美味餃子店

營業中

休息中

為左試下呢間大熱餃子店嘅水準，放工就同男友即刻過嚟太子，因為晏啲撞正食飯時間就會大排長龍。我地叫左一份煎餃同一份湯餃加麵底，仲有兩杯凍豆漿。餃子未到之前試下啲菜脯先，辣辣地食落幾開胃，但就油左少少。雲耳椰菜湯餃($48，麵底+$10)好快就上枱，每隻餃子都有翻咁上下大隻，而且隻隻都包得脹卜卜好飽滿。餃子餡口感唔錯，椰菜同雲耳都好爽脆，不過豬肉餡比例少所以味道以菜蔬為主偏清淡，沾醋或者配埋菜脯食會開胃啲。飲啖湯試下先，湯底味道清甜，似我地平時飲開嘅家常老火湯。韭菜煎餃 $47/10隻煎餃應該係即叫即煎，所以就要等得耐啲，湯餃食完後先至送到。煎餃賣相不錯，外層煎得金黃香脆。韭菜餡都一樣好足料，食落韭菜味唔算太濃烈，對我來說剛剛好。豆漿豆味唔算特別濃郁，味道偏甜，不過不失。餐廳餃子整體不錯，不過味道就無想像中咁驚豔，值唔值得花時間排長龍去食就見人見致。

對於餃子嘅愛好者一定要嚟呢間每次呢度呢個餃子店都要出面都一定要排隊排咗大約十零分鐘到終於入去啦其實去過兩次都食唔到韭菜味嘅水餃因為可能真係太出名好食啦每次都係食湯餃嘅因為好鍾意佢地嘅湯底今次食雲耳椰菜餃、白菜餃葛菜生魚湯配餃子豬肉和蔬菜比例平均，不會過於鬆散。再飲埋佢個湯底 , 好滿足！！！預~$4x~5x 1 碗啦餃子係勁大隻，8隻1 般女仔夠飽嫁啦

買10隻煎餃外賣在街上等了好耐(起碼超過20分鐘)，有3個人的外賣湯餃都已攞到走晒，等位10多人亦入晒去堂食，都還未到我有得攞!!當我分別去問一位大姐、一位男人各1次有沒有的時候，兩人都用西口西面，仲大聲講有就比你!!  乞丐咩!!(我心想)哇!! 這樣的服務都當客人是什麼啊??!!!  我也嬲嬲地冲入去，她們一見都我沖入去(話要返錢唔要食物時)，馬上有餃子可以攞!! 無言!!咁既舖有$都不再食，質素比前差很多PS. 我係附近的街坊，真的是從佢店在天橋底開食到依家，食物素質差了很多，以前的煎餃香又脆，湯餃的湯甜又濃，現在的煎餃不是脆，是硬的， 湯餃的湯飲落又冇咩味!!!  

今日同事開車返工，晏晝車左我地幾個一共四人去左呢間係太子既美味餃子店度食餃子鋪頭入面既嘢食選擇唔算多四款餃子可以淨餃或都配麵淨餃有大碟同細碟分：大既十隻，細既七隻餃子可以要湯餃或者煎餃我地除左每人叫一份餃子之外，仲另外叫多左份大既煎韮菜餃share我自己就叫左大既菜肉餃呢度既餃子大隻又足料。女仔叫七隻就夠，男仔十隻都食得飽皮既厚薄適中，唔會太薄一夾就穿，又唔會太厚淨係食個皮講返個啲餃—韮菜餃煎得香脆，上碟既時候熱辣辣菜肉餃亦都美味，但更不能不提既係個湯。好味都成碗飲晒仲有佢地既菜圃，辣辣地同埋餃子一齊食到停唔到食物既總類唔算多，不過樣樣都出色鐘意食餃子既可以黎試下

五點幾喺太子，見有啲肚餓，但係又食唔落太多嘢，於是搵下openrice，就搵咗呢間餃子店。 好好彩去到即刻有位，但過多十分鐘，已經成間店都滿曬。本身我係一個鍾意食餃子嘅人，但奈何我唔食得薑、蒜、蔥，所以平時其實除咗食阿媽包嘅餃子之外，都好少會食出面嘅餃子。見到呢間係自家製嘅餃子，而且無特別寫用咗以上嘅材料，所以我就試一試。一入到去就見到喺店舖最後面，幾個人包緊餃子，好新鮮！雲耳椰菜肉餃拼白菜餃(10隻) ($50)粒粒餃子都好大粒，就咁睇啲相都睇得出佢哋皮薄餡靚！ 咬落去，皮嘅厚薄好均勻，而且餡料材料比例好好，菜同肉切得好碎，而且撈得十分勻循，又夠實淨。湯底係野葛菜煲生魚豬骨湯，味道淡淡嘅，配上餃子食，相當好嘅配搭！豆漿 ($10)加上一杯凍豆漿，係個令人回味嘅一餐！

今次就嚟到太子嘅美味餃子店食餃子， 一去到個門口呢就排曬長龍，長到我自己都驚呀， 但一場嚟到點都繼續排落去㗎啦，最後就排咗差唔多一粒鐘我先入去食。一坐低呢有蒸餃，煎餃同埋有啲面畀你揀嘅，咁我哋就揀咗一份蒸餃，同埋個湯㖭。 咁啲嘢食嚟到之後呢我哋就發覺嗰個湯餃嘅湯底同佢本身獨立嗰個湯呢其實係同一樣嘢嚟嘅，姐係我地蠢左。 但值得一提嘅係佢哋嘅湯底係真材實料煲出嚟嘅唔係味精湯， 既d餃又大又好味，值得推薦！！！！！！

今晚專程去找這間餃子店，因為網上實在有名氣，是平民美食，價錢實惠！店內只有四款餃子選擇，我選擇了韮菜豬肉餃和雲耳椰菜豬肉餃雙併，湯餃！首先，湯水非常好吃，我是怕很魚腥味，但此湯完全沒有，吃起來有一陣清甜味，湯汁加分。每粒餃子非常大，還大過湯匙，簡直就是我平常在家吃的大小，非常足料！坦白說，50元10隻大粒水餃，而且有水準，沒有幾間店可以做到！只可惜店舖位置較偏僻，難以尋覓。

7:00pm 前去到， 唔使排隊， 第一次食，order 左雲耳椰菜肉餃湯餃同韮菜煎餃首先， 韮菜煎餃黎先， 平平無味， 好油之後雲耳棷菜湯餃出埸，個湯淡而無味， 個餃亦唔覺好食兩款餃唔知係唔新鮮定點， 食完我同男朋友都有想嘔既感覺， 好彩無肚痛如果要我比comment:1) 唔明點解咁多人排隊2) 真係唔覺好食， 我覺得好多餃店都好食過佢3)因為太出名， 睇完openrice 都會去試 , 如無人米入去試下lo. 4) 餃既選擇少左d 5) 完

成日聽人講呢間餃子店好好食今日放工特登過黎食 , 平日 8 點鐘去到 , 好多人排隊 , 排左大概 30 分鐘先入到一坐低 , 店員就話白菜餃賣曬 😯煎雲耳椰菜肉餃 (10 隻 $48)好大隻 可惜個皮煎完唔係脆 , 係硬 , 口感麻麻餡料配搭同咪道不過不失 , 未有驚喜 韮菜肉餃 (10 隻 $47)湯餃明顯比煎餃好食好多韮菜 餡料好實淨 餃子皮厚度岩岩好 👍好少可見到咁大隻餃子 抵食 !野葛菜煲生魚豬骨湯 (細碗 $26)係餐牌見到佢寫住招牌 , 所以叫左黎試下點知一黎到 , 見到個樣同湯餃個湯原來係一樣 ...飲落冇咩味 , 無湯料 .......... $26 ...... 中伏了另外想提一提 , 服務真係好麻麻 , 店員禮貌欠奉 坐係通道位置 , 比店員行過好大力踢左一下 , 但一句唔好意思都冇 ... 食完準備賣單 , 都未起身 , 已經叫左下一批食客入黎 ... 湯餃係幾好食 , 但要排咁耐隊 , d 服務又麻麻 , 唔會回頭了 😣

朋友成日講～有間餃子店好好食，由細食到大，講左好耐～今晚終於去試啦！朋友好興奮一路話要食白菜餃，不過可能我地去到已經9點幾太夜已經賣晒了～所以我地就叫左韭菜煎餃（7隻）同雲耳椰菜湯餃（7隻）同埋生菜SHARE～因為個度啲檯係圓型，係需要搭檯的～見住人地個邊上晒菜，仲要食得好滋味咁～好餓呀！好啦～唯有放好啲菜甫先，朋友話一定要配埋食!終於嚟啦個韭菜煎餃！一粒餃子都冇燶咖！仲要一咬落塊啲肉汁咇晒出嚟咁～然後就係雲耳椰菜湯餃，完全冇個啲咬落去好厚粉的感覺，個湯好好飲，唔係味精湯，加埋啲菜甫小小辣咁～正呀！下次要早啲嚟試埋個白菜餃！

見依間餃子店咁出名 終於得閒去試下今次叫左湯餃同煎餃🥟韮菜煎餃煎得好香脆～加埋辣菜莆真係冇得輸個皮唔算厚但韮菜好多好夠香白菜湯餃平時完全唔會食湯餃既我竟然覺得湯餃比煎餃仲出色！餃子好清甜加埋招牌野葛菜湯真係值得加分

有人推介就梗係去試試好唔好味啦門口大大招牌唔難搵請容許我差唔多遮晒張相，防止食客出樣唯有打晒格仔，平日去幾多人，坐滿晒，最入面係廚房，新鮮包即煮外賣分湯，返到屋企都冇話焗到啲皮爛晒，呢個係雲耳椰菜肉餃，饀料夠味，夠爽身，同埋好大隻不過呢款啲料有啲鬆散同唔夠飽滿另一款白菜肉餃，明顯呢款啲饀爆啲，飽滿啲，兩款㨂我偏愛白菜，雖然少左雲耳既爽口，但食落夠實正，味道唔會過咸要推介食得辣既朋友要加埋呢個辣菜甫，加埋一齊真係好好味下次會堂食試埋個煎餃得唔得先

住喺附近街坊，以前獨市一檔間唔中食下唔錯，但啲「吖姐」啲態度真係一次比一次大獲～問佢拎多對筷子又西面，買百幾蚊外賣拎多個菜莆西住面話我拎咁多，叫我自己行入去拎轉角新嗰間餃子店新鮮好多囉，怪自己習慣性幫襯

.美味餃子店真係咁美味？相信每個🥟愛好者，都應該留意過佢。每次去到都要排長龍，起碼要等20至30分鐘，究竟值唔值得呢？.7隻雲耳椰菜肉餃(湯)($43) • 餃子包到脹卜卜，皮薄餡靚，入邊嘅餡係非常飽滿。食依間嘅另一個賣點，就一定係野葛菜煲生魚湯，好鮮甜，好似完全冇味精。通常個個都飲曬啲湯！仲見唔少人會外賣碗湯。.10隻韭菜肉餃(煎)($47) • 一樣係好飽滿、大大隻，好香韭菜味。餃子煎到金黃色，食落脆而不油膩。當然怕膩可以點醋啦。重點係加菜脯會令味道提升一個層次！.菜脯係免費任加，成枱人都毫不猶豫咁加😏稱得上係食過最好味嗰堆菜脯。佢有啲辣椒、豆豉、蒜蓉等等。帶點辣同香，無論配湯餃定煎餃都好掂👍🏻.餐名：同上價錢：$90評分： 9/10餐廳：美味餃子店 (太子)地址 : 太子大南街74號地舖.

幫襯左美味餃子店幾年，周不時介紹朋友去食，各人評語都一致讚好自從荼毒埋男友後，最近幾個月每星期都會食一次先講候餐時間，每次都要等廿分鐘以上先有得入座，大熱天時排隊實在折磨。當用餐時就會覺得咩都值得。因為真係美味又抵食湯底夠熱又夠清，餃子大大隻但唔會覺得好吃不消，反而口感滿滿連埋菜甫食真係世界級享受。幾乎次次去到白菜餃都已賣晒。但試勻咁多款覺得雲耳椰菜最出色-有咬口又香，白菜相比之下較單調。韭菜配煎真係絕配，因為韭菜夠香夠出味，如果配湯會搶走湯的味道。另外，個人覺得外賣同堂食無得比，外賣湯凍又走晒味，寧願唔食都唔會叫外賣