美味餃子店

營業中

休息中

太子好多餃子舖，呢間始終人氣最旺盛，今日星期六又要大排長龍了，因座位太少冇辦法啦，入到去加埋等食差不多一粒鐘排左咁耐隊當然要食夠10隻食埋雙拼雲耳椰菜拼白菜餃每隻餃都好似包到好大隻，可惜裏面餡料切到好粹食唔到有雲耳椰菜同白菜既口感，有少少失望，不過個野葛菜湯就清甜既，冇味精食完唔口喝估唔到有免費任食菜脯，不過點知食落勁咸，原來加埋豆豉炒，辣味係有既，不過咸加辣令到個味好複雜不過餃子味道個人覺得一般，感覺媒體吹得好大，餃子係夠大隻囉，同埋個湯都可以既，不過如果要排1粒鐘先食到我覺得不值得了

第一篇食評，係喺廁所度打....平貴唔係重點，重點係d野食唔乾淨，食完肚痾八點去到排左20分鐘入座。得翻雲耳椰菜餃同韭菜餃。野食係大份抵食嘅，隻韭菜餃好大隻，不過唔算好好食，冇必要排隊去食。 最慘係食完肚痾，我同男朋友兩個都痾，懷疑係d野食唔乾淨。特別係d辣菜脯可能有問題講下環境，都係搭檯 傾唔到計架啦，個個都係食完即走，不過呢個價錢都接受到嘅最後兩個人埋單$130，餃子黎講算貴。 味道環境衛生程度黎講都呢個講錢唔值。

嘴饞葛我煲下煲下劇突然間好肚餓啊，就進來到係太子附近葛美味餃子店；都好多人排隊葛窩！店內除咗餃子仲有其他嘢吃噶！餃子有三款餡:雲耳椰菜肉餃/韮菜肉餃/白菜肉餃。另外仲可以選擇湯/煎；而且份量可以揀7隻/10隻；叫咗一份煎韭菜餃（7隻），一上台見到滴餃子好足料, 又好大只仲好新鮮添！！點翻滴辣椒醬吃又開胃，咬一淡就見到滴肉汁都流曬出來了，好香韭菜味啊！自己吃完感好吃葛嘢梗係要打包滴翻屋企比阿爸阿媽都試一下啦！十分滿足！

每次有人提起食餃子，我一定會見意太子大南街嗰間美味餃子店！係佢係貴就貴左啲，一碗10隻餃子要48蚊，但真係好食到不得了！每啖餃子再加上佢個秘整辣菜脯加多幾滴醋，完全係將個味道升高幾級！每次兩個人黎都要叫三十隻先滿足，佢個煎餃全部都係即叫即整，所以全部都係熱辣辣，咬落仲好鬼脆口！個人黎講鐘意食湯餃多啲，一黎冇咁熱氣，兩黎佢個湯底係野葛菜煲生魚湯，絕冇味精，次次食完餃都飲哂啲湯先走！不過佢款式就得三款，白菜，雲耳椰菜同韭菜，個人覺得白菜係必食，基本上白菜到夜晚六點都可能賣哂，同平時都多人排隊，加埋自從某電視台報導完就更多人排🤦🏽‍♂️，宜家都係啲非繁忙時間黎食好🤦🏽‍♂️同埋環境坐得唔係咁舒服！

又黎到美味餃子店食漲卜卜餃子，好飽滿吖😍今次要左兩款湯餃，韮菜肉餃(10隻) 同 雲耳椰菜肉餃 (10隻) ，啖啖餡料，皮就較為厚身。韮菜比較香，雲耳椰菜就較爽口清甜😋，最緊要飲返啖靚湯-野葛菜煲生魚豬骨湯，幾鮮味吖！食完10隻會飽到一個點囉

尼間又係一間值得排架,我地果日6點幾7點尼到,之後都大概排左20到30分鐘啦,真係太多人尼食啦,又抵食又大隻又好味,簡直係平民既必食美食呀~~今次本身想試哂3種餃,不過好可惜果日尼到白菜餃已經賣哂sadddd~所以就試左煎既韮菜同湯既雲耳,真係好大粒加超級足料,佢地既湯底係生魚豬骨湯,果真真係唔係味精湯真係好用心機去熬出尼每一隻都超juicyyy仲要大家一定都要沾佢地既辣醬,正正正,食餃子邊可以冇醬呀!!!!

今天終於可以一試依間餃子店，平時途經都好多人排隊等位，剛好今天下雨天，無咩人排隊，當然要入去試一試有幾美味。餐牌簡單清晰，就點個韭菜餃配野葛菜魚湯。即叫即煮，賣相唔錯，皮略厚點，但勝在涵多，超多韭菜！個湯底都幾好無味精，略為清淡。而本人認為最出色的就是每枱都有的自家制辣菜甫，超美味，最特別係利用豆豉精華完美散發在粒粒辣蘿蔔身上，令人味蕾大開係超有驚喜的配菜。總結，軀殼係虛有其表的，美味係背後的靈魂！

由於我同L先生都非常愛食餃子🥟 🤣 每隔一排就會去食一次美味餃子店 🤤 除左因爲呢啲的餃子皮薄餡靚又大大粒之外 仲因爲L先生都幾歡喜佢既野葛菜煲生魚豬骨湯🤪.雲耳椰菜肉餃 - 10隻 HKD44；不專業評級：6.5/10韭菜肉餃 - 10隻 HKD43；不專業評級：7/10自製豆漿 HKD9；不專業評級：6.5/10.椰菜雲耳餃相對口感會豐富啲 有啲爽口既椰菜雲耳咬下🤤 韭菜餃就一向都無得輸 安全又好味💗 不過我地去親美味 都唔會揀煎餃🤭 因爲佢既煎餃太油了‼️ 之前試左一次 就比佢油怕左 一patpat油掛左啲凹位🤨 而且太脆拉🤣 個人不太愛食太脆的食物🙉.⚠️溫馨提示 我同L先生都覺得太子分店好食啲🤫推薦度：🌕🌕🌕🌕🌕🌕🌗（滿分十分）

知道有呢間美味餃子店好耐，名氣好勁，每次經過都見到好長龍，其中買外賣都有唔少人，見到有人即刻買完外賣即刻喺門口度食，今日難得放假就過嚟一試。5:30嚟到，嘩好好彩呀。竟然唔使排隊。即刻叫嘢食，點左椰菜雲耳餃拼白菜餃（湯餃），另外煎韭菜餃 ，凍豆漿。等左10分鐘左右，上湯一般，唔算好鹹，白菜餃好味，每隻餃子都好飽滿，唔算太多肥豬肉，白菜同豬肉分布均勻，椰菜雲耳餃扁身啲，冇甘濃味，個人比較鍾意白菜豬肉餃，韭菜煎餃煎得唔錯見到金黃色，韭菜同豬肉10分足料、食到好飽，店員充滿人情味，拎住手袋同一袋二袋仲會比個位你放嘢。總捨餃子店性價比高，見到後邊個小工場即包餃子，保證新鮮！

聞說這𥚃開了後多餃子店，剛巧中午經過太子，便決定試一間人氣最高的一間餃子店-「美味餃子店」。由於到達餐廳時已是2點多，在餐廳外等了大概5分鐘便可入座。個人喜歡吃煎餃，所以毫不猶豫地選擇了雲耳椰菜煎餃。或許我對這間名氣大的餃子店抱了太大期望，又或許我吃過好食很多，位於荃灣的「餃子屋」吧！這份煎餃令我挻失望的，味道真的有點普通，和街外吃的煎餃味道沒兩樣，與「餃子屋」相比，這碟餃子餡料不多鮮甜，只有死咸，餃子料也不夠多，沒有「餃子屋」般的餃子吃每一口都十分滿足的感覺菜脯方面也沒有「餃子屋」的野味，難道吃過「餃子屋」就會返唔到轉頭？😅讓我再試多幾間餃子店再做定斷。

完sem喇！完sem第一件事當然要同朋友行下街吹下水啦～🥳🥳🥳當日口癢想食餃子🥟，但同行嘅皇帝脷唔肯將就食連鎖餃子店，死都要黎食美味餃子店，既然咁推薦，咁就一於試試佢啦～哇！行到去門口見到都幾多街坊排隊等入喎！果然好有架勢喎！等左一陣終於入到座喇，不過就要搭枱坐，都會有些小逼🥺🥺我地試哂唔同料嘅餃子，隻隻都脹卜卜，食完三隻都有點兒飽喇🤣🤣個人比較推介韮菜餃同埋耐雲耳椰菜餃，比較多餃街坊生意，但價錢就唔算係街坊價😂😂勝在有人情味同份量大～有興趣可以試下

自從東張西望幫手做宣傳之後，多左好多人慕名而來，唔知係咪太多人呢個緣故令食物質素同員工質素都變得參差左(宣傳過後已靜靜地價格了)向太子工作既我，美味餃係我同一班同事們既飯堂之一，記得四年前湯底很濃郁，現今已變得淡味但鹹左，唔知係咪諗住咁樣可以提高返湯底濃度🤷🏻‍♂️真係不得而知，但個辣菜脯真係好正，覺得同湯餃好Match,所以一直光顧！5月8號去到電力維修，9號再去，中午3點人勁多，要排隊，門口仲有人拍野，今次5知邊間雜誌定電視台，等左一陣決定外賣算,外賣有個不好處：就係辣菜脯不能多給（一碗10隻只給2個）係鋪頭食想食幾多都唔會理你。#4年來吃過這間的所有東西了，包括車仔麵，當然最好吃還是湯餃同辣菜脯

6:50黎到門口，哇，咁快排長龍，16分鐘才入到餐廳。同朋友點咗雲耳椰菜肉餃湯餃和韭菜肉餃煎餃，再叫左碗野葛菜🐷骨湯。湯餃好快黎到，餃子大大隻，點埋辣醬咬一口，味道唔錯，皮薄有肉汁。之後再試湯，還可以。10分鐘後，煎餃到，看似披上黃金衣咁，擺入口，味道比湯餃更香，個人偏好餡料唔乾。

睇完東張西望後，黎左太子嘅美味餃子店試下，哇，條隊好長，排左一個中左右。叫左個雪耳椰菜肉餃再加個煎韭菜肉餃🥟/個人覺得普普通通，未至於要排成個中隊，先講雪耳椰菜肉餃，餃子皮比較軟熟，雪耳椰菜份量比較多，配上豬肉有鮮甜嘅味道。配上湯底，味道唔錯。/煎韭菜餃煎到個皮脆卜卜，金黃色，但太油膩，個皮比較厚身，變左好硬好乾咁，食落覺得唔好食。/感覺其實唔係預期果種水平，比較一般，亦冇驚喜，湯餃感覺還可以，但煎餃完全唔得。但係餃子🥟大大舊，好飽，價錢都合理。

最近總見到人龍排門外嘅餃子店，終於喺早早放工機會下唔使排隊就直入有得食！與朋友商量後就決定叫佢餐牌上「所謂」招牌野葛菜煲生魚豬骨湯+煎韭菜餃+白菜湯餃。我地每人飲左一小碗湯，都不禁有同感...「好大陣美極味」非常非常失望！簡直係衰過普通一間茶記嘅例湯尤如美極+水咁嘅味真心奉勸各位勿隨意相信什麼招牌菜講番餃子，韭菜煎餃大大隻又香又脆白菜湯餃配上旁邊嘅辣菜甫+醬油+醋 好好味總算將難飲過例湯嘅美極水感覺蓋過！另一朋友到埗加入再點多一份雲耳椰菜肉餃，即刻被比下去！難怪枱枱大部分人都點白菜餃呢！餃子偏大，份量有7隻10隻選擇，如果你係細食嘅就唔好為左5蚊多3隻去點個10隻份量啦整體餃子好味嘅，係皮偏厚但我本人就接受到嘅～至於服務就...你予左係街坊阿姐呼喝feel咁囉🤣如果門口只有幾個人嘅都值得排隊試下嘅～