餐俾多碗細的粉麵都唔會好過份啫,兩樣咁少的食物,竟然夠膽收接近19元,份量卻少過七十一的餐實在太離譜,下次都係食碗粉都無咁嬲了